港灣茶餐廳

營業中

休息中

睇展覽時，10次都會有9次去呢一間，雖然價錢略為貴，但喺會展入邊沒有太多選擇之下，又不想用10分鐘行出去食，所以就食呢間。盡量避免揀食飯時間，如果唔係就有排等。今次叫了叉燒煎蛋飯 (佢哋最出名)和咖喱吉列豬扒飯。叉燒煎蛋飯(豉油汁) : 叉燒軟熟，唔韌，又不會太燶，份量又多，師傅刀法又好，塊塊厚薄一樣，又不會孤寒到切薄片俾你。如果你細食，記得叫少飯，因為真的食唔晒。👍🏻👍🏻咖喱吉列豬扒飯 : 豬扒好大塊，又薄，又爽脆，我最怕咬落豬扒度，有油滲出嚟，這個沒有👍🏻👍🏻，咖喱汁少少辣(我是不食得太辣)，不過汁少，下次要叫多汁少飯。👍🏻

行完會展又攰又餓，所以就喺附近咋咋淋搵間餐廳入去食係得灣仔食茶餐廳，仲要喺會展都預咗貴㗎啦，但估唔到比呢啲質素我叫咗個福建炒飯，諗住呢一啲實冇死大家可以睇吓張圖，啲飯白雪雪㗎，我真係未食過冇炒底嘅福建炒飯嚴格黎講佢唔係炒飯，純粹放咗芡汁嘅飯見到咁真係唔想食大啦啦都$70 ，仲要唔包嘢飲下次我寧願行返天橋去出面啲餐廳食好過

同同事去會展睇完exhibition咁緊係醫肚啦 🥰做嘢都要食飯㗎之後又要返返去exhibition...食咩好呢🤔會展附近的餐廳咁貴搵到呢間港灣茶餐廳入去又有海景but都幾多人喎🤣所以我哋坐咗卡位😍卡位好闊落唔錯睇下有咩食先😋幾得意喎免收加一服務費㗎喎♥️♥️咁咪抵食啦😁同事叫咗個窩蛋免治牛肉飯連嘢飲，睇下佢個窩蛋免治牛肉飯幾靚上面有隻蛋好好食咁喎😍食落又真係幾惹味喎💯好多碎牛肉喺度唔錯呀😋隻蛋仲流心，蕃茄汁又勁多我就叫咗個星洲炒米，星洲炒米d米粉好爽口喎祌好大碟添👍真係成碟食曬😅😅米粉係最好味佢比出面嗰啲茶餐廳米粉好味好多，因茶餐廳用白色米粉，但呢到用星加坡米粉所以食落去係好爽口好彈牙架👍👍裏面有好多叉燒粒、火鴨絲、火腿同埋腸仔都幾多料😁70蚊呢個價錢算係低食啦咁啦 👍咁如果第時你哋去到灣仔會展附近有啲咩餐廳選擇我諗都係呢間呀😋😋

灣仔會展吃便宜的東西的食店不多，我無意間找到了這一家，剛好是下午茶時段，價錢可以接受。我叫了侯柱牛腩湯河配炸魚皮，再叫了一杯茶走。茶走指的是奶茶加煉奶。牛腩湯河一上來，先飲一口湯，有濃鬱的牛肉香味，雖說是牛腩，但也有牛筋，牛筋被炆得很軟，一口咬下去便化在口裏。另外配上炸魚皮，魚皮香脆，這個配搭也是我第一回試的，味道不錯。最後享受一杯香醇的奶茶，奶茶好滑，加上淡淡的煉奶香味，為這頓下午茶畫上了完美的句號。

間唔中要去會展當值, 每次食飯時候就好頭痛, 周圍無咩好揀仲要好貴, 行出去地鐵站附近又好遠。今次因為時間唔夠, 逼於無奈就係會展搵間食。見到間茶餐廳點都會平過食餐廳, 當時已經4點, 有下午茶揀, 點都平D。首先下午茶係要3點至有, 而價錢跟午餐一樣只係多杯野飲,  差唔多都75蚊, 抵唔抵就見人見智 。我叫咗個叉燒煎蛋飯, 個汁都唔錯而叉燒都好淋唔乾, 可能晏食飯好肚餓, 成碗爬哂, 但比較大食既都可能唔夠飽。

去書展所以就近近地係會展入面搵咗間茶記試試佢，第一眼俾個價錢嚇親，普通一個咖哩飯或者炒飯都要七十幾蚊😵‍💫仲要無野飲配，單點野飲要成廿幾蚊，十分唔抵🥲好彩佢份量都算多，個心都分氣啲！1. 叉燒蝦仁炒飯蝦仁同叉燒都俾到好足，蝦仁仲要大大粒。炒飯炒到粒粒分明，係幾抵讚👍🏻可惜雖然夠晒味，但食多幾啖會覺得略嫌偏鹹，所以我食到一半就停咗口，無食晒💔整體味道普通，茶記嚟講價錢真係偏貴，性價比低😟

在會展做嘢，食午餐没咩可選擇！來到呢間點知態度惡劣，嘢食又差！大家最好唔好幫襯！！！🤬🤬🤬真係有得選都唔好來！收得咁貴，仲要態度奇差！年輕人還可以！啲老嘢個個黑口黑面！！食餐飯者，使錢仲要成肚氣

睇展覽前要醫肚，但附近又冇咩好食，而且因為地點系灣仔會展所以一般定價都比較，依間茶餐廳算當中比較平。 橫掂都係要食，就不如試下特別啲嘅嘢。叫左個火鴨炒米線，椰香奶黃西多，凍奶茶同油菜。米線口感尚可，鴨肉足料，少少辣，味道唔錯，系茶記少見食物。最驚喜系個西多，裡面係流心奶黃，新鮮即造熱辣辣。仲要切成細細塊先去炸，一啖一個食好方便。環境乾淨闊落，服務態度OK，但執碟執得好快，唔知係咪趕住比下一枱。另外一般茶記嘅燒味， 潮州粉麵，炒飯都有賣。

春季蘇富比拍賣在會展舉行，我這個貪小便宜老婦，有著數一定要享，集全球頂尖藝術品，梗要每次去看看，今次告半日假，免得周圍找食，就在會展門口茶餐廳，可能限聚令，要在外面排隊，約等20~30分,到我時，接待員問我是否願意坐bar枱，無所為，轉個彎，上樓梯就見，最重要快的有得坐，即隔離cafe門口，早知去cafe食。枱面午市套餐，決定燒汁雞扒飯，無。 星洲炒腸粉$ 79，轉頭10分鐘，又話賣曬，叫主餐牌，照送飲品 ，又要揀過，最快捷簡單~叉燒煎蛋飯，吓、 點解蛋白咁少，拎咗去做蛋白三文治 ，义燒又唔太甜又唔太咸，中間有啫哩粒先正，bbq香，飯好好食，粒粒分明，有米香，煙靱 食完杯熱檸茶都未來，追，等，催，到咗，女經理才問我飲乜！疫情現在展覧都好少，人流又少，都如此這般，如回復正常，仲有排等！

在灣仔吃飯時間真係好多人，因為要搭船，就逆流走到會展中心，來到去這裡。叫了焗蕃茄豬扒飯和是日午餐A（焗咖哩雞皇飯）。個飯好好味，我都係見到隔離檯叫午餐A，看到賣相很不錯，才改變主意的。焗飯是炒飯底，夠乾身，撈汁吃口感剛剛好。咖哩不算很辣，普通人都可以接受。加六蚊轉菠蘿檸檬氣泡茶，幾好味，不過菠蘿味不突出，你當它是有氣的立頓檸檬茶喝，也算值得。

行完電腦展， 發現停車場剛過了時間， 所以到港灣茶餐廳食完午飯才起行， 一向都知道這間茶餐廳價錢不平， 食物質素普通， 但有陣時真係幾方便， 當自己已經非常肚餓的時候， 會展又沒有什麼好吃的餐廳， 港灣都是唯一的選擇吧！ 坐低不久我們先看看餐牌上的食物， 之後我們決定點蘑菇汁焗魚柳飯$79 x 2， 崧子欖菜肉碎炒飯$79， 魚片魚蛋撈麵$60。蘑菇汁焗魚柳飯～ 魚柳幾大塊，蘑菇汁的味道偏鹹， 但又吃不到蘑菇汁的味道。崧子欖菜肉碎炒飯～ 味道普通， 這一款偏淡。魚片魚蛋撈麵～ 望落賣相唔錯， 不過魚蛋和魚片都是比較普通的品質。整體來說這間餐廳食物質素非常普通，但價錢就比較貴，服務也不算好，我們叫侍應送上幾杯水要叫好多次才有， 如果下次到會展， 選擇出去外面吃會比較好。

前日(24-8-2019 Sat)晏晝,同老公,男友人JT行完電腦節,由於部notebook要整啲嘢,行咗兩個鐘,JT由起身到行完都冇食過嘢,於是搵間餐廳坐低,邊食邊整,原本佢想幫我慳錢,話去麥當勞,但我唔肯, 因為一定人多同太迫喇,最後都說服到佢嚟呢間.我哋3人入到去,好彩有最後一張6人卡位坐,咁整嘢都鬆動啲.JT要$79.00嘅午餐A,唔記得係咪肉醬焗腸仔飯,飲熱咖啡.老公要$65.00嘅叉燒煎蛋飯.我就因為唔肚餓咩都唔要喇,但店員話每位位最低消費$22.00.咁我要熱杏霜啦.叉燒煎蛋飯到嚟,我冇理亦有冇食到,只顧飲我杯熱杏霜,個杯係好大個.唔係好似o衣o家嗰啲咁細,味道中規中矩啦.我亦冇問JT覺得佢嗰份點,佢亦都冇俾任何評價.而老公喺之後至同我講,叉燒煎蛋飯唔得,煎蛋嘅蛋汁好少,全瘦叉燒又乾又硬,好差,真係食到佢黯然消魂.味道: 1.5分環境:如文中講,3個人坐6人卡位,梗係舒服,不過冷氣唔係好夠.3.5分價錢:好彩都冇加一.1.5分

Went here after book fair because we are starving.. didn’t expected such nice and authentic Hong Kong style food, with this reasonable price. The French toast was really delicious- must order!the 老乾媽fried noodle actually taste like soya source fried noodle, but still taste good. Worth to come after exhibition.

今日準備去書展，近近地去試下港灣茶餐，身為香港人真係一次都冇去過，因為總覺得呢啲餐廳係自由行遊客先會去，但天氣太熱又唔想走黎走去，唯有做一次遊客啦！一早知呢度價錢唔會平，餐牌上一個簡單的魚蛋粉都要成50-60蚊，哇！最後揀咗三寶燒味套餐，同埋一碗牛筋腩河。三寶燒味飯揀咗燒鴨、义燒同燒腩仔，燒味黎講都算唔差，犬燒係半肥瘦，燒腩仔都叫做皮脆肉厚，而燒鴨都係啖啖肉。跟餐有餐飲，叫咗凍檸茶，呢度餐廳係走飲管，值得讚賞，不過見其他枱啲凍飲都要咗飲管。牛筋腩河比想像中大碗，牛腩都軟淋，湯底好濃味。不過我都係覺得唔係好值⋯

每次去會展，無論做嘢定係行展，都一定要幫襯呢間港灣茶餐廳揀啦！唔通仲有得揀咩？尋日已經幫襯左佢兩車，一早就食咗個早餐。一杯凍咖啡，冇味嘅？晏晝再去食嗰個午餐，午餐都算多選擇， $88包一杯野飲，會展喎！嫌貴？返出灣仔啦！今次我揀咗一個「xo醬和風煎雞扒蟹柳烏冬」，原來係湯烏冬嚟嘅，唔緊要啦都OK嘅雞扒都煎得好香，快皮煎得剛剛好，中間啲油的晒出嚟。唔會好肥喎！雞扒果汁就唔錯啦，不過湯烏冬有清湯底，青到冇乜味！不過慳錢最重要嘅都係有個地方食下坐下姐。都冇咩要求㗎啦！雖然話杯凍咖啡冇味，但係我呢啲冇咖啡飲唔得嘅人，都冇辦法啦！再飲多杯冇味嘅咖啡啦！