清原

營業中

休息中

必試台灣過江龍✨大份又抵食，最出名就係芋頭產品！店舖環境乾淨，而且光線充足，座位間亦有足夠距離！店員服務態度非常好，全程笑容滿面，好主動同顧客打招呼！💛雙芋冰嫩仙草凍 $49芋泥球甜而不膩，口感細滑，食落芋頭味濃郁，仲有淡淡奶油香，非常好食！芋圓煙靭有咬口，食得出真材實料，仲有少少芋頭粒💙紅豆好綿密，煮到起沙，口感豐富！仙草好滑溜，超級Q彈😝食到仙草本身嘅味道，感覺好天然，Good🫶🏻熟成奶茶 $28 （無糖）奶茶入口茶味香濃，帶有微微苦澀，茶同奶比例啱啱好，飲落順滑、醇厚、有層次😋建議大家選擇微冰，可以令奶茶保持濃度😆

lunch time見有啲時間就同朋友嚟食芋圓甜品同飲品嘅選擇都幾多芋見幸福熱戀中 $62(芋圓 | 紅豆 | 芋頭球 | 珍珠 | 西米露)oh wow 係暖粒粒嘅感覺🥰有一整個芋泥波波 味道幾香濃芋圓都幾煙韌 再加埋其他配料 好飽肚😂招牌3號 $49（紅豆 | 芋圓 | 芋頭線 | 珍珠)仙草冰底 好喜歡依個紅豆蓉綿得嚟又香又香🙂‍↕️楊枝甘露 $48(芒果沙冰 | 芒果丁 | 紅葡萄柚果肉 | 椰漿)將楊枝甘露變成咗沙冰底🍧飲落更加清新同爽 而且配料都好足 啖啖都有滿滿嘅果肉芋頭鮮奶 $40芋頭溶咗落啲鮮奶之後 飲落更加香😆環境都幾大幾闊落

一試難忘，得了單思病，太好味，無時無刻都掛住佢，另外佢嘅芋頭鮮奶波波也不錯，我朋友就試咗黑金燒仙草也很特别，今次特別試紅豆極緻滿福湯圓再加芋圓，因為湯丸也是我的至愛呢！

近排都試咗兩間芋圓，但水準都麻麻，近排經過銅鑼灣見到新開呢間台灣芋圓店，諗住試吓，點知有驚喜，係幸福嘅味道🥹，性價比極高，超足料，佢哋喺台灣有多間分店，香港人真係要去試吓✨：-1️⃣「人氣芋頭冰 -芋見幸福（芋圓、紅豆、芋頭球、珍珠、西米露($62)🍧 」煙韌控必食!! 芋圓圓轆轆咬落q彈有嚼口，略帶芋頭同番薯香味🤣！重點係佢哋個芋頭球！超香超粉🫶🏻，仲有珍珠同西米真係好幸福（睇圖）Taro Joy

價錢平、環境大坐得舒服、乾淨、職員態度好👍🏻由台灣過江龍，年頭喺香港插旗！✨重點推介超好服務態度，店長勁有禮貌，一入門口已經大聲高呼「歡迎光臨」，點餐前會一句「好高興為你服務」，點餐後又一句「多謝你惠顧清原」，如果出去再點餐「好高興再次為你服務」，朋友表示佢I型人感到非常驚恐😂😂我會因為佢嘅熱誠服務態度再次幫襯！店長嘅私心推介：甜品有芋見幸福芋頭冰、招牌仙草冰（必食）、雙芋冰嫩仙草凍；飲品就仙草凍奶茶加薏仁+芋泥、紫芋波波沙👓招牌仙草冰 $49（芋頭球、芋圓、紅豆、珍珠、冰底）👓雙芋冰嫩仙草凍 $49(芋頭球、芋圓、紅豆)👆🏻芋圓煙靭、芋泥都好重芋頭味夠綿密、紅豆香甜，滿滿的仙草QQ的，仙草冰透心涼啱晒夏天食，成碗份量都好多，呢個價錢好OK尤其銅鑼灣依個地帶。👓仙草凍奶茶 $36加薏仁+芋泥✨店長私心推介，再額外加埋配料真係好好飲！奶茶底飲到滑嘟嘟嘅仙草+芋泥嘅綿密+燕麥香氣嘅薏仁，口感勁豐富而且好夾，店長果然推介冇錯！👓芋見莓好 $48 季節限定價錢好似唔太平，不過其實根本係碗飲得嘅糖水，料子豐富到呢！有小芋圓、西米、草莓醬，草莓醬係加分位提升左酸甜度。

呢間清原係台灣開到過嚟嘅過江龍，芋圓煙韌得嚟充滿芋香，芋泥香濃，珍珠唔會太過甜，另外每款冰都會有唔同嘅豆類做配料，今次我叫咗薏米，唔會煮得太爛，仲保持到薏米應有嘅口感。好食!!

服務態度10分之好，極有禮貌，店內環境十分之寧靜適合一個人chill，招牌3號的芋泥 和在台灣吃的味道一樣，芋圓也很Q不是那種一入口，整個口都粉，推薦大家來試試這個芋泥

員工態度專業！味道很不錯。嚟個係台灣嚟香港嘅舖頭。今次試左小芋圓熟成奶茶很好喝, 好鍾意佢地嘅小芋圓，仲有好多台式甜品可以試，見都有好多唔同嘅宣傳野飲都好吸引，下次要再嚟試下。

經過銅鑼灣見到間新開嘅甜品舖，於是入咗去試一試試咗招牌3號同埋巨峰葡萄玉露，芋頭味幾足，果肉都多。員工服務態度好好，非常有禮貌然後地方都幾企理乾淨，衛生唔錯😂😂

環境乾淨，舒適，係一個歇腳好地方，地點方便。試左芋見幸福，招牌3號都好味，甜度適中，而且服務態度超好，有而家香港服務行業少見嘅笑容，讚。下次一定會再黎試其他食物。

飯後甜品的新地方分別試咗招牌2號同3號🥰分別只係紅豆同埋薏仁2款都會有仙草凍，珍珠，芋圓同埋芋頭球。員工好有禮貌，同埋熱情推介👍🏻👍🏻可以一試，唔使排隊的甜品舖。

同男朋友經過見到成間野淺紫白色咁好靚就諗住入去試下🥰工作人員服務態度好之外，食物都準備得好快，好好味💜🤍價錢都唔貴，而且份量都算多🥰好推介🤍下次再黎食！！

炎炎夏日，食一碗仙草茶清涼又消暑，仙草凍搭配糖水甜而不膩又好吃。仙草除了運用在甜品製作之外，其實富含許多營養價值，中醫方面也常用來當藥材使用，在本草綱目記載中，仙草具有消暑、清熱解毒、緩解感冒、高血壓、肌肉及關節疼痛之效。本篇一起了解仙草的功效以及教你煮出生津解渴又好喝的仙草茶。

食完晚飯之後想食甜品🍧，行出街口有兩三間甜品舖，但係都大排長龍。見到呢間芋圓環境唔錯，感覺好似cafe，位置寬闊，所以就諗住入去試吓。入到去店員幾熱情，同我哋介紹有咩食。最後嗌左招牌仙草冰2號同3號，兩碗嘢都係仙草冰分別唔大，如果想試其他口味嘅話，店員推介試蔗糖挫冰同暖湯系列。招牌2號既配料主要係薏仁、芋圓、芋頭球同珍珠。每碗仙草冰都會附送一個奶油球，加完令到成碗芋圓賣相更加靚同埋入味。配料到算多，堆到個碗好滿。最欣賞係個芋頭球綿密，而且夠甜撈埋啲薏仁，最好食😋。不過，個人認為芋圓可以再甜啲，單獨食芋圓嘅時候好似冇乜味，但整體嘅甜度都足夠既。招牌3號配料主要係紅豆、芋圓、芋頭球同珍珠。同招牌2號唯一唔同嘅地方就係多咗紅豆🙈，兩碗嘢嘅味道都差唔多，其實應該試吓其他口味。不過紅豆整體嚟講比薏仁甜，都幾好食。整體嚟講，份量都足夠，尤其是芋圓唔係剩係得幾粒，不過可以再甜啲。下次食完飯想搵地方chill下都應該會再嚟，環境真係幾好。

落雨天，心思思想食糖水，可惜怕大雨唯有外賣返屋企。Openrice見銅鑼灣有唔少新糖水舖，諗住就近揾一間試吓，見呢個店既相好吸引，我好鍾意食芋泥同芋圓，兩樣都有齊二話不說就買左。真心呢碗糖水要$62一碗真係唔平，但諗住有咁多材料就試吓。點知返屋企一打開碗糖水，即刻覺得中伏，糖水超級甜，得幾粒芋圓，少許紅豆同珍珠，仲有幾粒芋頭。我究竟買左一碗咩返黎，$62蚊一碗完全唔值，無可能再試。