餐廳：清原地點：銅鑼灣白沙道菜式：芋頭甜品餐牌：人氣芋頭冰、蔗糖剉冰、招牌仙草冰、雪花冰、特色甜品、熱湯系列、串串系列，古早豆花系列，芋頭飲品、芋頭冰沙、鮮奶飲品、奶香飲品、特色飲品、茶、冬季熱飲等等。好多食品飲品都改左個特別既名。芋見幸福熱戀中 $62呢款芋見幸福熱戀中係熱湯系列，材料有紅豆，多色芋圓，芋頭球，煙韌珍珠同西米露。個甜湯滑溜少甜，材料豐富，味道口感都唔錯，熱食我覺得更好味。芋見幸福 $62芋見幸福係人氣芋頭冰之一，基本上就係芋見幸福熱戀中凍上，可以見到材料超級豐富，多到滿瀉咁滯。大量滑溜芋頭冰配有紅豆，芋頭球，多色芋圓，珍珠同西米，款款材料同芋頭冰都好夾，味道唔會太甜，解暑解渴一流。如假包換，食嗮見到碗底。芋見泥珍好 $62芋見泥珍好好大杯。飲落味道微甜，食落有超多煙韌珍珠同小芋圓，帶有紅豆同西米露，好有口感，層次豐富。今餐所有甜品飲品都好味道，好有特色，而且唔會太甜。餐廳裝修唔錯，乾淨企理。店外係一片淺紫色，好易認。…查看更多
由於事前完全冇心理準備，我一入到去覺得好意外，佢似姜濤後援會多過係食嘢嘅餐廳，成間舖頭每一個角落都係姜濤嘅應援物，就算啲嘢食好唔好味都好，我諗如果係佢嘅粉絲嚟到都一定會好開心! 好彩雖然我冇特別鍾意姜濤，但佢食物質素都令我滿意，足料大大份，一口接一口嘅芋泥真係太正了
同埋由於芋頭都係澱粉質，所以記得唔好食太飽過黎，如果唔係就試唔到太多款嘅食物，好彩我哋有三個人所以可以叫多啲唔同嘢試吓(但其實我哋三個都冇一個係鍾意姜濤，純粹誤打誤撞嚟咗，成件事實在太搞笑
) 總括嚟講餐廳位置好方便，所以無論鍾意姜濤又或者鍾意芋頭嘅人都值得嚟食吓
