清原

營業中

休息中

喂呀！銅鑼灣清原呢碗「芋見幸福」真係冇改錯名，食完真係會覺得好幸福㗎！如果你係芋頭控同糖水控，呢碗絕對係你嘅本命！💜.🥣一大碗，嘩！啲料多到瀉出嚟咁滯！首先見到大大粒嘅芋頭球煲到勁粉勁綿，入口即化，芋頭香超濃郁！芋圓煙煙韌韌，咬落去QQ彈彈，有淡淡嘅芋頭香氣，好有咬口。再撈埋煮到起晒沙、甜甜哋嘅紅豆，滑捋捋嘅西米，同埋煙韌嘅珍珠～嘩！真係集齊晒糖水界嘅人氣配料！🥳.🧋芋見泥珍好佢嘅芋泥真係無得彈！打得勁幼滑，芋頭味香濃到不得了，質感好實在，味道好突出！但係！重點嚟喇：杯底嘅料多到嚇親人！小芋圓細細粒但超Q彈、珍珠、紅豆、西米露真係多到好似唔使錢咁狂落！❤️我啜第一啖嘅時候，啲料已經「咻」一聲塞！住！晒！條！飲！筒！😱 口感超豐富🤣 成杯飲完真係飽過食碗飯，視覺效果同滿足感都係爆燈級數！.🧋小芋圓熟成奶茶呢個係一杯手搖，茶底揀咗烏龍茶，要大讚佢個烏龍茶底，茶香真係好出眾！一入口，陣烘焙過嘅甘香茶味好突出，帶微微嘅炭焙香氣