海陸空

營業中

休息中

今天朋友介紹到尖沙咀海陸空享用韓國菜。入到去好多韓國式佈置，店員都好友善好快安排入座。今天點了柚子炸雞配白蘿蔔，原支蔘雞湯，宮廷炒粉絲，韓式煎蠔餅，韓豚泡菜湯，醬油蟹。前菜都幾好食，泡菜入味，白蘿蔔清新。柚子炸雞：唔會太油，又有柚子香味。原支蔘雞湯：雞肉質好，味道夠味，蔘湯配合得宜。宮廷炒粉絲：粉絲炒得乾身，夠香口好味道。韓式煎蠔餅：蠔味十足，夠香口。韓豚泡菜湯：泡菜味香，配飯食一流。豚肉都好香豚肉味。醬油蟹：醬油唔太濃味但好香醬油。蟹新鮮好味道，鮮味十足。

平時成日經過呢間韓國餐廳，見出面好似雜物舖，完全冇諗過入面係一間好大型嘅餐廳，提供好多唔同嘅座位比客人用餐。我哋試咗唔同嘅韓式特產，韓式又點？少得飲韓國人整嘅湯呢？呢款燉牛排骨湯，清清地，牛骨味又重，最重要係湯渣勁多，成份燉牛排骨放喺入面咁煲，先飲得出個湯味咁鮮甜。另外，韓式芝士煎蛋卷亦係我另一款必點，蛋捲入面有一層一層嘅芝士，成個口感層次好豐富。最值得讚嘅一定係呢個醬油蟹，醬料呢個甜豉油非常出色，蟹本身亦唔會好腥，餐廳用料水準一流。飲品方面，亦都好值得讚，我哋點咗黑豆乳同柚子味燒酒，黑豆乳有驚艷到我，一啲都唔甜，好適合老人家陪細路過嚟食嘅時候點。

今日同朋友去左韓印紅旗下嘅海陸空JJANG餐廳，餐廳內部感覺都幾似韓國，反而無諗到入面大部份員工都係韓國人，搞到我地都好期待啲野食會唔會係正宗韓國菜。食物方面，經理好熱情咁提醒我地，叫野食最好就叫一 兩樣先，唔夠食先再食，因為佢地既份量相對大份，所以我地叫左兩款菜式先再作決定。環觀餐廳環境既時候，發現到老闆娘好有熱誠，親自幫客人燒肉，而且仲會親自送上枱幫大家介紹野食，相當親切。半半藥膳菜包肉/藥膳豬腳，配辣拌蕎麥冷麵相當大碟！！配菜相對地多，而且中間既泡菜蘿蔔味道同韓國正宗泡菜近乎一模一樣。豬腳既藥膳味唔算太重，亦都保留到豬肉既原味，唔需要擔心藥膳味太重 ，白切肉係個種半肥瘦 比例很好，肉質帶點爽。用菜包住，再加上泡菜蘿蔔，簡直係絕配！當大家食到咁上下既時候，食返啖辣拌蕎麥冷麵，基本上可以重新作戰過，完全係解哂個種肥膩感或者飽肚感。海鮮蔥煎餅極大份既海鮮煎餅，蔥既數量相當多，而且咬落去既時候唔止有蔥香既味道，配合埋海觧既爽口彈牙既感覺，令到整體口感得到昇華。餅底唔算話好油，師傅煎到好香脆，蘸埋醬汁黎食，更是香口惹味。而且好鍾意佢哋呢度嘅小菜，特別係泡菜！而且可以無限refill!

- 尖沙咀｜海陸空 -▪️小菜有6小碟，除咗有泡菜同醃蘿蔔，仲有魚仔、西蘭花🥦等，每款都各有特色▪️半半 - 藥膳菜包肉 + 藥膳豬腳🐷 配辣拌蕎麥冷麵🍜超級大盤，包咗半份藥膳菜包肉同半份藥膳豬腳，再配一碗辣拌蕎麥冷麵。菜包肉肥瘦適中，完全冇肥膩嘅感覺，用娃娃菜包住，再加埋泡菜同沾啲辣醬，口感層次豐富。豬腳食落Q彈，滿滿嘅膠原感。配菜有啲醃辣蘿蔔，好爽口，仲可以解膩。而辣拌蕎麥冷麵好清爽，唔會太辣▪️半半炸雞 - 甜辣 + 柚子🍗炸雞又係好大盤，揀咗甜辣味同柚子味。炸雞薄薄一層炸粉，外皮炸得好香脆，入面保持嫩滑juicy，表面就沾滿晒醬汁，甜辣味夠晒惹味，而柚子味就比較清新▪️柚子梳打🥤▪️藍莓梳打🫐🥤柚子幾fresh，藍莓幾香濃，仲有唔少果肉喺入面海陸空📍尖沙咀金馬倫道33號The Cameron地舖

問韓國同事香港有咩韓國餐廳食過覺得好食既因為我好中意韓食 想搵正宗既韓國餐廳但香港大多都好伏 完全比唔上真正係韓國食正宗又好食既可能好貴 但貴既又唔敢試驚又貴又唔好食揼心口佢其中一間推薦我既就係依間 不過佢有講明係偏貴但都想試下！重頭戲一嚟就梗係點我朝思暮想既生牛肉！《高級韓國生拌牛肉》$258好・新・鮮！係香港食過好幾次韓國生牛肉 啲肉色又暗啞又溶唔哂冰 又冇鮮味 通常都係撈埋唔同既醃醬料掩蓋生牛唔生鮮睇見都唔敢食太多 重點係生牛肉價錢唔平但依到既生牛肉完全唔會令人失望！肉色紅潤冇騷味 自信地同其他配料分開放佢Menu有一個平啲既生牛肉簡但因為我見得依個有配梨 生牛肉一定要配梨先正所以就簡左個貴既 雖然好貴 但份量好大碟又生鮮好味 完全冇令人失望店員有提我要盡早食完 (因為我食食下又食其他野)佢以為我唔識食又好心幫我撈埋碟上配料但其實我中意分開食 同唔中意撈生蒜食不過因為生蒜有殺菌功效 所以都唔緊要《石板韓式海鮮炸醬麵》$198話說自從我係韓國食過一次正宗炸醬麵好食到清哂碗上既醬汁一滴不剩就成日想係香港搵好食既炸醬麵但都搵唔到而我男友就一直都唔中意食炸醬麵因為佢從來都未食過好食既炸醬

🔸️高級韓國生拌牛肉150g ($258)一見生牛肉就不得不點，在韓國吃過一次翻尋味，在香港則不常見亦怕質素。牛肉鮮甜嫩滑，當在口腔中慢慢嘴嚼時，與蛋黃及配醬混合的味道擴散開來，有香料的滋味，以及蒜味，甜辣甜辣的。夾著清爽雪梨吃，平衡拌牛肉的濃味，又是另一番滋味。🔸️醬油蟹 ($268)醬油蟹又是另一道需要衞生考量的，但聽朋友的推薦，對這兒有信心！醬油蟹肥美多膏，在蟹蓋拌海苔和白飯，真是名副其實的白飯小偷。與韓國吃到的不同的是蟹蓋內有三文魚，醬油亦比在韓國吃過的更濃味。🔸️燉牛排骨湯配飯 ($158)有專人剝肉，牛肉嫩，骨肉十分容易分離。意外人蔘粗大，比平常包裝蔘雞湯大數倍。湯充份表現出材料的精華，行氣暖胃，適合冬天，亦適合長輩補身，配上泡菜更再昇華到另一層次。另外付上了小杯人蔘酒，單獨飲十分濃烈，但放入湯中意外融合，增進活血功用。環境：原來在韓式食品超市內，容易走過錯過。餐廳內很多韓國人，絕對有質素保證。服務：能感受到員工的熱情，如果點燒肉都會幫忙烤，客人坐著等就可以了。同場見到有人慶祝生日，員工盡心打點，使命必達。✴總結：一秒帶回韓國的回憶，優質服務。

今日與好友到尖沙咀金馬倫道海陸空飯聚。服務真係非常好，抵讚。仲請飲韓國益力多每人選一兩樣菜，最後選了柚子炸雞配白蘿蔔，宮廷炒粉絲，醬油蟹，韓式煎蠔餅，韓豚泡菜湯，鮑魚原支蔘雞湯。前菜相當出色，特別是豆腐皮，魚干仔配菜，泡菜同樣好味道。柚子炸雞-即炸炸雞食得出係唔同一點，外脆內熱再加上芝士。柚子醬汁酸酸甜甜非常醒胃。鮑魚原支蔘雞湯-大大隻鮑魚，食得出新鮮，有口感。糯米釀進雞中間，燉起來肉質保持嫩滑。而且原支人蔘回甘味十足。宮廷炒粉絲-炒埋一碟，唔會太燶，味道都相當出色韓式煎蠔餅-新鮮蠔每隻都大大隻，肉質鮮味。煎至金黃色香口入面則保持蠔汁 。韓豚泡菜湯-泡茶保持韓國傳統沒準，泡菜香口。加上豚肉都滿滿豚香。藥膳醬油蟹-金黃蟹膏加上麻油配起海苔，太陽蛋和白飯。每一口新鮮蟹鮮香味和醬油香味混合起來。中途會為每個生日食客慶祝，店員拿起生日牌，電視出現生日食客名字。由店員唱歌跳舞，非常好氣氛。

之前成日去韓印紅買食材，一直好想試吓去嘅餐廳，今日同朋友叫咗兩款菜👇🏼韓式煎蠔餅（6件）$98呢個好有驚喜，第一次食由原隻蠔加粉漿煎蠔餅，一口一隻，味道唔會好濃，口感唔錯，好食😋獎忠洞韓式滷豬腳（半份）$218豬腳好腍，夠晒入味，用菜加埋伴菜醬料包住食，好有口感，味道剛好👍🏻砥平生米酒$98米酒酒精度數唔高，重米味，邊食邊飲，唔覺唔就成支飲晒😸6款伴菜全部都好好味🤤最特別係粉紅色醬汁個款，原來係由新鮮士多啤梨榨汁整成醬汁，加在爽口的蓮霧沙律上，好夾😊餐廳好闊落舒服，服務員態度友善，會主動講解和介紹食物。下次會想試湯飯和煎餅，見到有客人叫，份量多又足料。

海陸空係韓國食材專賣店韓印紅旗下嘅餐廳，所以好多食材都可以喺韓印紅入邊搵到，食完飯更加可以喺餐廳前面嘅舖頭買返啱啱食過嘅材料返屋企自己試吓整添😋今次第一次喺海陸空食飯，估唔到入邊嘅座位好多而且好寬敞，坐得好舒服，店員好殷勤，除咗香港人，仲見到為數不少嘅韓國人都會選擇喺度食，可想言之呢度嘅韓國菜一定夠晒正宗！職員會推介招牌菜式，點完菜之後，就會放上六小碟嘅前菜，每一款都好出色，已經見到餐廳對對客人嘅誠意。特選錦山牛排骨湯配飯本身我係點另一款牛肉湯飯，店員反而推介呢一款話更加好味，仲附上一小杯人蔘酒，提醒我哋飲完呢個湯先再試呢杯酒，一上枱就比一大嚿牛排骨震懾，估唔到肉嘅份量有咁多，仲有一大枝人蔘，配料仲有韓國粉絲、白蘿蔔、紅棗，估唔到味道咁濃郁，配飯食一流。醬炒韓牛平時好少機會食到韓牛，所以一場嚟到就好想試吓，呢個菜式係我好推薦比鍾意食牛嘅朋友，牛味濃郁而且一啲都唔騷，而且醬汁好惹味，份量超多，物超所值！韓式芝士煎蛋卷韓式蛋捲係韓國菜裏面非常普遍嘅一款，呢度嘅蛋捲鋪滿超多芝士碎，而入面都夾住龍龍嘅車打芝士，加埋茄汁同沙律醬，食得非常滿足。值得一提嘅係原來餐廳仲會為客人慶祝生日，所有職員都會

去尖沙咀食飯，緊係要食韓國菜， 新開既海陸空有多款韓式主菜🥰石板韓式海鮮炸醬麵係兩至三人嘅份量， 有新鮮魷魚，芽菜及洋蔥等調味， 炸醬麵充滿韓式風味！韓式糖醋肉嘅外皮煙煙韌韌，非常脆卜卜， 入面無骨啖啖肉， 糖醋汁酸酸甜甜好惹味！ 😊柚子炸雞雖然只叫了半份，但份量頗多！ 炸雞肉質嫩滑，配上柚子醬汁中和返油膩感👍🏻韓國起司蛋捲好有驚喜！ 韓式芝士煎蛋卷有啲似日式嘅玉子燒 ，係用韓國蛋做嘅， 有拉絲感， 好綿滑！ 李英愛黑豆乳非常美味香醇！餐廳亦附送好多韓式小食，非常貼心！

行過尖沙咀俾呢間店個門面吸引咗入去我試咗佢哋嘅蜂蜜牛油炸雞同埋醬炒韓牛拌飯。話你知，食物真係好出色！蜂蜜牛油炸雞，啲雞塊香脆多汁，外皮炸到金黃酥脆，每一口都帶有甜蜜嘅蜂蜜味同牛油嘅香氣，真係好開胃！醬炒韓牛拌飯亦都冇得挑剔！牛肉嫩滑，配埋啲醬汁同飯一拌，味道超級濃郁，真係令人食得停唔住！用餐當日竟然有其他食客生日！全餐廳突然調暗燈光，所有店員同埋其他食客一齊唱生日歌俾主角，氣氛瞬間變得好熱鬧歡樂！嗰刻，整個餐廳充滿喜悅同祝福嘅氣氛，真係好難得有咁好嘅餐廳氣氛！可以想像到喺場面中，主角一定好驚喜同感動！而且，餐廳嘅其他食客都好有禮貌同埋友善，大家一齊分享呢個特別嘅時刻，真係好溫馨！呢個生日驚喜絕對加咗好多份樂趣同埋回憶喺用餐嘅經歷度！好少有餐廳可以提供咁好嘅氣氛同服務，真係令人難忘！原來海陸空JJANG係一間好特別嘅餐廳啊！佢係韓式食品超市「韓印紅」旗下嘅第一間韓國餐廳，真係好特別！

周不時都會去韓印紅買嘢，經過尖沙咀分店行行下發現入邊竟然別有洞天，係一間韓印紅旗下嘅餐廳，海陸空JJANG.成個用餐體驗就好似置身於韓國一樣，大致裝修，食飯，服務，細至一枱一櫈，一杯一碟都一絲不苟，正宗韓國風味。以我觀察餐廳大部份嘅員工都係韓國人，當日仲有不少食客都係韓國人添，未試食物已經信心十足喇❤️。因為實在太多選擇，花多眼亂，叫咗我最鍾意嘅人蔘雞之後，其他食物我都請Oppa店員推薦，店員話佢哋食物嘅份量超大份呀，兩個人都唔建議嗌咁多，於是佢就推薦咗石版韓式海鮮炸醬麵同埋佢話香港人最鍾意嘅柚子味炸雞俾我啦😆。石板韓式海鮮炸醬麵 $198海鮮炸醬麵係放喺一塊燒到超熱嘅石板上面，不斷冒煙，食飯夠晒熱辣辣，炸醬麵食落彈牙，而且配上超濃炸醬汁味道，惹味出色，仲有勁多魷魚仔，新鮮爽口，而且佢嘅食法好特別，先係食完第一浸嘅海鮮炸醬麵，其後將剩低嘅海鮮配料同埋醬汁加入白飯撈埋一齊食，一個菜有兩種食法。全程有店員幫忙，十足細心。當中仲發生咗一個小插曲添，因為石板實在太熱啦，上面嘅醬汁一度濺出鐵板外，醬汁彈到我件外套上面，職員都留意到，即刻用清潔劑幫我清潔，十分貼心。💕鮑魚原支蔘雞湯$188鮑魚煮熟咗

很多好多朋友推薦我嚟海陸空韓國菜餐廳，很不錯嘅用餐體驗～餐廳菜單主打韓式鍋物和烤肉，員工們都是來自韓國嘅職員，而且成個環境都布滿韓式燈籠，營造出濃厚嘅韓國氛圍。Order：1️⃣高級生牛肉拌飯非常優質嘅韓牛，肉質鮮嫩，一點腥味都冇。配上芝麻油，更加凸顯微淡嘅油脂香味。生牛肉需要非常高嘅規格和標準，所以能在這裡品嘗到這樣的美味真係好驚喜。2️⃣藥膳醬油蟹蟹黃和蟹膏溢滿出來，搭配麻油、太陽蛋、海苔和白飯，簡直是絕配。每一口都充滿住濃郁的蟹味和醬油的香氣，完美組合！餐廳連小菜也超級豐富，食物份量好多，適合一班朋友聚餐或者家人聚餐。吃完韓國菜還能順便到韓式食品超市「韓印紅」購買韓國農產食品，超級滿足的！！！

好閨蜜今天生日，就跟她一起來這家尖沙咀有名的韓式餐廳吃飯慶祝生日。在用餐時，幾個店員令人驚喜地拿住生日牌過來為壽星唱生日歌和跳舞，特別歡樂！大大的電視機上寫了壽星的名字，五彩繽紛的燈光很有氛圍！上菜也很有儀式感。有六個前菜用金碗盛放，前菜有綠油油的菠菜、酸辣的芹菜青椒、甜絲絲的黑豆、有韌勁的豆腐皮、白色金針菇還有韓式泡菜！每個前菜雖然不多，但是味道特別好，各有特色，所以我們把每個前菜都吃的光光的！藍莓梳打深紫色的藍莓充滿了整個瓶子，一陣濃郁的藍莓香氣會撲鼻而來，品嚐時藍莓的酸甜口感在舌尖綻放老板娘特別好，最後還送我們一碟水果，是從韓國空運過來的新鮮水果。

尖沙咀餐廳很多，但是要數比較出名的還是海陸空這家餐店，食物分量大，很有韓國特色，食物地道。所以我和好朋友專程來到這家餐廳吃晚餐。韓式芝士煎蛋卷金黃色的厚蛋卷中間夾著融化的芝士，整條蛋卷上面鋪了一層芝士條和點點番茄醬，令人賞心悅目。蛋卷鬆軟，散發出誘人的蛋香。芝士融化濕潤而濃郁，散發出迷人的芝士香氣！韓式海鮮辣麵份量好大，一大盤熱騰騰的湯底中有新鮮的蝦和大蟹，散發出誘人的海鮮香氣，令人食指大動！韓式煎蠔餅這些蠔好新鮮，殼上閃著自然的光澤。個個大隻，肉質飽滿，煎烤至金黃色外層變得酥脆，內部依然保持著鮮嫩的口感！海鮮蔥煎餅煎餅酥脆，包含嫩滑的魷魚，搭配蔥的香氣，給人一種口感香脆、味道鮮美的感覺