海陸空

營業中

休息中

平時成日經過呢間韓國餐廳，見出面好似雜物舖，完全冇諗過入面係一間好大型嘅餐廳，提供好多唔同嘅座位比客人用餐。我哋試咗唔同嘅韓式特產，韓式又點？少得飲韓國人整嘅湯呢？呢款燉牛排骨湯，清清地，牛骨味又重，最重要係湯渣勁多，成份燉牛排骨放喺入面咁煲，先飲得出個湯味咁鮮甜。另外，韓式芝士煎蛋卷亦係我另一款必點，蛋捲入面有一層一層嘅芝士，成個口感層次好豐富。最值得讚嘅一定係呢個醬油蟹，醬料呢個甜豉油非常出色，蟹本身亦唔會好腥，餐廳用料水準一流。飲品方面，亦都好值得讚，我哋點咗黑豆乳同柚子味燒酒，黑豆乳有驚艷到我，一啲都唔甜，好適合老人家陪細路過嚟食嘅時候點。