影片
更多
2024-04-18
188 瀏覽
周不時都會去韓印紅買嘢，經過尖沙咀分店行行下發現入邊竟然別有洞天，係一間韓印紅旗下嘅餐廳，海陸空JJANG.成個用餐體驗就好似置身於韓國一樣，大致裝修，食飯，服務，細至一枱一櫈，一杯一碟都一絲不苟，正宗韓國風味。以我觀察餐廳大部份嘅員工都係韓國人，當日仲有不少食客都係韓國人添，未試食物已經信心十足喇❤️。因為實在太多選擇，花多眼亂，叫咗我最鍾意嘅人蔘雞之後，其他食物我都請Oppa店員推薦，店員話佢哋食物嘅份量超大份呀，兩個人都唔建議嗌咁多，於是佢就推薦咗石版韓式海鮮炸醬麵同埋佢話香港人最鍾意嘅柚子味炸雞俾我啦😆。石板韓式海鮮炸醬麵 $198海鮮炸醬麵係放喺一塊燒到超熱嘅石板上面，不斷冒煙，食飯夠晒熱辣辣，炸醬麵食落彈牙，而且配上超濃炸醬汁味道，惹味出色，仲有勁多魷魚仔，新鮮爽口，而且佢嘅食法好特別，先係食完第一浸嘅海鮮炸醬麵，其後將剩低嘅海鮮配料同埋醬汁加入白飯撈埋一齊食，一個菜有兩種食法。全程有店員幫忙，十足細心。當中仲發生咗一個小插曲添，因為石板實在太熱啦，上面嘅醬汁一度濺出鐵板外，醬汁彈到我件外套上面，職員都留意到，即刻用清潔劑幫我清潔，十分貼心。💕鮑魚原支蔘雞湯$188鮑魚煮熟咗
成個用餐體驗就好似置身於韓國一樣，大致裝修，食飯，服務，細至一枱一櫈，一杯一碟都一絲不苟，正宗韓國風味。
以我觀察餐廳大部份嘅員工都係韓國人，當日仲有不少食客都係韓國人添，未試食物已經信心十足喇❤️。
因為實在太多選擇，花多眼亂，叫咗我最鍾意嘅人蔘雞之後，其他食物我都請Oppa店員推薦，店員話佢哋食物嘅份量超大份呀，兩個人都唔建議嗌咁多，於是佢就推薦咗石版韓式海鮮炸醬麵同埋佢話香港人最鍾意嘅柚子味炸雞俾我啦😆。
石板韓式海鮮炸醬麵 $198
海鮮炸醬麵係放喺一塊燒到超熱嘅石板上面，不斷冒煙，食飯夠晒熱辣辣，炸醬麵食落彈牙，而且配上超濃炸醬汁味道，惹味出色，仲有勁多魷魚仔，新鮮爽口，而且佢嘅食法好特別，先係食完第一浸嘅海鮮炸醬麵，其後將剩低嘅海鮮配料同埋醬汁加入白飯撈埋一齊食，一個菜有兩種食法。
全程有店員幫忙，十足細心。
當中仲發生咗一個小插曲添，因為石板實在太熱啦，上面嘅醬汁一度濺出鐵板外，醬汁彈到我件外套上面，職員都留意到，即刻用清潔劑幫我清潔，十分貼心。💕
鮑魚原支蔘雞湯$188
鮑魚煮熟咗都勁大隻，食落新鮮，有咬口之餘又唔韌，雞入面裝咗糯米，雞肉就算連雞胸位都夠晒軟腍嫩滑，原支人參會喺石鍋入邊滾泡一陣之後，職員會再同你剪碎，成個湯底回甘味重，個人覺得呢個菜必點！！🙌🏻
柚子炸雞（半份）$98
炸雞新鮮即炸，食落外層脆卜卜，香口唔會油膩，雞肉嫩滑多汁，外皮沾滿柚子醬，食落酸甜又開胃，個人覺得比我喺韓國餐廳食到嘅更加好食。
每枱仲會供應韓式小碟❤️
想食到正宗韓國風味喺香港推薦大家要來海陸空試吓！！🙌🏻🙌🏻
1 瀏覽
0 讚好
0 留言
張貼
