海潮食堂

營業中

休息中

看了很多網紅介紹這間隱世食堂，終於趁到官塘返工，專程光顧。第一次試了沙嗲牛腩炸米粉，牛腩夠腍，米粉夠脆，再打包蒜蓉餃子。之後放工想外賣回家，次次行到，食堂都打烊了，唯有午市堂食，今次點了葱花蛋治，塗牛油烤底，好惹味，仲有食過翻尋味的蒜蓉餃子，食完蒜蓉味久久不散，如果鍾意濃味的，這間就啱食了。

今日去食而間待客親切友善既隱形茶記😋蔥花蛋治烘底🥪 ($27) 👍🏻👍🏻而個蛋治應該係觀塘區名物~無食過千祈唔好同人講你食過海潮😂😂爆多蔥花‼️配埋烘到勁脆既麵包食, 超香超正😋手撕雞五香肉丁麻辣撈通粉 ($53)👍🏻份量十足❗️麻辣唔算好辣~ 全部撈埋一齊味道好夾好惹味🤤🤤牛腩蝦條煎米粉 ($53)牛腩炆得好入味~ 略嫌米粉煎得唔香脆不過創意同擺碟加分~ 整左個笑哈哈 好搞笑🤣魔鬼奶油多 ($27) 👍🏻👍🏻而個奶油多係隔離台兩個靚女無啦啦請我地食既❤️真係好多謝佢地!! 真係好好味😍😍😍一邊係阿華田粉 一邊係煉奶烘底多士中間夾住薄薄既牛油配埋一齊食雖然好似魔鬼咁邪惡😈 但真係好好味🤤而間茶記無大招牌, 小心走漏眼啊👀

本來想食豪隍點知超多人排隊所以轉睇附近有乜野美食諗起朋友介紹過呢度嘅蔥花蛋治烘底正就黎試個brunch原來呢度除左蔥花蛋治仲有一樣名物牛腩蝦條煎米粉即刻兩個試晒其實仲有個魔鬼奶油多都正不過留返下次下午茶先食蔥花蛋治烘底每件切成比手指粗少少嘅寬度即使中間有厚蛋都唔易散開唔錯！蛋都算嫩滑加左蔥花，非常香👍牛腩蝦條煎米粉一上枱已經覺得好可愛充滿童心嘅廚師呀！用蠔油畫上眼口🥸睇返其他人post嘅相以前唔係咁係最近出現嘅新意思😍米粉煎得乾身牛腩配上爆蒜醬汁微辣惹味醬汁配米粉好好味！除左牛腩仲有牛筋非常非常軟淋入味蘿蔔爽甜無渣不過就唔太入味價錢感覺少貴但間中食下都唔錯！冰室無個大招牌招徠比較隱蔽大家去試小心走漏眼！

親切友善對待客人嘅隱形工廈茶記之前經常miss 咗（佢收5）食唔到。其實為咗個葱花蛋治嚟。🥪 蔥花蛋治烘底鮮蔥花量好多，香口好食正常發揮。冇好驚艷嘅感覺但唔差嘅厚厚嘅白麵包中間仲要攝咗層牛油🧈好肥仔（不過食落去冇乜存在感）鮮蔥花量好多，香口好食上咗碟就要趕快食啦，烘底一放耐就就唔好食啦！佢一開三，都幾啱口形食，唔怕太爆所以食到周圍都係。🙂牛腩蝦條煎米粉餅|･ᴗ･)ﾉﾞ#蘿蔔牛腩 另上，唔會整腍個香脆彈牙嘅米餅辣油香口但唔辣，油感多啲牛根好軟腍入味好正，同埋個煎米餅一齊一啖軟腍腍x脆卜卜一齊放入口個口感好豐富而且有層次米餅其實係米粉嚟嘅，外脆內彈牙唔會黐實都真係幾香口好食，意外地比想像中冇咁油膩見到一堆辣油唔洗驚，食辣程度低如我都handle 得了牛根都幾多，而且好軟淋蒜蓉有一堆，不過作用似乎不大唔知係咪太重口都分唔到了🤣老闆（？）叔叔來的人超nice🦖不過食呢個配凍檸茶啱啲，我叫咗個熱奶茶有啲太濟

觀塘入邊有一間嘢出咗名嘅蛋治～蔥花蛋治海潮食堂佢嘅蔥花蛋治有咩特別，睇相都知佢有一層牛油夾層，多士有厚有薄，有脆口，有軟熟嘅麵包，炒蛋有油香有蔥香，成日都食又想食多份手撕雞五香肉丁撈通粉呢啲完全9唔搭8嘅組合，但係出奇地好食，個蔥油將所有嘢組合埋一齊，加上五香肉丁嘅少少辣，另到愈食愈開心。啡樂識飲嘅一定係飲佢，苦得嚟同啲可樂好夾，先苦後甜

今次嚟食早餐試咗佢個沙爹牛肉油麵，轉冬陰功湯底。嚟食早餐見到個配搭好似好得意所以就試一試。牛肉味道同一般茶記相約，可惜份量太少；而油麵呢個配搭極之奇怪，不過可能係我食唔慣；而且仲配埋冬陰公，味道格格不入，佢個冬陰功應該係市面上D就咁買醬料返嚟開。好彩飲品叫左茶走都叫救番少少，佢嘅茶味極濃；而且佢嘅牛油多士佢特登將一塊多少切半，啱曬我呢啲細食人士。友人就試咗蔥花多士，賣相同人哋影相出嚟爭好遠。老闆服務態度好！

想試蔥花蛋治好耐，終於有機會去觀塘一試😊。麵包皮烘得非常香脆的蔥花蛋治，底面都微燶香口，蔥花蛋真係非常好味，大愛..一份蛋治點夠飽？叫多個豬膶麵和沙嗲牛麵，居然都甚有水準，難怪這麼多人都來吃啦👍🏻

已經幫襯好耐，經常叫外賣，凍奶茶好正，米線湯底好夠味，雖然個冬蔭功湯唔似冬蔭功味，但我都係照食😆，希望老闆繼續保持住。堂食去過一次，環境就一般，最重要係食物ok。

觀塘這間海潮好像有一種魔力令人間唔中就會諗起佢地個蔥花蛋治同鮮茄肉丸今日恰巧要過來這邊做野，即刻攝個時間過黎食個早餐侍應哥哥推薦了鮮茄肉丸米粉拼冬陰功湯底鮮茄分量依然係超多，肉丸肉質鬆軟，一啖一粒剛剛好鮮茄湯同冬陰功味道超夾，酸酸辣辣好惹味好開胃之後再慢慢嘆埋杯濃滑既茶走，好滿足。仲有，今次惠顧，待應們都好有禮貌，好樂意推介不錯，好大的進步 ：)

打風日食🌊海潮食堂 如果你都係 #濃味怪 ，呢間觀塘食堂一定要試，不過食完最好吾洗開會同見客🤪✔️牛腩蝦條蛋煎米粉(hkd 58) 牛腩燜得軟腍，微微麻辣，味道有點像五香肉丁的辣汁，配蒜蓉醬，撈個蛋米粉超正！〰️蒜蓉餃子( hkd 38) 韭菜超多，餃子多汁，不過餃子皮稍厚， 配生蒜麻辣醬食，味道更惹味。➰脆咸肉炒菜（hkd38） 脆咸肉頗有特色 脆皮 少少咸，性價比不太高，一碟菜量有點少，可不食。環境：細細間 去到預左坐迫啲 / 外賣食得舒服啲 #海潮食堂地址: 觀塘成業街19-21 號成業工業大廈地下G6 號舖

蒜蓉牛腩炸蝦條煎米粉我確實未食過煎米粉，對我來講的確係一個驚喜，加咗雞蛋嘅粘米粉脆脆的，牛腩好入味，招牌蒜蓉辣醬超香，重口味人士一定勁愛！魔鬼菜心店員極力推介之下，我哋點左嚟食，胡椒湯底浸菜心再加左火腩，作為胡椒湯底嘅粉絲，就覺得唔錯啦蒜蓉辣醬撈公仔麵配豬扒+墨魚丸我完全迷上咗佢哋個蒜蓉辣醬配公仔麵更加好味😋侍應哥哥都會主動同你傾偈，介紹下你食啲咩好，人情味濃，佢哋仲有好多菜式我都係香港好少見到，之後會再去試其他款式，我超想試麻辣手撕雞五香肉丁撈通粉🤗味道:★★★★☆性價比:★★★★☆🤜🏻雀仔胃拒絕向嘥位食物說得#hkfoodie #hkfoodblogger #hkfood #foodstagram #香港美食 #觀塘美食 #食評 #情侶好去處 #茶餐廳

奶茶好好飲成日都心思思想去食餃子一定要食🥺今日試左手撕雞咸牛肉撈面真係好yum yum 😋 😋店面有啲難搵，因為佢冇招牌但係每次去到都要好急落單，所以諗定先好入去🤣🤣🤣🤣🤣🤣🤣🤣入面有好多款都好味，樣樣都想試，午餐同下午茶都好抵食，有需要可以聽吓店員介紹佢哋啲招牌，食過魔鬼奶油多士真係好好味，但係通常一個人就食唔到咁多啦😢😢😢😢😢😢😢😢要搵多啲人一齊食不過就係坐得迫夾啲，店員都好親切有趣

話說今朝去九龍灣某某車房狗頭閘侍候之前去整返一餐解慰酒，好似喺某大行某股票分析師咁一路人肉自我Back Office分析應該去邊一間至好，最後決定去呢間驚天地、泣鬼神茶記門口完全冇招牌，仲寫住只招待該工業大廈人士進入，我心諗我今日成套貨車司機look, 應該唔會被懷疑, 心哼住<誓要去,入刀山> , 最終成功入閘入到去，以為自己係C朗重返奥脱福，10分殷勤，全體員工好像向我歡呼一樣，嗰刻我真係好想同佢講 「I am Home ]坐低之後，不斷有幾個工作人員向我介紹呢樣介紹果樣，如果大家想體驗米知蓮三星級服務質素的話依間絕對係你首選、入正題- 凍啡樂簡單來講即係齋啡加可樂，一向唔飲咖啡嘅我冒着胃痛風險去試一試，一試馬上愛上，咖啡味濃郁加上可樂獨特的味道十分之夾，「正」- 五香肉丁配蔥油雞撈麻辣通粉加特大魚片第一分量十足，第二視覺享受一流，第三通粉AL Dente , 第四 太多不同的材料不會產生怪味，反而各有特色，互相評衡，麻辣也不會過辣，剛剛好- 魔鬼薄多士金毛老闆吹吹下水問我是否附近街坊，我突然間好想引用男兒當入樽仙道上身答「我是跑過來的」，但我諗吓好似身形與說法不相

舊同事介紹海潮食堂俾我，第一次我足足喺成業街來回左幾次都搵唔到。明查暗訪原來毫不起眼的一度木門後，就係觀塘區美食所在地。每次嚟到，無論你係散客定熟客，只要老細喺度佢都會熱情招待。諗唔到食乜佢會幫你推介，再加上無限嘅吹水，講真細個跟老竇去工廠大廈食飯先會有呢種感覺，而家香港仲邊度搵到咁有人情味嘅地方呢講返食物，每次嚟到必食蔥花蛋治，蔥花蛋煎到熱辣辣，蛋芯依然係軟林林，再夾起兩塊脆卜卜嘅多士中間。口感好豐富，外脆內滑就係咁解。我係蔥怪，最鍾意多重，蔥花蛋毫不吝嗇嘅蔥花，簡直係我嘅恩物。自製麻辣湯底都係呢度嘅招牌菜，麻香味十足，辣得過癮。仲有就係凍啡樂都係每次必嗌，原因有次唔知飲乜好，老細推薦呢杯不可錯過。真係好飲喎！齋啡同可樂係咖啡因狀咖啡因，竟然出奇地配搭，可樂填補左齋啡嘅澀味；齋啡亦都令到可樂嘅甜膩平衡返。之後每次返嚟都一定要再飲，而家市面上都出咗啲罐裝咖啡溝可樂，但係點樣都唔夠海潮呢一杯好飲。

繼續觀塘上課中午就選了上課地點附近的海潮食堂🍴魔鬼奶油多真係好似魔鬼咁邪惡！一邊係阿華田粉一邊係煉奶多士中間仲有薄薄的牛油整體黎講依個配搭幾好唔算好甜不過阿華田粉有少少潮左痴住左隻碟🍴魔鬼菜心依個唔算太魔鬼就係菜心加左幾舊燒肉老細不斷推薦所以嗌左但我覺得非常一般寧願就咁嗌碟菜🍴蒜蓉餃子（唔知點解張相唔見左🥺）餃子有肉汁入面韭菜味好香個蒜蓉辣椒醬辣得黎滿滿蒜蓉味同餃子一齊食非常好味🍴牛腩蝦條煎米粉米粉煎得不算香脆蝦條無佢存在既意義蘿蔔牛腩偏鹹這道我吃了一口已經不想再吃成間鋪頭既野係幾創新既但創新得黎除左個多士同餃子還好之外其他就整得唔太好味啦