海潮食堂

🇭🇰海潮食堂·呢間我哋之前已經好幾次想食㗎啦 不過佢係比較早閂門嘅 而且禮拜日同公眾假期都唔開 所以我哋都摸左幾次門釘🫢之後超級好笑 因為佢呢度嘅menu係全部都貼晒上牆嘅 所以我哋就一路四圍望 之後侍應哥哥勁好笑就話幫我哋嗌 所以最後我哋呢度所有野都係佢推介既 好似食左個港式omakase咁 超搞笑🤣🤣🤣·蔥花蛋治$29 l 魔鬼薄多士$15佢呢度嘅三文治真係幾出色 佢個蔥花蛋治中間好多蔥花 所以食落勁香 而且佢個蛋都唔會話好老🍳之後佢個魔鬼薄多士其實就係佢地既魔鬼奶油多既迷你版 咁就一次過可以食曬兩款佢地出名既多士😍😌佢呢個係將麵包一分為二左 所以烘完之後超脆口 係好似食緊零食咁 都幾正 配埋佢上面海量嘅阿華田粉 煉奶同埋中間既牛油 成個combo好好食🤤·蒜蓉餃子$36 l 手撕雞五香肉丁撈通粉$56主食方面佢個蒜蓉餃子都幾有驚喜 佢粒餃子本身個餡調得唔錯 韭菜比例好多🥟不過更加驚喜係佢隔籬嗰個蒜蓉辣椒醬 佢呢個唔係好辣既 不過配埋上面啲炸左既辣椒籽同蒜蓉 好惹味🧄之後佢個手撕雞都做到好好食 佢個調味係好似鹽水雞咁樣既 而且雞肉超嫩 份量都好多 之後佢上面海量既蔥油都好正🤤🤤不過佢個五香肉丁就咁撈通粉我自己覺得有啲重口味 食落真係有啲鹹🫢所以如果大家嗌嘅話我會建議大家就咁嗌手撕雞通粉應該會好食啲😂😂😂·咖啡可樂$14 l 咸檸西柚汁$4之後呢兩款飲品都係侍應哥哥極力推薦我哋試既 佢個咖啡可樂真係超級盞鬼 佢個咖啡底本身算係幾好飲嘅 而且佢同可樂係出奇地溝得好勻 飲落好搞笑 我自己唔鍾意飲咖啡都覺得幾好飲☕️🤣🤣之後佢另外個咸檸西柚汁 其實就係罐裝西柚汁加左啲咸檸 佢呢個就唔算話好特別 不過都好夾茶餐廳既野食🍋·#rbyeat#rby港式#rby觀塘·📍觀塘成業街19-21 號成業工業大廈地下G6 號舖…查看更多

幾個友仔上一餐唔係好飽，其中一個朋友話觀塘有間椒鹽燒賣好好食，原本以為係街邊檔，點知原來係食堂。我地4個人，只係叫左椒鹽燒賣同魔鬼多士，其實都有啲唔好意思，但係老闆勁好，好熱情，仲係咁同我地講笑，我地以為佢認得帶我地去食既朋友，點知原來唔識。個魔鬼多士真係好魔鬼，佢有4層，塊包都已經唔係薄，仲層層都有煉奶同牛油，而碟邊仲有滿滿既煉奶同美祿粉，邪惡得黎真係好好食~至於個椒鹽燒賣，燒賣本身唔粉，個皮炸到好脆，上枱時熱辣辣，加埋好香既期椒鹽味同辣椒油，一流呀~…查看更多

星期六八點幾嘅早上，嚟到海潮食堂食早餐。叫左個雪菜肉絲湯通粉+牛油多士同熱奶茶。唔使5分鐘就上枱，雪菜份量十足，而且切得比較大舊，但係頗咸，搞到好口渴，好想不停飲野。通粉軟硬度適中。牛油多士除左烘得香脆，仲切得好薄，出面好少見，令到口感非常正。我自己加左砂糖係上面，令佢變做懷舊嘅砂多 (唔知大家有冇食過？）熱奶茶係傳統茶檔嘅味道，但又唔會太澀口，好岩我口味。見到隔離枱炒米粉好似幾正，下次嚟希望可以試下🐷。…查看更多

有創意而且性價比好高嘅一間餐廳老闆好風趣幽默對自己出品嘅食物同飲品都非常有信心同我哋推薦咗好多唔同菜式係一間充滿人情味嘅小店蔥花蛋治烘底($27)呢款蛋治嘅做法好特別外面係兩塊好薄嘅多士再夾住一層厚多士所以烘完出嚟表面超香脆內層就好鬆軟蔥花蛋炒得啱啱好有大量蔥花香氣十足但略嫌鹹咗少少魔鬼奶油多(厚版)🍞（$27)沾滿阿華田粉同煉奶香脆軟熟又夠香甜超級邪惡之選牛筋🐂蝦條煎米粉（$53)牛筋炆到好軟淋醬汁帶點麻辣再加上大量蒜蓉好惹味而米粉加入左雞蛋🥚煎到好香沾埋啲汁一齊食勁正面頭仲畫左個哈哈笑樣好可愛至於蝦條就唔係特別出色飽品方面老闆誠意推介鹹檸西柚梳打鹹檸七就飲得多鹹檸西柚梳打🍹真係第一次味道出奇地夾真係好好飲一試愛上睇得出餐廳好用心經營而且好有創意係好值得支持嘅一間小店…查看更多

餐廳在工廠大廈地有，如果不是在觀塘上班可能比較難找到。我試了一杯老版介紹的冰啡樂，就是咖啡可樂加冰，有氣的黑咖啡，很好的配搭。另外點了他們的煎米粉，牛腩牛筋好淋入味，加了garlic，蝦條好趣，煎米粉應該是用上雞蛋的。埋單$70。…查看更多

觀塘人多車多，然後食店都一樣咁多～ 除左好多特色 Cafe 之外，平時路過唔太起眼嘅工廠餐廳都一樣咁正！海潮食堂門口唔算起眼，第一次去我係行過左都唔知 😂 好彩最後都搵到佢，因為呢度有超級好食嘅撈通！😍手撕雞拼五香肉丁麻辣撈通粉簡直係令人驚豔嘅味道！完全估唔到手撕雞同五香肉丁係咁夾！😋 佢地各自都唔會搶對方嘅味道，加埋少少麻辣，同埋通粉中間捲住 d 汁，名符其實世一！👍🏻椒鹽炸燒賣 又係一個驚豔 🤩 又脆又香口！配埋辣醬正啊 😍 重點係炸得唔乾，又唔會好油，好正 😆鹽水通菜 唔會死鹹，好香，通菜加少少肉碎口感好好，好滿足 👍🏻蔥花蛋烘底三文治 睇過好多介紹都推呢個三文治，佢嘅蔥花係好香，而且十分打卡able 😂 但相對撈通就平凡少少，我會留 quota 食撈通 🙈煎餃子 配蒜蓉好好味，好香口！但 again 佢嘅同伴實在太強，顯得佢比較普通 🙈 呢度係比較舊式餐廳 style，坐得比較逼少少，但食物嘅味道絕對係值得嘅，佢有時候要排隊，但就唔駛等太耐的，絕對值得一試！😍…查看更多

喺觀塘返工周圍都有好多野食，其中一間同事推薦，然後間唔中就會心郁郁想食嘅就係海潮，除左有邪惡食物外，對於選擇困難症患者有一大好處，就係可以唔駛揀野食，叫老闆叫你拍板🤣海潮係工廈地下一個細鋪仔，比較少位置，都坐得比較逼狹。牆身貼左好多menu，基本上你可以自己東湊西湊，揀你自己鍾意嘅配搭，但我通常都會搵老闆決定，老闆過嚟落單，你只需要問下佢，有咩好食呀，我決定唔到呀，佢就會開始講話幫你寫個咩咩咩，連飲品都可以咁，都好搞笑其實🤭今次老闆幫我寫左個雞翼扎肉炒公仔麵，嚟得呢度就預左重口味，完全唔會有唔夠味嘅情況出現😋通常飲品，老闆會話比個特別嘅你，然後上枱先知係咩，呢排好似都係呢杯鹹柑桔加西柚梳打，你想像就係鹹檸七，但唔係檸檬，改左做西柚嘅味道，不過講真汽水都好難唔好飲嘅🤭最後呢度埋單$70，唔知佢點計，只有信老闆 如果唔使用老闆點餐功能，自己揀嘅話，我會推薦蔥油雞，真係好香好惹味🤤好似我咁嗜甜嘅，海潮都有個魔鬼多士，極度邪惡，卡路里爆錶，但值得一試😈…查看更多

嚟開觀塘想揾間餐廳食早餐，咁就嚟咗呢間試喇～非常之有驚喜！🔸魔鬼奶油多 $29佢係由烘咗底嘅薄多士夾住冇烘底嘅牛油方包，表層再灑上滿滿嘅阿華田粉組成！外層香脆，內裡鬆軟，一咬除咗食到濃濃嘅阿華田味，仲會食到啲牛油香味，鍾意食甜嘅朋友點埋煉奶仲滿足！🔸 蔥花蛋治烘底 $29蔥花蛋治都係薄多士嘅變奏版！由烘得金黄香脆嘅薄多士，夾住軟熟嘅白麵包同蔥花炒蛋組成～蔥花份量多而且炒得好香，炒蛋好滑，同香噴噴嘅蔥花勁夾！所有嘢都好平衡好好食！而且多士夠薄，就算夾咗厚厚嘅炒蛋都唔會太厚，女仔食起上嚟都唔會好論盡～🔸柱侯牛腩烏冬 $37柱侯牛腩夠稔而且好入味，除咗牛腩仲有牛筋～份量都多！至於烏冬就不過不失啦～呢間小店茶餐廳唔多起眼，細細間又冇招牌，不過勝在好多特色嘢食係出面冇乜見過！而且重點係好食又唔貴！另外想提嘅係餐廳老闆真係好nice! 一入門口佢就同我哋打招呼好似當我哋熟客咁(但我係第一次嚟試下），其他侍應姐姐都好友善！亦見到老闆同其他食客都有講有笑，好有人情味架呢😆仲有好多特色嘢食都好有興趣！下次嚟開觀塘一定會再嚟食！😆👍🏻…查看更多

🎈牛腩蝦條煎米粉 $53喺炒米粉上面有個笑哈哈，真係會忍唔住影張相打卡先📸。米粉旁有兩件炸蝦條，仲有牛腩、蘿蔔、少量牛根。味道唔咸，少辣，幾惹味。將牛腩汁撈埋啲炒米粉食😉，米粉香脆配埋夠哂淋嘅牛腩牛筋一齊食，正。✦✦✦✦✦✦✦✦✦✦✦✦✦✦🎈蔥花蛋治烘底 $27非常多蔥花，所以蔥味好突出，蛋夠滑，再以烘底三文治🥪，非常脆。 厚身又大份，一份有兩大件，午餐輕食之選🍽。如果頂唔順蔥味既朋友就唔好試呀。✦✦✦✦✦✦✦✦✦✦✦✦✦✦餐廳位於工業區中心，而且位置較近車站，生意都幾旺。員工亦都好好客🥰，比人感覺好有親切感，而且煎米粉上面有笑哈哈😊，好似同你打氣咁，非常窩心。餐廳既款式唔係周圍都見，可以話係獨有。舊式餐廳非常懷舊，諗起小時候去過既餐廳，呢啲水準只有老店先有。…查看更多

2022-07-23獨自去偷食😝星期六晨早起身去觀塘工業區🏭搵間係觀塘嘅街坊小店，海潮食堂🤣係工業區搵咗段時間，位於成業街地鋪（無招牌）😗大約十點左右時段，客人唔算多👨‍👩‍👦‍👦自己揀了張近大門口位置嘅枱坐😌留意到老板雄哥，同客人都會吹兩咀😗雄哥都有同我吹兩句，話下次等佢發板🥳我就點了，招牌菜葱花蛋治烘底，29蚊碟，果然係招牌菜，多士烘到超香脆，蔥既份量勁多，炒蛋夠哂滑溜，食落勁濃既蔥味，鐘意食蔥嘅朋友絕對要試下😄沙嗲牛肉米粉，37蚊碗，包熱飲，沙嗲牛肉成碗都係好多蔥，同平時食開沙嗲牛好唔同，味道一般，建議食其他😂整體環境無乜冷氣，夏天食堂食，會食到出晒汗💦服務超好，會同客人交流，有人情味小店☺️食物招牌葱花蛋治好好食😋會再幫襯試吓海潮食堂其他特別菜式🤩#海潮食堂#葱花蛋治烘底#沙嗲牛肉米粉…查看更多

今日趕住做野就入左黎食個快飯問姐姐食乜最快後決定食豬軟骨菜飯好耐無食過菜飯啦~ 哩個唔係最好食, 但起碼唔抗拒大型連鎖店既菜飯真係嚇死人架, 菜還菜, 飯還飯不過菜飯都唔係重點, 個豬軟骨真係不得了好好食呀, 夠味道, 而且都幾重味, 配菜飯剛好~重點係食完又唔會好口喝喎我唔識煮野食, 我唔知個D係咪就係麻辣?反正少少辣,又麻麻地, 幾刺激又唔會太OVER嗆鼻. 食過會想ENCORE, 會想試下買淨餸配早排好興既拌麵.所以, 我一定會再食呀~…查看更多

咁啱今日下午去開官塘就去海潮食堂試一試餐肉蔥花蛋治烘底，＄45蔥花味真係好香 ！餐肉就當然煎得香趣😋即叫即整，等幾分鐘無所謂共三片麵包，師傅細心飛邊，老細又友善健談😆真係好值得支持！！💪🏾…查看更多

食物普通，根本無什麼特色和美味，價錢偏貴不值，每樣食物話送飲品，其實是要加10蚊，凍飲12蚊，一入到去便催促下單，沒有比時間人考慮，這間店舖名過於實，不值去試。…查看更多

我願意為海潮食堂分享一篇食記🤤🤤雖然冇試佢哋最出名嘅蔥花蛋治，但佢哋嘅魔鬼薄多士加牛油都夠打😚😚一啲都唔膩，可以自己食晒都唔過分我真係一試愛上😍依家睇相又想再食🤤重蒜豬扒墨魚丸撈麵一定就知夠晒味，唔洗我多講所有麵條都有醬，唔會一忽有一忽冇✅豬排夠淋，唔會硬柴柴你睇下佢碟麻辣蒜蓉餃子幾過份$36 六大舊，每一啖都查返啲蒜蓉辣醬係面，簡直係一種享受重口味人士最愛😚😚成餐飯都冇乜嘢可以挑剔✨…查看更多

觀塘有一間好出名, 衛詩雅Alfred同好多foodie都一致好評既茶餐廳🥰佢唔係好顯眼, 裝修亦比較舊式, 因為佢地方唔係好寬躺同埋長期都有好多客人嘅關係, 坐都比較逼💁🏻‍♂️👀而且佢下午5點就會收檔, 星期日唔開, 所以要食到佢都唔容易, 但佢提供嘅食物都好有趣好有自己嘅特色🤭我地一個高興又唔小心叫左好多野食🙈⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫🍳蔥花蛋治烘底 ($27) 7.5/10佢既蛋生熟度剛剛好啊🤣加埋蔥花既香味十分出色, 佢既包都有特別既設計, 兩層薄脆多士入面仲有塊無烘既方包令到口感外脆內軟💁🏻‍♀️🥣手撕雞五香肉丁麻辣撈通粉 ($53) 8/10佢入面有少少麻辣的醬汁跟住呢幾樣野撈埋一齊之後就個配搭出奇地夾🤪食落有少少麻麻地既味然之後又有啲蔥油既鹹香嘅味💁🏻‍♂️配埋手撕雞同埋五香肉丁嗰肉粒🙈好快就可以食完呢碟通粉👅🫔牛腩蝦條煎米粉 ($53) 8/10咁佢嘅牛腩真係我食過入面都係頂尖嘅味道, 因為佢嘅醬汁應該係佢哋自家製嘅麻辣醬汁, 啲牛腩吸晒啲醬汁食落就好入味同埋辣辣地幾開胃👅個質感都唔會話煮得好熟, 牛腩肉一咬就係一種好軟嘅質感但啲肉又唔會散哂😀而牛筋都唔會話好硬, 送飯一流🤭反而個蛋煎米粉啲人就講到好深刻啦話一定要試, 但係我食落就覺得比較正常啦無話好大嘅驚喜💁🏻‍♂️不過就都係一個幾特別嘅嘗試啦🤣比起平時食開嘅炒米粉啊飯啊用呢一個主食去配搭個牛腩汁係唔錯既🙋🏽‍♂️🥪魔鬼奶油多 ($27) 6.5/10魔鬼多士就好似個名咁樣啦成個魔鬼咁邪惡😀又有奶醬又有阿華田粉仲要係個多士嘅內面有一個好大嚿嘅牛油🤦🏻‍♂️😂呢個幾有創意都幾好味, 不過食兩啖就唔想繼續了因為太膩🍡椒鹽燒賣 ($13/7粒) 6.5/10椒鹽燒賣都係外脆內軟仲有d麻辣汁點下, 佢炸得呢亦都唔會話太過過火咁做都仲保持到個燒賣入面嘅咬口🥤凍啡樂 ($24) 5/10最後飲品個可樂溝咖啡呢就有少少奇怪但係還可以接受😀都算係一個幾大膽嘅嘗試😂我地都係鍾意正常既飲品多D⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫呢間茶餐廳比我一種好有人情味既感覺 因為對面大肚婆要飲凍野個老細連忙阻止佢仲幫佢走冰haha🤣🏡環境：4/10🥡食物：7.5/10🤵🏻服務：7/10💰價錢：8/10👧🏻👦🏻回頭：Yes…查看更多