海潮食堂

營業中

休息中

呢間餐廳之前有一排好出名，應該好多觀塘人都會聽過，所以我個陣都有慕名而去😂😂~~~🍳蔥花蛋治 (5/10) $27中間夾住厚厚嘅蔥花炒蛋，味道一般，偏鹹😶蔥花煮得太生，我麻麻地🥴外層冇烘得特別脆，所以整體質素一般🤥屋企人仲話呢個自己都整到，味道仲好啲😬🥪魔鬼奶油多 (6.5/10) $27呢個味道稍微好少少🤭多士中間夾住🧈牛油，上面撒左啲阿華田粉，仲有啲煉奶點下～呢幾樣嘢擺埋一齊幾夾🤔不過都係個句：係屋企都整到嘅質素😅😅~~~⭐️回頭指數🌑🌑🌑🌑🌑店內位置逼，環境麻麻地乾淨，坐得唔係好舒服🤢整體質素不過不失，可能我期望過高😧

bookmark左好耐專程黎試...可惜有啲失望呢。。叫左份香蔥炒蛋三文治 $27蛋還算嫩滑，但不知為何超級鹹雖然是招牌菜 不過份量好少 味道正常無咩特別～所以定價有啲貴～唔值得專登黎食。。另外店員會不斷係度好似push你點野飲咁所以最後點左1）鹹檸檬西袖疏打 半價後$142）熱姜蜜 半價後$10蝦條＋牛腩 煎米粉$53份量夠大份蝦條正常牛腩超超超超級鹹同埋好碎濕濕唔完整唯一可以讚既就係個米粉煎得好好👍🏻

因為佢嘅蔥花蛋治慕名而來，已經係周六嘅四點幾啦⋯⋯所以急急走過去⋯⋯印象中光顧就收工嘅茶記，佢哋會好急，好趕，咩都會話賣晒，招呼😑😑😑，所以今日只係打算外賣，試咗如果好必定會再嚟堂食。海潮食堂，冇招牌都唔係咁易搵，好彩佢個門牌號碼係門口，總算搵到。(貼士 👉🏼喺成業街嘅變壓站隔離)蔥花蛋烘底三文治🥪 + 啡走 $37外賣多士其實預咗會腍，估唔到連茶記都咁細心，佢哋係外賣盒上開咗一個大孔，方便散走熱氣 👍🏼返到屋企多士仍然脆口，原來另有一個原因，三文治𥚃面其實有三塊麵包⋯⋯ 簿多士蔥花炒蛋麵包牛油簿多士除咗師傅嘅功力好，炒到D滑蛋唔油冧冧，因為炒蛋有一邊被麵包蓋住，所以最少有一邊唔會影響多士嘅脆口感，呢啲就叫做 👉🏼智慧。蔥花極多，蛋炒得好滑，牛油厚過塊薄多士 🤣🤣 味道唔咸剛剛好 👍🏼👍🏼網上見到有啲朋友話呢度啲食物味道比較重手，其實大多數茶記都會係咁，好彩今日我呢個味道剛好，所以我會俾個like佢 👍🏼見到佢哋仲有其他亮點食物，但睇真啲並不是用特別或者好昂貴嘅食材，又或者特別嘅煮法，佢哋只係用腦去諗，運用普通食材，調味重新配搭，變成自家 signature 。真心講句 👉🏼 師傅你哋

睇過vlog 講呢度既蔥花蛋烘底多士係觀塘名物，去開觀塘就來試下可能係因為工廠🏭飯堂關係，門面無寫店面（或者係我自己睇唔到）要問下人先搵到，入到去即刻有一人位可比我，店舖較細，係要坐迫啲目標明確叫個蔥花蛋多士（$27）另再叫左杯鮮薑片西洋菜蜜（$20）個蛋多士本人真係好滿意，未見過會咁仔細，面係一塊好薄烘得好脆既包片，下面有一塊無烘但有塗牛油的白面包，然後先到蔥花蛋，最後又是一塊好薄的包片，蔥味很香好多蔥，鍾意食蔥既人應該好喜歡💕蛋亦夠滑，應該都落不少油😅呢個份量都幾好，唔會太大份（肚餓既時候當然想大份啲）至於杯飲品，我下次就唔會叫呢隻，係鮮薑片，都薄切既，但應該因為無煲就咁放入杯熱菜蜜既關係，其實不出味，只有個樣，見到隔離枱叫檸檬🍋西柚，原來係比罐西柚汽水加杯檸檬🍋片......好彩無叫，如果下次都想飲野，都可以試下第二啲另外，見到對面位食客的炒蛋碎肉豬扒菜飯，塊豬扒好大，貌似幾好味😋整體說，唔介意坐得迫既，我覺得係去得過既

一直以為，觀塘區食XX(自己估下)居多，人又多車又多，搵間茶記入去食真係因為趕時間囉，果D財團俾人話到幾好食又真係唔覺，咁結果係咩? 就係之前寧願跨區食算數~果日難得放假又要去觀塘，記得睇片有人讚過，即管俾1次機會....嘩嘩嘩!!!! 當食完一碟又一碟出面冇既所謂早餐，已經好感動，因為落蔥整三文治，果個有表情既蛋又有米粉，真係好好食，內心已諗住會返兜，點知老闆主動答訕仲問想唔想黎個湯飲下，我地客客氣氣答好啦!!!(心諗晨早飲湯)，結果睇相依款肉丸菜湯真係超難忘到極，D肉丸好味到點解食左咁多年人都冇食過(可惜餐牌係冇既)，根住再聽到隔離枱話冇帶銀包嘅女仔勁講唔好意思，話想行出去㩒完$再入黎，點知老闆幾句KO佢，食左野先啦~ 幾多錢姐~ D野凍左唔好食~ 依家咩年代呀~ 如果你仲未去幫襯過，一日到黑只去食大品牌以為質素真係有保證，諗起2個字Too Naive!!!!

《工廈地道麻甩食堂☺️》-#海潮食堂 😍-呢間工廈茶記相當出名，我哋每次去官塘都一定必食，完全係官塘區名物，啱哂麻甩嘅我哋！茶餐廳門口無招牌，但認住條人龍就會搵到～-有別於一般茶記，佢有唔少特色自創菜式，相當特別。餐單種類繁多，次次嚟揀食咩都心大心細。佢嘅招牌牛腩蝦條煎米粉超香口，必點！米粉中加入咗雞蛋，煎成麵餅嘅形狀，十分香脆，而且仲食得出一絲絲嘅麵質，撈埋特製蒜泥麻辣醬汁，非常高質😋 牛腩燜得鬆化軟腍，腐皮蝦卷非常彈牙。-另外亦叫咗個手撕雞五香肉丁麻辣撈通粉，配搭好有新意～通心粉佈滿辣油同葱油，認真惹味，加埋手撕雞同大大粒的肉丁，愈吃愈過癮！小店仲有好多唔同嘅特色小食，例如馳名葱花蛋多士、超薄魔鬼多士等等，但每碟都份量十足，今次就無試到啦，大家可以自己去一戰😆-💰參考價錢： 牛腩蝦條煎米粉： $52手撕雞五香肉丁麻辣撈通粉：$52🍌抵deal 指數：9/10⭐人均消費：$52

超邪惡😈😈鮮油奶多.朋友介紹呢間隱世食堂，完全睇唔出佢係咁出名，上網見到都幾多野出名，蔥花蛋治烘底，魔鬼鮮油奶多，牛腩蝦條煎米粉.魔鬼鮮油奶多($33）椒鹽燒賣($13 7粒)冰啡樂($24).魔鬼鮮油奶多每塊多士都夾住大大舊牛油，一面鋪滿阿華田粉，另一面就係煉奶😋😋，聽到都已經覺得好邪惡😈😈 但真係超好味呀！推介~~!! 脆脆的厚多士配合鹹鹹的牛油，再有甜甜嘅煉奶，阿華野粉沖淡返少少甜味，令到奶油多唔會過甜同時又唔會覺得好膩，又鹹又甜味道好豐富呀！.椒鹽燒賣炸得好脆卜卜，脆皮表面好乾身，唔會有油嘅感覺，加上椒鹽同麻辣椒油，估唔到係咁夾架！麻麻辣辣更惹味！.冰啡樂見好多人推介一於試下，岩哂鍾意咖啡又鍾意可樂嘅人，一次過滿足晒你兩個願望！ 熱熱哋最岩飲可樂冰涼一下，但又放棄唔到咖啡，飲呢杯就岩哂啦

Restaurant ReviewFood🍽Spring Onion Scramble Egg🥚Sandwiches with Toasted Bread🍞蔥花蛋治- Scramble Egg🥚was Soft, Fluffy & Savoury with Significant Salted Spring Onion Flavor- Toasted Bread was Cripsy, peferectly matched with the Scramble Egg🥚- My friend said it tastes like Scallion Pancakes 蔥油餅- What a Marvelous Fusion Dish. Salute to the Smart and Brilliant🇭🇰HKersChicken Wings Stirred Udon in Hot and Numbing Sauce 雞翼麻辣撈烏冬- the Hot and Numbing Sauce was made with Fresh Diced Garlic🧄Dried Chili🌶Sichuan

網上好多人都介紹過位於觀塘工業區嘅蔥花蛋治，今日終於有機會試到。兩個人進入呢間位於工廠大廈地下嘅食堂食早餐，地方唔算大，坐滿大約可以容納20人，尚算乾淨。今日目標清晰，就是蔥花蛋治 烘底，另外多叫一份侍應推介的炸蝦條、牛腩煎米粉，再配上一杯熱奶茶，一杯熱檸水。蔥花蛋治送到枱，一碟總共分為三件，細心睇，原來一件蔥花蛋治係有四部份組成，抵免各有一塊搽上牛油嘅超薄多士，中間夾有一塊白方包，及主角蔥花炒蛋。一啖咬落蔥花味濃郁，喜愛食蔥嘅朋友一定唔可以錯過，另外多士夾嘅方包又是另一種有趣口感，要整一塊咁薄嘅多士真係唔容易㗎。之後到炒米粉上場，表面平平無奇，我咬落去充滿龍龍嘅蛋香，炸蝦條香又脆，牛腩用另外一隻碟仔上，有蘿蔔片墊底非常入微，牛腩面放有生蒜蓉及乾辣椒🌶️，很配合。牛腩單吃少少偏鹹，但撈上炒米粉食，的確係相得益彰。熱檸水又是另一個細心位，一般薄薄嘅檸檬片換業檸檬條，基本上唔使篤都已經出晒味。一份滿意早餐，老闆介紹下次可試吓飲「凍啡樂」之後同齋啡，加可樂，再加姜絲。

早上9:00喺新觀塘駕駛學院練完車，心諗難得入到黎觀塘又未食早餐，梗係依埋肚先至返工啦。一入到去，見到成個場都係 Menu，花多眼亂。最後決定試吓佢個牛腩蝦條煎米粉，可惜我唔食牛腩牛筋，所以個姐姐叫我可以轉其他嘢，而我就揀咗麻辣雞翼。個麻辣雞翼真係做得好出色，加埋蠔油配搭個煎米粉，真係好好食。至於個蝦條可以再香口啲同冇洗咁油。其實我見佢啲椒鹽燒賣，同埋蔥花蛋治都好吸引。下次再去練車，可以再試埋佢其他嘢

“手撕雞五香肉丁麻辣撈通粉”($52)“牛腩蝦条煎米粉”($52)“魔鬼奶油多”($27)呢間喺觀塘工業區嘅餐廳不嬲都好有人氣😆同一般嘅茶記好唔同呢道嘅菜式都非常之創新🤣難得嚟到一次過叫咗3樣招牌菜🤩第一道係手撕雞五香肉丁麻辣撈通粉🐔🐷🌶雖然話係手撕雞但啲雞肉其實係一片片😆上面仲有大量嘅蔥油撈咗麻辣油嘅通粉加埋蔥油確實幾惹味但都確實係幾鹹😂第二樣係牛腩蝦條煎米粉🐮🦐碟牛腩好腍好入味😍大大舊蘿蔔都好甜☺煎蛋米粉都係第一次食🍳個米粉煎得好夠香有少少脆口味道講真係ok嘅但其實牛腩,煎米粉同蝦條係完全分開食😂最後係魔鬼奶油多😈麵包夾住牛油,出面舖滿阿華田粉加埋煉奶一齊食真係超邪惡🤤3樣嘢食入面呢個最正😆要注意嘅係呢道嘅嘢食份量都幾大😂我地2個人好辛苦先清哂所有嘢食😂細食嘅朋友記住唔好叫咁多嘢食啦🤣

1.味道：嗌咗蔥花蛋治，好普通，完全唔值得慕名而來；老闆介紹咗個魔鬼奶油多都唔錯；最差係個豬扒辣公仔麵，勁咸勁辣，完全唔想食2.態度：之前有朋友話老闆好風趣，可惜我地黎到覺得佢係無禮貌，疫情期間仲搭住人膊頭，對我哋評頭品足，可能佢覺得自己好搞笑，但感覺係恃熟賣熟3.環境：迫

朋友話想食茶餐廳...我一聽到就耍手擰頭，因為平時食得太多，出嚟食野仲食茶餐廳？之後佢話呢間唔同㗎，叫我睇吓食評睇吓menu先啦😏睇完😂好似幾得意咁喎⋯⋯就試吓先叫咗牛腩蝦條煎米粉、手撕雞五香肉丁麻辣撈通粉、蔥花蛋治烘底同啡樂😆**********牛腩蝦條煎米粉🐮（$52）🌟推介🌟牛腩上碟前先淋上麻辣油🤩正...又唔會好辣，但又有麻香牛腩炆到好淋入味，牛筋都好淋，好多膠質，好似食咗好多骨膠原落肚咁😂煎米粉上有少許蠔油，個人覺得唔加都可以，夠哂味**********手撕雞五香肉丁麻辣撈通粉🐔🐷（$52）🌟推介🌟雖然叫做手撕雞...其實可以叫佢做雞片，完全唔係一條條絲，🐔手撕雞上仲有大量蔥油；五香肉丁差不多俾咗半罐，份量真係好足😂通粉上淋咗啲麻辣油，應該同牛腩上面嘅辣油一樣，唔辣但惹味😋**********蔥花蛋治烘底🥚🥪（$27）🌟推介🌟唔鍾意食蔥嘅我竟然會叫呢個多士！喺咁薄嘅多士中間仲可以𠝹開塗上牛油🧈，師傅好用心呀❤️夾住炒蛋又溶溶地，佢真係好好味😋咬一啖，成口都係蔥香味，煮過嘅蔥係好味啲👍🏻**********凍啡樂🥤（飲品跟餐半價+$12）🌟推介🌟聽都未聽過，朋友介紹飲，係幾得意😎

之前聽講海潮幾正，去開觀塘決定去試下😛呢間餐廳真係隱世😂無招牌，行到去地址認到外賣紙先揾到😌手撕雞五香肉丁麻辣撈通粉🌶聽落好奇怪，但係幾好食🙈手撕雞唔係平時食開個種，我會形容做雞塊😂個係好食嘅😛撈埋一齊食又辣又香會食唔停😆食落唔會太油，但覺得卡路里應該幾高😛椒鹽燒賣正正常常😆蔥花蛋治烘底🥪蔥花蛋好香，好足料😋😋😋夾埋烘過嘅麵包🍞簡直一流😚觀塘好多餐廳，呢間好特別，又抵食😆十分推薦大家去試吓🤣🤣呢度有普通茶餐廳可以食嘅嘢，但大家都好似只叫佢d特別菜式😂

海潮食堂以<蔥花炒蛋多士>聞名但<牛腩蝦條煎蛋米粉>也不能錯過煎蛋米粉上的蠔油千祈唔好用晒 除非你唔怕鹹第一次食煎蛋米粉覺得幾香口 夠乾身 煎蛋唔會太硬 而且好飽肚牛腩方面 其實同煎蛋米粉唔係一家人又唔係話要撈埋食 獨立食其實又鹹左d但牛腩上個堆調味 麻麻的 微辣 唔食辣嘅人都可以食到麻得好過癮蝦條就更加係獨立存在雖然係三個parties但又唔會有衝突嘅環境方面鋪頭細細而且有點殘舊但唔會覺得唔衛生而且侍應們都好友善我個人最愛地道小店