海港酒家

營業中

休息中

星期日又係例牌去飲茶啦哩間酒樓例牌都係多人排隊，我地等左十張枱呀好肚餓啦救命即刻狂嗌野食先「沙爹金钱肚」「叉雞飯」「黑松露腸粉」「豬腳薑」「胡椒豬肚湯」哩度都係即嗌即蒸所以全部都係熱辣辣既今次碗「豬腳薑」有驚喜呀，好大碗，舊舊豬腳都好大舊，不過隻蛋如果再硬啲入味啲就好啦「胡椒豬肚湯」都好惹野呀！「沙爹金钱肚」係我媽咪既最愛，每次都必嗌，「黑松露腸粉」就一般般呀!!!!!!叉燒雞飲啲雞唔好食咯綿花雞都okay呀，熱辣辣既😚😚😚😚

黃雨的假期，沒什麼節目就飲茶去吧，小排隊半小時也有位了。「黑金流沙包」外形幾優雅，黑包外金筆一揮，沉實中點點豪，咬下去的時候真要小心熱熱的流沙。「鮑魚燒賣皇」$38，一籠三粒，小小的一口鮑魚沒什麼特別，但燒賣應該是廚房整的，不是那種死實的肉，唔錯😋「子薑豆醬蒸魚雲」比以前細碟很多，得兩件魚頭雲，底有三件豆乾，豆乾吸盡醬汁很滋味。「炸芋角」傳統點心，算酥脆，老媽說只有假期才有得吃，平日沒有提供的，試得過「帶子福建炒飯」$78，味道雖然一般但很大碟也多蝦，家庭聚會必吃，一定餵飽你班化骨龍。假期沒所謂啦，志在一家人聚聚，呢間價格也相宜。

同屋企人出去食飯好多時都會揀酒樓 老人家最愛其實平時已經成日嚟食飯但今次試咗佢個阿拉斯加長腳蟹可能依家當造隻蟹好新鮮好實肉一啲都唔水食落去好清甜唔使點豉油Wasabi最鍾意食阿拉斯加長腳蟹因為啖啖肉食完個蟹蓋可以拎去炒飯撈埋啲蟹膏搽出嚟好好食

和同事食飯，以前常常去置富稻香，但每況愈下，今次試這間，中午不會太迫食物不錯，十分精緻。蘿蔔糕，蝦餃都很好味，最正的是肉絲炒麵，一個個麵團和汁分開，很漂亮流沙包都不錯可惜試不到甜品～狗狗

今天弟弟帶女朋友回家吃飯，訂了晚上八點半海港吃飯。我們還是嘗試提前到達餐廳試下Walk in，可惜週六人實在太多了，坐門口等了我20幾分鐘，比原訂的8點半早了一些有桌。海港的菜，吃了很多次，都很喜歡，沒有味精之餘，真材實料。昨晚叫了清蒸龍躉，約2斤，脆皮雞例牌，果不同醋肉，潮式春菜，龍蝦伊麵，瑤柱蛋白炒飯，花膠螺肉雞湯，約7碗。以上係6人食，加一連茶費，一共1201元。人均消費200元，吃到很飽!家庭聚餐，沒地方可去，就選海港

之前番工期間黎過依間酒樓，就同同事進來嘗試享用午餐，我們九個人坐左一張大枱，同事看一張點心紙，問大家想吃什麼，我看見點心紙有很多很吸引的食物，看似很好吃的樣子，令我更加肚餓，我選擇不了哪樣食物，看見隔離枱枱上有一碟蘿蔔千絲酥，非常吸引，於是千叮萬囑同事必定要點蘿蔔千絲酥。 在等待期間，我不斷期待蘿蔔千絲酥，看見蘿蔔千絲酥，我非常開心，看見金黃色的酥皮，流晒口水，一咬落口超級鬆化，入面有好多蘿蔔非常好食，加上送到來是熱的，令我食過返尋味。極力推介一定要食呢個蘿蔔千絲酥。　

同媽媽游完水就黎食野，好多客人，有不搭枱及搭枱之分，我們選了搭枱的！服務就普通，唔係咁多員工幫手，好似唔太夠人，平日有特價雙拼，$26可選2款點心！都幾多選擇，有炸野、飯、粥、腸粉、餃等（皮蛋瘦肉粥）皮蛋好咸香有口感、粥好綿好滑、肉好軟腍（臘味蒸蘿蔔糕）蒸蘿蔔好香好滑，多蘿蔔條！甜甜的！臘腸好香唔硬！（野菌黃金餃）大大雙又熱辣辣！賬卜卜，好香好有口感！好多餡又皮煙韌透明（冬菇蒸雞飯）飯都幾多，軟軟香香的飯；雞滑又軟腍、冬菇香有咬口

難得放假一天, 同媽媽輕輕鬆鬆到西寶城海港酒家飲個早茶.海港酒家早茶時段有一個"自選點心孖寶"的優惠."自選點心孖寶" 只需港幣26蚊, 就可特定的20款點心裡任意選兩籠.如果你早上930am 前入座, 有一個"早市優惠點心推介"的優惠.比"自選點心孖寶"優惠更抵, 但只有5款點心選擇, 價錢是由港幣8.8 起如果優惠點心不合心意, 亦可算正價點心, 選擇亦不小其實西環酒樓選擇不多, 所以如果想飲早茶的話, 西寶城海港酒家可說是唯一選擇.雖然食物未見特出, 但它勝在環境比較舒服, 優惠點心選擇亦不少和衛生程度較好.所以都是直得推介!!!

食蒸氣鍋嘅熱潮好似無前一排咁厲害，但其實自己就一路都未試過，因為都大份，所以要約多幾個朋友先試到。然後朋友食過呢間的蒸氣鍋，覺得都唔錯，又抵食，所以就搵埋我去試下。我地一行4人就叫左呢個SET，就咁望落D份量都唔少，價錢仲要包埋飲品同加一。個鍋下面一開始就會放左D粥係度，上面就不停蒸野食，等D海鮮嘅精華流落個粥度，再一路食一路滾住。食材新鮮，每樣都有提示要蒸幾耐，唔會過老。最後的粥集所有食材精華，好綿好入味。同枱大食的朋友都話食得好滿足同好飽。咁嘅價位的蒸氣鍋真係性價比高﹗

明天就飛內蒙啦，在飛之前喝餐茶，因為之後幾天都吃不好了蔥香安格斯牛鬆炒飯（$98）海港的炒飯都很香，但好像無論點什麼炒飯，都是同一個香氣😂這個炒飯用的油可能不太好，仔細嚐會吃到點苦味蒜香蝦醬肉排（$42）肉質不錯，結實而不韌，上面灑有大量的炸蒜，吃得出是新鮮炸的，夠熱也夠酥，只是稍微鹹了點。蜜糖芥末淮山（$33）這是一個涼菜，淮山是軟粉類的，我不太喜歡，和蜜糖芥末也不太搭。勝瓜雲耳燉鮮雞（$24.8）雞肉只有一塊，裡面還有兩大塊很厚的豬皮（？），還不錯吃，勝瓜在底下，有兩三塊，份量不多。豉蒜煎釀雙寶（$23.8）雙寶是尖椒和茄子，茄子皮略硬，但是夠厚，也挺香的。上海小籠包（$23.8）裡面有湯，皮厚。茶位$8/位

當晚同家人和親友慶祝生日聚會有乳豬、龍蝦，雞、魚、湯、壽包等，非常抵食。中午飲茶值得推介的是蒜香班頭腩飯😋😋👍🏻，其他點心味道也很好。值得推介👏🏻👍🏻

住西環既人都知，海港每日都好多人排隊飲茶。拎完籌，等一個鐘都係好平常既事，因為佢啲點心係西環都算高質。黑椒牛仔骨，比較韌，但係呢個就係牛仔骨既特色，調味唔錯。鴛鴦燒賣蒜蓉蒸鮮魷，呢個食到爽口既魷魚定係lum bat bat既魷魚就要睇你運氣啦。牛肚，係我飲茶必叫點心之一，但係略嫌醬料多左啲。臘腸卷，呢個我就無食到，因為係老人家至愛，我唔敢搶啊🤭甜薄撐，個皮煙煙韌韌，有花生白糖椰絲餡，我幾鍾意。流沙包，流沙包係比叫之一，我唔知道依家仲係咪呢個樣，但係味道唔差嘎，不過食既時候就要小心唔好燙親個嘴🤭馬蹄糕，雖然煎過，但係無外脆內軟既效果。有粒粒馬蹄，都算補返數，不過不失啦。

每次去海港都大排長龍，等好耐先有位，今次有人去攞位先，去到啱啱好入座。我地三個人，叫左兩個主食同一籠叉燒包，叉燒包無影到相，但係我記得餡兒唔多，味道普通，無咩特別。兩個主食分別係黃金蟹肉大蝦伊面同一口鮑魚炒飯。呢個伊面味道上係值得稱讚，食落幾滑口，而且蝦既份量同size都幾足。唯一遺憾既係佢既「黃金」係碎紅蘿蔔，有少少取巧。一口鮑魚炒飯如果有去開海港飲茶，食過佢個鮑魚燒賣就會知有幾搵笨，鮑魚好似手指甲咁細粒。但係佢呢個炒飯出奇地鮑魚有五蚊銀咁大，而且可以分到每碗飯都有鮑魚，味道就無咩特別，但係飯炒得幾乾身，唔錯。

服務態度其差，唔休做。農曆新年服務最好，因為想你給他們新年利是。附近沒有大酒樓，以為獨市生意。大集團也如此，應該改善一下管理水平。服務質數比食物水平更重要。不要求高水平服務，但基本要求也欠奉

原本想係唔洗返工既星期日訓到自然醒，可惜天公不造美，比雷雨聲吵醒. 起左身訓唔番，只好陪屋企人去嘆番一盅兩件.由於落雨太多人黎海港食，足足等左9個字先有位，等到腳都軟.養顏燕窩蛋撻，女士們至愛❤️仲點左2，3樣邪惡煎炸物🙈香口，脆脆的，但少吃爲妙.為左彌補內疚感，叫了碟青菜叉燒包乾身了些,味道還可蝦餃皮薄，蝦夠大粒，幾有口感點心種類幾多選擇，味道價錢都ok,唯獨等位比較耐，放假住附近又得閒既朋友不妨黎試下.