海港酒家

今天帶兩個細路飲茶。食物還可。服務差得驚人。等了很久，有兩碟點心沒有到。追了多次，無人理。 最後甜品都食完，臺到執埋，都未到。到收銀署畀錢。竟然唔肯幫我取消未到的食物， 叫我繼續等。最驚人收銀阿姐大講粗口！！ 咩事。。。。最好要自行找經理處理。又係叫我等下。。一點唔好意思都冇。。。Food was decent but the service was shockingly bad. The cashier refused to take items off the bill which did not arrive and kept swearing profusely. Unbelievable.…查看更多

晚上七點到場，坐了差不多八成的人，櫃檯阿姐隨手比了枱號我，就話係就依家入啦，Walk in嘅一陣冇位，果然過了一回就坐滿了，還是平日晚上星期四。不想煮飯的母忽發想到四人坐坐這久未光顧的中菜館子。金薯黑椒牛仔骨 $118牛仔骨醬汁濃味，黑椒汁偏鹹(出外用餐係咁㗎啦)，勁香黑椒味，牛肉沒有用過梳打粉的感覺，有牛肉味，金薯略嫌太生，送飯可以。蒜茸粉絲蒸龍蝦仔 + 濃湯魚腐浸菜苗 $198龍蝦仔結實新鮮，有少許蝦糕，腳仔都有肉，都不錯。菜就是普通菜，沒有吃菜苗的嫩感，魚腐不錯頗為出味。豉椒炒莆田聖子（約1斤） $118這個價錢換了一大鍋但有微辣大排檔風味的炒聖子，大部份鮮甜肥美，肉質有口感而帶嫩，抵食。濃雞湯花膠煲螺頭 (6位用)$188每人分到兩碗，有六舊花膠，湯汁濃郁如其名真材實料，鍋湯的旁邊打撈了吸收了湯汁香味的老雞肉，附上幾隻雞腳，一堆螺頭片，口感和味道都非常不錯。以上菜式的份量足夠五至六人吃(打包了一點點回你去)，每位茶介$13，算抵食。看看整個場地充滿人，有的食圍席，眼見侍應姐姐忙住枱了不少豐富的菜式、例如原隻燒鵝、一大籠炸蟹鉗波波、原隻巨型皇帝蟹、一大籠壽包，憑我們今晚菜式的水準，以及觀察其他桌的菜式而言，這間歷史悠久的老牌酒家算是有一定水準和實力經營，而現場不少一家大細捧場，甚少晚飯吃中餐的我們，一瞬間彷彿回到舊時熱鬧而傳統的香港茶樓。七八年未光顧的我們想到以前一大夥親友十多人共聚的光景，當年情景已因祖父輩的離去一去不返，今晚難得一家四口子光顧，有種説不出的感覺。…查看更多

一家人共10人慶祝母親節， 點知一坐低， 個侍應就不停咁問， 你哋會唔會飲湯， 我哋話等一等先未睇完餐牌， 過咗唔夠一分鐘，佢又過嚟再問， 語氣態度非常之差， 跟住就話 ，如果你哋唔飲湯我就收咗啲湯碗， 我哋同佢講我哋會叫湯咁佢就走開咗喇， 過咗一陣又走過嚟 話要同我哋落單， 我哋話都未睇完等一陣間先， 佢就冇回應就走開咗喇， 非常之冇禮貌 ，跟住落單嘅時候講個菜名畀佢，佢話要比個number佢， 語氣態度非常之差， 跟住我哋話唔記得個number喎你睇啦 ， 跟住佢發曬脾氣叫第二個人嚟幫我哋落單，未開始食飯就已經受氣， 啲嘢又唔係特別好食， 咁樣服務嘅餐廳唔會再去囉…查看更多

今日聽朋友講海港酒家燒鵝特價，38元例牌真係好平，於是拖住 Honey 搭長途車來吃燒鵝，在門口見到餐牌，原來特價的還有蒸魚，真是超實惠。於是二人坐低開茶點菜，等食平燒鵝。兩支公點了一碟例牌燒鵝，一個櫻花蝦粉絲椰菜煲，一葷一素健康開心。 這裡的茶位費也很便宜，只是13元一位，白飯15元一碗，也是很實惠的。兩碟菜很快送到，燒鵝份量不小，都是胸肉部分，但顏色暗啞，無燒鵝香味，食落肉有點梅梅地，明顯不太新鮮，鵝皮也不脆，望下隔離大台客的燒鵝明顯不同，大大碟，皮光肉鮮，香味可聞得到，好失望😔，酒樓將不新鮮的鵝給新客或消費少的客，似乎不是理性的做法。🤬櫻花蝦粉絲椰菜煲就很好，份量足，煮得香口乾身，配搭了蛋皮芹菜，好味又能送飯，雖然價錢💰不是特價＄118，至少是貨真價實，交足功課。👍…查看更多

一家於21/1/2025去西環海港吃團年飯, 5口子點了長腳蟹又龍蝦燒雞燒鵝豆腐, 本是喜樂滿滿。可是直到晚上八時半, 鄰近兩張大枱的一邦食客飲酒之餘開始吸煙, 旁若無人！當晚食客滿座有老有少, 我請求服務員為此作出適當處理。服務員（1）苦笑說：「冇辦法啦人哋飲到醉薰薰...」服務員（2）說：「我都冇辦法...」服務員（3）鼓起勇氣走到那兩枱彪形大漢前指著我們說：「先生,有人投訴你哋吸煙！」 接著那邦大漢狠狠地瞪著我們, 還有一個說：「不用理會！」服務員（4）重複叫我們向管理層投訴！食肆禁煙是法例, 食客向店員反映是盡公民責任；店員坐視不理是幫兇是委責是縱容！可是我們反而像是被點了相, 被服務員出賣, 受盡白眼和嘲諷！！很後悔沒一開始即時報警！因為控煙辦個舉報熱線也是長响沒人接聽, 都是廢的！最後因為煙味太烈, 我們怱怱把最後遲來的一道長脚蟹吃完便無奈又掃興地在9時結賬離去！埋單$2800, 人均 $560 也要無辜吸食二手煙, 還一肚子氣不能伸張！欺善怕惡有法不依我是多年食客, 但今次經驗令我對貴店十分失望！短期內不會再光顧了！…查看更多