海港薈

營業中

休息中

是晚慶祝父親節～ 👨🏻近近地去樓下附近酒樓少少慶祝一番嗌了一個阿拉斯加長腳蟹套餐先來紅燒竹笙翅，正正常常，係好味嘅竹笙份量唔少落埋紅醋落去食，正清蒸鮑魚，有少少果皮墊底，增添香味，唔記得咗幾多頭鮑魚白切雞同清蒸石斑龍蝦伊面，有龍蝦肉，唔會得啲殼，無🦞肉食哈哈… 戲肉來了！一蟹兩食先清蒸阿拉斯加長腳蟹，蟹肉10分鮮甜大大隻蟹鉗蟹腳另一食係蟹蓋蟹膏炒飯蟹膏份量OK，加咗啲蝦仁同埋帶子落去炒，個飯幾香口唔錯

又來到婆婆的生日了，因為她住大埔區，所以我們到了大埔的這家海港匯晚飯。我們一行八人，點了十二人的圍餐吃哈哈本來是屋邨酒樓沒太大期望，但食物我覺得還不錯！右下的陳皮龍躉我覺得是全餐比較不滿意的，因為是切件不是整條上（因為是一魚兩味）。我覺得魚味一般，但親友很欣賞這裡的陳皮，說很香是靚陳皮。最有驚喜的一道菜！平日大多吃陳皮蒸，但椒鹽炸卻仍保持彈性，也吃到鮮味！炸子雞 ，不會老也不太生，最怕吃到有血水的。很足料，有兩隻龍蝦吧。可惜有一隻不太新鮮，另外的肉質很彈牙（2隻我都有吃，哈哈）8人吃12人份量的每人才300元，很抵！食物也不錯呀

搬進大埔之後第一次到這裡飲茶，早上十一時多取票輪候，等40多張枱，差不多到一點有位。5人點了一個鳳爪排骨飯，皮蛋瘦肉粥，粟米魚肚粥，黑金流沙包😋，叉燒酥，叉燒包-用四方木盒盛著，大大個的。另點了三個甜品，焦糖燉蛋-這個原來不是熱的，但味道也不錯，甜度適中，椰皇燉蛋白-有些碎燕窩，好味，還有紅豆沙

跟長輩食飯 中菜永遠都是無敵 長輩們永無say no正好姨姨到來 一行五人又可以試試新菜式 剛好家中附近既海港薈早排重新裝修後重開 於是浩浩蕩蕩一行五人去一試究竟 裝修後既海港薈裝潢華麗 但不失平民化即使當日是六點多既星期六已經有好多人在排隊 等了大概廿分鐘左右就可以入座 不算太耐 一行五人 點了五樣 有飯有菜有肉有海鮮 尚算豐富 黃金炒飯 以雞蛋炒飯底為基礎 炒飯配料不算多不過亦不算少 有小元貝 粟米粒 翠肉瓜 蟹籽以及香蔥粒 炒飯食落乾身香口 香味不算特別強烈 味道亦不算濃味 不過不失蜜味燒豬肋骨 賣相不錯份量足 食落甜甜地非常惹味  豬肋骨肉質軟腍香口 外脆內軟 滋味無窮 瑤柱鮮菇燴海參 鮮菇炒得爽口唔油膩 瑤柱味香 海參口感爽滑彈牙 炆得軟腍不過就不算太入味  鮑魚小炒皇 用上充滿咸香嘅蝦乾 鮮蝦肉 菜甫 西芹 腰果 蒜芯 最後加埋原隻鮑魚仔 平民中不失貴氣 惹味撲鼻 送飯、佐酒一流之菜式 不過略嫌鮑魚仔未夠軟腍入味 整碟味道偏重 蔥燒牛仔骨煲 蔥香惹味 牛仔骨算是腍滑 不過可惜味道未到位 有點可惜 五人行食了大概七百多 以呢個價位

今日朋友生日去了大埔海港酒樓食生日飯，先來個芝士龍蝦伊麵底，龍蝦好新鮮肉質好彈牙，伊麵配芝士汁好入味麵條好有咬口，再來一大條海魚大廚蒸到剛剛好，魚肉質好甜美一入口就感到好滑流，再來燒鵝好少食到燒鵝個皮還是脆卜卜的，鵝肉又好軟熟，再來果皮蒸鮑魚這味菜個鮑魚蒸得過了火候肉質太硬，蔥爆牛仔骨個肉質唔夠鬆化，最後來個壽包是奶黃餡比起平時食蓮蓉餡好食好多個味唔太澴清新D。

年初五的中午，牛爸在大埔火車站接馬騮仔返牧場，所以在新達飲豬年的第1餐茶。12點8，3大1小，拎了240號飛，還要等56張枱。最後1點10才有位。入座後點了燕窩燉椰皇及發財好市豬骨粥都賣完了，就改了金錢肚和湯米線。先上枱的是炸蠔迷你春卷，1碟6粒，粒粒脆又不油膩，內饀全是蠔仔，沾微辣的燒汁，配搭特別又好味。椰汁馬豆糕香滑帶濃濃的椰汁味，甜味剛好，就是馬豆有點少蔥花湯米線，是為了馬騮仔才點的，估不到很大碗，米線又長又滑，湯頭有些燒味的味道，但不油也不咸，小孩吃得很開心呢。山竹牛肉和金錢肚都是即蒸的，熱騰騰，不過份量都有點少，牛肉球3粒只佔碟的大半位置，金錢肚只有5片，其餘一半都是蘿蔔條。帶子蛋花腸粉，是漏單後補回的，估計是因為在賣完的發財粥的同一張點心紙，所以入漏單。不過可能不補更好。因腸粉很厚，而說好的帶子呢？只是手指尾頭大小的元貝肉。而蛋花是混入在腸粉皮內，可能是火侯不同，蛋花過熟，變得鞋口，令腸粉失去了應有的絲滑。

一家去海港飲茶，裝修左之後第一次去，見佢多左好多食物選擇，不覺不覺都點了好多點心。粉果-入面多菜，味道剛好，粉果皮煙靱，好食！流沙包-真的好流沙！味道不太甜，有爆醬的感覺，好食！香蒸糯米雞-糯米煎得脆脆的，入面有肉有鹹多，好足料！口水雞-這個就一般般啦，雞都算滑，但一點也不麻辣，像是化學辣，不夠香！鮑魚燒賣-這個都幾好食，鮑魚仔淋滑，燒賣爽粒，有誠意！灌湯餃-最喜歡這個灌湯餃！ 湯底入味，有花膠和鮑魚，餃子入面多肉，十分足料！好開心的飲茶經驗！

小弟太嫲生日宴，去大埔近佢老人家嘅酒樓，基本上每年都係食呢間，我覺得每年都唔錯。今年呢隻雪場蟹重有半價，$1200，1.5kg。聽落非我吸引。我今次只是參加宴會者，不是落order之人，所以不知詳情，據說是活蟹，若如是，非常底食👏小弟剛去完北海道，但沒有食鱈場蟹，只食花咲蟹。講開鱈場蟹，如果你唔知佢點解叫做鱈場蟹，等我話你知。鱈場嘅意思唔係好凍嘅地方，係鱈魚住嘅地方，呢種蟹好鐘意食鱈魚，用鱈魚做餌。喺北海道當地食嗰啲，9成都係Russia出產，基本上只有去相熟嘅餐廳，你先會食到日本嘢。我今餐喺香港食，算係一個補嘗。講返隻蟹，有肉汁，致於味道，我覺得唔錯，有甜味。其他小菜，我覺得都好味道，可以再來。整體滿意。

人山人海嘅酒樓 招呼有 還算好嘅餐具靚 乾淨 天花裝飾靚 光猛枱枱之間較迫 比較嘈收碟換碟快 美食 有質素 份量足乳豬夠多件數 脆皮肉嫩 肥肉爽口百花球~ 爽虾球 鮮 少少肥肉 唔腥豉汁蒸班頭腩~微腥 淡口豉汁未入味翠玉瓜炒班片~ 新鮮 肉甜西蘭花炒大虾蚌片 ~ 大大隻虾球 爽脆脆皮炸雞~ 大隻 熱 皮脆肉嫩上湯龍虾伊麵~2只新鮮 但1只梅咗 兩枱龍蝦都係咁 失分

朋友話想食阿拉斯加長腳蟹，所以今晚選址大埔新達廣場「海港薈」。當時有百日宴故餐檯不多，好彩尚算寬闊樓底高空間感十足。服務態度有如大排擋，你可以認為夠貼地，我意思係粗聲粗氣，有如鄉民招待。冬瓜盎$168湯底清甜今足料👍海港燒鵝燒鵝半只 $208上檯熱辣辣，深褐色燒鵝烤至皮脆肉嫩，一啖咬落去肉汁慢慢甫出，燒鵝的香氣無與倫比!😋😋👏沖繩黑塘脆豚肉$128剛上檯尚算脆口，酸中帶甜多，色彩繽紛敗筆之處是選料， 豚肉有七成是肥膏😓，點食啊！黑椒豬手$128濃濃的黑椒汁肉質腍，味香濃。上湯波士頓龍蝦$560 + $70 伊麵底 主角出場鮮香爽彈，陣陣蒜香的上湯封鎖龍蝦肉，個人認為上湯比較杰撻撻伊麵糊口！晚飯精選我認為是海鮮精選才真。🤣海鮮推介原本我們是來食阿拉斯加蟹部長話最輕都六斤，嘩😲 一輪商議後我們還是不食了。最後晚餐六人用膳每位 245.00 ，有龍蝦燒鵝都算抵食👍

今日我們約咗個喺大埔區住嘅好朋友見面，我們問佢提議去邊到飲茶？佢就話去新達廣場嘅「海港薈」食，因全新裝修後嘅點心款式選擇比以前多，所以我們就決定去飲中午茶！我們叫咗青芥末醬炸鯪魚球炸得表面好金黃香脆，入面嘅鯪魚肉相當爽口彈牙，就算唔駛另外點醬都好正呀！滷水豬腳仔滷得好入味，質感相當爽滑鬆軟！原隻鮑魚酥係用牛油餅皮嚟做，而且焗得好鬆脆，牛油味相當香濃，除咗盛載著爽滑彈牙嘅鮑魚之外，仲有啲切成粒嘅菇，夾埋一齊食，層次感非常豐富，真係好正呀！豬仔流沙包係眾多款點心之中最值得一讚，因我們叫咗好多點心，所以等到差唔多最尾先食，但個包無因放到凍咗而變到又乾又硬，相反仲係好軟熟，而且入面嘅流沙餡仲係超流沙，真係超正呀！翡翠筍蝦餃皇嘅餃皮好煙韌薄身，蝦肉極之爽甜彈牙，而且相當大隻！水晶鮮蝦腸嘅腸粉好晶瑩薄身，可以清楚睇到入面嘅蝦肉係有幾大隻，而且質感相當軟滑！鮮竹牛肉球嘅肉質好鮮嫩多汁，食落有清香嘅芫茜香味，而且牛肉味亦好香濃！映雪棗皇糕係用香甜煙韌嘅棗皇糕沾滿白色同紫色嘅燕麥片，口感好豐富！脆皮淮山卷「就咁睇」表面賣相，以為好似普通嘅炸春卷，但整開一半嚟睇，就見到入面係軟滑嘅淮山蓉，味道好清香，最好

今晚我們喺大埔附近做完嘢之後去咗新達廣場搵吓去邊間店食晚飯？行到去見到呢間以前叫「海港酒家」，而家轉咗名叫「海港薈」兼且全新裝修過，而且裝修得非常華麗同好夠光猛，所以我們就決定入去食晚飯，睇吓除咗店內裝修靚咗之外，食物出品係唔係都一直保持水準！一開始我們當然叫咗煲招牌燉湯濃湯花膠煲螺頭嚟飲，湯料好足料豐富同火候十足，所以湯底嘅味道非常鮮味濃郁！平日食開嘅通常都係龍躉兩味，但店員就同我們推介話大海杉斑都有兩味，而且味道比龍躉更加鮮味，所以我們就叫咗嚟食，大海杉斑兩味：翡翠炒大海杉斑球嘅肉質非常鮮嫩彈牙，魚皮嘅質感相當煙煙韌韌，而且有好豐富嘅骨膠原！而陳皮蒸大海杉斑頭腩蒸嘅時間火候控制得恰到好處，所以肉質超鮮甜嫩滑，真係好正呀！金湯貴妃浸羽衣甘藍嘅金湯係香甜南瓜湯嚟，浸著平日祇係試過搾汁嚟飲嘅羽衣甘藍果汁，但今次係第一次食用羽衣甘藍嚟做菜色，感覺好特別同好創新，真係別有一番風味，而且我們仲將全部金湯飲晒，真係好好味呀！係本人嘅必食推介！豉蒜日本南瓜燜海參嘅海參燜得好腍好入味，南瓜好香甜軟嫩，再加埋惹味嘅醬汁一齊食，感覺出奇咁夾！一品脆燒鷄燒得外皮相當香脆，肉質非常軟滑，就連鷄胸嘅位置亦唔會