海港薈

營業中

休息中

大埔火車站商場不限時食肆不太多，這裡算是朋友敘舊的好地方。一早約了幾位朋友早茶，見新出了個點心拼盤$ 8 8，有十多件點心，即點一試，沒失望，併盤內有平時喜點的蝦餃、燒賣、馬拉糕、叉燒包、粉果…各2件，抵食！味道合格，另炸両有很多葱花👍🏻，但欠甜、麻醬和芝麻，扣了小小分，咸水角亦脆，不過工作人員少，服務欠奉。

朋友外地回來相約敘舊吃飯，在外地多為品嚐西餐，回來當然要吃中菜，就近近地又方便大家坐車，選了在大埔墟站新達廣場的海港薈。朋友回來後已外出吃了多餐，都想吃一些清清地的，於是四個人點了三款簡單菜式。花膠珍菌千層腐皮$138花膠炆得軟腍，膠質豐富，腐皮不是一般的，而是將之疊成滷豆腐似的，口感非常有層次👍😋櫻花蝦椰菜粉絲煲$108香口惹味，帶點微辣海味雜菜煲$128足料好味，有多達大約5種之多，另有菇菌、蟹柳及日式魚蛋連白飯茶芥加一$522.5

最近去咗一間出名嘅酒樓飲茶，嘢食普遍都等得好耐，要等差唔多20分鐘先有第一個點心，而且啲嘢食味道都唔好，絕對唔推介😵‍💫🙏🏻我最鍾意食奶皇包，佢哋嘅奶皇包賣相係幾靚，但令我真係好失望👎🏻 呢個包嘅皮好厚，最令我失望嘅係入面嘅奶黃好少，幾乎食唔到任何奶黃嘅味道。呢啲問題令我感到好唔滿意，因為奶皇包本身應該有豐富嘅奶黃餡料先至令人感到滿足⋯再試咗佢哋嘅燒賣同腸粉，但係個味道真係好一般，唔太好食🤷🏻‍♀️ 燒賣嘅肉餡味道唔夠鮮美，而腸粉嘅皮又厚又少料，但係同其他酒樓比較起嚟，味道真係唔夠出色。呢間酒樓嘅燒賣同腸粉係唔太推介嘅，如果你想食好味道嘅燒賣同腸粉，我建議你去其他酒樓試下啦🥵

好地地閒日去飲個午茶，門口勁多人等位，但入面勁多吉枱，叫野食嗌4樣得2樣，check單落漏左，叫我等多30分鍾俾佢蒸個排骨飯（已經等左30分鍾先追佢），阿姐勁無禮貌，叫我cancel單，嚟食野肚都未飽已經一肚氣，空住個肚去第2間餐廳食，最後仲趕客走，垃圾，只好講句，呢間野唔食無洩底

新一年想同屋企人食好d, 初三去 新達廣場海港薈食長腳蟹， 滿心期待去簡隻新鮮會郁嘅蟹， 結果碟都上枱，一食就知係死蟹D 肉一剪就散，絕對差過平時好多， 平時外賣長腳蟹都唔會咁差。食完餐飯， 屋企人對返揀蟹果陣既相， 一對之下， 蟹蓋斑點唔同， 搵個侍應黎傾， 一聽就知佢知廚房換蟹， 咁蟹都食佐喇， 又唔想嘈， 咁都冇計但真係有小小覺得過份係 疫情3 年以來 ， 一直呻話生意難做， 家人都一直幫襯 ， 但疫情過去了， 生意好了， 卻連基本既品德都沒有！

上星期叫左2圍同D 同事食飯一定要叫阿拉斯加長腳蟹蒸黎食勁鮮味而且有口感，啖啖都係肉，食落好滿足小菜都同樣好食而且價錢又抵鍚住個荷包雖然舊式D但都好乾淨企理一定會再食過

7月中，家人同嫲嫲一齊去了海港薈食晚飯，當日係平日，客人唔太多，我哋分了兩枱，每枱6人，叫咗龍蝦伊面，龍蝦彈牙，每件也大大舊，幾鮮，汁就合格，味道合適。長腳蟹本身好期待，因為今年都冇乜機會食到，2百幾蚊一斤，價錢可以，當然冇上兩年咁抵食，不過隻蟹唔新鮮⋯啲膏係苦，係灰黃唔係橙黃色嘅🤨，太過份，好彩蟹肉味道正常。另一枱叫嘅長腳蟹就比較新鮮。仲叫咗酸菜魚，唔太辣，酸菜味道尚適合，魚肉滑，係新鮮定雪藏就唔知了。另外三道菜分別係西蘭花抄帶子，雜菜煲，鮑魚雞煲，味道水準同出面中菜館差唔多，油份適中，呢個值得一讃。服務就真係有改善空間，有些員工好好，有些就冇乜禮貌。

第二輪消費券今日派發，一出門口周圍都人山人海，中午約了朋友去大埔海港薈飲茶，結果等位等了差不多二個小時😵‍💫因為太肚餓我們一坐低便狂叫嘢食，好彩上菜速度非常快，食物很快便鋪滿全張枱，非常滿足😊因為太肚餓所以有很多食物都忘記影相😜呢間海港薈屬於海港集團，出品有保證我們叫了很多點心不能盡錄，其中較突出的是酸甜炸雲吞，雲吞炸得鬆脆不在話下，裡面嘅蝦肉非常鮮甜而且很Juice👍👍👍另外泡椒鳳爪和豬大腸都非常好味值得推介！

難得有假期同屋企人行烏蛟騰睇紅葉，離開烏蛟騰後出番大埔墟火車站都已經成六點幾，可以就係大埔墟食埋飯先返屋企。一行五人去到酒樓吾洗等可以即刻入座，叫了古法羊腩煲（跟生菜），黑椒豬手，龍躉兩味（西蘭花炒球，清蒸頭腩）。古法羊腩煲：大大煲，不過羊肉好少但配料好多。配料有馬蹄，支竹，冬菇。由於個汁好濃味好夠味，所以羊腩不蘇同埋炆得好淋。黑椒豬手：比想像中大隻，黑椒味夠濃，豬手豬皮都夠淋，夠能肉質又不鞋。西蘭花炒球：西蘭花爽口，魚肉又吾韌。

今日特登去咗大埔呢間高級海港飲茶因為遲咗嚟食所以唔敢嗌太多，費事影響晚餐🥣 不嬲都記得呢間海港係貴價少少🤏不過今次食過不過質素再比之前好就算貴啲，但係佢除咗用料有特別新鮮真材實料，份量同埋size仲大好多就算嗌少咗都食到好飽！我自己就比較欣賞佢個叉燒腸&棉花雞！兩舊好大嘅雞再加兩舊炸魚肚！仲有少少蟹柳同芋頭喺度～ 好好味😋仲有啲紅棗同埋杞子配搭非常健康叉燒腸這搶皮非常彈口，而且有別於坊間！一啲都唔會油膩呢件超贊！出面大部份都係溝左油其實潮州粉果都好出色好巨大鳳爪排骨飯就同樣熱辣辣

訂左一圍，試下佢既龍蝦餐，比想像中多大碟，材料新鮮有獲氣，燒鵝比其他分店失色。😋😋炒豆苗好大碟，有獲氣，豆苗好香，正😄龍蝦多舊彈牙。😀翅好好味，唔會鹹，多料。👍🏻👍🏻新鮮又鮮，蒸得恰當好。😌好多蚌，只係帶子細左少少，好味。🤤抆得好好，入味！😋麻麻🙄外脆內軟，香口野味，大大隻。👍🏻大大隻，一半係奶皇味，另一半係蓮容，比教鍾意食蓮容。😀要讚係有個男服務員好有禮貌，好勤力，好招呼。😀

我唔明點解冷氣要開到好似係雪房一樣，早晚都係一樣，其實有好多老人家飲茶，開咁大冷氣會使人生病的，食物也會很快凍晒。每次去都會請他們關小點，但每次都冇细到。尋日去飲茶，個waiter話同我關小了，但完全冇改善，最後要未食完即走，真嬲。

朋友約在大埔晚飯，想吃長腳蟹；知道新達廣場海港薈有供應，於是六人同往一試。在魚池揀了最大的一隻，3斤15 両，每斤$288。 準備清蒸及加$100 蟹羔炒飯。侍應通知需要大約半小時才能上蟹，先叫了一個前菜沙薑豬蹄粒來伴酒。怎知不到十分鐘，蒸蟹與豬腳粒同時端上。一看那碟蒸蟹毫不鮮明，心中暗稱不妙。一人分了一隻腳，吃下更氣，六人都形容肉質不是一梳梳及無鮮甜味，一般自助餐有供應的凍蟹腳更好味得多。好明顯這隻不是我們剛在魚池揀的活蟹，很可能是已死去而放入雪櫃內一段時間。找來一個吳姓部長來理論，他很不耐煩地説你們已吃了那些腳，鮮味不是他們能控制的。我們叫他吃未吃的蟹身，看看他的感覺如何，他拆肉後未有試已說幫我們取消。興高采烈來消費，怎知道會如此中伏。當然不想再在此店氣下去，立即結賬往附近另一間酒家。今時今日，仍然有這些不老實的店舖去欺騙食客；如果消費者不反應，只會愈來愈多人被搵笨。

今日請左半日假去那打素醫院檢查，難得地有半日閒日時間，當然要飲個下午茶。搭小巴出返新達廣場就去左海港薈，下午茶時間原來去到16:00，我地入坐個陣已經接近15:45，話最多坐到16:30。於是一坐底就拿拿林落單，下午茶時間大中小點都以小點價錢($22)計算，另外仲有一張下午餐既優惠點心紙。​🈹​茶芥🍵: 每位$15​​香煎蘿蔔糕: 一碟有四大塊，有蘿蔔味，雖然食到唔多蘿蔔絲，但唔會太粉。​​五香咸水角: 入面既餡唔肥唔會太咸，外皮亦夠脆同煙韌。一籠有四粒，一人食兩粒超漏。​​新鮮叉燒腸: 腸粉滑，叉燒肉質鮮嫩。​​芋絲長春卷: 一碟有三條各分為兩半既春卷，餡料份量適中，十分香脆。​​鮮竹牛肉球: 一籠三粒，味道正常。​​本身仲叫左碟濃湯浸唐生菜🥬，但可惜竟然冇唐生菜而要取消。食完五碟野就飽到上心口，兩個人埋單$120，都幾抵。佢係海港集團旗下，應該係高級版海港酒家，所以環境都靚少少。​

2021-5-10是日與五位知己相約到大埔鳳園覓蝶與拍攝，中午後大家鳴金收兵，回到大埔廣場，在「海港薈」分兩枱祭五臟廟，舒舒服服享用茶聚。黑金流沙包~熱騰騰的甘香流沙，十分美味！鹹魚肉餅飯~~飯餸份量都頗少，肉餅像餅乾那麼薄，味道不過不失。鹹薄撑~~不油膩，有少許香脆口感，蠻好吃！銀蘿瑤柱米網腸~~米網是香脆的，被腸粉包裹著吃又脆又滑。虎皮尖椒~~蒜頭豆豉爆炒很冶味，BB的虎皮尖椒吃得很開胃。潮洲粉果~~有沙葛粒我就喜歡了！人均消費$71，比較偏貴。