去完慈山寺參學，就去《海港薈》飲茶，本身對海港都冇特別好印象，但周邊得一間酒樓，唯有揀佢啦。正所講冇希望就唔會失望，有時反而會有驚喜。「魚茸釀尖椒」，一個我麻麻地嘅菜式，但佢個味道一改我對尖椒嘅睇法。魚茸炸得夠香同夠惹味，配合香味濃郁而且帶點微辣，咬落有啲爽脆嘅尖椒，爆發力驚人，對於我唔太好呢道菜式嘅人係有驚喜。「家鄉咸薄罉」，呢個我覺得佢粉太多同厚，口感比較淋，有薄罉果種帶點脆嘅感覺。味道係唔錯，可惜我唔太欣賞呢種口感。「蘿蔔千絲酥」，金黃色嘅外表令人垂涎欲滴，咬落鬆脆可口，入面有大量嘅蘿蔔絲，清甜多汁，一軟一脆嘅混合，中和咗外皮帶乾嘅口感。「百花釀魚肚」，一個我幾鍾意嘅菜式之一，好鍾意佢個魚肚比鮮甜嘅清湯浸到好入味，加上爽滑彈牙嘅蝦膠，加上爽彈嘅飛魚子，三種唔同嘅口感一同爆發，完全係極致嘅美味。「長腳蟹肉水晶餃」，佢嘅蟹肉唔算話好多，食落都有蟹肉絲嘅口感，但蝦仁反而有好多粒，而且粒粒都爽脆彈牙，加上極薄通透嘅外皮，視覺同味覺上雙重刺激。「XO 醬炒腸粉」，又係我唔太喜歡嘅點心之一，因為我唔喜歡腸粉嘅口感。佢用XO醬炒到微微嘅焦香同好惹味，而且份量都唔少，最後呢個係唯一一個冇食哂嘅菜式。「蟹子燒賣皇」，雖然叫燒賣「皇」，但睇唔出有「皇」嘅氣勢，係頂頭放粒蝦仁仔，望落去比較大體啲，同多一分爽脆嘅口感。有一樣要減一粒星嘅係，佢個外皮有啲肉酸，應該係我見過最肉酸嘅燒賣。埋單$311蚊，佢嘅食物質素都對得住個價，而且服務態度亦唔錯，冇其他人講得咁差。今次另外特別之處係三枱客搭一張枱，好耐都冇試過飲茶搭枱，呢個係香港特色嘅體驗。…查看更多
，原來係逗利士，主人家太好人，但實在太誇張。一上完晒菜，大家都未走，外面仲有人擺酒，負責既曲髮女待應已經急不及待要埋單，聽到佢講話咩“會唔會加d茶水，之後仲大聲加句，唔係淨係俾我架，係俾全部招呼你既同事”，心諗好驚喎點解咁似收會費
，乜咁明目張擔又咁唔要面，話晒係高級既海港，個餐係最貴，最緊要已經刞多人入黎拎左利士，果度都幾百蚊啦，實際來去都只係得果3個招呼，只係食幾圍又唔係婚宴，聽完真係連普通飯都唔敢去食。
如果人地覺得好自然會俾，何必好似要落人面咁，只係聽到都覺得好過份。最後走果時，見到個收銀又係鬧人，可能個客張卡碌唔到，真係一山還有一山高，駛乜咁勞气，人地咪攞第張囉，最好笑係個經理企側邊食花生，唔話下個收銀阿嬸咁既態度，果時又冇人排隊。總括黎講，對呢個集團都好失望，之前都食開佢地其他分店，成日搵待應都搵唔到，當然sell卷果時就有好多
，仲諗住呢間高級d, 又貴d既唔同，但原來係咁招呼客人，如果想變強可以黎呢間，但如果想要正常既服務態度，真係千萬唔好去，佢地d面口
，簡直貼錢買難受，如果唔改善，都好難留住d客。
