海家。酸菜魚 (已結業)

女朋友嘈話要食酸菜魚嘈咗成個月，終於夾到時間試吓呢間新開小店蒜泥白肉想試吓同譚仔有咩分別所以揀，又真係好唔同，呢度係厚身少少，本身已經入味，偏麻多過辣，都幾頂癮，如果再多少少蒜泥更好，個底仲有幾片荀（？）夾埋一齊食感覺清新啲，無咁膩酸菜魚（2-3人份）本來仲諗住加配幾樣餸，不過店員姐姐話入面除咗木耳同頭腐皮，其他本身都有，所以淨係加2樣就算我本身就好懶食魚嘅，要剔骨好麻煩，但女朋友就好鐘意食魚，所以平時就到佢食魚又唔洗剔骨就啱晒我，肉質好鮮嫩，份量都唔少，好在阻止咗女朋友仲想加嘢（佢成日眼闊肚窄）成兜嘢成半張枱咁大，唔怪得姐姐提我地唔夠食先再加嘢會好啲。抵食提外話，呢度啲茶又幾好飲，我地估應該係麥茶？

朋友知道我喜好酸菜魚， 佢之前食過好味所以極力推薦，因為有口碑，所以特別多人食，我哋都12點去到，己經滿晒，好彩仲有一張兩人枱，再遲小小都冇位！店員同我哋講。啲湯係用大量魚同魚骨去煲成，所以應該飲咗魚湯先，中辣嘅湯底都並不是太辣，甜酸度剛剛好。另一碗係BB辣。沒什麼辣味，一嚟到馬上喝了半碗湯。魚片用上新鮮生魚切成大片，絕對嫩滑鮮甜不會一夾就散。麵條吸收了魚湯的精華，爽滑彈牙，超正。 酸菜魚湯內加入了大量的蓮藕片，薯仔片，娃娃菜，鮮筍同闊紅薯粉同煮，令到魚湯更加鮮甜，飲曬成碗湯都不會覺得口渴。店鋪選用即磨咖啡，口感幼滑味道香濃，媲美名店出品。

午餐叫了一客酸菜魚套餐，可選擇辣或唔辣，份量材料都幾足，價錢亦非常合理，建議套餐可選擇飯或加錢要薯粉，味道不錯，不會太酸或太辣，應該會再次幫襯😊或試其他菜式！

小妹住北角多年，近日發現開了海家 酸菜魚，本人欲試但苦無機會又唔知好唔好食，今天終‘的’ 起心肝去試外賣，買了微辣酸菜魚（2－3人份），但好大份量，4個人都夠食；另有涼拌萵笋絲（麻辣味 普通）；最出色都是酸菜魚；東區之友有興趣都可以一試，實在幾好味！好味到相都唔記得影，下次補番！

味道不算好辣，適合香港人口味肉同蔬菜比例大概1:1，感覺上幾健康有辣有唔辣。仲照顧到素食者唯一缺點喺有d同事大食，得一碗白飯附近翻工，而家每星期lunch都食一次..............................