海天花園酒家

營業中

休息中

一直都有幫襯，約朋友食飯飲茶。開關之後早茶時間大排長龍，服務態度開始下降。其實這裡的賣點有無敵海景及食物品質，昨晚約了朋友們聚會，明顯地覺得食物退步了。花膠有腥味（最基本的水平也維持不到），雞也很肥，乳豬肥膏比肉多，菜很鹹。唯一滿意的是杏仁茶，仍然保持一向水準。好像和之前完全不一樣了，明白現在的經營環境改善中，人手也不足。荃灣區酒樓不少，選擇很多，以這樣的食物水準是比較難維持落去，希望可以好好改善食物品質。

同事請食生日lunch. 諗住去下好耐無嚟既海天。照舊叫返個4人餐。但已經完全唔係之前既水準。係得個叉燒重係好食之外。其他既菜，嚟到又唔熱。又細碟咗。碟炒甜豆，以前係會用真螺片炒。今日換咗個我地個個都叫唔出係咩既肉（懷疑係急凍象拔蚌仔？但就得個嘴，冇其他部份個喎）重點係，無味架😮‍💨真係無下次…如果你有睇我d相，我以前真係讚佢d野食架。希望佢地會做返好個水準。唔好再Hea做

而家間間都服務差，睇下差別有大。人手又吾 侍應將情緒發洩喺工作上面。係香港飯茶食飯一定係受氣除非係酒店同收費貴比較好啲，呢間食物算多 選擇個別性食物 可以有一啲 普通 算唔難食

係社交平台見到d post 介紹話好好食。諗住今日閒日得閒就過黎試下，點知坐低嗌嘢食，嗌咩冇咩，嬲到呢😡😡😡於是求其嗌左d野食，真係可一不可再，閒日都百無😡😡😡

早兩日再去飲早茶，點了叉燒包，燒賣，蘿蔔糕，鳳爪和蛋散。其實跟友人及一家人都食過好幾次。因為覺得好食，才會經常去食。可是，早兩日我們發現味道及品質好似同以前不一樣。首先講下個叉燒包，個汁醬味道明顯淡左，但仍然是較少肥肉（好事）。但我自己便食到少少豬肉的味道跟之前有不同。（沒有之前咁好食）。之後見到我喜歡食的蘿蔔糕，兩面都煎得夠色，但稍微有點油。沒有之前的「乾脆」感覺。接著，到燒賣！本打算吃好食的燒賣，第一口咬下去，又覺得跟之前不一樣的。之後友人便吐出了很多肥膏。我自己都食到有大蝦，可是豬肉的比例方面，之前食的時候，明顯是豬肉，今次食，4粒的豬肉都充滿了肥膏，口感不太討好。但，蝦🦐都是大隻的。友人，期待了一陣的鳳爪終於上台，可是真的有點失望。因為講真，鳳爪的皮是「爽」，同我們期望一般應該燉到比較「林」身的鳳爪很不一樣。可能我們口味不一樣啦，總之不是我們杯茶。最後，第一次食「蛋散」，第一口咬下去，都食到酥脆的感覺，可是，食下食下，竟然有淡淡的魚味。我們自己估，會唔會整好之後，放在有魚的食物旁邊，所以先令蛋散有淡淡的魚味？我和友人都覺奇怪🤔。不過，都食了幾舊便沒有再食下去了。我們心諗「不知道

今日放假我和朋友去了行山，到下午2時才回到荃灣西，打算飲個下午茶才回家。朋友聞說在附近📍海之戀商場裏面的海天花園酒家質素不錯，所以今天就上去試一吓，雖然是下午茶時段，都見到有些食客在等位。入到酒樓裡面面積都很大和裝修新淨，靠窗的位置外面全部都是海景位，還有是用西式的杯碟來作為茶具。👍🍽因為是下午茶所以只有些特價食品，今天叫了海班炒河、豐料煎薄罉、醬汁金錢肚。後來侍應來說因為班件炒河粉已經沽清，所以我們轉了肉絲煎麵。最先到的💢煎薄罉賣相不錯，外表金黃色；不過薄餐亦真的很薄，也就沒有如其所說的那麼豐料，只得蔥花和蝦米。💢金錢肚份量不多就蒸得很腍，下面用芋頭粒墊底，而且醬汁不算濃味偏淡了一些。💢肉絲煎麵亦到了，麵底外表煎得金黄色澤很吸引，咬落亦十分脆口，很乾身沒有什麼油，肉絲和銀芽相對麵的份量來說就少了些，所調的芡汁也同樣比較偏淡不夠鹹，猶幸整碟麵的味道還可以。😋總結今個下午茶，酒樓的環境 、食物的質素和味道都有中上，以酒樓的地點所定價格亦可以接受，下次再會來試。

打開餐牌很多選擇，菜餚名稱很吸引，實際賣相佳，味道很好，咸淡適中，食材新鮮，有質素，但價錢有點貴，因份量不算大，但食物質素取勝，特別推介一字叉燒，軟綿綿，正；招牌炒飯很特別，加了脆飯焦，口感一流，食完想再添，未點過值得一試，一定會鐘意食。

開年之後，一家人去飲茶，見酒樓門口都多人排隊，質量應該唔差。我地大約等左二十分鐘度就入到去，坐近窗邊，景色優美，環境都算唔錯。overall average，性價比唔錯！點心都是即叫即蒸， 熱辣辣幾新鮮， 我地點了幾款點心，蝦餃、 鮑魚仔蟹籽燒賣皇、蒸飯和排骨蒸腸粉等，每款點心都正常發揮， 我比較喜歡蟹籽燒賣皇， 口感紮實，肉質新鮮，味道唔錯！排骨蒸腸粉，腸粉滑而且厚度適中，味就偏濃左少少，口感亦好唔錯，食得好滿足！鮑魚鮮蝦燒賣🥠 ～ 鮮香撲鼻， 咬落去肉汁非常豐富。

每次去海之戀只有一個目的就係Donki 而今次去酒家係Auntie壽宴兼人日生日海景包房舒適 有露台睇到夜景 一入座待應招呼周到奉上熱茶 收好麻雀台準備上菜❅ 宮廷花膠雞湯翅 ❅多竹笙 雞清湯底而唔係羹狀❅ 芝士焗龍蝦伊麵 ❅重型龍蝦14兩 2隻肉質彈牙 芝士唔太杰已切好件上碟 唔駛剝到成手汁❅ 金蒜銀絲蒸大元貝 ❅粉絲粗身超索蒜蓉汁好香 元貝厚肉大粒一分為二❅ 百里香雪花牛肋排 ❅奇怪中餐點解上牛排 估唔到係酸酸甜甜鎮江排骨味 牛肋排嫰 呢碟我想獨食晒❅ 脆皮文昌雞 ❅擺盤擺到識飛咁 如果外皮再脆啲更好仲有清蒸東星斑 西蘭花斑塊 泡菜苗正常發揮啦❅ 壽包 ❅食完餐飯都唔知大字壽包到底食唔食得白雪雪壽包都手掌咁大 入面有原粒大蛋黃隔離Auntie成粒蛋黃碌左落我度❅ 玫瑰花糕 ❅賣相靚啱晒各位女士 係椰汁糕包住奶黃餡最後部長介紹埋大廚出場 年輕有為到睇唔出總廚呢

最近先知道三聖邨的海天花園酒家開咗分店喺荃灣，聽講呢間酒樓經常排長龍，今晚一於同屋企人試吓佢嘅晚飯☺️ 酒樓地方大，有卡位也有圓枱，環境舒適，而且有海景睇🌊🥢荔枝柴薰香鵝皇燒鵝係海天花園酒家嘅著名菜式，有好香嘅荔枝柴味😍燒鵝皮薄脆口，肉質多汁又滿嘴留香。可惜唔夠熱，而且偏油😅🥢柚子蝦球好香嘅柚子味，蝦球好大粒而且好香口，肉質彈牙，味道唔錯，不過食物都係唔夠熱🫣🥢清蒸老虎斑蒸魚豉油調校得好好，蒸煮時間也剛剛好，不會過熟，老虎斑肉質很滑👍🏻🥢啫啫豬頸肉芥蘭煲上菜熱辣辣，好香嘅蝦醬味，豬頸肉彈牙，芥蘭也不會過淋，而且份量也很多🫶🥢生炒臘味糯米飯味道唔錯，不過冇花生，而且比較油，食咗半碗已經覺得好漏😅📍海天花園酒家(荃灣)地址: 荃灣大河道100號海之戀商場1樓1015-7號舖#hkfoodiebuddy #hkig #hkiger #hkfoodie #hkfood #hkfoodblogger #hkfoodblog #hkfoodstagram #hkfoodshare #hkfood #hkfoodlover #foodielife #foodpics #igfood #igfoodie

寫這篇食評時，已經來過２次，都是吃午餐。第１次 7月27日，點了以下的：#普洱茶#鮑魚燒賣皇：鮑魚有咬勁，味道濃郁，燒賣的肉餡是免治豬肉和蝦膠混合，有鮮味，好好吃！#螺皮海鮮粥：點心紙上註明是瑤柱粥底，鮮味十足，喜歡！#香煎蠟味蘿蔔糕：足料，能吃到絲絲蘿蔔。#醬皇蒸鳳爪：惹味又不會過鹹，好！#蠔皇流汁叉燒包：點多了，吃不完打包，晚上翻熱吃，味道還挺好的。第１次 8月6日，點了以下的：#普洱茶#鮑魚燒賣皇：再來就是為了吃鮑魚燒賣，真心愛！#鳳爪排骨煲仔飯：份量足，有飯焦，yummy！#安蝦鹹水角：甘香，不油膩，喜歡！p.s. 第２次來是星期六，人很多，等了40分鐘才有位，只比下午茶時段早10分鐘入座，期間，排下午茶的人龍越來越長。２個人被安排座４人枱，中間有膠版分間，另一邊的２位客人是吃下午茶，兩邊差不多同時結賬，金額只相差22元！我們有煲仔飯、鮑魚燒賣皇(４粒)、鹹水角；另一邊客人有燒鵝瀨粉、鮑魚燒賣皇(２粒)和另外２款點心。感覺下午茶，其實沒有比午市平多少！

今早特意到海之戀商場呢間酒樓飲茶,未夠十點去到攞飛,加上十點後開始多人黎排隊,等左約二十分鐘就有得入座,座嘅位置可以望到部份荃灣海景,酒樓環境光線唔算充足,但都算闊落, 今次茶方面叫左香片,點左下列精選優惠點心:超值孖寶$44.8 金邊鮮蝦餃皇+薑汁千層糕蝦餃得兩隻,但個皮有金箔點綴相當精緻,加上外形相當大粒,蝦肉鮮味夠同蝦汁豐富薑汁千層糕相當煙韌,薑汁味濃,唔太甜,幾好鮮蝦菜苗水晶餃 $29.8有三隻,外形相當大,餡料相當豐富,蝦同菜比例均勻,皮唔算厚夠煙韌賣相又吸引極品花膠灌湯餃 $29.8外形幾討好,湯又清甜,花膠質地幾好,餃嘅餡料好足,唔錯當歸滋補豬手 $26.8豬手皮幾淋,肉味好夠,不過稍嫌藥材味稍重呢度職員工作態度唔錯,會喺截單前主動問客人有冇需要加單,加上可以睇到部份海景飲茶算唔錯

訂咗台一家人食中秋飯，朋友只有紙版安心出行，餐廳拒絕放人入去，最後中秋朋友無得一齊食飯。法例：例如沒有智能電話的人，可使用其印有二維碼的紙本「疫苗通行證」作為替代安排。指明處所的「驗證二維碼掃描器」，以及執法人員的工具，均具備功能辨識市民是否持有紅碼或黃碼。唔跟法例做野唔俾人食飯，扭曲法例。唔該大家推到上東張西望，第一次見有針餐打咗針都唔俾人食飯。真係好搞笑。認住個經理唔識字當自己城管。岩岩睇留言原多好多人都一樣

打算入去食個便飯，知客迫人用藍碼都算，叫佢幫手好似要咗條命咁叫埋個經理出嚟，都係雙手一攤話做唔到，話係公司政策一定要藍碼見我入唔到，同行友人都打算走，結果畀個知客追咗成條街，大大聲問佢埋咗單未（其實就埋咗，不如問下你同事先鬧個客？冇禮貌同唔 helpful 到極點其實做得服務性行業，個客唔識用安心出行都唔會未見過唔識用咪幫手囉。有冇需要咁嘈同搞到大家都唔高興？一家人諗住食個飯都可以搞到人嬲，真係多得你唔少。

之前一度改善，換左人，但話明冇得留座，卻仍大無私樣留座給有比利是的熟客，這可能是行規，但真是海天上層首允的嗎？食物環境硬件是不錯的，但人的問題，才是這間食店的死穴吧！