海天花園酒家

營業中

休息中

以前好喜歡海天，環境舒服，食物有水準，但近幾次來，都覺得好似街市咁嘈。員工只顧住有比貼士的熟客。原本話不可以預訂留枱，郤多次見到有留座的情況。人性敗壞，影響著食肆的名聲了，可惜。

本身訂左枱食飯 事前亦比左訂金預訂左個餐點知當日比錢無扣到訂金 我亦無為意 就比左錢係返到屋企先醒起 於是第二日想去退返收多咗嘅錢呢個問題 我自己都有責任 因為埋單時應該要睇清楚-所以去搵佢哋退錢時 我都保持返禮貌嘅態度點知個收銀一開始 就已經好似係到怪我咁話出面食飯都係咁 要出示左訂金單先會埋單幫你扣我表示無奈 大佬你收我訂金 你都有記錄無可能完全賴晒我？再者 我落訂個陣 完全無人同我講過係要埋單再出示我都唔係第一次出街食飯 有啲餐廳會自己有record自己扣 有啲可能要到時講無話邊個啱晒 但你有咁既規矩 同客人講一聲先應該唔係好過份？我無出示 係因為無人同我講 你亦唔可能老奉覺得我知你有咩規矩架？-個收銀姐姐好似唔想退咁 又係咁叫我下次食飯扣返佢係唔覺得佢哋有責任咁既款-之後店長出黎 佢又再講多次 我唔出示訂金單 無人知 所以無扣 而家我要退個口吻非常差 完全係感覺好似覺得我為難緊佢咁店長好爽快就退左錢 我唔知個收銀係咩事我真心覺得好無奈-老實講 當日食飯其實都覺得呢間都唔錯味道 環境 侍應 同埋當時幫我訂位既前台同事 所有野都係感覺唔差 都有諗過下次再食-但呢位收銀既態度係令我嬲

平時幫襯開，野食係唔錯，誠意推介蛋煎糯米雞、鳳爪排骨飯、鮑汁鳳爪、杏仁包、金沙奶黃包、但一句彈埋嚟：外賣唔做！真係型，不如貼返張大字報溫馨提示：今天父親節，只做堂食不做外賣算啦，仲要門口都唔算多人等，你真心當我LULU，係咪因為平時無幫你哋買下禮劵、過年又無派紅衫魚俾大家呢，我識做既，呢個世界真係識人好過識字P.S.不過咁啱今晚又book咗三聖另一間海天食晚飯所以你話呢個世界真係細，唔差嘅任何時間都係商業決定嚟嘅

對於荃湾海天酒樓應該好多人都绝不陌生，今次12点又嚟到海天酒樓，都有唔少人喺度等位，等左大約20分鐘終於有位。其實海天酒樓我來过都好多次，食物每次都唔會令人有失望，今次叫左腐皮卷，牛肉腸粉，豉汁鳳爪，薄撐，豆苗餃同埋班腩炒河。海天食物一般都系同一時間送上枱面，所以每一碟嘢都系熱辣辣，香噴噴👍👍👍先講講腐皮卷，皮脆內軟內裡夾雜一啲蝦加入少少肉，味道可口，好食😋雞扎內容豐富有雞蟹柳冬菇仲有最好味系魚肚，湯汁滲入令到魚肚更加入味。至於豆苗餃，豉汁鳳爪，牛肉腸粉同薄撐就正正常常冇乜特別。個班腩炒河炒得好好，其實炒河係好難掌握嘅嘅火喉，炒得好並不容易，海天酒樓廚師抵贊👍👍👍有機會都想試下海天酒樓嘅晚飯，唔知係咪一样咁好味呢？🤔

香港粵菜，能經常出入兩軒兩宮！我相信一定對中菜非常鐘愛！ 家人開出規則：環境舒服、交通便利、食物水準高.. 上網搜尋..有緣比我找到.. ［高手在民間］. 無誇張、今晚條東昇、花膠..水準貼近天🐲Lung車干.. 但不及龍king車干. . CF . 蠓汁我個人覺得可輕手些！叉燒必叫.. 但其中家人要超瘦. 超瘦肉質中間仍淋身！到員工態度，實話實説. 樓面真的好忙碌，此酒樓肯定..無聘請或炒曬.. 食店最怕樓面出現聾耳陳、射厲眼！忙碌中.也招乎週到. .咁既價錢比咁貨..超班員工在海天..嘉嘉聲線甜美.Jenny 主動替家人拍照，拍照搵 jenny ! 張經理由帶入座好有禮貌. 間中 也分享食材.. 時令海鮮. 食法！張經理深明廚房優店、.和廚房配合天衣無縫，今晚這餐超值享受！高手在民間 感覺！這廚房非常合家人口味、不失二星米其林水準！必會再試、真的超水準！

今日放假，見樓下呢間茶樓開咗咁耐都冇試過，就一早起身去試吓，因為剛開門的關係大把位置，我就揀咗近窗口望海景嘅枱，環境唔錯不過枱櫈比較污糟。叫咗五個點心有三個特別差，鯪魚球係得外表包住米粉果D脆，內裏一啲都唔彈牙，軟淋鬆散，唔好食。金邊蝦餃王蝦肉爽口彈牙，非常之唔錯。珍珠鹹水角，餡料惹味，外皮炸得酥脆不黏牙，相當出色。鳳爪排骨飯失望到極點，非常之細盅，排骨豬臊味好濃，而且蒸飯蒸到啲米飯濕淋到不得了，好似啲杰撻撻嘅粥咁，一啲都唔好食，唔怪之得咁多老人家叫，唔使趙直接可以吞，都唔使驚哽親。諗住叫個最穩陣嘅蔥花炸兩腸，點知呢個最難食，除咗細件頭，條油炸鬼油益味好重，應該翻炸咗多次或是油的問題，從未試過食一件就唔食。我就唔會再有下次來飲茶

25/5/2022晚飯叫咗幾樣海鲜完全吾掂，蒸聖子王宿晒水好似條蟲仔，鹽鲍鱼冇味質地似足夠擦纸膠，龍蝦米粉底，D米粉煎得太硬，龍蝦蒸得太耐D肉變得太硬冇晒口感，D少菜味道一般。價錢吾平但水準太差。

落單 漏單又落錯點心，用饍時不斷來錯點心。結束後同店長反映落單出錯，上菜混亂，但店長態度非常惡劣 不友善，未講完突然離開，感覺沒有禮物同誠意聽意見。一店之長態度如此差，實在令食客不會再想光顧了。

點心係好食嘅，但係侍應嘅服務質素真係非常差！門口的知客及負責送點心的姨姨還好，但係負責執枱倒水待客嘅女侍應態度非常惡劣！當日我和家人及BB一起用膳，咁啱唔記得咗帶BB鉸剪，於是有禮貌地請侍應提供刀叉，一位戴眼鏡扎住馬尾戴住口罩嘅女侍應，目露凶光望住我，然後講咗一句「會好耐喎」頭也不回便離開了，最後刀叉從來沒有出現過…三番四次舉手示意加水或需要清理枱面，一位短髮的女士應即時看到我舉手，仍然當睇唔到走咗去。食物雖然好，但完全不能彌補服務質素的差。不會再光顧!!!

今日星期二諗住補祝母親節，特登黎食，但真係一肚氣！我都未試過要打千字文投資負評！簡單黎講著起龍袍唔似太子。 位於一個尚算有格調嘅商場， 而內籠裝修算合符商場定位，但可惜服務質素極差。我赽要求嘅服務唔係去茶餐廳或者大排檔（ 相反有啲茶餐廳大排檔哥仔仲有禮貌），起碼我覺得要佩得起你地嘅格調定位。 利申： 我去過三聖總店幾次，啲姐姐都親切、似街坊式個種。1. 我星期日打黎訂枱，時間接近6點，明白到開始入客比較忙，但我都未講完個staff 已經cut 我線！ 到今日黎到拎枱，全晚唔夠十枱客，但佢居然無幫我留booking, 門口知客臨時先再寫！ 真係好彩你無客，唔係我實嘈爆你。2. 入到黎坐低，全晚啲staff 都好無禮貌，上菜，收碟都唔會提你，叫你幫手俾啲碟佢都無唔該，笑唔笑容都唔好提，無要求過。 有次食緊野夾緊餸，個個老啲嘅男部長就一手伸埋黎收碟， 個污糟手䄂仲差啲掂到門前碟餸！3. 叫你好聲好氣叫佢幫手加水，個男部長（上面個個） 一句反應都無，係，後尾有加，但黑口黑面咁！ 加住熱水一句「小心」 都無。你唔係忙到無停手我麻煩你喎，我地有禮貌咁麻煩你，你咩態度？4. 正堂埋單收完錢都會講聲多

叫了3次加水，一次自已去加，別2次揮手叫部長幫手加水也視而不見。希望高層留意，否則疫情后其他食市開市必會失去大部份食客包括我！樓面顯然是新手，但平均10台只是2個人，新人應付不了，身為部長便夜幫手。

一向間中都有幫襯。今日閒日請咗一日假，諗住唔會太多人，1點鐘左右去到，要等十幾張檯，我話想等卡位，個知客話有排等，咁我都預咗，因為得幾張卡位。到1:30叫號，我話想等有卡位先，自問好有禮貌，話唔介意等，佢首先話「無卡位架喎」，我話「吓？」，佢跟住改口話有排等（果陣有一條隊排2點嘅下午茶，已經無乜人等正價）。然後隔一陣佢話有，我入到去有人舖緊檯，我問係咪呢張，佢話我張檯喺最入面窗邊梳化位，並唔係卡位，佢話卡位係留比4人或6人（而家係三月尾，仍實施緊2人限聚令），我話「得架咩」，佢面不紅耳不赤咁話「得架」❗️嗰位知客同所有服務員應該去再培訓，學習下咩叫做卡位，同接受思想再教育，唔好老點啲客。P.S. 原來樓上另一間酒樓彩薈軒暫停營業，要1/4至開番，所以呢度咁多人

其實我真係好鍾意飲茶，不過抗疫期間，限制左餐廳每台食客人數，想同朋友仔飲茶開心share,食多幾款都唔得！如果唔係一係就照叫好多款，食剩打包拿回家都得！不過可以當場享用晒梗係新鮮趁熱辣辣食係最好啦！香煎臘味蘿蔔糕香煎南乳蔥油餅：好香口手磨紅米銀囉腸粉：呢個幾特別，可以試試懷舊原籠馬拉糕鵪鶉蛋燒賣手剁陳皮牛肉球醬皇蒸鳳爪

太耐冇去吃中式點心啦，一盅兩件，跟朋友閑話家常。今日到海之戀的海天飲個早茶，吃下懷念的點心。時間尚早還有早市精選優惠，選了多個點心，菜乾花生豬骨粥 粥底綿香，花生也綿綿的，味道不錯。蠔皇流汁叉燒包，餡料和味道豐富，包子皮薄熱辣辣軟綿綿，還有麵粉香味。金邊鮮蝦餃皇 造型取勝，蝦肉鮮味爽脆，配上耀目的金邊。蘿蔔糕味道可以但係比較削身，質感唔夠。鳳爪排骨蒸飯 飯粒爽身，排骨入味稔滑，份量合一個人吃。薑汁千層糕 真的非常好味，糕身彈牙，充滿薑汁，好吃。

星期六同家人飲茶，叫左叉燒包、南乳葱油餅、炸雲吞、淮山雞扎、鳳爪排骨飯同榴連酥。叉燒包叫做最正常。南乳葱油餅可能係自己 expect 錯左，以為真係酥餅嗰隻葱油餅，點知黎到係似蒸銀絲卷嗰隻咁既，無味，連葱味都無，唔知南乳左去邊。炸雲吞本身正常，但配嘅係泰式辣醬⋯淮山雞扎，又係自己 expect 錯左，原來唔係用乾淮山包住既雞扎，而係普通雞扎入面包條鮮淮山⋯ 而且細舊。鳳爪排骨煲仔飯，有啲特別，係似真嘅煲仔飯有飯焦嘅，鐘意食飯焦嘅人會鐘意，但個味就完全唔似食開既茶樓鳳爪排骨飯，同埋啲飯好油。榴連酥就⋯ 鐘意食榴連嘅話唔推薦，因為得好少榴連味。三個人埋單 $301補充：門口個知客好串