影片
營業時間
今日營業
08:00 - 16:00
18:00 - 23:00
星期一至日
08:00 - 16:00
18:00 - 23:00
以上資料只供參考, 請與餐廳確認詳情
昨天本應懷着愉快的心情和家人去飲茶，心想渡過一個愉快嘅家庭聚會，本應去如心酒店內飲茶，但係裝修冇開，所以轉去嚟呢間碰吓運氣，價錢貴本應不是問題而且環境不錯, 但是食物質素一般般和服務態度令人非常失望 ，侍應差不多時候便走來提你埋單隔2分鐘，跟住又再走埋嚟驚死你坐得耐，最重要食得開心但係呢間酒樓吓吓俾壓力你，下次寧願喺屋企自己整, 呢間同沙咀道翠苑不相伯仲!其實呢間茶樓唯一OK嘅係窗邊嘅景有開揚嘅感覺，但係職員要多加培訓 下次肯定唔會返嚟,呢次係我第一次亦都係最後一次, 未開始已經結束了!
繼續閱讀
今日嚟到呢間酒樓飲茶 非常失望見佢好多人排隊所以試吓點不知冇人帶位要我入去自己搵之後都諗住算啦，坐低嗌嘢食鳳爪排骨飯配豉油同埋六樣點心,佢竟然俾咗個醋我，然後補返個豉油俾我咁即係點？最後成個飯都食唔到呢樣嘢我都算啦，成餐飯食得好急不斷有人問我食完未呢樣嗰樣，好似我阻住佢做生意咁然後食完嘢坐低諗住飲下茶傾吓偈之後先同我講話得90分鐘用餐時間，咁大個仔第一次飲茶有人同我講限時重要事先冇講好 ，然後我有禮貌地同佢講俾我飲埋啲茶，佢先有嘢未傾完然後5分鐘後佢又返嚟望住我指住我張枱問我得未,我話未得我準備好嘅時候行出嚟埋單，然後佢先比些少寧靜，我後嗰張四人枱早過入嚟反而冇人話佢我二人枱佢就係咁騷擾我咩意思啊希望你哋會改善下，但係我以後都唔會嚟實在太差啦,食飯食到好唔安樂熟客就好聲好氣，唔熟嗰啲就問食完未吹你去埋單🙂↔️
繼續閱讀
長文慎入👉🏻呢間酒樓啲侍應目不斜視，可能塞住耳仔又聽唔到嘢，講晒唔該舉手都請唔到人過嚟幫你執嘢，張枱細唔夠位擺嘢，唯有自己serve自己，都算數，心諗而家酒樓經營困難人手不足就體諒吓啦。到最尾，因為叫多咗嘢食要攞個盒，叫咗兩個都冇反應又係目不斜視，幾經辛苦截到一個好似好忙嘅黑衫短裙侍應，講晒唔該拎個飯盒，個阿姐好惡咁問我要唔要袋呀？佢真係面部表情同埋聲線都係惡，好不願意，呢個時候真係忍唔住，回應佢，要啊唔要點攞啊，跟住佢又怒回我一句：有d人唔要㗎嘛，我梗係要問你啦！嬲嘅點係你問我要唔要袋係正常，但係唔係用咁嘅態度惡言，我有禮貌咁請你幫我攞個盒，換來你咁嘅態度真係佛都有火啦！嘢食包括：菜肉餃， XO醬炒腸粉，蝦球麵都係冇味的！總結：俾加一冇服務比氣你受，食物又唔見得好味！之前食過晚飯已經覺得唔使再幫襯，今次唔記得咗再幫襯又自己攞嚟中伏😟😟😟
繼續閱讀
今日嚟到海天飲茶等飛耐呢個基本最差係拎完飛冇人帶位要你自己行入去慢慢搵另外凳坐門口位嗰啲格硬set up張枱慘等位個個望住又嘈✧ 星洲金沙脆魚皮唔夠沙感可能成本考慮用少咗咸蛋黃✧ 黑松露鮮蝦長春卷嚟到已經凍上枱嗰陣侍應勁粗魯啲菜葉仲要跌落客人茶杯睇下張相左下角就知✧ 酥炸大良鮮奶炸奶係用厚麵包皮包住炸唔係用醮粉漿炸而且炸得好油膩底嗰張紙已經有少少吸油作用但食落口都係好油最後呢度服務態度好麻麻完全唔helpful上菜亦好冇禮貌
繼續閱讀
假日要同屋企人去飲茶 搵到海之戀有一間出面勁多人等位 入到去到去發現原來係海景酒樓 唔怪得咁多人 可惜我哋就冇咁好彩 安排都係另外一個角落 不過環境都舒適😊海天鮑魚燒賣皇呢個係佢招牌點心 上面加咗一個細鮑魚 即刻高貴咗好多 🤑肉質細嫩嘅燒賣加上咬口嘅鮑魚 口感唔錯鯪魚肉煎釀尖椒新鮮的鯪魚肉包裹在香脆的尖椒中 外脆內嫩 辣辣地好過癮🫑芝麻芋絲脆軟夾平時好少見呢個點心 外表金黃酥脆 內裡則是綿密的芋頭絲 唔怪得叫脆軟夾 🤤鳳爪排骨飯飲茶點能少左呢道經典的鳳爪排骨飯 同平時酒樓嘅蒸排骨飯唔同 佢係一個好似煲仔飯咁想 如果想食蕉嘅記住俾佢焗耐啲 焗完即刻香噴噴！🔥呢度價錢飲茶唔算平 不過如果望到海景 🌅同菜式都比較高檔同高質 佢啲炸物都比較有驚喜 又多咗一個飲茶嘅地方海天花園酒家 (荃灣)荃灣大河道100號海之戀商場1樓1015-7號舖🚶Walk-in
繼續閱讀
您可能會有興趣的...