海南雞專門店

營業中

休息中

呢間小店係太安樓入面，以前長期有條長人龍，加咗價之後少咗人食，不過我覺得水凖依然保持到。海南雞飯再加多份雞 ($40 +$10 =$50)好多年前第一次黎食係$25一碗，食食下就$28之後一路加價，加到$40一碗，好彩就係味道依舊，唔係都唔會繼續幫襯。啲雞肉好滑，而且調味調得好食。加份雞雖然加$10，不過加完真係啖啖飯都有肉食，真係食得相當滿足。我覺得呢個價錢同出面$80-$100既海南雞飯比，太安樓呢間真係好食好多，不過環境就真係麻麻地喇，建議堂食買翻屋企慢慢嘆。

疫情期間，成日都要食外賣。既然食就要食好啲，唔可以虧待自己！😂一早已經聽聞，太安樓嘅海南雞專門店好有水準！🤤🤤小妹今次就買咗份海南雞飯返嚟嘆吓。個人認為海南雞飯份量比較少，平時嘅外賣碗只裝滿約七成，勝在雞同飯嘅比例剛剛好。😎海南雞已經去骨，肉質嫩滑唔會好肥膩。🐣油飯嘅飯粒亦都係粒粒分明，食完唔會覺得飽飽滯滯。反而仲有種好想繼續食嘅感覺🤣個飯跟左一杯薏米水，清清甜甜同海南雞飯好合襯🤩溫馨提示！佢嘅醬汁係會落埋喺個飯度，想分醬嘅朋友記得問吓師傅喇！

看到店外大排長龍就急不及待試試看！這裡的招牌固然是海南雞飯，只是$38但相當高質，可以加配其他滷水配料，若堂食可以到對面的位置坐下來吃。雞肉非常嫩滑，油飯沒有香茅味但也很入味，薑蓉豉油也很惹味，最適合撈飯！可是酸辣汁像加了水的泰式辣醬，不太特別。份量未算不多，女生也可以吃完整碟，但真的很美味！不夠飽的可以再到周圍掃掃街～

疫情嚴重，貪個方便，係#太安樓 買咗外賣返去食#海南雞專門店7pm 晚餐時間，要排隊已經唔出奇，好明顯老闆好有經驗manage queue , 都唔駛等好耐就到我哋果然名不虛傳，雞肉嫩滑，已去骨，分量唔算多，雞油飯粒粒分明，加埋酸辣醬、薑蓉、甜豉油，食到一啖接一啖埋單：$38 （送冬瓜湯）

經過太安樓，遠遠見到小人龍排隊，行近些原來係海南雞專門店，雖然聞名已久，但未有正式食過。今次是第一次光顧這店子，眼見這裏堂食已經滿座，唯有選擇外賣，今次選了海南雞飯。海南雞飯的分量尚可，但雞肉十分嫩滑，而且雞肉已經去了骨，配合豉油及薑蓉，味道不錯。而跟這款飯送上薏米水，價錢亦算經濟。下次一定試一試其他菜色。

今日同friend都係食海南雞飯，佢食「海南雞油飯」，我食「海南雞髀飯」，我就比較鍾意食雞髀多啲，啖啖肉之餘又嫩滑好食，油飯我都很喜歡，但是食完會比較飽滯啲，環境一般啦不過價錢算實惠

第一次黎到太安樓，食店種類繁多，見呢間海南雞專門店有條小人龍幾有人氣，就膽粗粗去試下。 店舖以外賣為主，講明堂食亦可以到對面舖位坐低食。海南雞飯 $38無骨雞肉份量唔算多，但配有重量級雞油飯底，飯粒粒分明，無骨雞肉很嫩滑，沾上酸辣醬同類似甜豉油加薑蓉，兩種都各有風味亦都幾好味。 薏米水個飯會另送湯或薏米水，薏米水味道清清地不會過甜，薏米份量佔整杯三分之一好足料下。 油飯實在太多，二人分享都唔錯，食完可以係太安樓繼續覓食。

由於甚少過港島 ，朋友話作為一個食客冇可能唔去太安樓，因為入邊有好多隱世美食！既然係咁我梗係即刻衝過去啦我同朋友係揸車過去嘅所以我哋外賣出去食，加埋兩個人起碼食咗六間餐廳🍴感覺好滿足其中一間比較深刻嘅就係呢間海南雞飯，我哋叫咗半隻雞，雞嫩滑甚少油脂連我呢個唔多喜歡食海南雞嘅人都覺得好好食聽朋友講佢長期都好多人排隊，有時好早會賣晒，今日我哋六點幾過嚟都有得賣好好彩，而且等候時間唔係好耐，我哋去骨佢都好快處理到！另外一許佢送咗個豬手 由於係贈送嘅所以我冇咩期待，反而更有驚喜

第一次嚟到太安樓朋友介紹食海南雞飯專門店固明思義只有海南雞啦我哋三個都係叫海南雞飯佢仲有雞脾其他選擇我地最普通呢隻$38真係好抵搵到舖頭之後去對面搵位坐店內大約有六枱位Keep 住都好多人買海南雞飯嘅黃油飯粒粒分明海南雞肉嫩滑，雞皮爽飯有三個醬可以加有薑蓉、辣醬同鼓油我地全要，唔會太咸岩岩好下次會加多啲辣醬更惹味個人認為飯份量適中但雞肉有點唔夠不過$38絕對對得起個價錢另外仲有配冬瓜湯個人認為少少咸多瓜肉

本身已經比較少過海，有次有工程經過太安樓，但其實不太肚餓，因此連牛雜都沒有吃一串。友人想到可以買海南雞加餸（其實結果成為了主菜😏），然後就買了半隻海南雞，加了半份雞腎半份雞潤。🥳起初吃起上來，感覺雞肉又爽又彈，而且不肥膩，夠乾爽彈牙，味道亦都清香。不用點任何調味醬，也感到雞味清香，但是越吃越底下，就會感覺下邊的比較油，始終可能雪凍過之後再放回室溫地方，難免會有些雞油。雞腎沒有什麼特別，比較爽口；反而雞潤很是精彩，因為雞潤的外皮夠脆，咬一口卜一聲的爆開，夠爽脆，味道香濃，有吃鵝肝的感覺。

喺太古康怡廣場食午餐食到厭曬，所以專登行到黎西灣河太安樓搵食。之前放工都行嚟過太安樓食嘢，今次就試好出名嘅海南雞飯，午餐時間真係好多人，排隊都排左差唔多10分鐘，不過我都覺得係值得嘅👍🏻👇🏻餐牌有中文、英文、日文，幾貼心，方便遊客睇啊！之前上網睇過海南雞飯只係38蚊，想多啲雞就加10蚊，不過我見份量都唔算係多好多，所以我就叫左海南雞髀飯($52)，唔差幾多錢，不過份量多好多👍🏻😆而且係雞髀肉啊！啖啖肉！仲有自家製嘅醬汁，一款係醬油加薑蓉，另一款係有少少辣辣地嘅，雞肉配上醬汁好惹味！另外有送一杯冬瓜雞湯，湯味夠濃又無味精，仲有粒粒冬瓜食添啊！😋而且係檔仔對面仲有位比大家堂食，有冷氣，不過大家食完飯就記住幫手清理好自己檯面嘅野先走啊！😆

忙完一天了，去旺角花園街，花墟觀看靚盆景，真是花多眼亂喎，看到有好多新品種的盆栽，真是好想買回家，但是我種不到，每次買回家都好快雕謝，只好放棄吧了，再去旺角金魚街，又見到好多新品種的金魚，看見金魚遊來游去好得意，我終於忍不住了，買了兩袋金魚，一袋是米奇老鼠魚，一袋係紅鼻魚，然後再去坐102巴士到西灣河太安樓，買飯盒回家食，好奇怪看見海南鷄飯店舖很少人排隧，平時就排長龍，我買了兩盒海南雞飯 和仔仔食，海南雞飯，雞肉嫩滑，真是好味喎。

呢間海南雞專門店相信大家都唔會陌生 我都太耐無去太安樓個邊搵野食 今次去到呢間店發現好奇怪得兩、三個人排隊 仲以為已經賣哂 由以前二十幾蚊三十蚊而家加價到HKD38了 不過肉質真係好高質好嫩滑 亦好乾淨 不過以前雞肉下面會有青瓜 但而家好像沒有了 仲有附送個冬瓜湯👍🏻

有日五點幾經過見到呢間店好多人排緊隊, 心唸點解唔係食飯時間都咁好生意. 搵日lunch黎試左, $38有海南雞飯飯+冬瓜湯. 講個飯先, 入面落左薑, 夾埋d雞食係好味. 飯粒粒分明, 食落唔油, 比較健康. 份量夠飽雞唔係好多舊, 但食落係新鮮, 無骨而且嫩滑, 部位唔肥全瘦肉.有兩種汁, 一種係酸辣汁, 一種係豉油加蒜蓉, 視乎個人口味

今次介紹東區人另一個😋掃街之地🧩-⛴西灣河太安樓😋，好多大大小小嘅美食🤤都係可以係呢度食👅，好食之餘👍🏻，價錢又貼地🤑，講到最岀名嘅📯，一定係海南雞專門店🐓，雖然以外賣為主🥡，但佢嘅人龍排到轉彎👥。呢度食嘅海南雞飯🐔，係配油飯🍚，用雞湯、雞油煮🐥，每粒飯都有油香味😌，不過，飯嘅口感真係硬咗啲😕。至於雞🐔，肉質嫩滑，皮算爽口😃，口感唔似冰鮮雞🧐，仲有兩款自家醬汁，一款係雞醬😍，調製過嘅豉油加薑蓉，味道同雞肉幾夾😉，另一款係辣雞醬🌶🐔，味道唔係泰式嗰隻，質地冇咁杰，味道偏辣💦夠曬惹味🤩。另外，我加咗雞腎👐🏻，口感幾爽口😵，配雞醬食一流👍🏻！食完雞飯😌，飲埋個冬瓜湯🥒，雞湯加冬瓜滾，又算濃味，又湯又飯好滿足☺️！雖然海南雞做得岀色👍🏻，不過佢啲雞真係好少🙁，如果就咁叫一碟海南雞飯，三十八蚊，份量我諗1/4都冇🤐，唔算便宜，仲要攝牙啦都唔夠😅，明明以海南雞做賣點，飯就大大碟🍚，雞就少到得幾條，完全唔夠送飯😫！開業初期以外賣為主🥡，而家喺店舖對面，多開咗一間堂食店👐🏻，入面得十個座位，可以比你坐係度食🧎🏼‍♀️，食完自己處理返食物盒，以及餐盤。