海南雞專門店

營業中

休息中

中午經過太安樓，在現今市況底下其他店舖未見有人等候，但此店仍有四五人的人龍。人龍雖然不長，但相較之下可見其人氣。試了最基本的海南雞飯。海南雞飯由當初早期的$20慢慢加到現在的$38。另外送一杯薏米水。雖然前邊有四五個人等候，但是店員處理得很有效率，沒有等了很久，不消數分鐘，便拿到了外賣。雖然雞肉比想像中的少，但是骨頭處理得很乾淨。雞肉下方有青瓜增加爽脆口感，旁邊亦有姜茸點綴。油飯偏乾，薏米水不會太甜膩。

實在有太多人推介，決定黎試下！-🔻招牌海南雞飯 睇人龍就知呢間海南雞飯好受歡迎 ！聞其名不如試其美食啦， 等左30分中先排到隊 ，可想而知有幾咁多人like ...上次唔係lunch time時間就等左15分中左右 ，事實上啲雞真係煮到岩岩熟 ，好滑好易入口完全唔鞋口 、好讚 ！油飯加埋海南雞先正 ，大大啖雞同埋飯 ，口感一流就算唔點醬料已經覺得夠味。唯獨是份量好小呀 ，雞都係得3-4舊 ，一份根本唔夠食呀😹不過咁既價錢仲有埋湯都叫幾平架啦 ，過下口癮然後繼續係太安樓掃街

好耐無黎太安樓啦😌😌😌呢到收收埋埋左多間好味餐廳🤤🤤夜晚開晒就更熱鬧既。今朝適逢柴灣做完野，專登中午就黎呢邊開餐🤪呢間主打海南雞飯既小店，經過大量既電視呀blogger呀宣傳後😂係西灣河真係無人不識！😌星期六11點幾黎到，遠遠已經見到條人龍仔，心諗真係有咁好食！？🤔🤔由於我地想坐低食，所以要係舖頭既對面開張枱，你無睇錯😂😂佢地用埋對面舖做堂食！叫左碟海南雞飯$35跟湯！😂😂😂睇個樣好似頹頹地🤣黃油飯好多，搞到啲雞好似好少🙈有啲擔心唔夠餸飯，不過好彩黃油飯本身已經咸咸香香，而且粒粒分明食落一啲都唔油👍🏻軟硬度剛好！而雞肉又嫩又滑幾鮮味，脂肪比例少，的確係唔錯既😌😌唔洗汁醬都好夠味🤗

叫咗碟海南雞脾飯$48（普通海南雞飯$35），份量正常，另外可加雞膶或雞腎（$5半份或$10一份），叫咗一份雞膶，大概有6至7件同兩粒雞心。買完可以過對面舖坐低食，醬汁有杰食甜醬油，唔算太甜，好食；仲有橙色酸汁，味道普通，同埋有薑蓉，配雞膶食可減膩。總括而言，海南雞飯雞肉滑皮香，飯偏乾身，整體質素唔錯但唔算驚喜；反而雞膶起沙極軟滑極香，火候剛好，極之推介！另外值得一提係隨海南雞飯附送ge冬瓜粒湯，味道其實唔唔突出，但係食完雞膶同油飯解膩一流！眼見有部分食客會單點雞腎，可能都會有驚喜！店內亦有飲品供選購如桔仔冰等，雖然人龍唔短，但店員快手快腳，等候時間算合理！

趕時間，然後買咗個海南雞髀飯，雞脾已去除骨，肉質鮮嫩，不過唔係想像中咁多肉，仲諗住嗌雞髀會多啲肉添。油飯對我黎講有點油，我覺得如果加番啲黃姜粉落啲煩到除咗色會好睇啲、味道可能會再香啲。整體黎講，正常海南雞飯，價錢有點貴，因為份量不多。

海南雞飯係呢間既主打 遠遠已聞到濃濃的油飯味 haha我最中意佢個油飯同 真係好香同埋佢份量岩岩好 一個女仔係絕對食得曬 另外， 佢雖然做外賣多 但海南雞飯既汁都照有 係埋係飯度 食果陣撈埋一齊食真係好正唯一就是 由最初的$20加到35 不過都可以體諒既 始終百物騰貴 物價通漲 $20都講緊4-5年前唔記得講主角添 呢間既雞 不算肥 有很多肉 不喜歡食皮的可以自行去皮 因為佢會俾埋你 雞既份量都係一般 唔係特別多 平價黎講算係咁 飯既份量都係一般 總括而言 好食 想唔到食咩通常我都會揀食呢間既海南雞飯 仲有其他選擇既 雞翼 雞腎都有 試過都係好食既 推介推介！

食宵夜黎講，住太安樓附近既話真係無得輸。是晚9點幾去到，仲燈火通明，好多食店仲開緊。因為未食晚飯關係， 就決定食大半年前試過嘅海南雞飯。呢間海南雞飯嘅人氣好高，每次行過都排長龍，亦都可能因為咁，當晚我去到已經賣曬我想食嘅海南雞飯($35), 唯有叫淨得一份嘅 海南雞髀飯($48) 啦。回想一下，好似都加咗唔少價，已經唔算抵食既行列。海南雞脾飯配薑蓉，醬油同辣椒醬。3款醬我最like薑蓉，辣辣地夠惹味，加分。份量黎講係合理既，有雞味，但雞脾唔算滑，對比我上次食好似無咁正，但可能關我太夜食既關係吧。下次可以試下其他野

講到太安樓又點少得食海南雞飯！我地中午前黎到已經有人排緊隊，我就第一次食，好興奮。叫左一份，跟左湯。好快就有，賣相ok啦，即食！去骨雞肉幾滑！飯乾身左啲。兩種汁都幾正送飯又得。個湯清清地唔錯。不過面有啲油唔知係邊到黎好平，值得再試。

今晚行完街，再次黎到太安樓內，終會見到海南雞專門店排長龍。佢地附有堂食，正正對面有個舖位，你可以自助形式去搵位，之後搵朋友去排隊買飯，可能假日關係，超多人排隊。用左近10分鐘先買到嘢食。1. 海南雞飯，連冬瓜湯($35) ，飯夠熱，雞肉份糧普通。2. 半隻海南雞 ($89) 另加雞潤及腎 ($20)。海南雞去骨啖啖肉，食得暢快，雞肉亦算滑。環境方面，黎得太安樓內食，都唔好預有好環境。最後，同友人食完打算再買半隻海南雞返屋企比家人試下，當然又要排隊啦，但差不多排到比錢時，個職員又無啦啦分隊，將只買雞的分去另一條隊，買飯就原隊排，攪到有人打尖去排買雞隊，都唔知點解唔可以一條隊買，地方又唔係大，人手又唔多，攪到好混亂。

Tai On Building is vibrant with variety of foods. Lots of people come here for its mouth-watering snacks, as well as main dishes. This hainanese chicken shop was famous for its delicious hainanese chicken rice.The yellowy rice were boiled with chicken oils, making it full of good chicken scent and tasty, smooth texture. The chicken here was quite fresh and tasty. Today I was quite hungry so I asked them to add some chicken kidney for me. The whole combination, with their unique sauce and ginger

今日lunch走咗過嚟太安樓打算搵下嘢食，經過呢一間專門買海南雞嘅店舖，見佢哋午市嘅時候都好多人排隊架喎，所以我亦都係跟住排隊去試吓佢哋嘅海南雞飯，買完飯之後我就去咗佢哋另一個舖位坐低堂食啦，雞肉好香好滑，油飯份量適中，仲跟埋一個冬瓜湯添，個湯好熱好好飲架，我仲加咗半份雞腎同雞肝添，承惠$50。

我最初幫襯呢檔海南雞飯嘅時候已經係十幾年前，當時我係住太安樓，所以樓下新開嘅食店我十分清楚，嗰陣時佢係初初開業只係賣$20個海南雞飯，因為之後搬左所以好耐無食，最近同朋友去左附近，再到此店買左一人一個海南雞飯仍然保持水準價錢就當然貴過我當年啦！但都算係平囉！最緊要係食物質素正

住港島東既人可能都知道太安樓係掃街既好地方入面有多種好嘢食，有小食、正餐同甜品，總有啲食物啱心水今日就去左食呢間雜誌都有介紹過既海南雞專門店去到既時候已經有一條長長既人龍，果然名不虛傳排左幾個字之後先到我，本來想食雞飯加腎，但到我既時候腎已經賣晒🥺咁惟有齋食雞脾飯啦個飯熱辣辣，份量多，又有好香既味道雞脾肉亦都好滑價廉物美，唔怪得之有咁多人排隊啦不過要數既就係食嘢既環境因為係大廈入面人多路窄，通風麻麻嘢雖然好味，多進食環境就未必係咁理想

太安樓多美食既選擇就係人都知，不過唔係間間都咁有名，而且咁多人慕名而來，不論咩時間都長期有人排隊，就可想而知係有料到。 抵食之餘，味道絕對係食過返尋味呀。 海南雞飯既雞夠滑而且入味，飯煮到剛剛好，不軟不硬，仲有雞既香氣， 贈送既湯清甜，而且仲有幾粒冬瓜証明真材實料，飲完都唔覺口渴，代表無加味精。唔少街坊都會買黎做正餐又或者做餸。價格相宜但服務都有水平，街坊既要求都一一做到，無嫌麻煩，推得讚賞喔~呢次已經係我唔知第幾次食喇，不得不寫返個食評支持下，希望小店一直做落去，帶俾大家好味又抵食既美食啦！

星期五晚來，6時左右已見一條人龍。一份基本的海南雞飯連冬瓜湯$35，我們點了海南雞脾飯, 一份$48。雞夠滑，油飯搭著薑蓉吃十分鹹香，只稍嫌油了一點。冬瓜湯的冬瓜味濃，鹹味剛好。雖然只是$48，雞件、飯、湯的份量也正常，整份足夠一個男人吃飽。友人加$5要了一份雞潤，份量也不少，據說味道不錯。店家兼賣各款果汁。因為我們未見過橄欖汁，所以買來試試。我吃過黃綠色及黑色的橄欖，覺得這個汁沒有橄欖的味道，而且很甜，估計下了不少糖。