流口水重慶麵館 (圍方)

營業中

休息中

流口水 🤤真係唔係講笑，流晒口水！大圍圍方又發現好味道👀晚上七點已經排晒長龍！鍾意食辣嘅我一定唔會放過招牌no.2🤣全家福麻辣火鍋小麵 毛肚麻辣火鍋小麵用上精選上等毛肚、鮮牛肉、午餐肉、豬血・大豆等等嘅材料，麻辣湯底可以揀選辣道，我揀中辣😆湯底好香！每條油面都掛滿湯汁💕招牌no.1招牌米線湯底選擇有好多，清清地揀個豬骨湯底很不錯。裏面豬腩肉、雞肉、午餐肉、花林路血、魚蛋、魚片、貢丸、鲜牛肉、热務蛋、千張、魚片…乜都有齊晒😆流口水重慶麵館 (大圍)大圍車公廟路18號圍方5樓521號舖#大圍 #大圍美食 #大圍好去處 #thewai #圍方 #圍方美食

三個人唔知食咩好 諗住去試下。環境還可以 冇特別。用手機點餐 全部叫咗麻辣火鍋湯麵，一個用英文 兩個用中文。好似車仔麵咁 有鴨血 貢丸 豬肉 等等。英文落單走蔥 韭菜，點知嚟到係話走午餐肉。。。仲話系統冇錯喎，個手機大大字寫話 "No chives" 點會走午餐肉。。。翻譯系統有問題 唔緊要！ 用中文落單話加鴨血 （仲要加$12） 點知嚟到得一塊仔！ 真係服咗佢地。 一係玩我地 一係成班友唔識睇中文。 最慘係味道好一搬 仲要咁貴。 唔會再幫襯，已黑名單。

尋晚第一次去圍方行吓同食嘢，地方又真係好大今次食間未食過嘅「流口水重慶麵館」，本身怕好辣唔食得，原來除咗🌶️麻辣湯底、💛酸辣木瓜金湯之外，仲有其他唔辣嘅選擇，例如🐷豬骨湯、🍄養生菌湯、🍅鮮蕃茄湯🍜流口水招牌米線💰$69揀咗豬骨濃湯，飲落好濃好有豬骨味又好飲，配米線超好食當中已包括15種食材，豬腩肉、雞肉、午餐肉、爽嫩鴨血、魚蛋、魚片、貢丸、鮮牛肉、鵪鶉蛋、豆卜、千張、本菇、芽菜、木耳、油麥菜勁多餸，所以每樣都唔係好大件但都勁飽肚🍜麻辣全家福火鍋小麵💰$69麻辣火鍋湯系列～要咗小辣，味道惹味餸有精選上等毛肚、鮮牛肉、午餐肉、鴨血、木耳、鵪鶉蛋、千張、風琴豆腐、本菇、芽菜同招牌米線啲餸都好似，各有各好食🥬時令油菜💰$20🍋招牌手打檸檸茶💰$30而家興手打檸檬茶，要咗少冰少甜，都好好飲！好多檸檬肉好出味，鐘意飲手打多啲😋🚩流口水重慶麵館 (大圍) @liukoushuihk 📍大圍車公廟路18號圍方5樓521號舖

❌❌❌永久BLACKLIST系列❌❌❌話說今日同朋友去試吓呢間新開面館手機落單我叫咗兩set一模一樣嘅麵餐同飲品麵：$69 酸梅湯：$12合共：$162但係送餐嚟得兩碗麵同一杯嘢飲咁我哋咪問其中一個店員話漏咗一杯酸梅湯等咗兩個字都未送，又再搵第二個店員講如是者叫咗三次，佢check完話我冇落單🤬🤬所以唔會攞俾我😤😤😤😤呢啲係咩服務態度？個麪已經唔好食算！我唯有唔飲，睇吓佢收我幾多錢到收錢嘅時候，佢竟然真係收我$162 我問佢條數點樣計？佢仲死話：「你order咗兩碗麵一個酸梅湯呀嘛！咪$162囉！」自己唔用腦，竟然要我教佢數學？講咗好多次，我哋叫咗兩杯酸梅湯，結果得一杯，佢堅持我哋落咗一杯，但收多$12😤😤最後擾攘咗一大輪，佢先肯減返$12俾我，仲係好似好不滿咁😤😤😤😤😤救命呀！點解啲人而家會變成咁？😑😑😑

話說未去過圍方，於是去行下搵嘢食，食飯時間行過見佢有啲人食下，佢又有位，於是就行入去試吓，企門口一輪都冇人理，終於有個staff問我幾多位，我答完佢，佢竟然黑面答我：「自己行入最後啦！」坐底又係冇人理，因為佢係QR code點餐，但枱面乜都冇，於是諗住搵人落單，另一個staff行埋嚟態度差咁問我：「你咩事㗎？有人叫你坐入嚟㗎？」我心諗，咩事呀依家？到點餐，因為佢啲麵就算同一款都可以唔同餸，我哋一行三人，三碗都有唔同，上餐時，佢哋就咁放底就行咗去、問佢呢碗咩嚟？佢竟然叫我自己睇單，嘅然係咁，你不如叫我自己入去煮啦！最終有啲餸唔要嘅，但係又出現咗、有叫嘅，但係又冇咗！真係唔知呢間嘢搞乜！食完仲要鬼死咁口渴，真心唔會再嚟，如果大家想去受氣同埋食完想勁搵嘢飲，咁你哋就去試吓啦

係門口聞到幾香，就入去試下啦。第一個接待個職員態度好差。然後第二個職員態度一樣係咁差。Ok,我哋叫咗三碗麵，食物黎到，我問佢：「依碗係咩麫呀？」佢叫我：「自己睇啦！」然後就走開。食物正常，食完當晚好口渴。絕對唔會再去！

早排去左圍方食蛋糕晚餐就去左隔離間重慶麵館食飯呢間竟然有火鍋麻辣湯底揀真係好辣🌶️食得辣嘅人一定鍾意唔食得辣都可揀蕃茄🍅湯底.🔸流口水招牌米線 $69呢到嘅流口水招牌米線有幾款唔同嘅特色湯底選擇，今次揀咗酸辣木瓜金湯！食落酸酸哋，同麻辣嘅平衡做得好好，非常惹味。招牌米線仲有15款特色秘製配料，包括有豬腩肉、雞肉、午餐肉、鴨血、 魚蛋、 魚片、貢丸、鵪鶉蛋、風琴豆腐、千張、本菇,芽菜、木耳、油麥菜、鮮滑牛。🔸流口水招牌米線 $69另一碗招牌米線就揀咗火鍋麻辣湯底，上菜時嘅麻辣味已紅好香，食落麻香味香濃，辣度有小辣、中辣同大辣選擇。呢碗嘅麵款就轉咗做重慶小麵，食落好彈牙滑溜，亦都好掛汁，同湯底好好夾。🔸蒜泥青瓜 $28青瓜好冰凍爽口，配埋蒜混好惹味。🔸時令油菜 $20油菜份量都幾多，新鮮爽脆。🔸招牌手打檸檸茶 $30檸檬味香濃，好有解辣功效🤫

不是價格問題，是合不合理問題，未聽過熱水要2文即刻走人，不用容忍不合理收費，香港太多食店被食客寵壞了，沒比較沒傷害，香港餐飲好好學習深圳吧，這樣下去香港沒救還有被安排1張特小台，應該是走廊一點空位加上去的，當食客是什麼？

第一次嬲到上嚟寫食評見到大家comment都係話佢服務差啱啱親身體驗到全部職員都勁鍾意同客人講「唔可以」三個字當我地係狗定點我禮貌問可唔可以坐另一張檯 因為我原本個位係風位冷氣好凍佢一句「唔可以」就走左之後食食下有其他客人入嚟搵位佢哋又係一句「唔可以坐個度，坐呢度」就命令個客一餐飯聽到幾次唔可以誇張😂

除左環境同個店名吸引到下人，食物同水吧都不合格。麵嘅份量唔多，亦冇咩貴嘅材料，牛肉只有超薄的半片。湯底味道沒地道的重慶味，卻也不貼合港人口味，唔鹹唔淡。食到尾仲見到隻蟲仔係湯裡面浮下浮下。雖然明白有時好難避免，但係以圍方其他餐廳嘅質素，同樣價錢有更好的選擇。水吧更加不值一提，敢講隨便一間茶餐廳嘅師傅用單手沖嘅檸檬茶都好飲過佢。除左茶底唔濃，叫少冰都要滿冰上。到埋單，收銀唔知係咪外面是但請返黎。全程黑口黑面，基本嘅禮貌都冇，需要再培訓下。總論就係冇下次

本身鍾意食麻辣野，見佢新開就試吓，形式同譚仔一樣，一個湯底，一個麵+基本配菜再逐個餸計錢，我叫左麻辣湯底，重慶小麵+牛肉，蝦丸，毛肚黎到果陣見到麵既份量正常，蝦丸同牛肉有4-5件，但最貴既毛肚就得2片，即刻問下個待應係咪真係咁少？佢話公司份量真係咁老實講，味道係正常水準，普通人叫小辣都應該夠辣，但係成世人都未食過8蚊一片牛柏葉咁矜貴，成個用餐體驗已經扣左30分，覺得自己有好多錢唔知點洗既人可以試吓

見到條隊咁長以為好食，點知食物味道非常普通，服務態度又差，純粹就係成個商場價錢比較平嘅間餐廳，絕對唔建議食。四個人食飯，一入到去冇人帶枱，求其指一指就算。入到去見到係兩張又細又分開嘅圓枱，問一問係咪呢張就收到好冇禮貌嘅回覆：「係呀，拍埋兩張枱俾你咪得囉」之後想要份實體Menu睇食物，一句：「用QR code睇」同佢講實體Menu睇食物方便啲，最後拎咗兩張外賣紙過嚟再補一句：「啲字都係好細」（係咩意思）之後嗌食物寫咗走蔥，最後碗麵都係有蔥。杯凍檸茶冇茶味，好難飲。有得選擇少甜走甜，最後都係比一包糖漿你。食物嚟嘅時候侍應問都冇問，就求其將托盤放低都冇考慮過邊個人食邊碗麵。總結，唔會再食

好少會寫食評批評餐廳，但係呢間真係忍唔住。好耐未食過咁難食嘅餐廳，加咗牛肉，但係剩係得三塊 ，而且麵嘅質素亦都唔係特別好，仲衰過喺街邊度食，好淋，就好似食緊吞嚥餐咁。另外，都想講吓佢杯檸檬茶，完全冇茶味，好似飲緊檸檬水咁。明白做生意都要賺下錢，但係賺錢都唔係咁樣賺啊，呢間野完全冇誠意，真係一啲都唔推介，希望大家入去之前真係要三思。如果老闆叫到呢篇食評，都想你自己問心你自己食唔食得落。另外，更加想提既係，店員既service 真係好差，問少少野就好似得罪佢咁，真係貼錢買難受。如果你想全日嘅心情都受到影響，就可以試吓呢間餐廳。

酸辣木瓜湯底係好味嘅， 比較特別。麵包括一個餸料但離奇的少份量一碗兩粒魚角加麵一碗四迷你粒蝦丸加麵這個都算，最離譜係我叫小食，蒜蓉青瓜28蚊出嚟份量係一條迷你青瓜的三分之一條拍扁，呆份量己經係離奇少，仲要四散放在碟上唔知我仲以為有人食剩尾唔要囉 真係好離譜， 應該叫少少食😑如果叫一碗麵可以半價加嘢飲檸檬茶原來都可以沖得好難飲，厲害厲害加上d店員服務態度差一定無下次再去食， 遲早執笠😡埋單$172, 兩人

今日諗住同同事一齊試呢一間新嘅餐廳點知送餐嘅時候，只收到一個餐淨係收到蝦滑小面，已經唔開心㗎啦，諗住算數啦，點知我收到嗰個蝦滑小面佢裏面下滑都冇，佢俾咗兜芫荽我咁即係想點？跟住打去佢公司個電話打咗好多次都冇人聽極度無奈，返工已經辛苦諗住食個工作餐好少少搞成咁，平台嗰方面暫時完全冇回覆要睇吓之後點，我最後係食個齋麵，但係俾咗百幾蚊出嚟，佢杯檸檬茶其實真係一般般冇想像中咁好飲，真係普通都冇得再普通😓百幾蚊食咗呢兜咁嘅嘢唔識點樣形容……🥹