流口水重慶麵館 (圍方)

營業中

休息中

2023年10月16日12:42喺大圍商場流口水重慶麵館叫咗個蕃茄蝦滑小麵（$48）連凍檸茶（+$12）埋單$60入面有蕃茄，兩舊菇，兩舊千張，幾舊木耳，兩條菜同蝦膠開張個陣，同事都講左佢有漏餸嘅情況，點知發生左喺我身上！首先嚟到得蕃茄，菇，千張，木耳，兩條菜。欠咗蝦膠！之後補返都算，但嚟到，嘩！4粒蝦膠細粒到🥲🥲凍檸茶仲搞笑，無茶味～然後我少甜個杯 小過少冰個杯？同行叫咗流口水招牌米線-小辣，但佢食到頂唔順，太辣，同埋食完好似無食野咁，食完走左去食麥當勞☺️服務標準唔同，有啲上菜有叫名，有啲就咁放底，補蝦膠，都無話補上，喺要人等得唔耐煩，再吹先跟進總結，CP唔值，杯嘢飲可以慳返，蝦膠細粒到懷疑人生，好彩無加一服務費，因為都唔喺好值😁唔好意思好似好差評 ，但上篇寫佢5個5星？唔好搞啦，唔好呃人入嚟食🙃 食嘅比啲心理準備大家🤣我地5條友，有4個體驗麻麻，大家可以參考吓～

今日見到圍方開咗間新嘅重慶流口水麻辣餐廳諗住去試吓啦下晝見到排晒隊，勁長龍，以為應該都會幾好食夜晚就去咗買外賣試吓外賣埋單$104一個麵+一個皮蛋返到屋企打開，見到個皮蛋哇？三十幾蚊一隻皮蛋，再切開六粒勁貴！勁唔抵食！味道仲要麻麻哋，好似求其將啲辣椒落咗落去就算咁之後再打開個麵，成$70，啲餸得個少少真係仲衰過食譚仔…成個麵得一片豬紅，係一片⋯⋯牛肉就有兩片，薄切⋯⋯真係好傷心真係好普通嘅一間餐廳希望餐廳之後會有所改善

本來見開食店又有啲特色咪試吓，但係真的超級中伏。1）大約5:00pm, 還不是繁忙時間，外面沒有人排隊，第一次黎根本唔知道會唔會有人帶位，我起門等左一陣都冇人走過黎帶位，以為係自己入去搵枱座，正想入去的時間，左邊收銀職員先開聲：「唔好行住👿，要搵人帶位」當然不是禮貌地嗰隻啦😡！2）店舖內還有勁多位，我同仔仔每人攞住2大袋嘢，竟然俾個勁窄嘅位，枱與枱既通道勁窄，窄到隔離枱行入嚟一定會撞到我枱上嘅野飲，好彩我將杯嘢飲攞住先至冇倒瀉。3）食物真係一般，我叫左一碗湯米線和一碗滷肉撈麵+牛+金菇，但牛肉生到3/4都係未熟，職員話會整過碗俾我，當新嗰碗到又漏咗金菇😞最後由於時間關係，我決定take way, 再問服務員攞外賣碗+袋(當然我有付錢)，那位服務員問另外一個男職員，那位男職員：「俾佢攞！」但只給我碗，沒有膠袋，心裏想：點拎呀😩真心從來未試過咁差經歷😤

見無人打食評，咁我做第一個啦～ 因為覺得幾好食，寫個食評讚下，排左10幾個人，入座難得唔限時仲免加一，座位闊落，圍方內難得有咁平既餐廳。選左酸辣金湯南瓜肥牛米線$48 + 麻辣湯多餸小麵 $72 （唔記得咩名）麻辣個湯小辣都好辣， 建議調節下個辣度，但整體係好食嘅，佢個湯好味+麵質幾好，$72好抵食，連鵪鶉蛋都有！叫邊款麵都會有唔少免費配菜，木耳、金針菇、芽菜、油麥菜etc酸辣南瓜金湯只限少辣，都幾好味,但就唔覺有南瓜味！米線鐘意淋既會覺得正！野飲半價 ： 叫咗酸梅湯+$12 同凍奶茶+$12 都唔係幾掂 - 好水，水吧要改善下！ 埋單$139

兩個字唔值！見新開張多人排隊就諗住試吓，份量同價錢唔成正比，味道普通正常湯底似出面買個隻麻辣火鍋味道，飲品難飲到極點，雖然係叫咗小冰但兩杯野飲嚟到係冇曬冰，凍奶茶同檸茶係完全唔似正常味道，奶茶冇茶味冇奶味，凍檸茶亦都冇茶味仲要自己落糖漿

諗住新開張去試下，禁錯左凍檸水，想轉返凍檸茶問可唔可以轉返一位高既金髮男士攞張單走埋嚟一句話唔可以，態度勁差，你好好地講公司規定轉唔到其實我ok茶餐廳都冇你態度咁差，唔理你食物品質如何，你地員工基本禮貌都冇唔使試

同真正既重慶小面完全唔同, 食過地道既就知完全唔係個回事！無得加辣，唔惹味，應該唔會再黎！自選米線好普通，去譚仔好過😮‍💨 等左三個月先開，真係非常失望！😮‍💨😮‍💨