洪記海鮮酒樓

營業中

休息中

疫情期間沒有外遊，唯有繼續尋找本地遊的樂趣。星期六一家三口走進西貢出島遊，直至差不多黃昏回程。一場入到黎西貢梗係要食海鮮啦！兩大一小都不知怎叫好！正正經過洪記職員熱情地拉客，又介紹咗個套餐給我們，那天天氣不算太熱，坐在外面又好像有點風味，有看見其他枱上面的食物也不錯。很快已經選咗我們要吃的海鮮，等了很久，看見鄰枱比我們遲入坐都已經有餸菜到，追查一下，落單搞錯了，雖然他們服務態度好，又立即跟進，但已經影響心情。始終都係一間在西貢很大的海鮮飯店，而且看見入座率也高，難免真是有點甩漏

門面舖頭好大一眼都望唔晒有裏便同入邊座位💜星期日夜晚跟住個熟客入嚟幫襯💜唔使排隊已經有位🤣熟客已經幫襯10幾年💜我哋當日坐外邊🙏🏻都幾熱😅但係唔緊要啦🤔都預咗🌙好奇怪🤔見唔到有樓面招呼🙏🏻但係自動有餸菜上🥸熟客始終係熟客🥸去得呢啲地方就唔要求服務有幾好😉所以都接受嘅😂龍蝦🦞刺身清甜、陳皮蒸鮑魚入味、避風塘賴尿蝦清甜彈牙，一啲都唔油膩。仲有專人幫手剪殼👌方便食👌蒸魚好入味❤️魚肉好❤️彈牙😂撈飯一流😉最後就係龍蝦頭煮伊麵🦞雖然全部都係海鮮🥘但係都飽肚💰真係食咗會升仙💰成餐飯食咗幾個鐘😩始終人哋爆場煮餸都要時間💰但係我都接受嘅💰始終星期日成個場好多客明白嘅💰服務員都做得好辛苦，會體諒佢哋嘅👌👌我哋坐個位好好🌙見到月亮🌙慢慢升上去🌙都話咗食咗餐飯會升仙㗎啦🤣環境又靚🍀食物又好🦞待遇唔錯💜💰💰💰💰💰💰

一直想去食這間晚餐海鮮，今晚終於吃到了。 成件事，讚。 首先，價錢合理。 二人餐HK488不加一（ 只有茶錢HK15/位)。食物質數， 好！ 海鮮新鮮，菜炒得幾好食， 食物夠熱。重點是每碟菜慢慢來，食物不會凍， 對住個海景都沒有浪費。 服務質數好，一定會再來。HK42大樽， 都幾抵。HK15茶錢是包埋這兩碟前菜，抵。 （花生脆， 但不夠鹹）

今日到西貢走走，沒有意識要去那一間餐廳，經過這間有$488二人餐，波士頓龍蝦免費轉澳洲龍蝦，免加一，茶錢$15位，經過一番考慮之後就選擇了。自選四種海鮮選了芝士龍蝦伊麵、白灼蝦、蒸魚、蒸鮑魚仔，青菜是一定有的。龍蝦肉很鮮味，這個價錢有澳洲龍蝦吃，性價比高，可是醬汁有點奇怪，和龍蝦不太夾。伊麵也是一般。灼蝦有約十五隻，比想像中大隻，質素高。蒸倉魚是全熟的，口感還可以，用了美極，不是人人喜歡。蒸鮑魚有四隻，很鮮味，如果加果皮會更佳，其實我煮的話會再好吃一點。炒白菜仔可能適合懷舊海鮮吃，很粗糙。總結是整體食材質素勝預期，份量十足，烹調方法及醬汁令人失望，味精較多，吃完兩小時後很口渴，可能這是遊客餐廳，外國人不是研究中式廚藝。

我一家三口由今年年頭至七月已有五六次光顧，每次消費約六佰至一千元，心知是指定套餐所以一定不會有驚喜，味道應該也是一般。但怎樣也想不到，平日服務態度很正常，但到了星期六及星期日便變臉起來，服務員的態度極之惡劣。服務員怎也想不到我星期五晚剛光顅完到第二日星期六我又再來，叫同一款套餐但得到的食材確完全兩樣，假日的味道極為了差勁，當我詢問有冇自選菜色時，竟然回答甚麽都沒有，廚房煮甚麼你們就甚麽。其實每次我步行經過此鋪前店員都必笑容满面地對著你並拉你進入店內。但當你決定坐下及點菜時便露出來兇惡面吼了。真的永遠沒有下一次了！🔥

星期日去萬宜水庫東壩遊覽, 下午去西貢行行，順道在此吃晚飯.西貢有很多海鮮食肆, 實在不容易決定.  結果選了中型食店   洪記海鮮酒樓.有對海邊的座位, 可以食住海鮮睇海景.我們兩人叫了$468 二人套餐.   有十款食物可以自選組合.大家喜歡白灼鮮蝦, 龍蝦伊麵, 蟶子, 蒸魚, 時菜, 果盤.白灼鮮蝦:   先送到, 份量足, 蝦好大隻, 肉質爽口彈牙,  點一點醬油, 鮮味更為突出. 上湯龍蝦燴伊麵：龍蝦肉質彈牙,  揀了上湯煮更鮮味.  蝦肉鮮嫩好食.  配上幼滑伊麵,  不錯.鼓椒蟶子:  蟶子好大肉, 鮮甜爽口, 鼓椒惹味開胃.清蒸倉魚:  肉質比不上石斑或龍躉.   因為價錢相差太大.   但倉魚口感結實, 也可接受, 加入了簡單的薑蔥, 能帶出魚本身的鮮味, 蒸得好食入味.清炒時蔬：新鮮菜心, 加點蠔油, 味道清甜, 吃得健康.食完海鮮餐送上水果, 今晚係橙. 二人海鮮餐,  加枝啤酒, 埋單每人 $270, 抵食. 

七個人原本諗住去買海鮮俾酒樓加工，經過洪記被熱情侍應打動了！建議我哋叫個6人餐，俾7人份量我哋，猶疑間再送我哋一個海鮮湯！佢咁熱情咁就決定幫襯！結果非常滿意非常夠食龍蝦話12人份量都無跨張，清蒸海上鮮係東星班簡單嘢楊洲炒飯都好ok送既海鮮湯係新鮮海鮮滾既啤酒咩牌子都係$42支6人餐$1688，最終連酒水7個人$2000屬啲落樓，平均每人唔過$300。一致通過非常滿意👍🏼地點：西貢海鮮街 （西貢巴士總站旁邊）

到咗夏天去西貢嘅日子就會多咗因為出海嘅時間又來了每次我上船之前都會去呢間洪記海鮮食啲嘢先 貪佢呢個位對正碼頭 可以邊等朋友邊食我哋今次叫咗個四人餐椒鹽焗鮮魷 食落唔會好硬同韌送啤酒一流芝士波龍伊麵底 龍蝦口感爽彈 ，伊麵都唔會煮得太老，仍然保持麵質應有的豉油皇海蝦 新鮮美味 豉油香濃 配以爽甜蝦肉同吃滋味倍升 一隻接一隻放落口到 豉椒炒蜆 肉質都尚算鮮甜 不過略略炒老咗，同鹹左啲蒜蓉粉絲蒸扇貝 扇貝新鮮嫩滑 伴以粉絲蒜蓉同吃 我覺得係扇貝嘅最佳食法不過地點就腳來講 呢間海鮮酒家服務同食物都算唔錯嫁

四個人去食午餐，叫左兩人海鮮餐加點心。海鮮餐點咗：芝士龍蝦伊麵、椒鹽魷魚、白灼蝦、炒蟶子。分量足夠7，用料尚算新鮮，味道也可以，要求不高的話，可以一試。點心就係行貨，餸炒菜及生果盤，食飽，有叫啤酒，約$790。

各位偉大媽媽，母親節快樂🎁🎉💘今日我地選擇左黎西貢可以俾成日都好忙照顧我地既媽媽享受下少少海風😅周圍都好多人好難搵位，不過慶幸我哋去到就好快有位😄我地叫左：燒賣，蝦餃，排骨，韭菜餃，鳳爪，春卷，牛柏葉等等味道黎講都算可以，接受到唔會過分太鹹😄款式選擇都叫多既，不過位與位嘅空間就比較迫少少😅😅喺呢度飲茶係要親力親為，要自己出去外邊攞點心唔係有專人送到🤣🤣不過就唔使好似以前咁一出就要同人搶🤣🤣大家都可以拎到自己想食既野既價錢：星期一至五小：$22 中：$24大：$26特：$28頂：$31星期六日同公眾假期小：$23中：$26大：$28特：$30頂：$33環境：👏🏻👏🏻👏🏻👏🏻味道：👏🏻👏🏻👏🏻價錢：👏🏻👏🏻👏🏻（5👏🏻為滿分）

行完山落西貢搵海鮮食！見碼頭間離間洪記，坐位都差唔多坐滿，就直接入去試下。叫咗個「優惠4人套餐」可以自選5個海鮮/小炒再加送時蔬。套餐嚟講，海鮮選擇都好多。揀咗芝士波龍伊面底、白灼海蝦、蒜蓉粉絲蒸元貝、豉椒炒蟶子、薑蔥焗蟹。- 龍蝦性價比高，厚肉，芝士汁味道適中唔會大濃- 白灼蝦新鮮- 蟶子都算大隻，無沙- 蒸元貝同焗蟹就有啲失望。元貝蒸過火，肉質好老。焗蟹就好似水蟹咁，無乜肉食人均消費$250海鮮餐嚟講，如果對海鮮質素要求唔係大高，份量、位置同價價都可以。

昨天係復活節假期的第二日，西貢超多人，心中已預計品質出品一定唔會好，我哋一行四個人叫咗個四人海鮮餐，點咗芝士龍蝦伊面底、蒸元貝、蒸海上鮮、豉油王大蝦。當啲海鮮上枱嘅時候真係嚇親，尤其碟龍蝦，係龍蝦殻伊面底，我當時真係以為係其他枱食完攞比我，第一時間同職員理論，啲職員啲態度真係仲惡過啲客，到最後都有換過一碟好小小嘅芝士龍蝦伊面底上枱，其他餸非常普通，冇嘢直得講啦！原本已經冇乜期望都可以超失望，我喺呢度奉勸大家西貢大把海鮮酒家，小心選擇，而家大家搵錢都已經唔容易，比錢食飯唔好食到一肚氣！

西貢週日人山人海，到處食肆都排隊等位，行完山，唔想食西餐，想飲茶，這家唯一不用等位，即管坐低，因為都有點累了。無探熱、無消毒液，算啦！自己手袋有消毒液。幸好都有提供一碗熱水洗杯碗。叫了 5 個點心，蝦餃、燒賣、鳳爪排骨飯、珍珠雞、雞扎；茶錢每位 $12, 加一，結帳 $190, 點心味道真的很一般 ！

先唔講等咗50分先上第一道菜白灼蝦，見到菜單有好多唔同嘅套餐，最平嘅二人餐係488，我哋叫咗588嘅二人套餐，個分別好似係多咗一味餸，分別講吓每一道餸先，第一道餸白灼蝦，冇乜特別，有幾隻大嘅蝦再撈埋一啲細嘅下一齊，第二，椒鹽賴尿蝦，唔係熱辣辣嘅，應該唔係啱啱炒起，同埋個份量都好少，得兩隻，第三味菜係炒生菜，我覺得成餐飯最好味係碟炒生菜，第四味餸係鮑魚，一見到個樣就即刻唔開胃，咁都可以攞出嚟，上面黑蚊蚊又冇擦，同埋一睇就知係唔新鮮，食落去係偏硬一啲都唔爽口第五味餸係一條蒸魚，直情眼都突埋，餐牌上面寫清蒸海上鮮，真係冇諗過係食啲一款魚，平時喺街市買$25.1條，茶餐廳食$78，但係我想講茶餐廳都好過佢好多，蒸魚都可以overcook，大家可以睇相，如圖片一樣，鞋的好啦最後一道餸係薑蔥炒蟹，好多漿應該落得太多生粉，食完即刻去OpenRice睇吓，點知係咁多負評，又中伏，最後連埋個白飯埋單648，普通茶餐廳或者大排檔都好食過佢，如果特登入西貢食海鮮嘅朋友可以試第二間

去西貢chok下墨魚，唔知上船後運氣有多少，有墨魚就有嘢食。所以都係上船前食個海鮮餐先，喺西貢碼頭旁邊啲船仔自攜海鮮，都海鮮酒家主。上湯龍蝦伊麵，豉椒蟶子，蒜蓉粉絲蒸帶子，椒鹽賴尿蝦，講得出嘅煮法都可以。炒野炸嘢都好香口，唔算多味精。龍蝦伊麵好夠味，嫌買得太少添。仲有咕嚕肉，肉質都好新鮮，order多啲炸嘢，所以喺屋企煮可以唔使開咁大鑊油。