洪記海鮮酒樓

營業中

休息中

太耐冇行西貢海鮮街都係有唔少既變化，行行下想搵間餐廳食海鮮，見到呢間餐廳做優惠$498/2人餐就叫4個餸佢地仲會送一碟清菜，講真睇落去真係幾抵，餸一上黎，份量都幾多真係幾抵而且又有魚又有象拔蚌又有龍蝦又有鮮魷全部都係海鮮，真係食得好開心啊見到咁多人食，又咁熱鬧真係好值得食落去，完全係普遍餐廳既水準，唔會太咸太甜又唔會太多油，碟碟都十分均衡，味道同水準都唔錯呢，最後仲食到我們兩個好飽飽咁返屋企，真係好多既滿足

去完郊遊喺西貢市中心落車，就順便去西貢食一食海鮮餐！我地叫左個二人餐$488加一，但係去到埋單先知原來茶錢係$20位！所以，加埋其實係$581 二人餐可以叫4樣海鮮，我地叫左白烚海蝦、芝士龍蝦伊麵、清蒸鮑魚仔、蒜蓉粉絲蒸扇貝。白烚海蝦幾高質，隻隻蝦都幾大隻，又熱辣辣。而且蝦肉夠實淨，不錯！如果可以鮮甜啲，就更加好喇。芝士龍蝦伊麵都幾好。份量夠大，伊麵同蟹肉都好多，好夠食。龍蝦肉唔痴殼，代表佢幾新鮮。個蟹鉗最好味，好多肉，肉質亦唔錯。芝士味亦幾好，不太鹹。至於鮑魚都幾彈牙，食落都算新鮮。而調味都幾好，唔會掩蓋左鮑魚嘅味。比較失色係扇貝。調味幾好，粉絲同蒜加埋幾好味。但扇貝唔新鮮，佢個肉竟然唔連殼！而且佢竟然得兩粒，份量太少有啲可惜 。炒生菜就送嘅，佢有啲辣椒點綴下，都ok。不過就太油太鹹喇！另外，因為我地坐户外，啲餸凍得好快！所以，下次冬天黎食真係要坐返室內。至於服務亦好好，侍應換碟斟水幾快，值得一讚！

過年一早過嚟西貢飲茶一路都以為西貢係呃遊客食海鮮啲嘢唔方好食，估唔到呢一間嘅點心又幾好食喎，佢話係即叫即蒸， 蝦餃好大隻又彈牙， 牛肉球都好香，叉燒包餡料好足， 糯米雞好大件， 依家出市區好少咁足料， 四個人食咗 十個點心 ，大約300蚊，都唔算好貴， 下次可以考慮再過嚟。

好少寫負評因喜歡欣賞每間餐廳，呢間真失望。首先茶壼沖的水是凍的，每一壺添的水也是凍的，從來沒有飲到一杯熱茶。叫了四人豪華海鮮餐，應該快靚正，第一道菜的凍雞已經等了40分鐘，室內枱不算人多，吹了伙記兩次才到，第二道菜基圍蝦又等了20分鐘，第三道菜瀨尿蝦又等了15分鐘，第四道等白菜又10分鐘，魚同扇貝最慢，一碟食完一碟都要等好耐，前後吹了伙記無數次，伙記的態度也不好。白菜好細碟又凍，魚同扇貝也不是熱上，只是暖，要即食放多5分鐘即凍個隻。剛好有朋友在洪記的第二層用餐，我問他們上菜是否好慢，他們說上菜好快，影了一張相全枱都是餸。我們隔離枱比我們遲入也已經上了所有菜。最後同伙記投訴，伙記話二樓是廚房，廚房上菜慢他們控制不到，今日星期日人較多，咁即係話樓上樓下的上菜速度可以差咁多？咁坐外面位呢？總之每上一碟菜也要吹，服務收拾餐具也很慢，最後叫埋單收錢最快最有效率，結果等了差不多兩小時才上齊菜。西貢有好多好質素的餐廳，如果叫餐都上咁耐又凍，大家吃得不愉快，沒有下次。

每次入西貢食海鮮都係幫襯洪記海鮮酒家。佢係近巴士總站第一間鋪頭。可以揀有一樓，地下，同坐係路邊。我哋通常都會坐喺路邊，冬天時都不用怕涷，因為店舖有好多支用石油氣發動即暖爐。不過如果假日都好爆，坐外面枱痴枱都幾迫。而大多數都會食煙，煙味都勁。我地大多都只會叫散叫，而唔叫套餐。海膽，好新鮮，食落去仲有啲鹹鹹地嘅海水味，每一格入邊有兩大塊非常厚的海膽，食落去一啲都唔腥。象拔蚌刺身鮮甜美味，一隻都好似唔夠食甘，其餘切剩嘅部位，拎左黎煲粥，超甜超好食。大大隻聖子，蒜蓉蒸加粉絲，最簡單食法龍蝦🦞伊面啲龍蝦啖啖肉椒鹽賴尿蝦好大隻，又係好好食一圍10個大人，食到好飽好滿足

第一次帶嫲嫲去西貢食海鮮！去左洪記！4個人叫左個二人餐。都好多野食。再加左瀨尿蝦同龍蝦。撈海鮮個姐姐好好人。比我屋企人拎住海鮮影相。食物既生熟程度岩岩好。份量足。而且服務員有禮細心。嫲嫲好開心。下次會再黎。

一行9個人食海鮮，我地揀左個8人套餐，另外再炒多一碟麵。8人套餐都有兩款，咁因為我地想食瀨尿蝦，其中一個套餐冇，所以目標清晰就叫果個餐!咁果度D人都好好嘅，其中一樣海鮮係扇貝，但我地比較鍾意蟶子，問一問可唔可以改，佢地都好幫手幫我地改左，咁呢兩個差不多，成本都差不多，所以應該冇問題卦，其他就真係唔知喇...講番海鮮，首先就係蝦，份量幾多，而且見到都覺得幾肥壯，唔會好似好瘦咁，之後食落D肉都好爽，唔會食到有D霉霉地嘅肉，所以應該黎講係新鮮，個味就係正常味道，太特別好味又唔會有哈哈，但食得出係新鮮。之後就係蟶子，個樣都係肥，炒得好惹味，佢擺番8隻殼係度，雖然唔係D肉痴住個殼，但我地講番出黎食左幾多，夾番埋都係有完整8隻 XD 都好多肉食丫，正!上湯龍蝦E麵，味道煮得好好，唔會太濃，仲有龍蝦鮮味。龍蝦肉略為少左DD薑蔥炒蟹，呢個係好味!!!! 我連D蔥都食晒咁滯!!! 蟹都幾大隻幾肥瀨尿蝦，一共4隻，椒鹽一定好味又惹味，冇得輸!! 不過唔知係咪瀨尿蝦唔當造，呢轉瀨尿蝦冇乜膏，但多肉搭救啦。鮑魚，有16隻!!!!!!!我地係冇諗過....雖然唔係話好大隻...但佢8人餐預一人兩隻..好似好多，

西貢食海鮮，真係好怕海鮮價，尤其對海鮮唔熟悉的顧客。套餐多數比較優惠，也不用多想要吃那種海鮮。點了個二人餐，其實加個飯的話，分分鐘四個人食都仲得。先有大隻，肉質實淨彈牙的白灼蝦，鮮甜味配辣椒豉油更明顯。豉椒大蟶子，很鮮甜，但切得不夠細，其帶煙韌的爽口會變得有點難咬。豉椒汁沒有過濃味，單吃也不會膩口或口渴。蒜蓉蒸扇貝，蒸得久了一點，不過內臟那一塊還是嫩甜的。蒸倉魚的時間就剛剛好了，一口一口很快就吃完了。最後的時菜都完全吃不下了。

臨近母親節，突然想食海鮮，就入左西貢搵食，可能長假期關係，周圍都係人，特別係遊客，好多外國人都坐左outdoor位置，一邊食中式海鮮一邊飲住藍妹吹吹海風，我地一行6人坐底就同侍應講想食乜，基本上有少少廚師發板feel可能今晚人太多，上菜方面有啲亂來，因為通常炒飯果啲係最後先上，今晚第二味已經比左碟炒飯我地，食左立即飽左五成。第一味椒鹽鮮魷好夠鑊氣，份量好多跟手黎左隻波士頓龍蝦跟芝士伊面底，個伊面吸哂啲芝士味超正，隻龍蝦又夠大隻，我地6個人都食唔哂跟著有白灼蝦、薑蔥炒蟹，白灼蝦冇梅蝦全碟都新鮮，蟹就細隻左啲，不過好多蟹膏勁香跟手有條斑，不過略嫌蒸過龍，有少少鞋仲有半邊豉油雞、蒜蓉炒菜心、蒜蓉粉絲蒸元貝哩三樣都中規中矩，整體而言都好好食6個人食都仲要打包左2盒走

叫咗母親節四人套餐$988(節日後$788) +炒蜆!海蝦，龍蝦加伊麵底，焗蟹，清蒸粉絲扇貝，原本蒸鮑魚但太旺賣哂，部長阿有換了碟豉椒炒大花甲，再有碟蒜蓉炒白菜，加了碟豉油王炒麵，最後送大大個新奇士橙同提子。所有海鮮夠新鮮，海蝦夠大隻，佢話平時送埋海鮮湯。  仲有鮮甜生果送!埋單$1107 西貢食唔敢話好抵，但一定唔係貴！！！

週末的晚上與家人來到西貢共渡一美好晚飯喜愛吃海鮮的屋企人好快被招待到樓上雅座吹著海風，有著美好的海景坐了不久已有熱茶熱情招待餐牌有不少選擇：特濃芝士焗龍蝦伊麵底、古法椒鹽鲍魚、淸蒸海上鮮 、白灼海生蝦 、香蒜椒鹽墨魚 、聖子 、星級椒鹽豆腐、 碧綠泡蝦球 、蒜茸粉絲蒸元貝 、白灼海螺 、薑蔥炒蟹、 豉椒炒蜆、 奇脆菠蘿咕嚕肉、 秘製鹽水雞腳等等我們下樓去魚缸去選新鮮會動的，老人家都說有得㨂先至系老闆最後選了我們平時在家製作不了的龍蝦，鮑魚，聖子，元貝整頓飯鮮味十足，功架一流，入開西貢的朋友值得一試

週末好天氣一家人去西貢行下。下午經過都依間幾多人，又有點心食，即管試試。對住個海飲茶食點心吹下海風都幾舒服寫意。咁就不如叫隻本地龍蝦嘆下啦。上湯伊面底細路都中意，可惜佢煮得勁咸，沒有其他味道可言。完全浪費了很好的食材。為食的小孩都咬兩啖就唔肯食了。隨便飲個茶吹下風可以，海鮮就三思了。

去西貢見到成列既海鮮酒家真係好有衝動去刷返餐海鮮餐，不過今日晏就去到咁樣食海鮮法又heavy得濟喎🤔，行過呢間洪記海鮮酒家既室外座位，見到有唔少食客飲緊茶，最特別既係佢地唔係寫點心紙落單，而係出去近收銀處既點心蒸櫃度見到有咩想食就拎入黎，咁樣食點心法其實都幾有風味🤘！點心價錢由小點($20)起至頂點($32)，不過其實出去拎點心你都唔會太知價錢嫁啦😂😂，直接拎完想食既點心就比店員吸印仔😝。第一Round走出去都有幾多款式既點心嫁，蒸魷魚、排骨、雞扎、馬拉糕等，仲有好耐無見既糯米包添，大大個，臘味既味道又好香～就連燒賣、蝦餃、牛肉球等點心都大大粒😂，唔知係咪佢地風格黎😝，本身仲見到其他食客有黃金糕，但係等左幾輪都無再出啦😢btw如果晏就去開西貢，飲茶呢個選擇其實都OK嫁🤗

星期五晚上，Happy Friday, 約了親人外去晚飯。本來只打算到屋企附近的商場吃飯，愛人突然興之所至，駕車到西貢吃海鮮去。兩三年前我們也是在這店慶祝生日，印象中還可以，所以隨便地還是來了這間。這晚三大1小，點了不少海鮮。點了龍蝦丶賴尿蝦丶蟹及貴妃蚌，另外點了海鮮雜菜煲。- 芝士龍蝦伊麵味道十分淡，完全沒有芝士味，十分失望。- 椒鹽賴尿蝦味道尚算可以。- 蟹差不多$200，可吃的肉少得可憐。- 貴妃蚌味道不過不失。- 雜菜煲的味道是正常水平。整體而言，食物水準質量下降，最基本的芝士伊面竟然也可以煮得如此淡口無味，真的十分失望，相信應該沒有下次了。

.📍洪記海鮮酒樓 (西貢)🐷跟Uncle auntie入西貢食海鮮🤤，一行11人，係艇仔買海鮮，洪記加工！食得海鮮都唔平架喇~不過比想像中扺，海鮮連加工費都係$4000幾左右—————————————————————❣️八爪魚兩食- 刺身 + 椒鹽隻八爪魚超大條，好新鮮！.❣️象拔蚌刺身.❣️龍蝦芝士伊麵🐷平時唔食龍蝦，都食左舊，好爽好鮮🤤.❣️花螺.❣️豉椒炒花甲.❣️蒜蓉粉絲蒸桂花蚌.❣️蒸唔知乜斑.❣️炒左通菜同菜心.❣️生果盤雖然冇影相，但嗰日嘅提子同橙都好出色，提子好爽好甜—————————————————————不專業評分👅好味指數:3.5/5💰性價比:2/5 (睇你覺得值唔值得)👍🏻推薦:4/5—————————————————————🏡地址:洪記海鮮酒樓 (西貢)西貢海旁廣場兆日大樓地下6號及9-10號—————————————————————#chuchu食在西貢#chuchu食海鮮#香港美食 #hkfood #852food #香港好去處 #hkfoodie #hkfoodinstagram #食好西 #美食推薦 #好食 #tasty #seafood #西貢美食 #follow #