洪記海鮮酒樓

營業中

休息中

同朋友行完山都黃昏了，係碼頭搵左一間酒家食返一餐海鮮餐。呢頭主要二大酒家，二間都食過，比較喜歡這間份量足料嘅洪記。二人餐$488最抵食當然係龍蝦伊麵，而且唔使加錢把波士頓龍蝦轉做澳洲龍蝦🦞。伊麵底分量十足，夠晒兩個人食又多。豉椒炒蟶子。味道香濃，而且放左好多青椒紅椒洋蔥做配菜，惹味，味濃。椒鹽鮮魷。指定餸菜😂，因為喺屋企好難自己煮，所以出街必定會食。蒜蓉蒸元貝。我記得對上一次食，元貝大隻啲，今次就偏細。不過味道依然吸引，最愛是係蒜蓉粉絲加得好多，所以食完一隻，好似仍未夠喉😋。揀咗四樣之外，仲免費送炒菜同埋生果，食完真係好飽好滿足。之前食過另一間，其實菜式差不多，但份量就少好多。所以兩間比較之下，我就會覺得這間性價比較高。😋😋😋

多次光顧, 不是好味, 祗因位置方便, 伙計不停門外拉客, 其實入坐後服務好一般, 但求你快落單, 龍蝦伊麵味道淡及自動幫你去鉗. 下次真不要貪方便. 況且伙計手法好一般.

入得去西貢行街緊係唔少得要食海鮮啦西貢其實都有好多酒樓可以食海鮮五花八門好多選擇甚至乎大家可以自己帶海鮮去酒樓叫佢哋幫你煮不過我哋自己就習慣咗去開一間所以咁多年嚟都係幫襯同一間講緊嘅就係西貢海旁嘅洪記海鮮酒家好易認㗎有一個特大弧形嘅魚缸仲記得我哋上次去嘅時候仲未有晚市堂食所以我哋四點幾就已經去食晚餐佢嘅海鮮套餐都好抵㗎幾百蚊就已經可以有幾款海鮮 一家四口食其實都ok㗎首先就係豉椒炒聖子一碟有3至4隻蟶子都好大隻㗎用豉椒炒好惹味之後就係椒鹽炸魷魚椒鹽味好香口魷魚炸得好酥脆 面頭嘅炸皮唔會好厚入面嘅魷魚又好彈牙諗起都流口水龍蝦伊麵唔錯㗎雖然份量唔算多龍蝦肉亦都唔算多不過一家四口食又唔使太大碟嘅可以留番啲位食其他餸龍蝦肉都幾新鮮 幾彈牙芝士汁都好濃郁咕嚕雞球同平時食嘅咕嚕肉唔同因為咕嚕肉好多骨但係雞球就啖啖肉 至於味道就同咕嚕肉差唔多都係酸酸甜甜 食咗之後更加開胃清蒸鮑魚鮑魚都好大隻㗎四人餐所以有四隻蒸得啱啱好食落好彈牙好易咬唔會好硬不過冇清走到內臟要自己處理食埋啲菜就啱啱好望住海景食海鮮真係特別好味㗎下次大家有機會去西貢都可以試下㗎

昨天去這間海鮮酒家，簡直就是個惡夢 服務態度極差，叫佢個二人套餐揀四款餸 另外加咗個椒鹽瀨尿蝦，全部都很失望 芝士龍蝦伊麵冇芝士味，薑蔥焗蟹冇薑蔥味，椒鹽瀨尿蝦冇椒鹽味，豉椒炒聖子啲聖子有沙，四隻鮑魚仔同個芋角 不過不失如果要畀一千蚊要食啲咁嘅嘢同啲咁嘅服務態度我情形出番出面其他酒樓食

是日星期日夜晚，諗住出返去市區先食飯，但係同行友人又話係西貢食埋先走。行左好多間友人簡左洪記，跟住我睇openrice見到洪記咁多負評，都抱住試伏心態去食。友人叫左優惠二人餐，餐牌上寫488簡4個餸：龍蝦伊麵、豉油炒蝦、蒜蓉粉絲扇貝同埋加左100蚊既沙巴龍躉，仲送青菜。等既時間係比較耐既，預左，亦都唔心急，因為間餐廳都差唔多滿座，都有心理準備。大約等左20-30分鐘，個龍蝦伊麵就上咗啦。龍蝦幾大舊，新鮮彈牙，好入味，可惜麵底比較散，好難夾，不過總體係好食。豉油炒蝦幾香，但係啲蝦唔係好新鮮，有隻仲係霉，一般般啦沙巴龍躉，入口係鮮既，都多肉食，但係可能蒸得比較耐有啲鞋口。扇貝比較細隻，但係鮮味十足總共俾左678蚊，價錢同質素都成正比例，如有下次都會再食

晚上開返堂食，一行二人去咗西貢食海鮮，全場差不多爆滿，我哋叫咗二人餐，條魚升級左加咗$100，另外再叫咗兩支啤酒，埋單$801二人超值套餐包括：椒鹽瀨尿蝦 ：味道惹味，份量正常唔算少白灼海生蝦 ：好細隻，不過鮮甜清蒸海上鮮：蒸魚時間剛好好滑，加咗$100升級，原本係黃立倉清蒸鮑魚仔：口感軟淋，好味薑蔥焗海蟹 ：大量薑蔥非常好味清炒時蔬：比較求其精美菓盆：落單嗰陣時唔講比客人聽話無，到最後問佢拎過去佢先至話無價錢唔算貴，味道都OK，整體不過不失

如果唔想受氣就唔好幫襯！ 兩個人埋單少過一千會俾人睇唔起！🤑 如果你話咁嘅態度係趕客，個侍應會同你講「你咪唔好嚟囉！」🥺😤 同老細投訴佢職員嘅態度，佢唔俾反應仲即刻行開唔聽！😤😤 當下明白點解個侍應會用咁巴閉嘅態度對客！可能開番夜市唔憂做啦！😡😡 好後悔！見到咁多😭都應該有問題！！至於食物水準亦唔係有咩突出，非常一般！之前疫情話生意難做，一開夜市多番生意就巴巴閉，遲啲多番遊客更加⋯⋯ 🤑🤑

公眾假期過後，較易搵位，難得一聚，所以食過海鮮套餐白灼游水海蝦每人差不多有5隻，同埋都夠鮮甜清蒸海上鮮蒸魚時間掌握得好，剛剛熟，魚肉嫩滑，值得一讚芝士波龍伊麵底龍蝦🦞啖啖肉，但個人覺得芝士太稠，很膩蒜香粉絲蒸元貝有少少失望，粉絲舖滿整個蓋，但原來元貝很細，而且有兩隻有沙，點解元貝會有沙薑蔥焗海蟹蟹比較細隻，肉不多，最好吃反而是葱椒鹽焗鮮魷這道菜有驚喜，外層不是那種厚厚的脆粉，鮮魷又夠腍揚州炒飯這炒飯炒得不錯，粒粉分明，夠乾身西貢靚時菜估不到最失敗是這道菜，因為菜唔靚，太老👩🏻‍🍳所謂一分錢一分貨，價錢都算合理，只是菜最難吃👩🏻‍🍳洗手間太濕滑，需要改善，因為目睹有人跣親

入到西貢，咁多海鮮餐館，勾起我食瀨尿蝦嘅心癮🤤其實見啲海鮮餐館嘅2人餐好抵，但係坐低已經5點，無信心可以6點完場😢唯帶散嗌，價錢貴啲，種類少啲，但就可以自己揀海鮮。好彩海鮮都唔可以煮太耐，5:15pm開始上菜，勁擦45分鐘，趕得切6點埋單走人☺️（食環一直兜嚟兜去🥶）飲食記錄：❶ 椒鹽瀨尿蝦好多肉🤤而且肉質質實肥美，帶彈性又多膏🤤🤤新鮮好味🤤🤤❷ 油鹽水花甲花甲無沙👍🏻質感韌口😋調味偏淡，主要係食花甲嘅鮮味❸ 辣酒煮東風螺東風螺無沙，肉質都幾肥美q彈👍🏻我地唔係好食得辣，所以揀咗bb辣😅所以調味方面都係偏淡，主要食東風螺嘅鮮味❹ 上菜炒菜心

我們一行5人共叫了10碟點心，其中有蝦餃、春卷、叉燒腸、酥皮叉燒包、雞扎、薑汁糕、蘿蔔糕、鳳爪、塞米墨魚餅……薑汁糕爆薑，最推薦，連媽媽和我都大讚！蘿蔔糕係有木魚、沙律醬的，好似章魚小丸子啊！塞米墨魚餅穩陣，香脆！最不推薦係叉燒腸，好鬼硬的叉燒！其他5碟都普普通通，上菜略慢，人多要等。

今日天朗氣清，老公話不如入西貢轉個圈，行吓海濱，呼吸新鮮空氣。行行吓已到午飯時間，本來想食西餐，點知好幾間都要排隊，我們又想坐在戶外，便去飲中茶。蜂巢芋蓉角（$27）先上，望落有水準，表皮夠鬆。食落芋蓉夠厚，很香芋頭味。外皮十分鬆脆，跌到週圍都係。而餡料亦算豐富，份量足，好好味！對喜歡芋角的人來說，是必選。👍🏻👍🏻👍🏻彩椒粒叉燒腸（$27）的腸粉皮是中等貨色，不是特別薄。餡料除叉燒外，加有紅椒黃椒，較有口感，味道亦冇咁膩，ok！😀黑金流沙包（$25）外型討好，包皮不厚，可惜奶黃餡不足，冇乜蛋黃香味，亦唔流，唔好味。👎🏻👎🏻👎🏻豬手是爽身個款，略為咸，所以味道也是普通。👎🏻時菜班塊炒麵上檯已覺唔掂，色水不吸引，麵好似冇炒過，淡黃色。食落亦無味，魚塊不新鮮，厚厚實實，一點也不滑溜。👎🏻👎🏻👎🏻總結而言，是只會幫襯一次的食肆。

行山前先醫飽個肚，由於疫情之下所以想搵一間有戶外座位的酒樓飲茶，空氣流通之餘又可以欣賞海景，這裡點心即叫即蒸大約要等十至15分鐘， 不過唔緊要最緊要新鮮熱辣， 點心味道及質素都唔錯， 唯一不滿是夥記比較少要加水就要耐心等待啦!

和太太平日到西貢閒逛諗住飲茶食点心，估吾到食物很有水準点心好味，而那個鲜蝦米粉煎米粉底更有水準，米粉煎得脆口蝦也爽口，太太也讚口好味而价錢也不贵，在外面很多店也吃不到此水準，另外服務態度很好也值得一讚，很滿意的一餐午餐！👏👏👍👍😋😋

今日本來約咗朋友食雞飯。因為那些年曾經很熱愛一個人嘅美食。但發覺那間雞飯價錢已經比當年三級跳，但格局和服務都無變。在疫症蔓延下難得嘅飯局，決定放棄佢。問返朋友想食咩，其實大家都只係想食餐便飯。那就去飲茶囉我哋最後去咗洪記，因為上次已經試咗全記。因為有兩人限聚令。所以職員話唔會有人搭枱。所以大家都坐得好舒服。點心收費已經在門口寫清楚。這個真係要讚一下。大家數目分明，唔會有爭執。不過最好在里面都在印多些。因為未必個個都留意到。價錢算係合理。旅遊區都可以接受。我哋還發現這個小驚喜。這個價錢真係抵過食雞飯當然都要加返茶錢和加一啦我哋點咗三個點心 只係影咗兩個 因為虾餃忘記影相📸️ 太肚餓老實講我只係覺得虾餃算合格 可能之前食過全記 其實比較之下真係好麻麻 我哋點得太多 差啲食唔晒講完點心就講那個米粉 這個米粉都幾好食 因為這個米粉唔係四圍都會有 就算有都未必可以做到呢個價錢 我哋問職員拎咗辣椒醬 其實都唔需要太多 所以真係收貨 碟底沒有太多油 份量足夠 今餐真係抵食 每人$90左右 其實真係點多咗 下次要再挑戰更平消費

第一次寫食評，其實是關於服務態度，以往去西貢都會去洪記食海鮮，出品都可以接受，話說今日中午去洪記食個二人海鮮餐，我座近魚池，點菜後等了二十分鐘都未有野食，想追一追驚漏單，問了企近魚池的一個亞嬸待應，(應該是主責賣海鮮，但我見佢都會幫人落單) , 她聽了但完全沒有任何回應，又沒有幫我查單或入去追㕑房，算，我當佢聽唔到。後來有蟹到，我好有禮貌地講唔該拿個鉗給我，她聽完又行左去招呼新客座低，然後又企在魚池當無事發生，呢下真係火都黎😡，我咪再大聲d 叫多次佢拿鉗，今次有行動了，佢行入去轉頭隔五尺距離同我講話無鉗，咁大間海鮮專門店居然話無鉗😲，我轉頭再問第二個待應，唔使一分鐘就可以拿了個鉗給我.....新年流流我都唔想再為呢個亞嬸勞氣了，成個西貢大把海鮮食，今後都會將佢黑名單，免得貼錢買難受