洪昇食堂

營業中

休息中

聽人講話呢度啲野幾好食 有得帶狗又可以泊車所以就泥食🙈但係地方就係有瓦遮頭同小量冷氣嘅大排檔😂小炒王唔錯 不過無花生碎🙁🙁 魷魚乾同蝦乾份量都唔小鵝腸估佢唔到幾好食😂 鹵水好入味 份量仲要多 夠爽口👍🏻椒鹽鮮魷炸粉做得ok 唔會過厚 鹹辣適中👍🏻鹵水鵝就一般 因為下層浸到汁先有味 上層就無乜味😂炒麵好夠乾身 無穫屎味 唔錯🙈

同老公一齊去宵夜，當晚雖然落雨，但係都無阻好心情。環境：分室外同室內，室內有冷氣，室外有大風扇，因為當日落雨，所以就算係8月都完全唔覺熱，仲好清涼。服務態度：友善，有問即答👍🏻食物：叫咗兩個餸☝🏻黃金鮮魷：好大碟，價錢好似係$11x，d鮮魷好好味，但係食到中間d鹹蛋黃好濕，變得好漏，最後無食曬，不過好大原因係碟餸較適合十分分享😂。👆🏻啫啫雞：香噴噴。我同老公次次去大排檔都會叫哩個。哩間d豬潤新鮮，食落係爽的，而雞都入味，如果可以再爆得勁d就好，但係都係值得推薦的，同埋份量唔少，價錢$8x。飲品：飲啤酒要去隔離士多買，間士多就係叫‘隔離士多’，好得意😂，其實只係十步嘅路程，近到一個點。

成日都食呢間洪水橋唯一一間既大排檔😱😱夏天去食 真是有點先熱呢🔥🔥🥵🥵🥵但老闆開左幾個大風扇吹住 🌬🌬都唔算好辛苦但呢到既小炒真係出乎預料地好食呀😋.............首先叫左伙記推介既避風塘茄子D炸蒜好香好脆 用黎撈飯一流 茄子🍆炸完好juicy 😋😋第二樣就係黃金鮮魷 呢到暫時係我食過最好味既黃金鮮魷 佢既咸香真係世界級 配藍妹啤酒🍻🍻🍻爽到震呀最後黎多碟乾炒牛河醫肚仔 🙆🏻‍♀️🙆🏻‍♀️🙆🏻‍♀️🙆🏻‍♀️

今與友人重聚食大排檔就對緣下找到此店紅招牌極易見就位於馬路邊位易搵座位多快坐低咪囉嗦餐牌比我大哥佢話菜式咁多呢間野搞邊科首選椒鹽鮮魷一碟唔係太夠二選黃金大蝦食到佢笑哈哈我大聲叫呀爸佢食到甩假牙再三選炒時蔬食到有肥仔波炒蜆當然要有大大隻好咬口食到我啜晒手個嘴唇無得抖蒸魚都係必叫生猛到仲識跳落莞茜呢下妙味道完美配調我愛蒜頭蛙菜胃口迅速打開冇得食要默哀黎多一碟唔該壓軸鮮蟹蛋餅味道正賣相靚正過明星上鏡問你地驚唔驚飲酒仲有獎抽個個有禮物收免費餐唔洗憂開心到似麥兜

西蘭花班片，168-hkd , 大排擋來說，貴。但是班片魚肉是大加厚。半隻三杯雞，雞很細隻，少，但是也入味的，薯仔牛柳粒，黑椒味，很也唔錯，只是薯仔一條條不太好，會一粒粒容易入口，椒鹽鮮尤，炸得不夠香口。

一行9人試新嘢，中晒伏! 等咗大半個鐘都無嘢到，催佢就攞2碗白飯加一細碟花生嚟叫我哋食住先。見隔離左右都未有嘢食，以為新食市廚房做唔切就再等下。過多幾個字，前後左右都開始上菜，就係我哋無，再催就話煮緊。再等多陣，隔離枱都食完撩牙，我哋都仲係一碟都無。!前後等咗個幾兩個鐘，菜都無碟，梗係起身走人啦！見我哋走，竟然同我哋講煮咗。一個鐘頭前你唔煮!?想點呀？等多一個鐘呀！去大排檔就係想又快又獲氣，點知又慢又一肚氣。如果唔係個評分一定要俾星先save到，真係一粒星都唔會俾呀！一粒都唔值呀！