洪強原味清湯腩咖喱專門店

營業中

休息中

上次試完崩沙爽腩後，今次堂食又試下清湯坑腩河，飲啖清湯偏濃，唔似一般清湯，食落坑腩中間夾點肥膏，講真冇特別，都係上環某間好食啲，下次如再嚟只可試咖喱牛腩。 ^ ^ 😀😋

聽講呢到既咖哩好好食，佢又叫咖哩專門店，一於黎試下🧐🧐呢到大概分三種湯底，清湯，咖哩，同蕃茄濃湯，有得配飯，米粉河粉伊麵。入到去係小店格局，沒有豪華裝修，很親民，做街坊生意，位置唔多，大概坐到三十人，不又唔會好擠迫。一入到去，好快就有人問你食咩，我叫左個咖哩筋腩河粉$39。河粉煮得太淋，有啲碎，但係好大碗😲😲食完好飽。咖哩湯底好入味，好香好濃好惹味，撈飯食應該好好食，之前食過尖沙咀牛芳xx，又係主打咖哩牛腩，我覺得呢到好食好多，價錢仲平一大節。重點：食完冇好口渴👍🏻👍🏻牛筋好淋，成碗麵最失望係啲牛腩😥😥好楷呀，可能因為係筋腩關係，如果叫爽腩或者牛坑腩可能會好食啲。凍飲跟餐加8蚊姐，已經算好抵了。下次會試其他腩同湯底🤔

牛坑腩咖喱米線,牛坑腩爽口入味而唔靱有層次,湯底方面非常香濃,咖喱味之中有濃濃牛肉味;另一碗牛筋腩伊麵,牛筋滑中亦有咬口,亦非常入味,配上伊麵非常有特色亦好好味。

每逢星期六，都要到街市買餸，自景峰有間優質的凍肉店後，間中都會去景峰買餸。買餸前當然要填飽肚子才有力氣，於是到附近粉麵店吃個午餐。清湯墨魚丸河墨魚丸很彈牙，墨魚味十足，總共有5粒，河粉軟硬適中，不會過淋或過硬。湯亦很清甜，伴以河粉進食，提升了味道的層次。雲吞河雖然只得3粒雲吞，但雲吞大大粒，內含原隻鮮蝦，蝦味十足。雲吞格也很滑，老婆食得很滋味。我們享受完這頓午餐，開開心心購物去，下次一定會再來光顧。

是日返工，晚飯得朋友做嚮導，帶我試洪強咖哩牛坑腩米粉🐄🐮🍜，沒想到晚上還能嚐得牛坑腩🐮🐄，此店坑腩肥瘦適中，咖哩膽炒得香濃入味，米粉索盡咖哩湯汁，連凍飲也不過五十塊錢。以後谷友遇上刮風時節🌂☔💧⚡🌀❄，便可在元朗區以外嚐到優質牛坑腩了🐄🐮

好多時放假都喺屯門區覓食, 屯門真係唔多好嘢食, 有時R爆頭都唔知食咩好, 咁就睇下人地介紹, 今日去左紅橋呢邊搵食。呢間舖大大隻寫"原味清湯腩", 前面嘅"洪強"卻係撞左色又細隻好多, 唔留心係會對唔到個名架。我地一入去, 就有姐姐招呼, 好慇勤, 好禮貌, 有加分。飲品要左咸檸七同蜂蜜咸柑桔, 都好夠味。腐乳通菜, 十蚊算幾平, 排得齊齊整, 令人食起黎覺得好食D, 腐乳放喺旁邊, 細心。咖哩根腩飯: 個咖哩係好複雜嘅香料味道, 叫左少辣仍幾辣, 應該類似印巴的咖哩, 較重口味, 牛腩牛根都幾淋, 不過對我地黎講辣左少少, 令再食嘅意慾唔高。蕃茄大胃王河: 有蕃茄、鯪魚肉、牛丸、豬肉丸、牛筋、牛腩, 個蕃茄湯似住家湯, 有少少魚嘅味道, 各款丸都幾好食, 唔係普通貨色, 如果唔係自己整, 都花左唔少心機去搵供應商, 當中最突出係鯪魚肉, 佢超柔軟, 好似手打咁, 又唔腥, 我唔鍾意鯪魚肉都愛上佢!價錢唔貴, 幾抵食, 都有下次嘅, 紅橋原來唔少好嘢食, 可以多啲黎食!

假日睇完早場，行左10分鐘過黎呢區搵食，因為成條街都係人情味濃厚既小店，價錢經濟又實惠隨意揀左呢間專賣咖哩及牛腩既店鋪，鋪面工整。服務員姨姨既態度親切和藹，同街坊熟客更滔滔不絕，好nice清湯崩砂爽腩河既湯底味道濃郁，原來用牛骨熬製而成，聲稱無加味精架，雖然食完都有少少口渴，但整體係好味既！崩砂腩爽且嫩，口感一流，有大約8件，真係無叫錯新界菜心同樣用牛骨湯灼熟上碟，因為仲見到菜與菜之間夾雜了少少腩碎，$10一碟好抵食未食完就已經諗定下次要再黎試埋個咖哩先

食物非常污髒不堪，找出幾條頭髮及大量黑色點點，用牛腩做賣點，但牛腩情況如下，沒味道，一點食慾都沒有，食1啖即走，中午要埋單46蚊，超差體驗，沒試過甘差，絕對冇下次

經過這間店好幾次了，可惜每次都已吃飽，未能一嚐，但對這店的初步印象是幾好的. 見到老闆會走出店外招客，有禮兼落力，所以終於找了一天到店試試. 下午2:30 左右，店內食客不多，感覺寧靜舒適. 14:00- 18:00 時段惠顧更送熱飲，相當抵食. 熱檸茶 熱檸茶茶底清澈，檸檬亦夠新鮮，是水準以上. 熱奶茶 家人的熱奶茶則較普通，稍欠熱度，茶味亦淡. 清湯牛腩米 ($30) 初次到來，當然要試試招牌的清湯牛腩，牛腩有7-8件，都幾多. 咬下去，牛味相當濃，牛腩就偏瘦，有點兒韌，不過沒肥脂的瘦腩啱減肥中的我吃呢! 至於米粉都幾有嚼勁，份量亦多; 湯底則標明不含味精，不過個人覺得鹹了一點. 手打牛丸麵 ($30) 家人則要了手打牛丸麵，試吃了一粒牛丸，牛味濃郁且相當彈牙，實在好吃~ 牛丸相當有水準，會為了再吃爽口彈牙牛丸而來. 屯門青葵徑5號地舖 6531 3795

唔知食乜就求其揀左呢間, 叫左個CURRY筋腩麵。CURRY汁好香, 唔係椰汁果D, 係深啡色, 有D 似日式, 但辣DD。筋腩都唔少架, 牛媽筋好林, 好入味, 牛腩主要是瘦肉, 但都是好林好入味, 估唔到咁好食, 仲要只`是3X, 抵!

嚟尼到食過幾次，今次嗌左咖哩筋腩伊同雲吞河。牛筋、腩好入味又吾韌好好食，個咖哩湯底勁正😍仲有好洋蔥碎。個雲吞河啲河粉好彈牙，啲雲吞大大粒勁足料😂尼間餐廳我覺得價錢相對算平，服務態度亦都好好，值得推介🖒🖒🖒

值得去食 性價比高～～～～～～～～～食物：清湯爽牛腩河爽牛腩：有酥味，但係我就最鐘意食酥味嘅牛同羊肉，啱晒我口味😍😍😍。同埋有五舊牛腩，鐘意食牛嘅我緊係唔夠。如果普通人我諗咁樣嘅配合都已經好合適。河粉：軟硬適中，唔太鐘意食麵食嘅我厭太多河粉，咁的確係好多份量～湯底：好清，平時食麵我鐘意配埋辣椒醬食，咁我喉嚨未好番咁就廢時落啦，但係湯底都好好味。～～～～～～～～～～～～～～～～～～～～～～其實本身我諗住叫肥腩個個不過我見落左單就算反正又未試過泥到任何一樣嘢咁咪錯有錯著試左清湯爽牛腩河好好食😍😍

朋友等埋我先開餐，不過我最愛既繃砂腩賣哂，得番牛腩同坑腩，唯有下次早啲黎食。今次朋友覺得坑腩唔夠肥美😂我同佢相反鐘意食瘦果啲😆蕃茄湯底完全冇落茄膏全靠鮮蕃茄煲出黎，味道渾然天成，不過可能因為我太夜食，湯所剩無幾，🍅蕃茄味濃度一般，酸啲會更美味。牛筋好似晶瑩剔透既白蘿蔔，開頭諗會唔會淡茂茂，原來都幾香幾滑，有驚喜。炸魚皮連湯粉食，正!

粉麵控係香港有好多選擇，不過完美爽腩就同粉紅色xx 一樣可遇不可求今日黎到洪強，好好彩爽腩仲未賣晒（weekend 有時tea time 已經sold out!)即order 設個蕃茄湯爽腩河個蕃茄湯濃左，但都仲係啖啖蕃茄肉同埋飲完都唔口渴爽腩仲係超出色，條爽筋好正河粉唔記得影，洪強既河粉無其他店咁白，係有d 透明既，彈牙但係食到最後係識斷開唔係強國特製品種叫多個菜，$10算幾抵食係最後單到有強國字有d 驚hahaha. 不過食物完全OK

與友人在屯門行完山後，剛好是下午茶時間，找到一家聲稱清湯腩咖哩專門店，二話不說便進去享受一番店內食客不多，傢私大多是木製的，很有古典味，環境一般，整潔舒適～ 隨便找個位坐下，馬上便有小二服務，先點個咖哩汁左爽腩麵加一杯咸柑吉水 咖哩味很濃，重口味的朋友一定讚，湯也有牛味～麵也爽口適中牛腩入口即溶，不膩，肉質也不錯，份量也多飲品方面，咸柑吉很香，不太咸也帶點蜜糖味～ 小店有這水準已值回票價，價錢也可以～ 也次會再來品嚐清湯及其他食物