洪強原味清湯腩咖喱專門店

營業中

休息中

上次食過清湯，今次試咖喱同蕃茄。因為下午茶時段（14：00 - 17：50），惠顧奉送熱飲（凍飲+$4），但亦因為已經兩點幾，爽腩已經賣哂。咖喱牛坑腩伊麵（$53+$5）偏向巴基斯坦咖喱，大量洋蔥碎，咖喱味濃微辣（可要求辣度）。牛坑腩保持水準，約有五六件，有筋膜位，肉味濃厚。伊麵（+$5）份量多，有彈性及有咬口，咖喱掛哂上麵，撈埋一齊食好夾。蕃茄濃湯坑腩河（$53）蕃茄濃湯湯底有驚喜，鮮茄味濃，加埋牛骨湯底，出奇地好飲（唔知點解覺得好似飲緊蕃茄牛奶忌廉湯）。河粉份量不少，算滑。「洪強」三款湯底試哂，每款都不錯，但如要排先後，個人認為清湯 > 蕃茄 > 咖喱。

上個星期啱啱食完堂食，今日因為同朋友掃街而佢又未食過呢間餐廳嘅咖哩，即刻推介佢試下所以我哋嗌咗個咖喱牛筋腩（中小辣）今次買到返屋企慢慢食，辣度啱啱好既會食到辣味，又唔會淨係死辣，朋友都覺得好好味食到剩返啲汁都撈飯食埋佢果然很不錯👍

今次並非第一次食，想當年食過外賣，覺得辣到噴火🔥，懷疑當期時係嗌咗中辣今次堂食，睇得出，鋪頭主要有勁多街坊幫襯，「照舊」「都係嗰啲」嘅落單秘密，夥計大致都記得，仲會見到有空枱問返客仔「坐唔坐返呢張（枱）？」，聽得出店內夥計同街坊關係好好。1️⃣咖喱牛筋腩飯，勁多飯，細食女仔可以分兩餐食，我咁大食都覺得太多飯，食晒成碗真係飽到嘔至於辣度，因有之前外賣經驗，今次即刻叫小辣，但感覺只係嚐到有少少辣味，辣度可以再多啲就更加過癮啦2️⃣蕃茄牛坑腩飯，蕃茄湯顏色唔係超深色，但係味道夠濃，真材實料，好味人均消費大約$50-70，因為我哋食飯，所以有套餐，包凍熱飲😉叫左凍檸茶少甜少冰，不過不失啦，只係少甜咗都有啲甜

清湯爽腩飯（$65）清湯爽腩一碗，份量足，約有七八件，而且斬得都大件。爽腩十分軟嫩，口感又滑又爽，牛味有但唔算好濃。清湯湯底係用新鮮牛骨煲，湯清唔油膩，味濃稍稍咸，但撈飯當湯飯食就OK。清湯坑腩飯（$63）清湯坑腩一碗，都係份量足，約有八九件，同樣斬得大件。坑腩肉連埋筋膜位，腩肉肉質紮實，筋膜彈牙，而且牛味濃厚。牛腩飯類套餐配冷/熱飲品一杯。最後講吓啲潮州辣椒油，香味同辣度都有，不錯。PS：只收現金。

屯門虹橋"洪強清湯腩"：聽落好吸引啊！佢嘅巴基斯坦咖喱據說係可以同佐敦亞龍媲美！用新鮮牛腩，仲可以揀爽腩、坑腩、筋腩，啲選擇真係唔使擔心！價錢亦都親民啊，跟飯只係六十幾，湯伊麵只係四十幾。咖喱牛筋腩湯伊麵只係$46，清湯坑腩飯只係$61，再加$9就可以搵凍飲飲啦！好平啊，又可以飽餐一頓！我真係想嚟試吓洪強清湯腩，好想嘗嘗佢哋啲特色菜式。咖喱牛筋腩湯伊麵同埋清湯坑腩飯，聽落都好吸引！下次去屯門就唔好錯過啦！真係期待食到啲道地又美味嘅牛腩啊！

聽人講好食就講得多 今次終於試一試佢招牌既咖喱筋腩伊🐮堂食非常滿座 一個接一個一家三口 一人一碗🔹咖喱筋腩伊 - 湯底好足料 有洋蔥同紅蘿蔔 食落唔算鹹 筋腩非常之腍 配上伊麵 幾有趣嘅配搭🔸咖喱筋腩河 - 同樣一樣湯底 轉左河粉 索哂湯底啲味 連湯都飲埋😂😂🔹牛腩河 - 清湯腩 無味精添加湯底 湯底都算清甜 牛腩都好腍值得下次再返去食 每一碗都分開湯買外賣返去唔會朔晒水非常之好原來星期一至星期五有下午茶 下一次可以嚟食 免費配一杯飲品

作為四分一個屯門友，一到放假就周圍捐窿捐罅去發掘屯門區美食，今次嚟到同事介紹位於屯門美食集中區虹橋嘅「洪強原味清湯腩咖喱專門店」，主打清湯腩、咖喱同番茄濃湯系列-🔹番茄濃湯坑腩河 $51轉米線，下午茶時段送熱飲，凍飲 +$4加入少量蔥花點綴坑腩有 6 件算幾厚切，連住少量筋膜同腩衣，咬落爽口彈牙有嚼頭，肉質夠嫩而且牛香幾濃郁，脂肪比例唔高；米線爽滑唔易斷，番茄湯底飲到淡淡番茄清香，係天然嘅味道，但就完全講唔上係濃湯，唔油膩感覺幾健康，食完都冇口渴感覺飲品凍奶茶奶同茶香都偏淡薄，甜度唔高，只屬正常水平美味指數：8/10-🔹咖喱筋腩伊麵 $46同樣加入蔥花點綴，可選辣度牛腩 4 件同樣厚切，牛筋 2 件；牛腩脂肪比例較坑腩高，口感緊緻帶嚼勁，牛香一般；牛筋煮得軟硬適中夠Q彈，沾上咖喱湯夠滋味；伊麵輕身帶少少煙韌，不過就完全唔掛湯，有啲失望，可能轉米粉、米線或河粉會更理想；咖喱湯底咖喱香辣順喉濃郁而不膩，揀小辣辣度啱啱好，幾欣賞美味指數：7.5/10-🔹腐乳通菜 $16通菜新鮮翠綠而爽嫩，腐乳唔會死鹹

其實呢間舖質素出品都唔錯！但對於小弟而言，真係一般！首先咖哩味道食完會喉嚨成晚都係果陣味，難頂其次就係所謂牛腩真係好普通，試過咬成分鐘都係刷子膠咁....食左幾次都一樣，好辛苦！如果真係想食牛腩...我諗新興，金銘真係好過佢！最少人地入口咬得爛....此舖唯一好食我諗就係蕃茄大胃王餐！幾粒丸都唔錯，當然工場整定好難唔好食只能夠講，蕃茄湯大胃王可以一試，如果真係想試牛腩可以去其他地方紙飲筒都係敗筆之處

咖喱牛坑腩飯的味道濃郁而香辣，咖喱醬汁融合了各種香料和香草的風味，與牛腩的鮮嫩肉質完美結合。🥰口感：牛腩經過慢煮後變得非常軟嫩，與咖喱醬汁的結合使得整道菜更加濃郁滋味。米飯的口感蓬鬆，能夠吸收咖喱醬的風味，增添整體的豐富口感。總體而言，咖喱牛腩飯是一道美味而滿足的菜餚，結合了濃郁的咖喱味道和軟嫩的牛腩，口感豐富多樣。如果你喜歡辛辣惹味絕對值得一試！

［📍屯門｜洪強原味清湯腩咖喱專門店］呢間餐廳主打清湯腩 湯底清甜 而且非常足料除左清湯腩配粉麵之外 仲可以配飯 配咖喱汁/蕃茄汁佢地既蕃茄汁非常不錯 偏向清甜 食得出新鮮蕃茄既鮮甜味價錢亦非常親民 夜晚晏晝想簡簡單單食一餐呢到絕對係一個好選擇

住屯門嘅朋友仔一定知道虹橋係搵食嘅好地方，而每次嚟到虹橋，雖然有好多選擇，但行完一個圈之後，十次有八次我都係會選擇去洪強😋睇招牌都知道，洪強最出名就係清湯牛腩，而我通常會叫崩沙腩、坑腩或者爽腩。崩沙腩是係牛嘅橫膈膜，軟腍味香，肥瘦適中，但貨源有限，唔係次次都食到😅；坑腩牛味較重，腍中帶少少爽；而爽腩就顧名思義，口感較爽，多啲𡁻口🥰除咗清湯牛腩好味之外，我都好鍾意食洪強嘅咖喱牛腩。佢哋嘅咖喱牛腩非常惹味，有分小辣、中辣、大辣，我唔係好食得辣，所以通常揀小辣，配埋碗白飯，簡直一流👍🏼 咖喱牛腩飯嘅份量都相當多，一碗足夠2個女士share食，真係抵食夾大件。

位於屯門虹橋的洪強清湯腩是一家隱世的牛腩美食餐廳，以其獨特的牛坑腩聞名。這裡的牛腩入口即溶，充滿濃郁的牛味，令人垂涎欲滴。而湯底清甜，為整道菜品增添了一份豐富的層次感。洪強清湯腩的牛坑腩真的是令人驚艷。每一口牛腩都非常嫩滑，入口即溶，讓人愛不釋手。肉質鮮嫩多汁，搭配著豐富的牛味，讓人回味無窮。湯底清甜而不膩，喝起來令人心滿意足。無論是在寒冷的冬天還是炎熱的夏天，這碗牛腩湯都能帶來舒適和滿足的感覺。除了牛腩，洪強清湯腩的其他菜品也值得一試。他們的湯底經過精心熬煮，味道鮮美，配料新鮮豐富。無論是配上米粉或是河粉，都能帶來一種獨特的風味和口感。

今次試左最有名既清湯腩河粉。入到去舖頭，感覺就有啲舊，而且我覺得有啲污糟🙈🙈🙈所以決定外賣😂😂😂叫左兩碗，分別係清湯腩河粉同蕃茄湯底既魚蛋河。🤤🤤🤤🤤不得不讚下佢個湯底，真係超級足料😍😍😍勁好味🤤🤤🤤蕃茄湯小朋友超中意👍🏻👍🏻👍🏻夠哂料又新鮮😇😇😇小朋友差唔多可以自己一個食哂一碗🤣🤣連湯都飲埋😂😂外賣佢會自己分湯，吾洗加錢👍🏻👍🏻👍🏻👍🏻

牛腩大大件但係牛腩河湯底味精重，食完即刻有反應，河粉碎上，碎到食粥仔咁，要用湯匙食，河粉應該煮過火。一條菜都無跟湯河。牛腩飯，飯係多，但飯硬，湯底又係重味精，無蔔白跟。腐乳通菜，通菜非常淋，平時出面食是爽口的，唔知煮左幾耐，淋到好似食緊波菜咁，過晒火喉啦。杯凍檸茶少糖，最正常，係有少糖到，正常味道。等待時間很耐，等左好耐，碗河粉及飯先黎。隔離枱哥哥仔都追order 。環境好污糟，枱有污糟汁液，地下好滑，椅子上有半支牙簽，堅係搞唔掂，好似無人清潔咁。因附近食開個間粉麵檔無開，所以黎呢到試下。呢間都算人間極品，一試就中伏，無下次。

呢個清湯腩粉麵店間直就你臥龍藏龍，每一次食唔同既野都有驚喜。但崩沙腩好快就賣哂，要早D去幫襯第一次去食崩沙腩湯河粉，牛肉味好濃郁，又有適量既油脂感，又唔痴牙，食落去又冇渣，一度成為我全港清湯腩店既number 1之後試豬肉丸河粉，豬肉味好有潮式豬肉丸既味道，爽口彈牙，調味又唔會遮到豬肉既香味再食咖喱牛筋腩飯，個咖喱有好多料，應該係洋蔥之類，用黎撈飯真係一流，而且仲有辣度簡，鐘意食咖喱既朋友仔千其唔好錯過