影片
營業時間
今日營業
11:30 - 22:00
星期一至日
11:30 - 22:00
*最後落單時間：21:30
以上資料只供參考, 請與餐廳確認詳情
-
網上訂座即將推出
朋友仔之前嚟打雀局介紹我呢間性比價高係淘大唔多起眼位置但勝在地方大***重點***係有露台位方便帶寵物👍🏻店內有隻貓店長註首🐱原來呢度有幾間房做雀局仲有泰菜套餐𠻹都幾抵玩又抵食店內設計酒吧加鳥籠卡位飲品👉🏻椰子沙冰 + 熱情果沙冰👍熱情果沙冰份量十足用真材實料見到啲黑色嘅籽碎。正😋椰子沙冰好香椰子味道又不會太甜夏天飲完不得了即刻降溫前菜👉🏻鮮蝦金柚子沙律有金柚子+洋蔥+鮮蝦+炸蔥酸酸甜甜帶點辣好開胃小食👉🏻泰式炸春卷😋似自家制有蔬菜+粉絲+木耳春卷炸得脆脆熱辣辣配埋酸甜香辣醬汁主食👉🏻巨型麵包釀咖哩牛腩😋麵包輕輕烘到外面脆內軟吸收濃濃椰汁味帶少少甜辣嘅咖哩牛腩煮到好腍好易咬配埋薯仔小菜👉🏻馬拉盞雜菜粉絲煲雜菜新鮮爽脆配粉絲吸收馬拉盞嘅鹹香味甜品👉🏻芒果黑白糯米飯紫米+白米飯口感軟糯熱辣辣芒果好新鮮又甜沾上椰奶**重點**竟然有脆脆綠豆😱真係好正宗👍真心必食推介雀局套餐手機落單機械人送餐
繼續閱讀
係九龍灣睇完戲就係最多野食果條街搵下野食，咁岩女友話想食泰國菜，網上一搵就推介呢間，佢要轉出美食街行前少少轉角位，入到去發覺好寬敞，坐得好舒適，門口就會見到佢地既貓店長，好可愛呀打開餐牌食物種類好多，本身想試下個咖喱包但又怕太飽食唔到其他野先放棄，女友話個包打咭無得輸，我地又住得近，咁唯有下次先試啦！泰式炸蝦餅上枱先發現佢幾大份下，薄薄既炸粉，厚實既蝦肉搓埋一齊，當然唔少得一定要點既泰式辣醬無骨鳳爪沙律作為開胃既前菜一定要嗌返個沙律，無骨鳳爪岩哂，佢冇平時食開既咁辣，岩哂唔食得太辣既人士沙嗲串燒佢可以豬牛雞各兩串咁嗌，泰國野點可以唔食串燒WO，油份咇哂出黎，點點個醬，正！冬蔭海鮮炒飯入口係厚厚既冬蔭功味，不過唔辣既，所以適合任何人食，用料都足，大蝦為數唔少係個飯入面，飽肚首選馬拉盞炒通菜菜底新鮮，炒埋一齊唔會太油膩同水汪汪，我覺得呢個認真唔錯，推介芒果糯米飯我女友係食到好飽之後，再叫左佢，然後佢話係甜品黎架，但食落冇後悔，芒果鮮甜，梛汁糯米飯你鍾意既仲可以叫佢多梛汁，諗起我都想Encore一個!!!!*好特別地舖頭佢有個送菜機械人
繼續閱讀
住咗係到幾年，知道開咗呢間泰國菜，但因為地點有啲隔涉，所以每次都唔會諗起，諗起嘅時候已經食飽咗。 突然有一日上OpenRice睇下食咩好，見到呢間泰國菜Set lunch幾抵食，就決定過嚟試吓。下午茶時段，全場得我一台，入到嚟環境好大，座位任你坐，冷氣好足夠👍🏻見到巨型牛腩包好吸引，就叫咗個嚟試吓，本身諗住淨係得咖喱汁多，點知嚟到，唔止個包大，咖喱牛腩都好多件👍🏻都真係幾巨型，晚餐嘅size ，lunch嘅價錢👍🏻超級抵食👍🏻仲要好好味再叫咗個午餐炒金邊粉，完全係意想不到嘅大碟！！仲要係好好食，不過係豆腐乾硬咗啲😄平時叫一個炒金邊粉，一定係唔飽，所以加多兩個小食，點知佢金邊粉都勁大碟😆 幾鍾意佢嘅泰式無骨鳳爪細細隻，一啖一隻好方便，都好夠味，沙律菜都食埋👍🏻👍🏻 不過炸蝦餅就切咗一半，應該放咗一段時間再番炸出嚟😅好硬走嘅時候發現原來有兩隻貓，有一隻哥哥瞓緊覺都走出嚟送客😍😍真係sweet🥰🥰整體都意想不到地滿意👍🏻👍🏻一定再過嚟食👍🏻👍🏻👍🏻
繼續閱讀
淘大呢間餐廳環境闊落，附近有好多唔同口味嘅食肆，食完仲可以輕鬆行下消食，非常舒服。✨ 泰式蟹肉炒粉絲夠晒鮮甜，粉絲吸滿咗蟹肉嘅鮮味，開胃又唔會太油膩。 ✨ 香煎肉碎煎蛋飯，蛋邊香脆，肉碎味道豐富，好啱港式飯盒控。 ✨ 芒果糯米飯甜而不膩，芒果切得厚身，食落超滿足，好有夏日feel。 我超級鍾意。✨ 無骨鳳爪沙律酸酸甜甜，好清新，係解膩神器！ 整體嚟講，食物味道夠晒用心，環境又舒服，約朋友去chill食飯一流！🍽️
繼續閱讀
陶大原來有間咁正既泰菜館，門口細細，但原來入面咁大，有全玻璃位，又有室內，仲有雀局室，估唔到咁大。 室內既舖置好靚，仲要有2隻舖頭貓，超得意。同朋友坐底就叫左杯泰式奶茶同菠蘿沙冰，涼透心，大杯得黎好好飲，呢咁既天氣最啱飲。佢地個小食拼盤都算大份，炸蝦餅，魚餅，春卷，雞翼，一啲都唔麻呼。即炸好新鮮香脆，夠大件，大家都啱食。 朋友最愛雞串燒，有成6串，好唔錯。 而且好入味又唔會燒得太實，冇得輸。 馬拉盞炒介蘭都好香，少少辣又野味。 介蘭夠嫩身，唔會過硬。仲有最正既泰式鹽燒烏頭。 因為佢真係即叫即整，需要啲時間，但黎到一見到真係等都係抵。 一黎到已聞到好香香茅同檸檬味。 魚皮用鹽包住燒到勁脆又入晒味。 當然，皮係唔食，切開就見幾新鮮既煙霧出，魚肉又滑又嫩，如果條魚唔夠新鮮真係做唔到呢個效果。 真係冇得彈。
繼續閱讀