泰 (瓊華中心)

營業中

休息中

如果你係炭燒豬頸肉嘅粉絲，就一定要試下呢度嘅炭燒豬頸肉啦！燒得剛好仲有淡淡嘅炭燒香味，搭配上啲特製醬汁，真係好美味！😋如果你鍾意啲清淡啲嘅食物，又想試下呢度嘅招牌菜，一定要試下海南雞啦！啲雞肉好嫩滑，好新鮮，食得出有雞味，再點埋香蔥、薑蓉，好正！😝我地仲叫左咖哩炒軟殻蟹啦軟殻蟹肉質鮮甜，再配上啲香辣嘅咖哩味，好開胃！🦀再叫左泰式鮮蝦炒金邊粉，炒得好香夠乾身，再配上啲鮮蝦好夾！😍最後再叫左個馬拉盞炒通菜，香口得黎又健康🌶️

今晚在旺角想吃泰菜，在openrice看到這間泰，見到食評多數是讚，所以就上來試下。點知食後大失所望，所有食物出品都好差，不但不新鮮，其中木瓜沙律呈豉油色，咬落好鹹！！！海南雞雞肉老，油飯硬！生菜包的豬肉沒味道！！！活蝦刺身就不過不失。泰式鮮蝦炒金邊粉也很差，粉硬，味太甜，蝦肉粗糙難食。可以講一句，我從未食過如此差的泰國菜，價錢不便宜，，忍不住馬上寫食評，提醒下各位。

同朋友食個泰菜生日飯，喺openrice 見到啲相環境ok食物賣相都唔錯，決定訂位試一試。坐低咗睇好晒叫員工落單，佢話用code 落單，都ok喎夠快嘛，泰菜基本食物生蝦，冬蔭公，仲叫咗炸豬手炒金邊粉。生蝦好正常冇技巧，只係蝦唔夠凍。冬蔭公嚟到有啲細同埋用個酒精啫喱熱住，但想講本身個湯唔熱，同埋個啫喱好快燒晒，我同個朋友呆左。之後再嚟個炸豬手，賣相幾好，點知食落去唔脆內裡似係暖似番叮熱果種，咁既真係搞唔掂，唯有問吓位員工啦，佢話佢唔知喎就走咗，冇話跟進嘅！我唔係廚房，大佬你企得喺呢度我當然知啦！唔通我走入廚房問廚師咩！之後有個女員工走嚟問咩事，我就再講一次，佢話唔係番叮，或者幫你再整番熱。順便問可唔可以再俾蛋舊酒精啫喱整番熱個湯。等緊期間見到隔離枱係真人落單唔係自己電話落單😤。炒金邊粉嚟啦，嘩！又係暖嘅，一啲都唔似剛整好。唔會再食

星期六下午12:00去食，舖頭無乜人，原本以為伏，點知有驚喜！嗌咗炒金邊粉、豬頸肉撈檬、雞飯。仲跟餐嗌咗串燒（豬+牛）同炸春卷。 雞好滑！啲配醬好好味！塊豬頸肉好大塊好好食！又夠爽口！個串燒先真係最正！跟餐$2x/2 好抵食！每串啲肉都勁大粒！仲有少少蜜糖係面更加好食！但佢跟嘅沙嗲醬係花生醬嚟咁😂 個金邊粉就一般，唔係出面酸酸甜甜嗰啲。但春卷細細舊，都無乜特別，可以唔洗試😂坐窗門景觀開揚，啲位都闊，坐得唔錯！

今日晚上同阿女兩個撐枱腳，阿女話要食泰國菜，諗住近近地方便喺旺角。我哋叫咗一個紅咖喱雞肉，豬肉碎包生菜，烤餅同紅豆冰！點知紅咖喱雞無咖喱味，似食蕃茄汁加無味雞肉，似白烚咁嘅肉，汁同肉的味是分開的，仲要係鞋口的，簡直不合格，百幾蚊咁嘅貨色！椰汁紅豆冰，裏面冇紅豆，咁樣買50幾蚊一杯，洗唔洗咁慳成本吖！啲紅豆又唔係貴！烤餅烤得唔鬆脆，又唔乾身，仲有好多油喺面！仲差過喺超市買嗰啲！總括嚟講，下次一定唔會再幫襯，普通一間茶餐廳都好過佢！

今日天氣回暖，約咗朋友去旺角瓊華16樓Thaiology食泰國菜。好彩有book位，遲一步已經好多人排緊隊。餐廳環境熱鬧，好有氣氛！叫咗拼盤加兩隻燒大蝦，每款食物都可以試吓。燒大蝦上枱時熱辣辣，超級大隻，size有成隻手板咁大，蝦頭勁多膏，又多肉，真係回味無窮！其他串燒同炸物都唔錯👍🏻另外叫咗半隻海南雞，肉質好嫩，唔會嚡，煮得啱啱好，旁邊嘅醃青瓜都好出色！香葉肉碎炒飯，色香味俱全，份量夠大，我哋兩個人食唔晒！配埋杯菠蘿梳打特飲，真係好有泰國氣息😁

第二次光顧，今次是午餐，價錢很相宜，地方舒服，食物好有水準，招呼很週到，三兩知己閑談的最佳的地方。第一次是在晚餐時間，感覺都是一樣。兩餐都用用OpenRice訂位，很方便，又有折扣，好抵食。

今晚約咗朋友食飯，見到OpenRice呢間泰國菜好多好評，一於book黎試吓睇吓份量係咪真係咁多，咁好食好彩book咗枱，全場真係坐滿到爆😼用手機QR code落單，方便快捷我哋先落左個冬陰功湯暖下身先😽冬陰功湯好重芫荽香茅味，海鮮方面有兩隻大蝦、墨魚筒🦑等味道清香啲，椰汁夠香所以唔會好辣，我覺得叫做BB辣多啲😹 飲開辣既一定要叫大辣😹 仲要讚一讚服務好好，職會自動跟埋兩隻碗串燒色澤金黃均勻，未食已經聞到好香。雞肉好嫩好juicy，配合埋佢個超濃郁嘅沙嗲花生醬，超級惹味青檸明爐烏頭好清新又足料，我都係第一次食到呢個菜會有魷魚同咁多菇菌，好大方好抵食呀😺最後一定要食個pad thai先算滿足，材料好足，大蝦夠爽，炒得夠晒鑊氣！😺

在旺角這閙市吃飯，一般餐廳都會限時且地方擠逼，但“泰”不是, 地方寬敞，環境清靜，適合好好座下談天說地。至於食物質素，當日所點的4個菜（見圖）都是標準，甚至中上，當中的芝心蝦丸是驚喜之作：像網球般大蝦丸，芝士味濃且流心，吃得出蝦滑彈牙，仲有粒粒蝦肉，即叫即做的熱辣辣，非常好吃！$98元兩粒是物有所值.“泰”絕對是鬧市中的綠洲

之前聽朋友講，呢間泰國餐廳大份抵食，於是決定試一試😋😋 本來諗住叫晚市泰菜二人套餐（$672），再後叫其他小食🥬🥓🍤 結果份量真係太多，只係食得落甜品🥥🥥 而食物上菜速度係超乎意料地快，落單冇耐就有得食👍🏻👍🏻1️⃣ 明爐冬陰功海鮮湯🥘冬陰功可以揀大辣或者小辣，我哋揀咗小辣，可能因為咁，個人覺得湯底有啲淡，唔夠酸辣🙈🌶 不過同行友人就覺得啱啱好，幾香🥘🥘 海鮮湯料包括蝦、青口等等🍤🦪2️⃣ 泰式沙嗲4串🍢🍢串燒可以選擇雞/豬/牛，我哋揀咗雞肉同牛肉各2🍢 唔加醬料食嘅話，不過不失；但配合沙嗲醬食，好香口，味道好夾🤤🤤3️⃣ 泰式炒雜菜🥬🥕幾鍾意嘅一道餸，有唔同種類嘅雜菜蔬果🌽🫑🥕 健康又好食，唔會太油😍😍😋4️⃣ 原條青檸明爐烏頭魚🍲魚肉幾嫩，魚湯唔會太酸，同沙嗲串燒一樣，一定一定要配酸辣醬汁食‼️會昇華魚肉口感😋5️⃣ 泰式鮮蝦炒金邊粉🍜同樣可以挑選辣度，我哋揀咗小辣，所以唔算太辣。金邊粉有少少乾，但份量好足，成個set 可能3-4人食都夠？😆🤣6️⃣ 椰子雪糕糯米飯🥥🍨必食❗️❗️❗️如果中意椰子嘅你，非常推薦，一定要試😝 濃郁椰香配雪糕，係成餐飯嘅完美句號🥥😋 雪糕下面配暖暖地嘅糯米飯（太飽食唔落🙊）—————

成日嚟到旺角都唔知食咩好，瓊華就有好多餐廳可以選擇，今次試呢間泰國嘢都真係不負我所望😙淨係嚟講都幾好嘢食份量好大份，係家庭/朋友聚會唔錯嘅選擇👍海南雞肉質都幾嫩滑，配上正宗三種醬汁👍小食方面試左泰式小食拼盤，有魚餅，蝦餅，雞翼，春卷，同埋沙嗲串燒豬，牛，串燒燒得香又滑，唔柴係高手👍椰汁雞湯係原煲上，足料又香甜😋炒椰菜苗就有少少油，但份量都唔少👍另外推薦酸辣鳳爪，辣得黎好惹味，前菜開胃一流👍

Green papaya salad 青木瓜沙律🥗 $88新鮮嘅青木瓜沙律充滿木瓜嘅鮮甜味，作為餐廳最受歡迎嘅頭盤之一，仲加入咗青瓜絲🥒、洋蔥🧅、芽菜同埋辣椒絲，真係健康又充滿正宗泰式風味🇹🇭泰式沙嗲 $88一式4串泰式沙嗲有牛肉同豬肉各兩串，用香草孜然粉來燒令味道聞落去更加香🌿，食落去唔會太鹹，兩款肉類嘅口感都唔會太煙銀，煮嘅時間控制得啱啱好啊Pad Thai 泰式鮮蝦炒金邊粉 $128 餐廳signature 泰式鮮蝦炒金邊粉好多客人都有嗌，味道少少辣食落去好惹味🌶，滲到好入味嘅金邊粉加上灑喺面頭花生粒🥜，令食落去味道更加香Deep fried spring rolls 米網皮春卷 $54 即叫即炸嘅米網皮春卷富有泰國特色，米網皮酥脆好薄，春卷入面嘅餡料有少少豬肉🍖、蔥花、青瓜、粉絲，再點上餐廳homemade 酸辣醬，好容易食完一舊又一舊😋Roti prata 🫓 香酥薄餅 $58呢款受歡迎嘅薄餅有少少似印度薄餅，味道酥脆充滿牛油香🧈，係個性價比高又值得推介嘅小食👍🏻

Thaiology裝修以綠色及木色為主，卡位非常寬闊，配上富有泰國風情的擺設，就算未能旅行，感覺上就好似身在泰國。餐廳的晚市二人套餐十分豐富，選項很多，最吸引就是可以加廿八元任選甜品一款。明爐冬蔭功海鮮海火爐雖然細細，但海鮮份量豐富，大蝦及藍貝青口均鮮甜彈牙。冬蔭功湯中加入椰汁，酸辣味比較溫和。青木瓜沙律 青木瓜沙律碟頭不少，食味清新爽脆，味道不太辣，入口溫和。香茅雞翼雞翼表面炸脆，內裡雞肉嫩滑，保持肉汁。青檸明爐烏頭魚明爐烏頭魚有很多配菜如藍貝青口、墨魚仔、本菇、椰菜、辣椒、芫茜等，加上青檸，少辣又帶有青檸的獨特清香。烏頭肉質嫩滑，厚肉少骨，很適合怕多骨的食客。泰式鮮蝦炒金邊粉炒金邊粉酸甜適中，少油不膩，上面附上不少花生碎。鮮蝦肉質鮮甜彈牙，金邊粉份量不少，十分飽肚。椰子雪糕糯米飯椰子雪糕本身不少椰子肉碎混入其中，放在微暖糯米飯上，再淋上椰漿，入口有多重椰子味道享受，嗜甜者不過錯過。食完甜品，椰皇內尚有一層椰子肉可以挖出食用，椰肉非常嫩滑清甜。青檸梳打青檸梳打可以選擇少甜，清新解渴，與濃味泰菜很匹配。

餐廳嘅位置好方便 旺角站一出行兩分鐘左右就到 座位都好闊落 坐得好舒服😚靠窗嘅座位比較曬 店員就問咗我哋怕唔怕曬先安排坐位 好貼心☀️食物上菜速度好快 而且午市套餐都幾抵🤑.📌泰式無骨海南雞(半隻)配油飯 $98上枱真係嘩左一聲 海南雞好大份🐔肉質好嫩滑 雞味幾濃 而且一啲雪藏味都冇😍提供左三款醬汁:薑蓉, 微辣嘅泰式雞醬, 濃味豉油 一定揀到啱心水🧂不過唔洗點醬汁 海南雞嘅味都好夠🫶🏻油飯嘅油香味好濃 但食落一啲都唔油膩 仲食到有少少椰子油香味🥥油飯粒粒分明同時又好軟綿綿 好味道🍚仲配左一個白蘿蔔湯 夠晒豐富🥣.📌泰式蝦肉炒金邊粉 $78去到泰國餐廳必食金邊粉😎面頭有好多紅椒 本身以為佢係辣嘅 不過食落完全唔辣 都係鹹鹹甜甜咁🌶不過食落鹹咗少少🤏🏻金邊粉炒得唔油 爽口得嚟帶點濕潤 仲要好足料🥳有四隻爽口彈牙嘅蝦, 芽菜, 花生碎, 豆乾, 蛋絲, 韭菜 撈勻食夠晒滋味🦐🥜🥚🥬.📌泰式沙嗲 +$28午市套餐可以追加小食 有兩串 揀左豬同雞各一 超級大件夾抵食🥰平時啲串燒都係用細細粒嘅肉 但呢度大大舊🤩兩款串燒都烤到外脆內juicy 味道甜甜地🍯豬肉肉質爽口煙韌 香茅味好出🐷雞肉串食落滑同

約咗朋友旺角食lunch，最驚中午多人等位，所以上OpenRice睇吓邊度可以book位，見到瓊華中心這一間泰國菜可以book位，仲可以有八八折，唔使諗，即刻book咗先。餐廳地方很大，明亮整潔。位置闊落， 1:30左右，餐廳沒有什麼人。中午lunch好抵食，仲可以加錢換小食。餐牌選擇都幾多。泰式豬頸肉炒飯，$78味道偏甜，豬頸肉和飯的份量都幾多。泰式蝦肉炒金邊粉$78份量好多，味道偏淡偏甜。加錢$28（2串）要了串燒。牛肉串燒，牛肉大舊，有牛肉味，配上甜甜的沙嗲汁，唔錯。豬肉串燒，豬肉比較硬身。雞肉串燒，雞肉較軟淋。餐飲即磨咖啡，估唔到咖啡味道幾香，質素唔錯。埋單，$208，環境坐得舒服，侍應服務都幾好，有位男侍應非常有禮貌。食物質素又唔差，價錢唔會太貴。有機會會試吓晚餐。