影片
更多
2023-03-19
165 瀏覽
話說呢間泰國菜館真係唔夠格，香港人食幾多泰國野可以比較，呢度嘅野食真係嚟緊搞笑，每樣野都難食到爆！我要喺度投訴佢哋嘅菜式，真係唔應該係咁劣質。首先，椰汁海鮮湯，湯汁好似好稀，椰香味好輕微，完全冇啲濃郁嘅味道，同埋裏面嘅海鮮質素都唔係好好，有啲令人覺得係好新鮮嘅，仲有啲係冇味嘅。整體黎講，呢碗湯似係白色既水，真係令人心灰意冷。至於炭燒豬頸肉，個賣相好似平時去燒烤店買嘅豬扒咁，但見到佢有啲碎開左係旁邊都覺得不妙。係食落去呢... 鞋口都唔緊要，佢係散開，我唔知佢地點樣可以整到啲豬肉可以咁樣散開。我用一隻筷子輕輕力篤下落去佢都一片片散開，令人唔敢想象佢係點煮熟嘅，仲會令人懷疑啲肉嘅成份唔對路，好似係唔新鮮嘅肉搞嚟。真係劣評。最後係青咖喱雞肉，又係一睇個樣都知出事，啲汁浪浪下稀到好似水咁。首先個青咖喱嘅咖哩味道真係好淡，同埋冇啲椰香味，啲香料味亦唔夠香，唯一食到就係有咸味同辣椒味，似係想用辣味補返佢無其他味咁。而啲雞肉質地都勁鞋，啃落去都有啲悶口，完全唔係雞肉嘅質感，真係令人失望至極。最正常叫做係生蝦同杯青檸梳打，不過啲蝦都直接放係冰上面，十零分鐘就已經融晒浸晒係水度有啲核突。青檸梳打就係一粒
首先，椰汁海鮮湯，湯汁好似好稀，椰香味好輕微，完全冇啲濃郁嘅味道，同埋裏面嘅海鮮質素都唔係好好，有啲令人覺得係好新鮮嘅，仲有啲係冇味嘅。整體黎講，呢碗湯似係白色既水，真係令人心灰意冷。
至於炭燒豬頸肉，個賣相好似平時去燒烤店買嘅豬扒咁，但見到佢有啲碎開左係旁邊都覺得不妙。係食落去呢... 鞋口都唔緊要，佢係散開，我唔知佢地點樣可以整到啲豬肉可以咁樣散開。我用一隻筷子輕輕力篤下落去佢都一片片散開，令人唔敢想象佢係點煮熟嘅，仲會令人懷疑啲肉嘅成份唔對路，好似係唔新鮮嘅肉搞嚟。真係劣評。
最後係青咖喱雞肉，又係一睇個樣都知出事，啲汁浪浪下稀到好似水咁。首先個青咖喱嘅咖哩味道真係好淡，同埋冇啲椰香味，啲香料味亦唔夠香，唯一食到就係有咸味同辣椒味，似係想用辣味補返佢無其他味咁。而啲雞肉質地都勁鞋，啃落去都有啲悶口，完全唔係雞肉嘅質感，真係令人失望至極。
最正常叫做係生蝦同杯青檸梳打，不過啲蝦都直接放係冰上面，十零分鐘就已經融晒浸晒係水度有啲核突。
青檸梳打就係一粒仔青檸同無味梳打水，想錯都無得佢錯。
總括而言，呢間泰國菜館嘅菜式質素真係差，每款食物都有缺陷，好明顯係用劣質嘅食材，製作嘅技術亦唔夠好。建議大家唔好嚟呢到食飯，係真係會食到嘔嘅。仲夠膽收呢個價錢...
椰汁海鮮湯
$128
2 瀏覽
0 讚好
0 留言
炭燒豬頸肉
$108
1 瀏覽
0 讚好
0 留言
炭燒豬頸肉
$108
3 瀏覽
0 讚好
0 留言
張貼
