泰鳩

營業中

休息中

我同朋友去咗旺角譽發廣場嘅泰九鳥食泰國菜，真係好開心嘅用餐經歷！我哋點咗生菜九鳥包、冬蔭公湯、沙爹雞串同牛串，再加上凍泰式奶茶。話說番生菜九鳥包，雖然有啲肥肉多咗，不過口感真係好正，肉汁多多嘅同清新嘅生菜一齊，食起黎好好味。至於冬蔭公湯，就唔係咁正宗，酸度多咗啲，但都仲有獨特嘅味道，畀我哋帶來咗不同嘅口味體驗。沙爹雞串同牛串都好好食，烤得香口多汁，真係好好味。肉質好嫩，加上泰式香料同醬汁，每一口都係享受。最後，我哋飲咗凍泰式奶茶，超涼爽，奶香同茶味好濃郁，口感好順滑，真係解渴。總括而言，泰九鳥餐廳係一個提供美味泰國菜嘅好地方。雖然冬蔭公湯唔係咁正宗，生菜九鳥包嘅肥肉有啲多，但整體嚟講，食物嘅味道都好好。餐廳環境舒適，服務態度友善，令我哋用餐嘅感覺更加愉快。如果你對泰國菜有興趣，我就推介你黎試下泰九鳥，相信你都會有一個美味又開心嘅用餐體驗啊！

我同兩位朋友去咗Thai Kau食lunch，佢哋係中午12點營業，咁我哋係比較早到，朝早11點幾入座，唔使等位。海南雞飯海南雞飯好好食，係我最愛，醬汁同花生醬汁甜甜地，沾上雞肉，係好開胃又好味嘅。油飯唔會好油，份量都好飽㗎~佢哋嘅咖啡都好好飲。拼盤拼盤幾好食，春卷同蝦餅都唔錯 ，價錢又合理。份量都夠2-3個胃口細嘅女仔食，值得一試。環境都唔錯又乾淨，有露台座位提供，staffs服務態度ok~餐廳嘅位置好近油麻地地鐵站，好易搵～下次會再來幫襯～

舊年同朋友幫襯過沙華dee泰，雖然係到會，但同場朋友一致讚好。到今年話開舖，朋友相約去吃，今次真係一試難忘。首先利申﹕我地都係鏡粉同錯粉嚟，但係今次真係乜粉都幫唔到。原本預約七點，食之前果日，朋友話舖頭希望我地改早半個鐘，理由係「有人book七點」當時大家已奇怪，有人book七點，同叫我地改早關係響邊？唔會係想我地食半個鐘嘛？後來大家諗，可能想做兩轉啩？比起預約還早到達，約六點半度未齊人，被告知用膳時間為90分鐘，明白的，於是快快透過qr code落單，酒精特飲(醉九鳥，menu圖右下角)在餐單上有五款，order餐單得兩款，無問題，照落。拼盤﹕牛雞各兩串，有朋友吃了雞，說﹕係咪蝦嚟？的確，雞有雞味牛有牛味原來有意思，真係食唔出係雞。馬拉盞炒菜﹕有朋友話太濕，我覺得普通一碟炒菜。蟹肉炒飯﹕淡，無味，無味指真係唔知放咗咩入口。生菜包及生蝦刺身﹕全晚最好味咸食，不過生菜多番少少好啲。泰式明爐魚﹕魚都滑，之但係啲湯底係暖，試過食第間，係會滾。冬蔭公湯一定要講…點解冬蔭公湯會係甜？你無睇錯，真係糖水果隻甜咁，好彩我地叫一煲。肉碎蝦膏炒河﹕較炒飯好，正常味道。斑蘭糕同椰汁西米糕係最好味甜品。(有

試業時來過一次，試了蟹肉炒飯跟春卷，及一個炒粉。蟹肉炒飯好味道，炒粉略為立口。那時起菜有點慢及有漏單情況。今次正式開業後，已採用自助落單，但未有相片參考，相信稍後會有吧，亦已再沒有漏單情況出現。食物方面今次試了燒春雞，雞肉算嫩滑，如有醬提供會更好。串燒點了牛肉和雞，火喉剛好，肉質嫩滑，沙爹醬味道亦不錯。午餐海南雞飯，雞肉好滑很嫩，伴隨之沙茶醬非常惹味！另外斑蘭咖啡很香椰子味及斑蘭味，值得一試。另外員工亦很勤力收拾碗碟，很好👍🏻

星期日同朋友睇Lokman有份主演嘅電影《命案》之前，去咗食佢同德仔、Dee哥三兄弟新開嘅泰國餐廳泰九鳥🤣晚市開6pm，我5:57pm去到拎飛已經有一大堆人企喺門口等位入去，好彩我都好快就有位坐戶外位置，都幾好feel🤟🏻🐣泰九鳥單骨雞翼 $68單骨雞翼炸得好香脆，裏面嘅肉都好嫩滑，食起嚟亦確係比正常雙骨雞翼方便好多。美中不足係太油膩，用廚房紙印一印啲油會好啲🫢🍢沙嗲雞肉/牛肉串 $88最鍾意呢個沙嗲串，因為佢面層有啲帶椰香味嘅汁，令到串燒唔會乾身同鞋口，保持肉嫩！點埋個沙嗲醬就更加惹味😋🍍菠蘿海鮮炒飯 $128呢個海鮮炒飯好足料，有勁多腰果、肉身、青提子乾，仲有青口、大蝦同帶子粒等。不過略嫌炒飯唔夠乾身，大蝦雖然彈牙但無咩鮮味🙃🥥椰青雪沙 $48飲咗啖朋友嘅椰青雪沙，都幾香椰子味👍🏻🥭芒芒雪沙 $48唔係唔好飲，不過椰青雪沙好飲啲😂

😎 早前得知「三劍俠」Lokman、Alton同Deegor合資喺旺角開咗一間泰國菜餐廳，小編依日專程lunchtime去幫襯。 🍜 冬陰公海軍湯河 😋😋😋😋海鮮配料好新鮮，有魷魚、青口同鮮蝦各兩件。冬陰公湯底係基本嘅酸辣，味道唔複雜，夾河粉食係唔錯！如果可以再濃味啲就更惹味。😚 🍹 凍椰香斑蘭咖啡 😋😋😋😋😋見到佢哋有一款特色咖啡，好想試下。綠色斑蘭糖漿喺底，然後係椰奶加濃縮咖啡。攪勻後，味道幾夾，有斑蘭同椰奶嘅香甜，又有咖啡嘅香濃，毫無違和感，值得一試！👍🏻午餐 💵💵 約港幣$80/人💁🏻‍♀️ 以餐廳地理位置、裝修同食物價格嚟講，午市套餐係相當抵食，加埋錢轉特飲都唔會好貴，而且平日唔需要加一，附近有唔少打工仔被吸引嚟食！可能冬陰公製作較花功夫，嗰日由落單到依碗湯河上枱，等咗大約廿分鐘。😝 如果大家趕時間嘅話，可以叫其他泰式飯或麵試下。‍最後，喜歡嘅話，歡迎follow @foodirectory.hk！

明星嘅名氣大過食物嘅質素 睇到食店嘅客人 都係黎棒偶像場 但我就鍾意食泰國菜 又係新開嘅，所以黎試吓 先講環境其實幾擠迫 櫈背撞櫈背 坐卡位或者露台會比較好啲 先嚟過蟹肉炒飯 頂上邊個蟹鉗完全係麵粉製😆炒飯味到唔夠香 泰九拼盤 當中裏面嘅春卷 同泰式魚餅完全係一般超市買嗰類 超普通 串燒唔夠熱 除咗個蝦餅 同雞翼都比較好 最欣賞佢個杯椰香斑斕咖啡 雖然佢係落班蘭糖漿，但整體上係好飲嘅 食物質素比較普通 所以連甜品都唔響度食 蟹肉炒飯 $108 泰九拼盤 $188 凍椰香班蘭咖啡 $32另加一服務費 Total $361 唔會有下次囉

Thai Kau Thai Restaurant is not just any Thai restaurant. This one is run by two members of Hong Kong's most popular boyband, Mirror, and a member of their alter counterpart, Error. Located in Mong Kok, their aim is to provide inexpensive value for money Thai. We decided to try it out for lunch. It also appeared a lot of their fans were also there.The restaurant isn't very big and there is also outdoor seating. The color scheme is blue and yellow.During lunch time, they offer a lunch set menu. M

約左朋友喺旺角睇戲要搵地方醫飽個肚, 知道無侮三子😎最近開左間泰國餐廳九鳥衝去試。估唔到咁有驚喜🤩四個中女眼濶肚窄樣樣都想試, 最後叫左6樣野食😋生菜九鳥🐥包 (呢樣泰菜必食🤓)食泰菜生菜包食得多, 但呢個九鳥包首先唔好比佢個名呃左, 佢係豬肉🐷來但加左秋葵乾, 成碟肉碎口感唔同左, 好夾好好味, 有驚喜🤩燒春九鳥🐥 (聽到個名都夠好笑無理由唔試呀!)本來以為普通燒春雞, 一上枱撕開兩隻九鳥肶見到啲肉汁流出黎🤤本來想用相機見證呢一刻, 但都忍唔住一野咬左落去, 好西一定要襯熱食, 估唔到咁juicy, 九鳥胸一啲都唔鞋夠入味, 春九鳥好快就比餓鬼清晒🫣火山🌋骨 (個名夠勁!)佢真係砌到成座火山🌋咁, 差在未有火🔥噴出黎, 餐廳好貼心有即棄手套提供, 成班中女唔理儀態一人手執一件, 酸味味好開胃, 肉夠淋入味😋本身好中意”損”煲湯骨, 呢味啱晒我胃口, 但唔夠食, 下次一定要再encore🤟🏻至尊牛肉🐮船麵 (牛魔王是我)碗麵一上枱我忍住, 要影左相先📸唔好急, 我相信你地睇到張相都有同感好想即刻拍落口, 成碗牛肉湯咁, 牛味重牛丸唔喺凍肉舖買果啲, 唯一個肥牛可以唔使煮咁熟🤓菠蘿🍍炒飯

❝❝❝❝泰9❞❞❞❞朋友約食飯話要黎呢間，6:00去到唔需要等位。餐牌上食物嘅款式唔多，想嗌嘅時候有好多嘢都冇。餐廳用QR code落單好難先做到決定食咩，落完單生蝦又話冇，然後嗌咗個串燒，明明話沙嗲牛雞每樣兩串，點知嚟到嘅時候我問邊串係牛，然後店員同我講「落單嘅時候冇同你講我哋今日冇牛剩係得雞？」其實用QR code落單，我又點會知你冇啲咩呢？🤣不過如果全雞嘅話，都係同價的話其實就有點不合理。嗌咗個蟹炒飯，蟹肉同蟹籽嘅份量係勁少。然後又好奇怪只係得一隻蟹鉗😅而呢隻蟹鉗都出現得有啲奇怪好似去咗飲宴咁樣😂生菜9包，上面啲炸秋葵都擺放得比較奇怪總括嚟講唔難食嘅，不過就每樣嘢都好似有啲伏位。可以一試嘅……..

不是鏡粉，但見新開想試一試。在星期六12:40等位45分鐘枱才入座，眼見有1人坐4人枱，亦有吉嘅6人枱，應該是訂了枱人未現身，就算我等了45分鐘都仍然無人入座，對walkin客望到黎講有點難受😅希望餐廳對於訂枱/未齊人入座可有改善安排。食物份量大，味道不俗，尤其冬陰功河，色香味俱全；店員服務有禮。總體而言可以一試，亦相信好多粉絲都想應援，所以短期內未必再去，人多等比較耐。

今日同朋友去咗呢間泰國嘢原來話試業緊，有啲feedback想俾，諗住趁仲fine tune緊可以留意 (btw IG DM過意見但冇人睇)因用QR Code落單，有啲選項無法講到，如可以加喺落單頁面就更好，例如炒河少油、走芽菜、飲品少冰走冰、少甜走甜之類。炒河理解一般係多油，但同炒飯相比，炒飯食完後無論碟定塊葉都好乾，而炒河食完後就有層油留低🙈所以如果有少油揀就更好👍🏻另外飲品我地試咗好多人都推薦嘅泰式奶茶，味道係真係好好飲，但以正價$38或跟餐加$18黎講，份量好似細咗啲，飲咗兩啖就去咗半杯，如可以大杯啲或跟餐加錢平少少就perfect。最後尾聲嘅甜品，班蘭千層糕，味道很好，但口感好似實咗少少，希望可以淋啲或煙靭啲。另外梳化卡位好好坐，但直吹風口，有好有壞。整體黎講好好味，環境都舒服，如可以考慮埋以上就更完美，一定會再黎的🫶🏻

椰汁沙冰淡如水 成杯嘢完全冇味肉碎煎蛋飯 非常一般正常泰國餐廳味道都好過佢比百幾蚊食兩隻烚雞髀係個紅咖喱汁味道正常，但個醬汁太稀，薄餅正常水平一心諗住試新餐廳，見到有明星效應本身已經期望不高，但估唔到咁差冇下次

個人覺得金邊粉真係可以encore金邊粉真係好好食生菜「九鳥」包又係吾錯👍拼盤又係抵食之選杯沙冰又吾會好似食冰咁只係啲單吾好咁亂就好啲見到個哥仔拎住杯沙冰吾知邊張枱好無助真係好慘呀😅

早兩日與同事試吓去食lunch，到達嘅時候只係得幾枱客。侍應話提醒嗰日冇海南雞飯，我心想揀豬手飯，但scan個QR code時個menu冇得揀，問個侍應，佢叫同事set返部機出返，之後落咗單，但轉頭又有另一位侍應話其實嗰日冇豬手飯，結果換咗叫牛肉船河。等咗大概廿幾三十分鐘，latte同船河到，我杯latte唔滿，而同事嗰杯latte滿到瀉，而味道極之普通。至於碗船河，一食塊牛肉就覺得好硬好柴，只能夠說，咁嘅價錢就咁嘅貨色。其實始終唔係街邊鋪，有少少專登嚟食，但食咁嘅質素，真係唔會有下次。再講當日嘅混亂，同事明明落單係牛肉船麵，但嚟咗船河，而另一位同事嘅食物就等咗一個鐘都未嚟，唯有叫侍應轉外賣。但由侍應話幫佢轉外賣到佢拎到個外賣，又再等多咗廿分鐘。等待嘅過程中，睇到有好一段時間全場只有幾個客有野食，而原來隔離枱比我地早落單叫咗個船河，到一個鐘後仲未有，好明顯佢個船河就係送錯咗俾我同事。成個lunch好明顯間鋪冧晒檔，啲侍應都好可憐，仲聽到其中一個話死喇死喇。唯一能夠讚賞嘅係侍應好有禮貌，希望試業後所有野都會有改善。