泰鳩

營業中

休息中

呢間由Mirror同Error成員開嘅泰菜餐廳早前開張，已經得到好多迴響同支持，因為set lunch價錢貼地又好味～ 但一直抽唔到時間去試，只能喺週六晚上同友人一齊去食！6點半去到已經滿座，等位等咗大約半個鐘先入座！同友人點咗一份蟹肉炒飯、一份豬頸肉、一份黃金蝦餅、一碟蒜蓉炒椰菜苗、仲有一份斑蘭千層糕！再一人一個椰青消暑！基本上每樣都無嘢挑剔👍🏻 不過豬頸肉好大片，覺得可以切細塊少少，會比較易點汁同入口😂 另外，可能新店開張唔係好夠人手，我同友人坐最入邊嘅兩人位，想叫上菜同埋單都要特登行出去先搵到人～ 不過呢啲小case，食過好味 第日會再次幫襯👍🏻

我諗真係除咗班鐵粉入去食,服務方面不過不失,可能職員比較少,尚算可接受,食物方面個人親身體驗後,用難食都覺得形容得唔夠貼切,簡單d不值一試....完。*純粹個人口味,不喜莫插。

［Alton x Lokman x Dee 三兄弟合力開泰菜泰九鳥、高汁貼地😎］1️⃣泰九鳥拼盤黃金蝦餅、魚餅、春卷、牛雞串燒、冬陰公單骨雞翼2️⃣ 馬拉盞炒椰菜苗3️⃣ 菠蘿海鮮炒飯4️⃣ 泰式蝦炒金邊粉飲品：🟠 醉九烏鳥 Cocktail🟡 泰迷芒 Cocktail⚪️ 甜爺子 Cocktail#全部都好有水準👍🏻#如果飲得酒就推介醉九鳥鳥cocktail😏#店員勁好人比我坐住等朋友#明星店都可以有水準貼地#傾計好地方#絕對可以二訪三訪四五六訪

今日放假，同朋友去泰九鳥食lunch, 兩點去到唔使等，開心～每人叫左個set lunch 再加小食，海南雞無骨食得好爽，有好多件雞，CP 值超高，雞又滑又香，配埋黑醬油同泰式辣醬，碗飯好快見底😆朋友一個叫左菠蘿海鮮炒飯，足料又有鑊氣另一個叫左泰式蝦炒金邊粉，佢話如果再惹味d 就更好，三個都飲凍熱情果茶，咁熱又食辣野飲果茶啱哂👍小食的春卷同雞翼都好食，不過鳳爪就唔係好入味，同埋for 我地就辣左d, 唔係好食等辣既就留意下啦。今次食得好開心，同朋友吹水歎足兩個鐘，平日下午悠閒過，下次晚市再試其他野🥰

女兒素來喜歡泰國菜，並且經常關注MIRROR成員，於是就揀選了依間餐廳預約了8:00PM⏱️一出電梯就發覺人山人海客人以年輕人為主，但都係安靜及守規矩地在耐心等候。🥢泰式涼拌火辣魚皮 $78本以為冠以「火辣」應該要「運功抵禦」，但並非想像中的勁辣，魚皮是淖熟的，QQ好彈牙，符合期待值，夾埋紅蘿蔔絲一齊食，爽口，作為前菜可以先醒胃，備戰下一道菜色。🥢泰式生蝦(8隻) $88配以泰式酸甜汁， 蝦肉新鮮，最適合作為餐前小食。🥢青芒果大蝦沙律 $78🥢鳳爪沙律 $78泰國菜所調的醬汁都大同小異，而這兩款菜的醬汁與涼拌魚皮的味道相同，缺乏層次感及驚喜度，不過該店所調的醬汁味道是不錯的，不會太酸太鹹，濃淡度適中，起碼比較我之前在九龍城食過的泰國菜出色得多。🥢慢煮牛肋骨 $268跟PIZZA或蒜蓉包，可配青咖喱或紅咖喱，我們選咗青咖喱，咖喱椰香味十足，但略嫌不辣，肉夠冧有濃香牛味，牛肉沒有醃製過，想必店家要突出肉味的賣點，肉片切開後平舖在一條肋骨上，表示足料；拌以薯仔、紅蘿蔔及青瓜，既飽腹又可豐富口感。🥢至尊牛肉船湯粉 $78主要的熱食，可選河粉、油麵或金邊粉，我們選了金邊粉，粉條較平時食的為幼，湯底

如果大家未去過泰國同埋九龍城，可以試一試生蝦唔夠大隻，蒜頭唔夠大粒，辣椒粒亦唔夠大飛天通菜唔知點解超濃酒味冬陰功，重點係冬陰功，一飲直頭係蕃茄薯仔湯，我未飲過一碗冬陰功喺無草菇，九層塔但係有薯仔紅蘿蔔，仲要唔辣🤣🤣🤣🤣大蝦沙律無味唯一正常係黑啤夠大杯對得住個價錢

當日同屋企人去咗食咗午餐，人均$120左右。每人嗌咗一個餐，包括；香葉肉碎蛋飯、至尊牛肉船麵及冬陰公海軍湯麵。午餐仲加購咗香矛雞翼。- 香葉肉碎蛋飯：較油膩，但勝在份量大，建議細食者可以嗌少啲飯！- 冬陰公海軍湯麵：可以揀麵底，我就揀咗幼麵。湯底唔太辣，適合返香港人口味。湯麵入面嘅海鮮都知係急凍㗎啦，但一啲雪味都冇，仲好彈牙！- 凍椰香斑蘭咖啡：椰香味好重，蓋過咗斑蘭味，整體都好夾。下次可以嗌熱嘅試下！整體而言，明星較應+旺角地段，價錢真係尚算合理，適合大班人一齊聚餐。味道嚟講，都偏重口味，不過大大份夾食。

好味呀！併盤有好幾款主打小食，適合咩都想試下嘅人，串燒亦唔會乾到咬唔到。鳳爪沙律，無骨鳳爪夠爽。泰式明爐魚，魚肉滑。海南雞又夠滑、但雞肉唔散。蟹肉炒飯，好多蟹肉係個飯入邊😆唔使拆殼、啖啖蟹肉，正呀！泰式蝦炒金邊粉，唔會過份濃味，少少辣、甜甜地，同枱朋友不論是否食辣都食到舔舔脷。咖哩慢煮牛肋骨，啖啖肉，咖哩好香，足料炮製。甜品，千層糕熱辣辣、有煙出，口感軟糯。椰汁西米糕，香甜好味、好多西米。椰香斑蘭咖啡，充斥着滿滿的斑蘭香味，但沒有蓋過咖啡的香味及口感，不會太甜。不太好飲咖啡的人都值得一試。

食物價錢平, 星期六晚飯，限時90分鐘。食物份量不大，味道比較差，還不如自己整的味道。尤其明爐烤魚，沒有任何味道。炸魚餅，好油。冬陰功湯，唔酸又唔辣。生菜包味道－般，較多肥肉，火山骨，令人尷尬，肉不多，要用手食。總括而言，雖然平，但食物質素差，只是明星效應，應不會回頭了。

見係公司附近就去食個lunch啦，嘩...簡直不知所謂到爆啦，等野食等差唔多成粒鐘，講緊間餐廳冇咩人，問人點解咁耐就黑哂面唔理，野食質數唔洗講，唔係唔好食但似茶餐廳，絕對稱唔上泰國嘢食，衰過乾炒牛河，個船麵跟本就係一碗好普通既金邊粉，其實唔係明星開就盲目咁寫好食，真係我諗連佢地自己食都過唔到自己啦，個肉碎蝦膏炒河，得一堆乾蔥頭咁既野完全冇蝦膏味，失敗到爆，衰過前面茶記，最衰仲要害人lunch遲到呀…服務差，食物差，連杯野飲都苦既😭

真係店如其名泰x難食，成間克店嚟㗎，食物質素十分差勁，泰式蝦無蝦味蝦肉又唔新鮮，其他食物份量其少，馬拉盞鬼咁多油，環境細坐得唔舒服，用具碟子上有食物乾固汚漬唔衛生，入咗成班朋友揾食黑名單，一定唔會再嚟幫襯。明知自己個店名咁衰就咪鬼去改啦。

叫咗3樣嘢食 分別係生菜包肉碎、冬陰功豬頸肉炒飯同芒果糯米飯。先講第一樣嚟到生菜包肉碎，啲菜洗得唔乾淨，上面好多黑色污糟要自行清理。第二樣嚟到係冬陰功豬頸肉炒飯，炒得唔均勻，一啖好咸好酸，一啖冇味咁。食完生菜，呢個炒飯都等咗十幾分鐘先嚟到。第三樣係芒果糯米飯。食晒前面兩個 再等咗最少20分鐘。期間向店員查詢過三次。因為第一次嚟食唔知甜品使唔使再叫佢上。第一次就問 使唔使而家叫上，有個黑色衫嘅男同事講嘢大大聲聲話 落咗單就會嚟㗎啦。再等多一陣都已經有啲唔耐煩，坐戶外根本冇員工會行過。再一次見到頭先黑色衫嘅男同事。向佢查詢多一次，佢話 嚟緊再等多一陣。都係未嚟。開門入去搵另一位長頭髮男同事查詢。佢同我講 你自己望吓吧枱嗰度 整緊啦 1分鐘送到俾你。跟住我等多5分鐘，終於見到芒果糯米飯。份量細細碟。計埋+1要80幾蚊，一啲都唔值，而且唔特別好味。第一次嚟試吓食呢間嘢，自問每次同店員講嘢都好有禮貌，對今次用餐好失望。

公眾假期同朋友試下佢哋lunch,見係明星開又假期, 比營業時間早D去到, 點知職員話可以入去坐,雖然冷氣似未開足, 清潔姐姐掃緊地😅 但都OK啦, 起碼唔使企到12點先俾入座👍🏻坐低後職員俾QR code我地, 話12點後就可以send order出去~<去骨海南雞(半隻)>睇報導話餐廳推介海南雞, 咁當然要試~雞肉比預期想像中更嫩滑, 雞肥瘦幾適中, 冇勁厚肥膏, 可以冇罪疚感下食埋雞皮~有兩款醬汁點~難怪sell海南雞係推薦, 真係幾好味👍🏻<馬拉盞芥蘭>炒得唔係好油, 唔咸~ 幾好,碟菜最後清晒~<椰汁雞湯>個日午市冇冬蔭公湯, 有D失望~😞朋友想飲湯類, 唯有order椰汁雞湯試下~一上枱, 個湯好香, 飲落唔係假甜種椰子味~唔錯~裡面仲有半隻雞, 都係好嫩, 肉唔鞋👍🏻<冬蔭公海軍湯麵> (上)<豬頸肉"九鳥"撈涼拌米線> (下)叫左兩個set lunch, 但兩款都覺得一般~冬蔭公個麵比豬頸肉米線好D, 同枱朋友們都覺得豬頸肉幾乾鞋, 米線幾硬~<香茅趣辣雞中翼>本人唔太好辣,

之前聽朋友試過，話上菜慢，野食唔夠熱尋晚冇book第一次去，覺得好多野都正常返啦！可能之前試業階段有啲野仲未run得好順上菜算快，速度滿意，食物亦冇唔夠熱嘅問題環境ok今舒服，雖話限1.5小時用膳，但如果冇人等枱都冇俾人催味道方面，個人覺得尚算ok, 海南雞最好食，菠蘿炒飯都好食，個菠蘿好甜👍🏻入面材料充足有口感泰式拼盆比之前豐富左，多左豬頸肉喺入面，味道都唔錯，不過雞翼麻麻地，比較油，春卷好食，蝦餅普通之後再加單叫左個蝦膏炒河粉，都算幾惹味不過個人覺得好咸，食完好想飲水最後就係泰式魚皮，呢個要慎叫，如果d汁撈得均嘅話真係好辣！3隻辣椒之選，不過幾爽口開胃嘅🌶️🌶️🌶️飲品方面，水準普通啦，唔算差但仲有改善空間，同埋水吧好似唔夠人，出飲品比較慢，需要再改善下明星餐廳來講都算平民價，三個人每人二百幾蚊已經超級飽，當然如果有機會見到偶像嘅話就更加物超所值啦（不過我諗都幾難）

近期都捧到上天花板既餐廳我都忍唔住要黎試下，星期四夜晚都唔算排好多人，等左10分鐘左右就有位，但係其實眼見裡面好多吉位但係冇安排入坐。室內既裝潢好有泰國feel，以黃色作為主題，Outdoor都有小量位置，不過夏天就不了~限時90分鐘❣️等左20分鐘先開始慢慢上菜，我地2人叫左3款食物🩵泰*九鳥*拼盤$188 當中有5款小食，最推介係呢款，有選擇困難同埋一大班朋友都可以食~!分別有蝦餅.魚餅.春卷.冬陰公單骨雞翼.牛肉串.雞肉串。甘多款幾抵食既，全部都係新鮮炸起，好好味，脆卜卜🩵泰式蝦炒金邊粉$88黎到泰國餐廳梗係要試下，等左半個鐘先到，追單都追左兩次。最後上到黎蝦得兩舊，仲要係凍既，味道不過不失，可以再濃味啲，唔推薦大家叫🩵蒜蓉法包$38等得最耐竟然係蒜蓉包，見隔離枱既朋友全部都係跟埋咖哩一齊上，因為我就單點既，又係追左幾次單先有。個包好硬仲有d苦味，乾到入唔到口，可能有汁會唔同d既，不過下次都唔會再試了仲有好多唔同既泰式飲品