泰皇閣泰國菜館

營業中

休息中

九龍城｜突圍而出的高質良心泰菜｛泰皇閣｝    @thai_palace_restaurant.在九龍城寨中 泰菜林立～但其中一間會Encore的泰國餐廳是｛泰皇閣｝雖然長期排人龍，但是只要早一點去也不會等太久的𝘿𝙞𝙨𝙘𝙤𝙫𝙚𝙧 𝙢𝙤𝙧𝙚 𓄼 𝘐𝘯𝘴𝘵𝘢𝘨𝘳𝘢𝘮:  @𝘳𝘢𝘷𝘦𝘯.𝘥𝘪𝘢𝘳𝘺 𓄹—✎  泰東豬肉生菜包 $80突然好想吃生菜包～ 果然不會令我失望微微酸辣的肉碎 帶住肉汁和新鮮的生菜一齊吃～真的不錯！✽好味指數：★★★★/5.✎  蛋包鮮蝦金邊粉  $78   #推薦泰菜的必點菜 Pad-Thai～以格仔蛋皮包著酸酸甜甜的金邊粉入面也有好多大蝦🍤和豆乾混合旁邊的芽菜、花生碎和青檸汁很好味的說～✽好味指數：★★★★/5.✎  馬拉盞炒通菜  $66爆炒通菜配上惹味的馬拉盞 有鑊氣 辣辣的但不會太辣✽好味指數：★★★★/5.✎  熱洛神花蜜 $31✎  青檸茶  $29—｜ 𝘼𝘽𝙊𝙐𝙏 ｜⚐  泰皇閣泰國菜館  @thai_palace_restaurant地址：   九龍城衙前塱道15號地舖人均消費：HK$150 (ppl)回訪指數：🤤🤤🤤🤤/5環境舒適：🪑🪑🪑/5

🇹🇭路過充滿泰國特色的九龍城，簡左泰皇閣泰國菜館和朋友用餐。泰皇閣泰國菜館絕對值得支持，需要懲罰多d #黃。 加上佢地好有善心，逢初一十五都會在泰國香港兩地派發飯盒和水果比有需要人士。正所謂「施比愛更為有福」，所以大家多多支持好鍾意香港的小店💛💛

是靚晚order點清邁豬肉生菜包、明爐青檸蒸盲鰽、黃咖喱雞配薄餅、脆肉炒通菜以及椰青和珍多冰作為飲品。😛😛😋🥬清邁豬肉生菜包
是最合適香港人吃的泰式前菜，清邁豬肉有有少少酸酸辣辣味。是開胃小吃。
以生菜包住肉食，內餡是豬肉和泰式香料， 九層塔洋蔥青蔥。入口有嚼勁。整體口感非常好，又有泰國的獨特風味。最緊要是，肉碎份量很多，2－3個人食都絕對無問題。🫢🐟明爐青檸蒸盲鰽
原條盲鰽以酒精爐上枱太棒了，連爐具都是魚形。魚肉鮮嫩，加上慢慢以酒精爐加熱。魚肉唔會太過鞋，搭配青檸的清香，好好吃。因為有青檸的清香，魚湯清清甜甜，食魚肉是也要欣賞魚湯的清新唷。員工好好，仲加多碗湯比我地慢慢添加。🥘🍕黃咖喱雞配薄餅
相信呢種泰式菜式香港人都唔陌生呢，香口又濃郁咖喱配合足料的食材。廚房將雞肉煮得又清又嫩，亦有洋蔥薯仔辣椒等的配菜。令到更加豐富。薄餅脆脆的口感搭配

這一晚突然想食泰國菜🇹🇭當然要去九龍城呀🔎好多餐廳揀！隨心選了這家泰皇閣泰國菜館📍-這家門面有傳統泰國風情，有唔同泰國菜式🤎我首先點左馬拉盞炒椰菜苗，🥬少辣惹味🌶不過椰菜苗相對比較難咬，淋d更好呢‼️-再回點了主食泰式濕炒牛肉河🥢呢個好大碗濕濕地好易入口，材料算多😋個人鍾意加埋辣椒粉更加惹味！🌶-怕唔夠飽，我地再點了酸甜醬炒鮮魷🦑開胃的酸甜味， 鮮魷好爽口✅可惜份量唔算多呢⚠️-飲品就點了咸檸七喜，泰式經典之選🍹經典泰菜， 價錢都算適中的✔️

今日約咗朋友去九龍城食一間泰國菜，味道都算幾地道，有泰國風味柚子沙律，非常多柚子，而且柚子味道清甜唔會太酸，非常多汁，清新開胃呢條魷魚好鮮味，肉質彈牙，而且配上泰國酸酸甜甜嘅湯汁，食完魷魚仲可以飲啲湯，湯入邊仲包含咗魷魚嘅鮮味螄蚶唔算太鮮甜，配合特有嘅泰式醬汁，會好食啲呢個椰青飯，第一啖食嘅時候未到唔算太濃烈，但慢慢食多幾啖之後椰青水嘅味道就出晒嚟，每一粒米到沾上咗椰青水嘅清甜味，越食越滋味總體來講，呢間舖頭嘅泰國菜式，幾有泰國風味，價錢合理

我絕少寫食評，不過試了過十次，並唔係個別情況下，我決定要破戒寫。鋪頭標榜係黃而吸立好多年青人幫襯。正正咁，我都去試下份情義。老實講，食物真係一般。甚至比不上好多附近的泰菜。但可能偶然失手，耐何去了起碼十次，當中亦有外賣。最後都搵唔到藉得再比機會既原因。可能食物份量係大。如你重量不重質，係可以接受。以下係個人意見：-1. 員工態度愛理不理；2. 冇水冇紙巾，要叫先比；3.午市食套餐（平價）既可以去左邊鋪，食正價才可去右邊。耐何午市睇落套餐平，諗住泰式差極有限，而且佢真係泰國菜嫲。點知，午市套餐衰過2餸街市飯，食完超口渴，冇諗過爭咁遠。4. 外賣通菜莖多過葉。多油，叫咗少油都一樣。可想到，已經比了好多次機會。5. 外賣收$1明白的。但估唔到膠袋再收多$1...酒樓都唔會咁。幫襯咁多間外賣，佢係第一間，不如收埋餐具啦。。有時，用黃來做號召力，但唔該唔好亂來。真係會影響晒真黃架。

想食正宗嘅泰國菜，梗係要去九龍城，位於衙前塱道嘅《泰皇閣》鄰近宋王臺港鐵站，交通好方便。店內裝修都好有泰國特色，擺放了一啲泰國嘅神像，供奉嘅位置，炸蝦餅拼春卷~即叫即做，熱辣辣炸起，非常香口，蝦餅爽口彈牙，春卷唔會炸得太老。冬蔭功海鮮湯~冬蔭功湯有少少辣嘅，唔食得辣嘅可以叫清湯，材料豐富：青口、大蝦、魷魚、秀珍菇...... , 味道夠香濃，酸酸辣辣特別醒胃。燒海盲鰽~朋友特別想試呢個鹽燒，大家要有少少耐性，燒烤做法需要多少少時間呢，上菜時的賣相已經好吸引，打開魚皮就可以清楚見到裏面嘅魚肉，食落軟滑，肉質鮮甜，完全保存到魚肉魚汁嘅香味，沾小小泰國蒜蓉辣椒汁更惹味。龍眼冰~內含大量龍眼肉，有得飲有得食。椰汁冰~呢個都可以嗌小冰，特別喜歡椰汁香甜味道。

一直都聽過九龍城係出名食泰國菜，而網上好多網站亦有推介泰皇閣呢一間餐廳。果然一試就明白點解咁多人推介。牛肉半生熟十分好味，一啲都唔會靭。而且芒果糯米飯啲芒果十分甜。有機會會再嚟食！

原本因為店家有午市套餐，所以才會進店用餐。但是店員誘導我單點，導致點太多，食物浪費，多收了60蚊。結帳時同店家理論，拒不承認有誘導行為，我只好算自己倒霉，以後再也不會去這家。

九龍城咁多間泰國菜，對我呢啲鍾意食泰國菜嘅人簡直係天堂，今日就去咗九龍城泰皇閣泰國菜館食晚餐。首先，我們叫咗飛天通菜，即係泰式通菜，以豆瓣醬、辣椒和蒜頭為基礎調味，辣辣地，惹味但唔會太辣。跟住喺燒安格斯牛肉配青檸，牛肉非常嫩口有牛味，上面淋咗泰式醬汁，微微帶點酸味，真係好好食好開胃！最後，我們品嚐咗呢晚最正的一道菜，椰青海鮮焗飯。海鮮用了非常豐富，有青口、魷魚、八爪魚和焗飯蝦。焗飯上面仲有一層厚厚的椰漿，令到成個飯好香椰子味，裝住個飯嘅椰青仲有椰肉，可以慢慢刮出嚟食！椰青海鮮焗飯仲跟一杯椰青水，入面亦都有椰肉，又香甜又好食。

約左朋友去食泰金閣，本來我們都很期待可以品嚐到正宗的泰國美食，但當我們到達餐廳時，發現它正在進行裝修，只好重新搜尋其他泰國餐廳。睇左啲資料後，我們終於找到了一家看似非常受歡迎的泰國餐廳，這家餐廳的openrice擁有超過300個LIKE，這樣的數字讓我們認為這家餐廳的品質應該是有保證的，於是我們決定去試試這家餐廳。入左餐廳後，裝潢環境很舒適，不過在點餐的過程中，整個點餐過程都是由服務員推銷咖喱炒蟹，而且整個落單過程也不是很愉快，因為服務員似乎一直在強調推銷的菜式，而我們很明顯地感受到他們想賣這道菜的意圖。雖然我明白這樣的菜式可以為餐廳帶來更多的利潤，但對於一般的客人來說，他們可能不會很喜歡這樣的菜式，因為他們可能更想嚐試更多其他的泰國菜式。最後，我們點了其他菜式，燒牛肉、金邊粉都是主打菜式。但是，當食物端上桌時，我們都感到有些失望，因為食物的品質比較一般，而且與我們預期的泰國風味有所不同，更像是茶餐廳的口味。唯一讓蒜茸包味道比較好，但其他的菜式並沒有給我們留下太深刻的印象。綜合以上的經驗，我們下次打算去試試其他更正宗的泰國餐廳，因為我們希望能夠找到更好的味道和體驗。我們希望下次不僅可以

呢間餐廳之前其實都幫襯過好幾次，但都有一段時間冇嚟過，以前覺得嘢食唔錯。雖然坐得唔好，服務正正常常，呢個價錢唔會要求好多。今次嚟感覺完全唔同晒，差咗唔會再嚟支持了。晚上6:30去餐廳食飯，當時入座率一半，基本上都係搭枱，中間有隔板。坐低我哋睇到有寫用餐時間1小時15分鐘，冇問題，食完就走啦。我哋好快點好嘢食，嘢食都上得好快。點菜時候已經話叫芒果糯米飯，但店員叫我哋食完之後最後先叫。焗蒜蓉包同以前爭好遠，而家蒜蓉牛油味都唔夠香，而且蒜蓉包唔係話好熱。炸蝦餅呢個新鮮熱辣辣，蝦餅香脆又彈牙，保持到水準。炒金邊粉比較濕，份量夠多。其實成餐飯食到金邊粉左右已經比店員望咗我哋張枱三至四次左右，好似等我哋張枱走咁。望一望錶以為自己食咗好耐，原來只係食咗30分鐘😑😑😑都冇乜點理，因為1小時15分鐘有排都未到。之後金邊粉差唔多食完，聽到佢叫我哋嘅枱號，話我哋張檯差唔多走喇，望一望錶只係食咗45分鐘。我哋都仲未食甜品，之後我哋叫咗芒果糯米飯，芒果都算甜糯米飯椰汁冇乜味，整體味道都非常一般。食完芒果糯米飯即收晒啲嘢，明㗎喇，想我哋走。望望錶到埋單，我哋只係食咗一個鐘，其實我仲有15分鐘呢？駛唔駛咁趕？食得咁

最近有個朋友搬左去九龍城住，九龍城既泰國菜咁岀名，趁去揾佢玩，當然要順便食啦 朋友話呢間性價比高，一於入去試下先食物有好多選擇，我地揀左沙律，燒烤類，炒海鮮同甜品。。燒安格斯牛肉（ 青檸）（$115）賣相好吸引，牛肉燒至表面焦香但肉質依然係粉嫩，加上砌至小山丘擺碟幾有心思。 燒安格斯牛肉上面放有青檸同辣汁等調味，整體又酸又辣好開胃，加上燒牛肉入口嫩滑又充滿牛肉香味，令人忍唔住一舊接一舊！肉之下有好多爽脆既生菜絲，整體平衡得好好，好味又唔油膩 ！。泰式木瓜絲沙律 （$60）份量唔少，醬汁份量適中而且分佈平均，每啖都好夠味，味道酸酸甜甜又辣辣地好刺激，超級開胃。木瓜絲口感爽脆，加上有花生增加香氣同埋有紅蘿蔔絲等既蔬菜增加口感，層次感好豐富。。芒果糯米飯 ($60)芒果份量好多，又香甜又多汁，果肉軟腍！微甜既糯米飯口感煙韌，搭配香濃微稠既椰漿，再加上脆卜卜既粒粒同芝麻，一口食匀所有材料，口感同層次勁豐富，就算食飽都難以抗拒，輕鬆食哂總結：環境乾淨整潔，食物唔貴，惹味之餘份量唔細，加上甜品有煙韌好味既芒果糯米飯食，好滿足既一餐會再幫襯

尖東開完會，因為而家有屯馬綫，搭幾個站就到宋王臺，所以突然想食泰國嘢，七點半先尖東出發，15分鐘已經到餐廳坐低咗，勁方便。今次去嘅餐廳叫泰王閣，响正金寶隔離，佢同金寶或者好多九龍城泰國菜館一樣，都係有兩個鋪位，睇嚟生意都唔錯。因為今次得兩個人，我哋只係點咗四樣餸，生蝦刺身、燒安格斯牛肉(青檸)、馬拉盞炒椰菜苗、泰東豬肉生菜包，同埋餐廳寫明用餐時間1小時15分，所以我哋只係點咗三支啤酒。生蝦刺身絕對有驚喜，如果會食生蝦嘅人一定要點。反而見到好多人推介嘅燒安格斯牛肉(青檸)，我個人就覺得普普通通，雖然菜名有(青檸)，但唔覺青檸味有幾突出，想食好味嘅泰式燒牛肉，我推介同區嘅泰禾美，但果邊環境就無呢邊咁企理。馬拉盞炒椰菜苗都可以，大路嘢。反而個生菜包要特別講一講，因為餐廳原來有分清邁同泰東兩種口味，我叫生菜包嘅時候，店員問我鹹辣定酸辣，我响冇睇餐牌嘅情況下，猶豫咗兩三秒揀咗酸辣，後尾睇返餐牌先知原來係泰東口味，第一啖食落怪怪地，但食食吓又覺得幾好味，值得推介。

又去到九龍城 又試下唔同既泰國野 之前同同事黎食過一次 今次帶屋企人黎試下 岩岩好坐到最尾一張近門口既枱 爭少少就要等位 好運叫一個燒安格斯牛肉（$115） 份量唔少 上面已經淋左啲醬汁 本身預左辣辣地 點知越食越辣 但個辣汁好惹味 辣都想繼續食仲叫左半打串燒（$85）叫左兩串豬 兩串雞 兩串雞腎 雞腎好有咬口 但無燒得過火 粒粒都咬到 豬同雞無咩特別 無燒到黑媽媽 點埋沙嗲汁都okay今次試下另一間既鐵板蠔仔蛋（$96）呢個比較似一粒粒既炸蠔仔 都脆卜卜 熱辣辣 但蛋味唔夠 不過蠔仔好大粒 亦都唔腥 送酒一流本身叫左明爐清湯大蜆 不過姐姐話無蜆 就改左做盲鰽 （$150）淋落去啲湯都夠味 魚都唔係太細條 夠4人食既呢個炒金邊粉（$78）個賣相好靚 但炒得唔算好食 啲粉癡埋左一舊 調味又甜左少少 同埋份量可以多少少 其他野下次經過再試

放工同老公來到九龍城附近，看到這家泰皇閣，九點鐘都好多人，於是打算嘗試一下。餐牌種類好多，都不知道試哪一樣好啦！.我們選了沙爹串燒，半打可以兩種不同的，我則選了雞同豬、我更喜歡豬肉，更滑嫩，雞肉也都好食🤤。.另外黃咖哩豬，裏面還有薯仔，薯仔也煮的軟軟的很開胃。而且咖哩撈飯味道更是一絕👍。我吃了兩碗。.就連蔬菜，馬拉盞通菜，也都非常入味，菜又好嫩！.另外的鹹檸七也很解膩！.整體飯店空間也夠大，座位都不會擁擠，而且有兩個房間，位置都很寬敞。