泰皇閣泰國菜館

營業中

休息中

昨晚約朋友共5人，餐廳沒有訂枱服務，有2個朋友早點去攞位，餐廳負責人話要5人到齊才可入座，當時餐廳內完全沒有客人，餐廳內全是空枱都不讓我朋友進入，當時天還下着大雨，這樣的餐廳及負責人及做生意手法，真的令人費解。我們齊人後他們立即安排入座，我們當然不會入座啦！九龍城不是只有你一家泰國菜，好好反省做生意手法！

好耐冇嚟到九龍城呢邊同朋友食泰國菜，呢度真係好多種唔同嘅泰國餐廳，今晚朋友就推介呢一間，餐廳都幾好坐，夜晚生意都就嚟非常好，我哋最後都要排咗成30分鐘先有得入去！比較推介由佢椰子雞湯非常重揶香味，食完亦都唔會味精太重係咁要飲水，個湯亦都非常香濃，我同朋友都非常鍾意，賠了亦都十足有好多唔同嘅配料，令到成個湯嘅口感昇華非常有咬口，另外佢嘅燒牛柳都啱啱好呢個價錢嚟講燒牛柳真係非常抵食，再加埋佢本身嘅醬汁，正！亦都唔會燒得太熟，good

諗住同朋友出街食好野，星期一，7點到等左45分鐘，坐低見左右各一張A4紙大字報，話話睇下出面條龍，每台限時75分鐘，對客人有要求。叫左冬陰公湯，好咸，似汁，唔似湯。叫左明爐粉絲大蜆，都係好咸，免強食，頂唔住要叫杯飲品。燒牛好少少，都唔係話好味，不過入得口。全餐最好食係個蒜蓉包。好失望，明白點解上手食客一路走一路話又貴又唔好食，我地2個人食左400幾，好唔抵 好後悔入左去。呢個係咁耐無寫食評都要開筆寫的原因。唔關手唔手足事。壞心情延續到16個鐘頭後的宜家。唔明，係因為要整到d食物咁難食，都唔係容易。。。

【去九龍城必食💛 有質素泰國菜🇹🇭 燒牛肉山有驚喜❣️】推薦程度：●●●●◐抵食程度：●●●●◐——難得去九龍城，當然要食返餐泰國菜🇹🇭✨ 但間間都要排隊，成30幾度企喺街等位，各位真係要隨身帶住消暑法寶🌬️ 以免中暑！當日等咗20分鐘內就有位，可接受嘅程度👍🏻🥗 柚子沙律｜$78雖然比想像中細碟，但兩個人食落剛剛好🙌🏻 入面酸香、微帶甜味，唔嗆喉、唔辣，反而好開胃惹味✨ 柚子大大件，一咬爆晒汁好juicy；蝦仁尚算爽口彈牙，整體唔錯✨〈推薦〉🥩 燒安格斯牛肉｜$115接近中辣程度，好火辣🔥 好惹味🔥 牛肉肉汁富富、juicy唔乾柴；7成熟左右、生熟度剛好；口感唔算好軟腍，係有咬口、偏爽身嘅肉質👍🏻 冇筋位、冇肥脂肪，啖啖肉！份量都對得住價格，整體CP值高🌟🍚 蟹肉炒飯｜$78童叟無欺‼️ 肉眼可見嘅超多蟹肉‼️ 大大舊、啖啖肉，好正✨ 炒飯好夠鑊氣、粒粒分明，夠乾身👍🏻 味道偏清淡，亦無多餘油膩感👍🏻🧊 青檸梳打｜$29 / 🧊 椰汁珍多冰｜$32飲品方面正正常常冇咩特別～

今晚放工男朋友話想食泰國野我地就去咗平時去嘅泰皇閣佢必定會order呢個明爐清湯大蜆而今晚佢冇蜆就改咗花甲好好味r不過食食下太酸但佢一d都唔辣仲幾鮮味另外又order咗青咖哩牛不過呢個就一般般可能因為唔係牛腩而係牛肉片嘅係呢個係係有少少失望而味道未算出色不過呢個椰青焗飯就有d驚喜個味道好啱小朋友食椰味香濃渗透曬入個焗飯入面好香食完有種好warm嘅感覺雖然係有少少比面頭d三色豆嚇一嚇但食落真係唔錯仲送埋個椰青本身嘅椰青水讚💪🏻

🥢泰皇閣泰國菜館 (九龍城)🇭🇰九龍城衙前塱道15號地舖九龍城有好多間泰國菜今次再去食泰皇閣泰國菜館嘅九龍城分店泰皇閣響地鐵屯馬線宋皇臺站B出口上咗地面轉左過馬路再行一條街去衙前塱道泰皇閣有兩間地舖，望響左手邊就會見到✨冬陰功海鮮湯 $85非常之足料/細細煲啱晒可以止下口痕/又唔會飲唔晒有蝦同埋仲有好大隻青口✨燒安格斯牛肉(青檸) $115呢個算係每次必嗌/牛肉燒到半生熟/辣辣地非常之咁開胃✨炸蝦餅 $78感覺上越嚟越唔好食/之前都大大舊兼啲蝦膠都彈牙今次呢幾舊麻麻地好食/感覺上蝦膠亦都溝咗嘢定打得唔夠/唔夠實同彈牙✨蛋包鮮蝦金邊粉 $78都算大碟/有鑊氣/唯一只係有三隻細蝦/但整得非常精緻真係有蛋絲包住/賣相唔錯✨椰青 $35都算大個同多水/抵飲

附近拜完神就揀呢間試下，個湯好開胃好正😋菠蘿炒飯炒得好乾身，粒粒分明，串燒係雞腎爭左少少有d腥，另外2串都係好食既係豬同雞，魚好新鮮好夠嫩，大大條，下次會再來食😉

食泰國菜，就會想到去九龍城，九龍城的泰國菜館不少，都不知如何選擇合心水的泰國菜館，來到發現泰皇閣泰國菜館，有2間店舖，在門外等位的人多，就和朋友一同集氣，確實沒讓我們失望。******************************現在到九龍城都很方便，坐地鐵前來，從地鐵站出口5分鐘内所到之處，都有不少美食選擇。泰皇閣泰國菜館就是其中一間。2間餐廳地方不算很大，但有2間店舖位置，都一樣坐滿食客。餐牌食物選擇一點都不少，包括小食、沙律、湯、粉麵飯，還有肉和海鮮、甜品、泰式飲品和沙冰等，絕對乎合不同食物選擇。下單不久，食物就已經送上。蝦餅拼春卷 HKD78，新鮮炸好，送上枱時還有熱煙，蝦餅非常彈牙，春卷又炸得很脆口，2者都很香口。炸皮蛋球 HKD86，炸皮蛋球都幾大隻，皮蛋外層都很彈口，配上皮蛋非常好味。菠蘿海鮮炒飯 HKD84，用上菠蘿再加入海鮮一拼炒起，最愛肉鬆和提子粒拼飯，味道又鮮又甜又美味。芒果沙冰 HKD34，有著清香芒果味，最合夏天點選清涼又解熱。椰汁珍多冰 HKD32，椰汁夠潤喉，加上珍多冰棵條，又飲得又食得，很滿足。

可能天氣又焗又熱時晴時雨，今個星期日既午飯時間去，完全唔洗等位即刻入去坐低叫嘢食，叫左燒牛肉，賣相唔錯，但碟頭果d飯就麻麻，好似冇以前咁好食，但係見佢價錢都尚可接受

九龍城泰皇閣 朋友的午餐飯堂 抵食又靚又正 所以佢帶我去食晚餐 為何我lunch time無經過附近。。。有兩間舖 就係隔離 有時人多排隊要係總店外排隊 店員安排去隔離店坐friend 叫左個 馬拉盞椰菜苗 和平時的 brussels sprout 唔一樣。 不太辣。佢奇奇怪怪 叫一碗油飯。問佢做咩剩食飯 佢話 日本人都係串燒配飯。。。。個飯都好味的 不太油然後我都係食佢推介的醉貓炒河 都有唔同肉可以揀。我揀左雞肉。 炒河 好好味 好夠鑊氣一片一片好粗的河粉。片片都上色 我剩係食河粉都夠配料又足 有菇 有菜 青椒洋蔥 然後有friend 的串燒拼盤有雞腎 墨魚丸 和豬肉好似bbq的風味 每件都有蜜糖味豬肉 係免治肉 好似豬肉乾 甜甜地 好吸引你繼續食 墨魚丸有三粒 好開心下面有d炸米粉粒 我都點完沙爹 再點米粉 層次口感 即刻變得跟豐富雖然好飽但都係叫左個甜品 千層糕軟和韌 脫模又靚 椰汁西米 有芋頭 粟米 椰汁有d 鹽調味 美中不足係西米糕上無左粒粟米 哈哈

早排去九龍城食牛肉餅行經泰皇閣，無意間見到佢地有我大愛嘅沙冰出售! 而且沙冰外相好鬼吸晴! 於是同埋女友小熊一齊嚟開餐會吓佢地嘅沙冰.點咗西瓜沙冰同提子沙冰，我地反傳統，沙冰先係主角，哈哈.....當然.... 我地都會點其他菜，沙爹牛肉同雞肉共半打，泰式燒羊架燒雞翼，白𤆥螄蚶，泰式煲仔翅，干炒牛肉金邊河，每款都點一客.感覺泰國人飲食偏甜，所以泰式煲仔翅味道都帶甜，魚翅份量都唔算少無偷工減料㗎.同樣燒羊架，燒雞翼同串燒，未點醬汁已經有甜味，當然點上沙爹醬更惹味啦! 沙爹醬都係味道偏甜唔辣，啱哂我哩D喜甜人士.米粉河粉我鍾意幼細口感，所以點干炒牛肉河都揀金邊粉，河粉幼滑又足料，滿𩜲!小食泰國菜，唔知道泰國菜原來都有螄蚶，唔點醬汁嘅螄蚶鮮甜又爽口，醬汁辣咗D所以無點醬汁.小熊話D汁一D都唔辣，所以俾哂佢慢慢點.沙冰第一時間上枱，沙冰夠味，熱辣辣嘅氣溫飲一啖，噢! 爽YY!其實好多菜都無點，軟殼蟹，生蝦刺身，無計啦！ 肚腩得一個，唯有下次嚟再食過.

晏晝黎九龍城食泰國菜少人好多 唔洗排又冇乜人✨酸辣海鮮粉絲沙律 $80味道幾好 酸酸辣辣 😋 食食下都有啲辣 海鮮都幾多 有青口 蝦 魷魚 ✨燒安格斯牛肉（青檸）$115有牛味 唔會燒到好乾 都有肉汁不過有時有啲筋✨馬拉盞炒椰菜苗 $72炒得幾爽 調味適中 不過啲椰菜好似唔係好嫩✨串燒3拼 $85豬有啲似豬肉乾 雞同豬有啲肥膏夾雜咁雞腎幾爽 個沙嗲醬普通 冇乜特別🍹青檸梳打 $29🍹荔枝梳打 $32總括黎講味道都ok 嘅 晏晝去冇乜人都坐得好舒服👍 味道❤️❤️❤️❤️抵食❤️❤️❤️💔服務❤️❤️❤️💔環境❤️❤️❤️💔💰午餐人均～$225 (收+1)

⌂ 九龍城泰皇閣泰國菜館@thai_palace_restaurant 九龍城衙前塱道15號地舖星期一至日 12:00 - 22:00· 清邁豬肉生菜包（鹹/辣) Minced Pork Meat Wrapped with Lettuces in Chiang Mai Style $80· 蛋包鮮蝦金邊粉 Pad Thai with Prawn $78· 馬拉盞炒通菜 Fried Water Spinach with Belacan $66· 泰式奶茶 Milk Tea in Thai Style $29· 青檸梳打 Lime Soda $29𖧷 設有加一︶︶꒦꒷‧˚₊៸៸﹕︶꒷꒦︶꒷꒦︶︶꒦꒷‧˚₊ ៸៸#ewm九龍城#ewm泰國菜︶︶꒦꒷‧˚₊៸៸﹕︶꒷꒦︶꒷꒦︶︶꒦꒷‧˚₊ ៸៸*･゜高質x性價比高x泰國菜゜･*想吃正宗泰國菜？必到小泰國 －九龍城近宋王臺港鐵站，交通十分方便!我和朋友一致認為泰國菜必點的菜是：生菜包 x Pad Thai x 馬拉盞炒通菜不服來辯！！值得一讚員工態度殷勤，會主動介紹菜式～而且餐廳的範圍也滿滿的泰國風情略嫌餐廳人氣高盛，晚上全滿座，但亦證明了餐廳高

💁🏻‍♀️泰皇閣唔係第一次黎食！🥰今次再多次黎，估唔到味道依舊，keep住有水準！而且格黎仲開多左個新分店，裝修環境更加靚～🥰以下係詳細嘅食評.▫️明爐青檸蒸盲鰽 $150⭐️強烈推介⭐️驚喜既味道!醬汁調味好好，夠酸夠辣，清新又開胃！！估唔到咁好食，而且盲鰽肉質好滑嫩，魚骨唔太少多，岩晒我杯茶，而且湯汁都好濃郁，而且魚底下面墊好多椰菜，吸晒湯汁，正！▫️蒜蓉包 $26⭐️強烈推介⭐️脆口又惹味，牛油蒜蓉味好足，沾青咖喱醬一流！一兜有5大塊，都算抵食呀！▫️青咖喱雞肉 $80青咖喱味道唔算辣，味道都濃郁，雞肉比較偏多，都有泰國圓茄子,而且仲有脆豆角，不過``如果多d雜菜更加好!▫️脆肉炒通菜 $66⭐️強烈推介⭐️呢款脆肉炒通菜都幾好食，脆肉係燒肉黎既，燒肉好香好脆，配埋青通菜好夾，送飯一流！

九龍城一帶一向都都出名有好多泰國菜，前排我地去咗其中一間薄有名氣嘅泰國餐廳，泰皇閣~✅燒安格斯牛肉係其中一道招牌泰國菜，佢地嘅安格斯牛肉軟腍多汁，面頭放咗啲酸咪咪嘅醬汁感覺幾開胃😍另道招牌菜式係✅泰皇閣招牌炒飯，蛋網cover 咗成個飯，令到睇落好似蛋包飯咁🥰；佢地嘅炒飯用咗紅酒一齊煮，感覺好特別但其實紅酒味唔係好出~ 炒飯好乾身，食落味道唔錯~😋✅冬蔭功入面有青口、大蝦，令到成個湯都好鮮味🤓；冬蔭功嘅湯底味道濃郁，食飯之前飲一碗都幾開胃~😜我地見到隔離枱嗌✅鐵板蠔仔煎蛋，睇落好吸引所以我地都引唔住叫多份，蠔仔脹卜卜而且味道好香，好似好好食咁☺️；但試完發覺蠔仔煎蛋嘅味道有啲淡，整體感覺一般😇