泰皇閣泰國菜館

營業中

休息中

一想起食泰國菜必然到九龍城區食, 就來到泰皇閣泰國菜館!. 餐廳裝潢具現代色彩,地方乾淨舒適。..【生蝦剌身】 $110生蝦口感勁新鮮鮮甜,夾生蒜片及紅椒片一齊來吃,並釀點秘製少少辣泰醬,好滋味。.【燒安格斯牛肉】(青檸) $115燒安格斯牛肉,拌入了醋,辣汁及青檸,帶酸甜味道。牛肉不會燒得太乾太韌,入口嫩滑富濃濃牛肉香, 越嚼越時帶辣辣地,令人胃口全開。.【咖喱炒青口】 $144一陣咖哩炒蟹飄來,大大引起食慾。看咖哩青口份量十足, 大大隻青口,啖啖青口肉鮮甜,配上香醇咖哩,十分香濃香甜惹味,實在好吃極了。.配咖喱必叫【簿餅】 $26咖喱+香脆簿餅來吃,是絕配組合。.【馬拉盞炒通菜】 $66這通菜炒得很香很惹味,通菜好鮮嫩及少渣。.【Singha啤酒】  $33美食配美酒, 當然啤一啤酒呢!

《泰皇閣泰國菜館 - 九龍城》去得九龍城，又點可以唔食泰國嘢呢？😌上星期同個朋友去九龍城呢邊食飯，諗都唔使諗一定係食泰國嘢啦😁周圍望吓又揀吓，最後我哋揀咗一間人氣嘅良心💛泰國菜館，餐廳環境唔錯，裝修佈置得幾摩登，而且坐得舒服😉兩個女仔叫咗一個炒菜、一個小食、一份主食同埋兩杯飲品🤓埋單大約$320左右，喺九龍城黎講算係抵食嘅泰菜🤭💁🏻‍♀️泰式炒金邊粉 $78Pad-Thai 係傳統嘅泰國菜式，味道酸酸甜甜，入面有好多大蝦🍤同埋芽菜等配菜，最鍾意係包喺面嘅蛋皮，令到成個炒金邊粉嘅presentation好靚💁🏻‍♀️馬拉盞炒通菜 $66馬拉盞炒通菜未食都聞到浸香味，馬拉盞好惹味，用嚟爆炒通菜相信冇人唔喜歡😌通菜冇渣而且食落鮮嫩，不過口味比較重，食到後期有少少鹹，依然係好味嘅😙💁🏻‍♀️泰式燒豬頸肉 $82燒豬頸肉既份量都幾多，好記得當日食極都好似仲有咁😂豬頸肉肉質爽脆有咬口，點埋餐廳提供嘅醬汁就更開胃啦😝如果可以再燒燶少少就完美啦😎💁🏻‍♀️泰式奶茶 $29泰式奶茶唔會太甜，飲得到煉奶嘅香味，都算幾大杯💁🏻‍♀️西瓜沙冰 $34朋友叫過杯西瓜沙冰又真係幾解渴，不過凍冰冰嘅天氣飲沙冰真係勇氣可加😂我

衆所周知，九龍城就是個小泰國，我們經常會去九龍城按摩然後吃一個地道的泰國菜。這邊的泰國餐廳，形形色色的。經過這家餐廳門口的店面十分吸引，我於是決定去試一試。我們點了一個去泰國餐廳都會點的冬陰功湯，他家的冬陰功湯蝦好大，酸酸甜甜的，冬陰功十分之開胃。點了一個海鮮溼炒河粉，這種河粉是寬河粉，溼炒河粉，很多只海鮮，裏面有生蠔，還有魷魚，還有蝦，分量非常足。另外點，另外點了一份，我最愛的炭火烤牛肉，牛肉非常有嚼勁，味道非常的好，配上獨特的泰式醬汁，十分之好吃。

今日來到宋王臺食泰國菜「泰皇閣泰國菜館」，想不到平日也差不多滿咗呢，幸好有先訂位。晚上是單點的沒有套餐。先叫了個串燒6串，可以選三款，分別叫了豬肉雞肉和雞腎。泰式香料的香味很撲鼻，燒得剛好，肉汁豐富，配上特調醬汁。再叫了兩串雞翼，好耐都沒有去燒烤了，雞翼燒汁皮脆卜卜，啖啖肉好好食。另外叫了個蛋包鮮蝦金邊粉，顏色10分鮮艷，蛋皮一格一格的，再配上花生碎新鮮的芽菜，看上去就10分好吃。金邊粉炒得鑊氣十足，條條分明，配上線下雞蛋等配料，口感好豐富。最後再追加了個，芒果糯米飯$60，價錢十分親民。芒果肉好鮮甜，有一整個芒果份量，也不會太酸甜甜的！再加上椰汁，糯米飯粒粒分明，好好吃。很掛念去泰國旅行！

📍泰皇閣 (九龍城)九龍城返工表示間唔中會去呢間食lunch今次拉埋朋友嚟試下佢嘅dinner🤤冇得book位 而平日夜晚都坐滿 環境唔算大 都企理舒服的～-☆ 小食拼盤 $168用咗個竹製層架裝住 非常打卡able✨有春卷、雞翼、蝦片、沙律等等炸物係好食嘅 只係性價比不高🫣-☆ 冬陰功海鮮清湯 $78呢個係2-3人的份量～有得揀辣定唔辣 估唔到唔辣都咁好飲！個湯酸酸甜甜 加上都足料所以濃味飲完亦唔會覺得好頸渴 整體有驚喜🤤-☆ 飛天通菜 $66算係比較溫和嘅辣 唔食辣嘅朋友都接受到加上腐乳好開胃 味道同喺泰國食到的一樣🥹-☆ 蛋包鮮蝦金邊粉 $78好大碟 4個人分都ok❕比其他泰國餐廳食到嘅味道清爽 唔油膩☺️-☆ 辣椒膏炒大蜆 $134個辣椒膏少辣同比較鹹 配埋個飯會適合啲～都有好多隻蜆～而配菜吸晒啲汁好入味呢-☆ 原隻菠蘿海鮮炒飯 $84好少見菠蘿咁樣橫切法🍍超級足料 裝滿晒成個菠蘿～-☆ 蝶豆花蜜 $31除咗泰式特飲之外 都有幾款熱飲選擇啱晒行養生路線嘅朋友🫶🏻-↓其他泰式特飲🍹↓☆ 椰青 $35☆ 椰汁珍多冰 $32☆ 青檸梳打 $29-♥️回頭度：9/

今次第三次到九龍城食呢間好出名嘅黃店泰國菜，收工7點入坐好彩唔洗等位，7:30已經座無虛席。【燒安格斯牛肉】成日都好怕牛肉上面個醬汁好辣會搶左牛肉嘅味，但呢個醬汁好清新，酸酸甜甜非常開胃，牛肉都好多，如果牛肉再熱少少就更出色。【蛋包鮮蝦金邊粉】蛋包金邊粉真係夠地道經典，個粉炒得乾身，唔會太油，味道又唔會太濃太酸，最緊要個份量好多，好抵食 。【飛天通菜】通菜炒得好夠鑊氣，而且好多蒜頭同唔會好辣，想一食再食。【鐵板蠔仔煎蛋】蠔仔粒粒都好飽滿好大粒，蛋都炸得好鬆脆，送飯一流。【椰青】真係好好飲，又甜又解渴解膩。

咖哩蟹 好差 個醬味道算正常偏淡，唔緊要 蟹殼係完全無敲碎到 個廚懶到咁，想問隻蟹點入味？反正都急凍， 醃佢七七四十九日？经理Sale話咖喱蟹話好多膏 （廚師推介🤣）膏係真係多冇講錯但$550 隻急凍膏蟹 （計埋加一）好抱歉冇影到相，唯有口述薄餅，仲要另外收錢 質素仲要差 塊餅 乾爭爭$26薄餅一塊，一個包掌咁大 （同樣急凍可以包兩包）安格斯烤牛肉有泰式辣椒醬 味道係OK 但牛肉比較韌都無個蟹咁離譜菠蘿炒飯 較濕 （水準算正常）通菜 係全場 最好食 香茅水有陣燶味芒果沙冰 都可以好難飲 原本見到店內既溫馨提示都幾加分睇到啲好評完全明點嚟？定係換咗廚師？結果係咁 買單差唔多$1000完全唔知食左啲咩，3/10 完～

嗰日見到有兩間鋪，店員話一間食小炒（high end）、一間食set lunch (平民啲)；我當然係食平民嘢！ $49一個set，大大碟，好多大男人都嚟食！咁啱嗰日係平日，無學生，唔使排隊 。🍗『海南雞飯』$49雞肉嫩，又無骨，可以大啖大啖咁食🍅『泰式炒金邊粉』$49炒得比較濕，但入面嘅豆乾粒好食。🧃🥤🧋☕️🍵🧉🧊重點係有好多飲品揀，都唔使加錢：洛神花蜜（熱）、龍眼冰、香茅茶(熱）、椰汁珍多冰、蝶豆花蜜（熱）、椰汁冰、菁檸茶、荔枝梳打、青檸梳打、泰式黑咖啡、青檸水、泰式奶茶⋯⋯但係手腳冰冷嘅我，只係揀咗熱飲🤣。📍 泰皇閣泰國菜館 (九龍城)九龍城衙前塱道15號地舖。好味指數：🌕🌕🌕🌗🌑回味指數：🌕🌕🌕🌗🌑

好耐以前叫過外賣幾好食 今日嚟開呢頭就試下堂食因為六點左右就嚟到所以無人但食食下都坐滿咗 位就比較逼 不過九意城好多泰國嘢都係咁本身想食螄蚶 但聖誕後未入貨 所以就試下生蝦有六隻蝦 生蝦肉質彈牙 舊辣椒超級辣 食咗一隻有辣椒之後都無再食 淨係連蒜片同點個酸辣汁食 幾開胃泰式煲仔翅 因為第一次見所以叫嚟試下好大煲 夠三個人飲 入面有好多料有火腿 花菇 魚翅 蟹肉 芽菜魚翅都幾多 仲要係一梳梳嘅湯底有火腿嘅鮮味 啖啖都食到料 好滿足但我下次嗌會走芽菜 覺得芽菜同呢啲唔係好夾燒牛肉好香 唔會過熟不過如果個汁分開上就好啲 可以自己控制點唔點個魚燒得幾好 無腥味 魚肉好滑點汁同唔點汁係兩個風味椰青好大隻 夠甜夠多汁 啲肉好嫩滑

📍九龍城 泰皇閣泰國菜館📍九龍城出名多泰菜美食！今晚特別想食泰菜，於是同朋友嚟咗呢間泰皇閣泰國菜館食餐好🤭🤭。佢有兩個鋪位，位置多，但八點嚟都要等一陣位，睇嚟真係好受歡迎！食落都感受到點解咁多人排隊，因為真係相當高質🥰🥰！✨蛋包鮮蝦金邊粉 $78有別於一般金邊粉，佢好特別係有蛋包嘅元素！🥰打卡able又好食！✨青檸汁燒安格斯牛肉 $115大推！好多人嗌，所以都叫咗份。留意有啲辣，但勁香燒烤味，而且酸酸辣辣好開胃！好食😆😆😆！✨明爐青檸蒸鮮魷 $140 (大推😍)明爐魚就食得多，明爐鮮魷真係第一次食！勁有驚喜！個魷魚唔會煮得太老，保持到個爽脆，而且同個酸辣味好夾，食到停唔到🤭🤭。✨椰青 $35大大個，勁抵飲！

▫️燒安格斯牛肉配青檸 ($110)牛肉大約烤至五成熟,中間呈粉紅色燒得岩岩好唔會完全熟透🐄肉質鮮嫩🤤而且好有肉汁夠哂Juicy, 每一片切到好厚身, 大約有10多塊!! 仲有啲椰菜係底, 幾清新🥙再配上調製酸辣青檸醬汁好開胃😋增強左層次感, 醬汁入面有好多辣椒粒同生蒜!! 個人覺得有少少辣🔥唔食辣嘅朋友可以叫佢另上醬汁🤟🏻 ▫️生蝦刺身 ($108)食泰菜必食生蝦, 新鮮肥美蝦好爽無雪味🦐一共有6隻,醬汁調味得好好👍🏻

這間泰國菜館面積雖然不算大，但菜式種類很多，有各款串燒，生蝦刺身，沙律，明爐青檸蒸盲鰽 ， 明爐清湯大蜆， 秘製泰式炸豬手，咖哩雞/牛/豬……，小食有炸薄餅，蝦餅，魚餅，春卷……等等。款式多選擇，味道多樣化，色彩又繽紛，令人胃口大增，好多款菜都想點呀!沙嗲串燒 4款當中最多可選3款，我揀雞肉，墨魚丸和雞腎，留下豬肉下次試，雞肉雞腎厚切，大大粒墨魚丸，串串份量大，啖啖肉，雞腎爽口，久違的味道! 青咖哩雞這裡的青咖哩是極少辣味，朋友不吃辣，啱晒佢，雞肉配搭多汁的泰國小圓茄子加香葉，味香濃! 薄餅有咖哩就要叫薄餅，點解嘅? 緊係用薄餅點咖哩汁一齊食就至好食啦! 蝦醬炒通菜翠綠晶瑩的通菜，入口爽脆，充滿鑊氣，惹味蝦醬，陣陣飄香椰青來一個青香又嫩的棷青，爽! 上菜效率快兼熱辣辣的，幾道菜可以一起吃，真的多高興!

食咗泰皇閣一段時間，午餐真係好抵，四五十蚊好多選擇，又好味，加埋杯特飲，可以揀泰式奶茶，真係超值，喺九龍城真係好難搵。但係，近半年食物質素越嚟越麻麻。上次去，我叫冬陰功海鮮金邊粉($49)，都OK，材料算豐富，冬陰功湯味都算濃郁。但係朋友嘅泰式濕炒雞河($49)就好鹹。我哋加錢($35)叫咗碟泰式飛天通菜，分量好少，雖然係好味，但整體來講覺得已經冇舊時食得咁開心。不過，佢keep到呢個價，等大家多個選擇，都好嘅。

《九龍城💛平泰菜》九龍城一向都係泰國菜嘅集中地，呢一間都有唔少人排隊，比較多年輕人食~價錢方面都唔貴！叫咗3樣野食都平均每人100幾蚊而佢都有2個鋪位，都唔洗等好耐~· 酸辣豬頸肉沙律 $82酸辣得好勁，有好多香料洋蔥等，好開胃，不過沙律底係青瓜，但唔係好多，本身期待緊係木瓜絲底，份量都ok嘅· 炸蝦餅拼春卷 $78蝦餅配酸辣醬無得輸！蝦餅都彈牙春卷就比較普通，幾似小食部嗰啲，正正常常，個人覺得可以淨係嗌炸蝦餅· 泰皇閣招牌炒飯 $92炒飯都有唔少海鮮係入面架，但佢係用茄醬炒嘅，個人覺得可以加返啲辣味就似返泰國菜😂不過個炒飯都好大份，食到好飽· 椰汁冰 $29正正常常嘅椰汁冰~🍽 泰皇閣泰國菜館 | 九龍城📍 九龍城衙前塱道15號地舖

這天晚上我約了家人在九龍城吃晚飯，經過朋友的介紹，我們便決定來到這間餐廳試一試，店內環境寛敞和清潔衛生泰式魚肚羹($94)魚肚軟綿綿，十分新鮮，煮得很淋，茹軟彈煙韌，芽菜爽口，份量非常多，用石鍋上，可以保持食物的温度蛋包鮮蝦金邊粉($78)用蛋雕成網，再用網包住金邊粉，十分有心思，蝦十分彈牙和新鮮，金邊粉十分煙韌，份量非常多，豆腐干，芽菜，花生碎黏口，想要酸一點也可以加入泰國檸檬作調味馬拉盞炒通菜($66)用馬拉盞調味，味道咸中帶一點辣，通菜十分爽口，十分新鮮，份量非常多，十分抵食芒果糯米飯($60)芒果十分鮮甜，糯米飯十分特別，普遍坊間芒果糯米飯都是凍食的，而這個糯米飯是熱的，感覺十分暖冑，非常適合天氣凍的時候食整體來說，食物的質素非常高，食物的選擇多，食物的份量非常多，食物的用料非常新鮮，食物的賣相非常吸引，食物是即叫即做，食物的定價相對合理，而店員亦有良好的服務態度，可以用泰文點菜，非常有親切感，所以我認為這間餐廳是值得再去惠顧