泰皇閣泰國菜館

營業中

休息中

泰懷念家鄉的味道😫 撞啱放假去九龍城食下泰國菜先🤗🤗🤗攀山涉水屯門出到九龍城試咗呢間泰皇閣 出乎意料出品 好好味😋😋😋 首先黎一杯青檸沙冰， 出奇地好飲 佢唔會好甜 青檸連皮加冰打碎 飲落口嗰種清新冰涼 令人為之一振 胃口大開😂 跟住先黎一個頭盤公車欖壩🦐擺盤精美， 雖然啲蝦比較細隻但食落係爽口彈牙新鮮加埋個酸辣醬汁簡直絕配👍👍👍. 再嚟主菜咖哩軟殼蟹🦀🦀🦀 一碟有六件每件軟殼蟹底下墊上蒜蓉包, 食前加埋咖哩汁淋上去 一齊食， 真係食到停唔到口🤤 咖哩香滑 唔會太辣, 軟殼蟹香脆好味 配埋蒜蓉包吸咗咖哩汁一齊食， 簡直係味覺享受😜😜😜 再嚟呢個燒安格斯牛肉 上面配上 酸辣 醬汁 一齊食, 出奇地估唔到係咁好味 燒牛肉香口唔會鞋中間仲好嫩滑😋😋 呢個食完之後真係想再encore重點推介👍👍👍 最後嚟多個馬拉盞炒通菜, 味道唔會太濃但係炒得好香口🤗🤗🤗. 總括呢間係值得一試再試 性價比好高🤗🤗🤗 真心推介。最後見到隔離枱呢一碟 泰式炸魚 靚到呢想即刻叫番碟😅但係個胃唔爭氣食唔落, 下次一定要試埋佢🤗🤗🤗 終於可以一解我思鄉愁😜😜😜 泰皇閣泰美味加油💪💪💪 店內仲有好多小擺設 小朋友

無得去旅行，天氣又熱好想食泰菜，所以接完朋友收工，就一齊去食，聽佢同事講過話好好食，就一於試下。生菜包味道好夠，肥瘦適中，配料又好夠味，而且生菜仲好新鮮好爽口，夾住食又得，唔夾生菜食又惹味。炸蝦餅，蝦肉好爽口，重蝦味，炸既時間又岩岩好，外脆內軟，唔洗點醬都好夠味，食唔停口。蛋煎得好薄，有好重蛋味，炒飯都夠一粒粒，好分明，炸大蝦好重蝦味，而且炸到連殼食都可以，而且好大份。呢一間總括黎講，抵食夾大件，又好食，地方又坐得舒服一定會再食。

想食泰菜，自然就來到九龍城，今晚揀了食泰皇閣泰國菜館。餐廳長方形，座位都很整齊，裝修帶濃厚泰國風彩。餐牌厚厚的一本，不過我都是揀了平時愛食的菜色。明爐青檸蒸盲鰽明爐青檸蒸盲鰽，面上有芫茜、青檸檬、辣椒及蒜蓉...等調味及配料。盲鰽雖然比較細條， 但肉質很嫩，帶少少青檸酸的湯汁很濃郁，更帶出盲鰽的鮮味。泰式濕炒牛河泰式濕炒牛河面上有非常多的配料，有介蘭、粟米芯、紅蘿蔔、娃娃菜、西蘭花及秀珍菇...等。牛肉切得較大件，很嫩滑且入味。至於牛河，不是平時見慣的大大片的那款，而是平時食中式河粉的細條的河粉，濃濃的湯汁挂著河粉及配菜，非常的美味，令我食不停口。飛天通菜飛天通菜帶點微辣及爽口，炒得也很入味。燒雞全翼燒雞全翼上枱已聞到燒雞翼的香味，醃得較入味，咬落肉質嫩中還帶肉汁，燒得不錯哦。

今日路經九龍城就決定食泰國菜做晚餐，而我哋就揀咗呢間泰皇閣去懲罰一下佢😂入到去你會見到牆身痴滿好多memo紙播緊一啲好悅耳嘅歌環境唔錯😌甘我地就叫左五碟餸，分別係泰式鳳爪，蛋包鮮蝦金邊粉，燒豬頸肉，青咖喱雞，薄餅同埋馬拉盞炒椰菜苗，樣樣都水準之上好味😋佢個金邊粉唔會話好油好甜唔錯，個豬頸肉食得出佢地用心製作，唔會太咸而且夠林加埋個汁就更加惹味，我地仲叫左2杯西瓜沙冰，杯杯都解渴涼透心😌而且服務員招呼都唔錯，行開九龍城想食泰國菜可以去呢間！

今日同男朋友兩個人去撐枱腳，已經第二次嚟呢間鋪頭。食飯嘅時候鋪頭都用YouTube播一起舉傘。食飯之前同食完飯之後老闆都有問我哋要唔要酒精搓手液，入去之前都有量體溫。呢個青檸牛仔肉真係每次必點，第一次食到咁好食嘅燒牛肉，牛肉中間勁多汁，雖然係燒，完全唔會乾。

九龍城太多泰國菜，沒有特別上網望過邊間推介，逛著逛著就來了這間，門面沒有豪華裝潢，筍簡單單的，另外見到牆上公告，逢初一十五會派齋飯給信徒，善心必讚。我和朋友因早來，不用訂位也不用等就入座，看看餐牌，叫了幾款常吃的泰國菜。炸蝦餅併炸魚餅，基本上所有泰國菜店都必叫，好難會唔好食，因為一定內脆內軟，沾上雞醬，甜中帶咸。鐵板蠔仔煎蛋，不過與其說是煎蛋，不如說是炸蛋，哈哈。但味道別有一番風味，脆脆的蛋包著爆汁蠔仔，不錯的。鹹魚炒椰菜苗，炒得夠鑊氣，夠鹹香。豆腐清湯，有好多粉絲、肉碎、椰菜、豆腐干在湯內，好足料，夠飽肚。

九龍城是好多懷舊懷念嘢睇呢！美食更是多國多種類選擇，價錢有貴有平，是但一條街都很多選擇啊！食泰國菜就非常多選擇，約了朋友交收，順道食下泰國菜，聽說"泰皇閣"泰式燒羊架特別，開始喜愛食羊架的我就要試下了。二人便點了幾味泰國菜~~冬蔭海鮮湯(小)$76好大煲呀！埋相幾特別，不似一般是一碗碗的，泰式味道酸酸辣辣好開胃，有花甲，蝦，青口， 墨魚和鮮菇菌類，再配合泰國香料配料，襯熱飲番碗先。泰式乾炒海鮮河$70好大塊河粉啊！海鮮有蝦 青口和八爪魚，好多蛋絲，入口不算肥膩，炒得好乾身不用點任何醬料味道已足夠。脆肉炒通菜$64通菜爽口再配埋脆肉，少少辣又是開胃菜。泰式燒羊架(2件)$74好大塊呀！差不多有手掌咁大，好特色，外貌吸引金黃色仲有支泰國旗添，味道香濃甜甜哋，同食開羊架有啲唔同，覺得多了份泰騷味😋，都幾特別，一人一件好夠食。泰式燒羊架好好味呀！😀👍

疫情影響下一向人來人往既九龍城泰國菜店都受打擊，但係唯獨呢間泰國菜門口外邊依然有唔少嘅人等位！好彩我哋一早訂咗位黎到只係等左一陣就即刻有位！而店內仲貼滿打氣嘅便條貼💛一向基本有既泰菜款式呢度都有，未食之前都留意到隔離枱每一道菜色都有花心思裝飾過先拎出黎上菜！開始之前我哋叫咗泰式生蝦刺身同埋螄蚶做頭盤！生蝦 🦐 的擺設十分有心思，充滿泰國風情，食落口沒有雪味，夠爽口，配埋旁邊嘅蒜蓉辣椒同埋特製醬汁，開一開胃！而螄蚶都處理得好好，冇腥臭味👍🏻蝦醬炒飯 🍛 黎到已經聞到陣陣蝦醬味道，炒飯炒得夠乾身，仲有鮮蝦做配菜串燒拼盤 🍗 我哋叫咗雞腎同豬肉，出面泰菜較少可以選擇雞腎串燒！肉質爽脆，食落去有啲似牛舌，配上自家製的沙嗲醬汁，非常惹味。食完主菜再配上杯芒果沙冰作為甜品，飲得出係呀芒果新鮮打出嚟嘅沙冰！沒有開粉的化學味道🥭！

早幾日已經book左枱 疫症無咁嚴重下有個小飯局大家都想抖下氣 (呼....)星期五晚7:00pm準時入座門外都有幾堆Walk in客人排隊等候心諗 成條街得呢間舖係有人排隊 果然係真香港人店👍🏻店內環保比較迫 差不多椅背都貼椅背牆上都貼滿 「黄 字句」同連儂牆雖然店內員工姐姐得兩三位 但上菜速度都正常👏🏻我地6個人嗌左12樣野食🤤🤤🤤每樣都不錯👍🏻👍🏻👍🏻唯一生菜包比其他餐廳味道不同 食落有陣香料辣味像川菜🧐芒果沙冰有薄荷味😮最好食係咖哩蝦 配薄餅同蒜蓉包一流大約食到9:30pm 門外仍然有人排隊建議想食就早少少book定先😛

食泰菜當然要去九龍城，皆因選擇多，水準又唔差。今日來到九龍城食泰菜，有數間之前吃過了，這次就試一試黃店泰皇閣啦。今日係平日，入座率都有九成，都幾多客支持。餐廳不算大，多人的話會有點迫。一入到餐廳就聽到榮光首歌😳串燒有豬，雞，墨丸和雞腎選擇，一碟有六串，我們選了雞豬雞腎各兩串。串燒份量足，即叫即燒，風味十足，再加點沙嗲醬，非常惹味。雞腎爽脆，正！燒雞全翼同樣岀色，皮脆肉嫩，咬下去非常juicy!!炒飯粒粒分明，以茄汁炒，酸酸甜甜頗醒胃。入面亦有青口，蝦球，魷魚等海鮮，大蝦爽脆。本身是想要蝦醬炒通菜，怎料上錯了蒜蓉炒通菜，反正蒜蓉都唔抗拒，就照食了。通菜翠綠，炒得爽脆，份量亦多。我倆都吃得很飽，非常滿足。

九龍城泰國野多，見到有人龍的店鋪，就排下隊試下如何，店內比一般泰國店更整齊，小店每月都有做善事送齋飯叫了必點蒜溶包: 夠香脆，包夠熱面上牛油都溶了，未入口已聞到蒜香當然還點了傳統生菜包，肉碎是精髓，，中間夾有紫洋蔥絲香茅，清爽生菜口感爽甜配上微辣惹味豬肉碎，一啖入口味道噗鼻，還帶有肉的油脂。飯麵選擇多其中點了海鮮炒乾河，意外地香辣又帶點檸檬酸，食落開胃雖然油多了點，但河粉夠滑，海鮮料，菜和蘿蔔絲都豐富是一碟中上的乾河比茶記牛河更多料有味食完辣野再飲啖芒果沙冰降火真是一流泰國菜有不同香料，要煮得好，都要有咁上下廚技喔這種高水準的好店要多多光顧下~

九龍城，另一個別稱－小泰國，絕非浪得虛明！每次去九龍城食泰菜都唔會失望！食親泰菜點生蝦刺身是常識吧，so fresh😋咖喱軟殻蟹！本身唔知每隻原來每件蟹都有配個蒜蓉包，仲額外點左客，結果外賣左返屋企😖 咖哩味略嫌唔夠鮮唔夠濃，可能我本來唔喜歡配太多青紅椒的咖哩。不過軟殻蟹同包夠脆。Pad thai就好出色，不愧為廚師推介！一上菜就覺得賣相吸引，食落更合香港人口味！酸酸甜甜，唔會太辣，大蝦啖啖肉。金邊粉炒得夠「爽」，唔會黏埋一舊，讚！另外要一讚椰青！熟度剛剛好，用匙羹輕輕一刮，內部椰子肉就甩。椰子水清甜，正！唔小心買多咗嘅蒜蓉包，攞返屋企焗熱食返都好好味😋

呢個時勢居然還要人搭台，其他食客和我們稍有動作就撞到，上菜速度慢，招牌炒飯上到來凍冰冰又濕，還收90蚊一碟，漏單，我們點了單，但隔離台到齊我們還未到，很過份。。。我們求其食碟招牌炒飯就算數唔想再漏單再等

心血來潮想要吃泰國菜，便開車到九龍城，以為疫情下的平日晚上，會不太人多，但泰皇閣依然是滿滿的客人。我點了些每次去泰國也必會點的菜式：泰式肉片炒河以寬河粉與肉片、雞蛋、芥蘭菜等配料一起炒，可以吃出蠔油的回甜味道，也能吃出河粉的Q味，口感十足，很不錯。泰式燒牛肉特別選用美國安格斯牛肉，吃起來無渣爽嫩，加上惹味的泰式酸辣青檸汁，煎得大約8 成熟，吃不停口的一道泰菜。吃這道較辣的燒牛肉，配杯超冰的芒果沙冰，正！炸蝦餅配春卷男友愛炸蝦餅，我愛春卷，這道菜剛剛好滿足我們倆。春卷香脆美味；而炸蝦餅一咬下去，很有蝦味，炸粉外層做得很薄脆，一點也不油膩。總的來說也很滿意，泰皇閣的菜式很有泰國地道風味，絕對一解我心血來潮想要吃泰菜的心癮。

本來打算同屋企人去九龍城食另一間餐廳，點知原來個間餐廳係藍店，即刻轉餐廳!!! 之後係和你eat app入面搵到依間泰重閣就去食啦! 去到見到客人都已經坐到出餐廳就知道好多人幫襯待應安排我地坐係街訪等，最後等左30分鐘終於入得去食啦! 所以大家如果想去食的話，最好打電話去訂位先。叫左好多野食，包括泰東生菜包，夠酸夠辣! 馬拉盞炒通菜同炸蝦餅拼春捲都係正正常常雞肉串燒好juicy，推薦! 豬肉串燒少少乾冬蔭公湯夠酸夠辣，但係有好多辣椒碎碎係入面，飲落口感唔太好蝦醬炒飯好有穫氣，推薦!!食物價錢都係around$70一個，價錢合理又好食，希望大家可以多多支持黃色經濟圈啦!!!