泰發泰國餐廳

營業中

休息中

昨天大約6點幾去咗食，侍應呀嬸不停偷望我地枱面食完未，當時未完全滿座，我地只坐在不夠個半小時。我老公諗住叫埋單時，呀嬸大聲回應：「加單呀？」擺明係度寸寸供，老公答佢埋單，拎完張單放低轉身走。如果你想客有限時就標明唔好做埋啲咁嘅惡行，即係想趕客走。還有尼間店在九龍城有分店，我經常去幫襯的，但竟然話元朗店兩個月唔會有生蝦供應，九龍城一直有，真係匪夷所思！😡😡😡

同女朋友一齊去試咗元朗呢間泰發泰國餐廳大概等咗15分鐘左右啦唔算太耐，我哋嗌咗個馬拉盞椰菜苗，生菜包，泰式蝦醬炒飯同埋佢哋嘅出名菜蒜粒牛肉,生菜包同埋椰菜就辣咗少少不過炒得都好惹味但係呢牛肉就可能我就覺得比較生咗少少比較普通！

香葉辣椒豬肉碎煎蛋拌飯 $52嗌咗小辣，但係食落係中辣🔥，四季豆同肉粒大細差唔多口感一致，亦都唔會好林保留少少脆口。肉碎有紅色同綠色辣椒，好嘢味。亦都加咗唔少九層同櫻花蝦一齊炒。飯上面隻蛋係半煎炸，嗰蛋黃仲係流心。撈飯一流。泰發地道船河 $45🤤🤤個湯底超濃郁，應該係用腩肉嚟煲，雖然見唔到辣椒但係食落都有少少辣。九層塔味亦都好足，面上面都加咗好多新鮮九層塔，仲有通菜。牛肉亦都唔韌，冇筋。餐湯有兩粒冬瓜，原粒蒜，唔係好大碗。但係飲落好鹹，飲咗一啖就放棄咗佢。

Even though this is a not quite big restaurant but it provides quite affordable Thai dishes. The flavor is not bad, n the size of each dish is enough for one person. Since the price is really not high, we can order a varies even though we are just two people!!!We recommend the 椰菜苗, quite special!

我明明19:42分落單，俾我嘅單據係19:52分落單 期間我等咗14分鐘追單一次 果個阿姐態度勁差， 最終等咗差唔多20分鐘！！拎到外賣我只係講咗：「我等咗20分鐘呀！」阿姐：「你想點樣呀，外賣俾咗你嘍，你仲想點樣呀…我同你講對唔住嘍。」態度極其囂張，唔服氣。 大佬，你冇以為自己年紀大，就倚老賣老啊，態度咁差做乜服務業啊，返屋企訓啦，我係過來俾錢食嘢，唔係俾錢受氣架！！試問你哋攞個外賣等20mins，你激唔激，仲咁樣態度

前幾日收工好想食炸蝦餅，即刻諗起泰發😝，大概晚上7:00去到唔使等位。我哋兩個人叫咗木瓜沙律，炸蝦餅，檸檬牛肉。環境都企理乾淨，座位雖然唔係好闊落，但係都唔會覺得太壓迫。店員姐姐都好有禮貌。我最鍾意呢度既木瓜沙律，份量慷慨，$58一座山咁高🤣而且調味啱啱好，唔會太鹹，酸酸辣辣好開胃。兩個人5分鐘已經K.O.一碟🤣炸蝦餅亦都唔使多講，即叫即炸，上到枱熱辣辣好香口。檸檬牛肉話係招牌菜，我哋當然要一試，牛肉加埋蒜片辣椒一齊食，味道幾清新，但我就覺得可以再燒熟啲，咁就再香啲啦。總括嚟講，要講元朗最好食嘅泰菜，我一定推介泰發。

一次極不愉快嘅用餐經歷❌❌❌❌❌🍴檸檬燒牛肉💰HK$129✨推薦指數：8/10燒牛肉真係幾好食，食落唔會太乾身，而且幾大份🍴生菜雞肉包💰HK$65✨推薦指數：-10/10本身有得揀雞肉碎好開心，得同朋友食左兩塊生菜之後，到我拎生菜，發現有兩隻蚊定烏蠅咁嘅屍體係菜度，一隻係中間，另一隻係側邊，咁我梗係叫佢地換！佢地一句對唔住都冇，就話「我換俾你」；佢地換完之後，我又係中間抽塊菜出黎，發現側邊仲有屍體係度，我極度懷疑佢冇換過碟，只係抺走我話佢知中間個隻，再塞返兩塊菜入隻碗度😡咁我梗係好唔敢再食啦，就同佢講我地唔要菜啦，叫佢扣返呢碟嘅錢，佢地本身話好；咁我地就繼續食，食到埋單個陣，第一次張單冇扣到錢，我地同佢講返，佢地第二次扣咗我地$8🤷🏻‍♀️成碟生菜雞肉包$65，佢淨係扣我地$8？？？？咁我地就梗係問返佢點解，佢質問我地有冇食到碟肉碎，有嘅話淨係扣$8（因為碟菜另加係$8，所以扣返我地$8 ONLY😰）What!?🤬我地就同佢理論話，佢本身又唔講係咁樣扣，如果係我地就俾返碟肉碎佢啦😡😡😡後尾佢地先肯扣返俾我地🫠總括而言，食物味道正常，價錢合理，但係衛生同服務態度差到一個點‼️‼️‼️有時菜有蟲我

前排去咗元朗覓食，咁啱想食下泰國嘢，就揀咗呢間由泰國人開嘅餐廳，希望食左當去咗泰國👨‍🍳‼︎-1.泰式冬陰公雞湯河湯底方面：酸酸辣辣亦有魚露提鮮，辣味主要以青辣椒同紅辣椒🌶️旁邊仲有小小車厘茄增酸，雞肉嫩滑但欠缺調味，最後仲有芫荽作裝飾：）-2.泰式海南雞飯🐓飯嘅雞油味好重‼︎湯好清甜醬汁咸咸地辣辣地，雞肉厚實鮮嫩，但都係欠調味，要靠醬汁來調味。-3.特飲龍眼冰+凍泰式奶茶龍眼肉幾甜，凍奶茶嘅茶香味幾重👍🏻

原來元朗泰發搬了鋪在鳳群街，一邊鋪位做BBQ，一邊舖位做泰國菜。今天天氣回暖，同屋企人去食泰國菜先。先來開胃小食，泰式酸辣鳳爪$66，已有一段時間沒光顧，搬了舖位水準依舊保持到，夠酸又夠辣，分量又多，鳳爪爽口入味，最適合幾個人一齊分享。泰式香葉肉碎生菜包$65，是我最喜歡的泰式食物之一，見到滿瀉的肉碎，已經覺得超值，包著生菜吃，味道小辣，加了檸檬葉，夠香又惹味。有生菜清新口腔，不會覺得很辣的，吃得過癮。蟹肉炒飯$65，是相對清淡的菜式，像揚州炒飯一樣，有雜豆做配料，加入蟹肉，增添一點鮮味。份量大，可以同家人一起分享。午市的套餐送飲品，特指定特飲加$8，很抵食。點了雞肉炒河$45，非常有鑊氣，炒得夠香，雞肉是大大粒厚肉，食肉獸吃得很過癮。配料有蔬菜，增加爽口感覺。餐飲加$8選了椰汁冰,喜歡這裏的椰汁冰味道夠香甜，濃而不膩，是真材實料的泰式味道。另點了一杯珍多冰$29，這裏的珍多冰做得非常美味，椰汁夠香，彩色珍多煮得夠淋又煙靭，過足口癮。我們一家都喜歡來用餐，價錢不貴，沒有加一，而且份量非常大，味道也不錯，令人一再光顧。

天陰陰落住毛毛雨，近近地去屋企附近條食街食晏算啦，屋企人話想食泰國野，就去街口間泰發啦。無黎一排，而加隔離個舖都係佢地喎，個邊做串燒小食個啲，正舖就炒粉麵飯，舖細細分流下都好。叫左兩份午餐，再加跟餐小食，屋企人話想食串燒又叫左四串，夠豐富，呵呵！先來的冬蔭功湯河，賣相唔錯嘛，雖然好快到，但碗粉熱辣辣㗎，先試下個湯底先，冬蔭功湯酸甜酸辣辣帶鹹鮮味好正，唔算太辣飲晒都無問題呀。配餸揀左要雞肉，份量都幾多，雞肉大大件無骨。河粉都幾煙韌，連湯食好正。食完碗湯河個炒金邊粉就到，即炒好香喎，份量都唔細。有花生碎，豆干，菜莆，芽菜，蛋花，雞肉等，味道酸酸甜甜幾好味，食到底略微油左少少。等左一陣啲小食就到了，嘩嘩，店家擺到成個小食併盤咁好靚喎，即炸的十分燙口，好熱好熱。串燒叫左兩串豬兩串雞，屋企人唔食牛就無叫牛肉了。串燒肉好大串，燒得香口唔乾，醃過有少許香茅味，點埋個沙嗲醬勁正。另外小食就叫左炸春卷，炸蝦餅同皮蛋讓蝦餅，春卷入面包左芋頭，紅蘿蔔，椰菜絲等，同港式春卷差不多。炸蝦餅超彈牙夾口，正喎，讓左皮蛋又係另一種食法，綿綿的皮蛋心好好味。飲品叫左鹹檸七同椰汁冰，前者鹹鹹地幾好飲，後者好香椰汁味，兩杯

成日係九龍城食泰發，聽朋友講原來元朗都新開，今次經過元朗食lunch，就即刻同朋友去食，由西鐵大商場行過去10分鐘左右，都算方便。 正宗泰國菜的lunch 竟然只係大約50蚊，已經有得食，價錢合理，選擇又多，另外仲有香口小食選擇，比起夜晚更抵食。點了2款lunch，另外單點小食，埋單260，好豐富好飽！海南雞飯 (加$5轉雞脾) $60雞髀肉質鮮嫩多汁，肥美厚肉，份量多，配埋油飯和秘製酸辣雞汁，十分搭配，雞飯送一碗東瓜湯，加上蔥花胡椒煮成，好有泰國街頭風味，加埋晒係神一般的享受。 泰式炒金邊粉 $49鑊氣夠，炒的乾身又香口，用秘製泰式香料調製，味道帶點甜味，口感豐富，用豬肉、芽菜、豆腐乾和韭菜，近似曼谷的夜市風味，唔會太鹹或太酸，地道正宗，值得推介! 肉碎生菜包 (豬肉) $65辣度剛好，炒得唔會太油，豬肉肥瘦剛好，配埋香料和洋蔥，十分惹味，加上生菜包著食，有清新去膩的成效。 泰式生蝦 $86生蝦大隻超彈牙，另有炸蝦頭一齊食，配上蒜片和辣椒絲，點醬有泰式酸辣醬，食落口感微辣，整體滿足。

元朗站📍泰發泰國餐廳-今日去食返個early dinner，5點食黎講都幾早😹二訪呢間泰國菜，呢個鐘數就唔洗排隊✌🏻招牌檸檬燒牛肉（$129)呢個係餐廳推介，等左15分鐘左右就上台，睇落細細碟，但都幾多舊燒牛肉。燒牛肉好嫩，唔會太熟同埋靭，配埋蒜、芫茜、酸辣汁、檸檬汁好開胃，酸酸辣辣👍🏻牛肉底仲有d芥蘭，好爽脆🥬泰式炒金邊粉（$58）金邊粉炒得唔會太濕太淋，口感唔錯，有蝦有雞，配埋花生碎，惹味！泰式炒通菜（$59）食泰國菜點都要食炒通菜，醬汁惹味，少少辣，如果份量多d就正🤤芒果糯米飯（$63）呢個好大碟，糯米飯都5舊😹綠色係斑蘭味，藍色係蝶豆花味，黑色係黑糯米，白色就係普通糯米。糯米飯煙靭，唔會太淋，配埋芒果椰漿一流😋芒果都好香甜🥭兩個人食泰國菜真係食唔到好多款，本來想叫埋生蝦，但女朋友又話飽又話「想」減肥，都廢事叫咁多😹尤其糯米飯咁鬼多舊，其實都食唔晒。如果同多幾多個朋友食就多d選擇🤟🏻環境方面，都算整齊企理，而且我地去個個鐘數比較少人，坐得舒服😌

這間位於元朗Yoho附近的泰國餐廳，舖仔細細但五臟俱全，全部即叫即做，十分新鮮。冬蔭功湯有泰國香料的味道，酸酸辣辣十分開胃，用了大頭蝦，蝦膏比較少，而且辣度不重，比較大眾化。招牌檸檬燒牛肉牛肉表面略燒至變色，中間還帶粉紅，以蒜、泰式酸辣汁拌勻，入口酸甜辛辣，牛肉有咬口，而且唔會騷，味道不錯。菠蘿海鮮炒飯加煎蛋炒飯新鮮熱辣，炒至粒粒金黃色，裏面有爽蝦仁、魷魚、雞肉等配料，用料十足，加上煎至燶邊的荷包蛋，蛋汁流出，非常出色。最後當然不少得啤酒啦！

元朗都幾多泰國菜餐廳，呢間性價比都算高，抵食又好味，而且份量十足，全香港有5間分店，九龍城同屯門都有💁🏻‍♀️青檸名爐魚(烏頭) $159呢道菜用新鮮烏頭炮製，泰式嘅做法係用香茅、檸檬葉同南薑去腥，以上嘅材料再配埋青檸煮成嘅酸辣魚湯，比起中式蒸魚佢會有一種檸檬嘅清爽酸味，同魚肉嘅鮮甜真係好夾，另外火侯都掌握得好好，魚肉十分嫩滑，湯底香濃惹味🤤菠蘿海鮮炒飯 $63完全係水準之上，鮮蝦仁Q彈，菠蘿鮮甜，雞蛋鮮香，紅蘿蔔脆卜卜，加埋果仁同肉鬆，真係啖啖滿足😋珍多冰 $29椰香味勁濃，味道清甜唔膩，而且珍多嘅質感都好爽滑😍

記得平安夜都唔凍 仲揀左熱辣辣的泰菜慶祝🥳🥳 泰國姐姐一齊過聖誕😂😂招牌檸檬燒牛肉 $129燒牛大概5成熟 見到中心仲少許生但滑口 個sauce好夠酸辣！唔記得叫佢小辣….木瓜沙律 $59泰餐必備沙律🥗 好味！ 比外邊的做得普通少少 但我覺得岩岩好 唔會太鹹青咖喱雞 $755件蒜蓉包 $28平心而論 青咖喱係調得好食 但只用上雞髀肉同少量疏菜就略嫌不足🤏 然後等左一陣先到的蒜蓉包 😍 驚為天人！ 新鮮烤焗出黎 好鬆軟 配咖喱食 直係停唔到落黎😆😆 佢做到蒜蓉味剛剛好 同青咖喱配合得天衣無縫 「誰都沒有搶過誰的風頭」😏泰式炒金邊粉 $58點菜時低估左他家的份量🙈 結果叫埋炒粉 合格👍🏻👍🏻飲品珍多冰 $28龍眼冰$28 👈🏻推薦!! Jeng!!埋單$408 無加收10%服務費👍🏻地方係比較細坐得唔算舒服 但食物質素及服務 都非常好❤️ 性價比高會回頭！