泰發泰國餐廳

營業中

休息中

聽到好多人講過元朗都有好多特式地道美食、就去咗搵好嘢食真係太多、周圍行望見這一間泰國菜、聽到朋友講過這間泰發泰國餐廳、係九龍城開到元朗到現在係第四分店🤔、門面綠色好有泰式地道風格、佢嘅每一款美食賣相都睇得吓、比起一般泰式菜都算唔錯、同時又望到店家剛剛第一日新開張☺️新舖張地道嘅味道用嚟做小食、咁有地道美食一定要試吓、泰式魚蛋、小熊泰式奶茶🤭！泰式海南雞飯 $55轉雞髀+$5呢一款海南雞飯望見賣相都唔錯、好有地道風味尤其是海南雞、配埋自家製醬汁就係靈魂、每一件雞肉肉質腍嫩外皮脆口、沾吓醬汁別一般的味道😋、佢嘅雞飯啖啖粒粒雞油香味😙、一啖飯一啖雞真的好正☺️！咖哩椰青海鮮 $148呢一款咖哩椰青海鮮睇得又食得😯、好特別賣相椰青色香味都有、裏面放咗不同配料青口、魷魚、鮮蝦、椰青肉條、整個滿滿咖哩汁送到上枱香噴噴😚、每一款配料沾滿咖哩汁、都好新鮮爽口又惹味😋！辣椒膏炒鮮魷$98呢一款炒鮮魷係用咗辣椒膏幾款配料嚟炒、真的好有地道美食風味🤔、整碟賣相色澤色香味都有😙、食到入口我以為好辣☺️、完全唔辣好惹味鮮魷煙靭帶點腍口、味道好正😋真的唔錯！泰式炸春捲 +$26呢兩款地道小食我最喜歡食、炸春卷外皮薄而脆

泰發泰國餐廳海南雞飯海南雞飯色香味俱全，雞肉經過精心燙煮，肉質鮮嫩多汁，外皮光滑，散發出淡淡的清香，每一口都充滿了雞肉的鮮美，伴隨著雞油的香氣，香滑的米飯，米飯吸收了雞湯的精華，粒粒分明，口感柔軟。再搭配一碟特製的醬油，增添了層次感和風味，讓整體味道更加豐富，海南雞飯的味道清新而不油膩，讓人回味無窮香葉辣椒豬肉碎煎蛋飯香葉辣椒豬肉碎煎蛋飯，豬肉碎經過香料的調味，肉質鮮嫩，帶有香葉的清新氣息，辣椒則增添了微微的辛辣感，每一口都能感受到豬肉的濃郁與香葉的清香，煎蛋的外層金黃酥脆，內部則柔滑嫩口，香氣四溢的豬肉碎，米飯吸收了肉汁的精華，粒粒分明，有香氣也有口感泰式拼盤豬肉串豬肉串的肉質鮮嫩，經過炭火燒烤後，外層微微焦脆，散發出誘人的香氣雞肉串雞肉串肉質柔軟多汁，烤製出來的雞肉散發著香味，外焦內嫩炸蝦餅炸蝦餅外酥內嫩，蝦肉鮮甜，爽口彈牙，咬下去時會感受到濃厚的海味，口感更加豐富春卷春卷的外皮薄脆，內餡通常由新鮮的蔬菜和肉類組成，口感清爽，最喜歡的一個小食炸皮蛋炸皮蛋外脆內滑，口感獨特，醃製的皮蛋帶有淡淡的鹹香，炸後的香氣四溢椰青椰青的味道清新而甘甜，帶有淡淡的椰子香氣，口感滑順，入口自然的甘甜

**椰青咖哩海鮮**。當我輕輕撥開椰青的外殼，濃郁的椰香與咖哩香氣瞬間撲鼻而來，讓人垂涎欲滴。海鮮的選擇非常新鮮，蝦、和青口都被咖哩醬汁包裹得恰到好處，肉質鮮嫩，與椰青的清甜相得益彰。**蒜蓉包**，這道小吃讓我感受到了一種家的溫暖。蒜蓉包的外皮金黃酥脆，散發著香濃的蒜蓉餡料。當我咬下去時，蒜香四溢，搭配著微微的鹹味，讓人忍不住一口接一口。小吃的魅力在於它的簡單卻又不失精緻，讓我在享用的過程中感受到一種幸福的滿足感。**馬拉盞炒通菜**，馬拉盞的香氣獨特，帶有一絲微辣，與通菜的清脆口感相得益彰。每一口都讓我感受到馬拉盞的濃郁與通菜的清新，這道菜不僅是對味蕾的挑戰，更是對食材本身的尊重。炒至剛好的通菜，保持了脆嫩的口感，**魚露雞**雞肉經過魚露的醃製，散發出獨特的鮮香，肉質鮮嫩多汁。每一口都能感受到魚露的鹹香與雞肉的鮮美交融，讓人回味無窮。這道菜的調味恰到好處，讓人感受到食材的原汁原味，並且不會過於油膩，讓人吃得心滿意足。

今晚同班friend去咗試吓元朗呢間泰發泰國餐廳，聽講係九龍城老字號開過嚟嘅分店，果然無令人失望！門面係泰式地道風格，未入去已經feel到濃濃泰國風。叫咗幾樣招牌菜，每樣都勁有驚喜！首先必讚嘅係鹽燒盲鰽魚（$148），魚皮燒到金香脆口，用筷子一篤開，白滑魚肉啲蒸氣湧出嚟，蘸埋特制辣醬汁，鮮味爆炸！跟住個芒果蟹肉炒飯（$72）簡直係神來之筆，芒果清甜蟹肉絲足料，炒飯乾身唔油膩，撈埋腰果食口感層次超豐富。泰式濕炒海鮮河（$69）鑊氣十足，大蝦、青口、魷魚鋪到滿滿，河粉索晒啲微辣茄汁醬，啖啖都係海洋鮮味。馬拉盞椰菜苗（$75）炒得夠鑊氣，馬拉盞鹹香惹味，菜苗嫩無渣，忍唔住扒多幾啖飯！燒雞全翼（$20/隻）睇落普通但食落驚艷，蜜糖燒烤醬燶邊得啱啱好，咬落去肉汁四濺。整體份量足料，四個人食到捧住肚都係$404，抵食指數爆燈！環境乾淨冷氣又夠。以後想食高質泰菜唔使走出市區，元朗呢間會encore！

🌟泰式拼盤泰式皮蛋養蝦餅外脆內嫩，皮蛋的細膩與蝦餅的彈性形成對比，味道鹹香中帶有皮蛋的獨特風味，搭配海鮮的鮮味。泰式自家製炸春卷外皮酥脆，內餡豐富，咬下去有層次感，香脆的外皮與新鮮蔬菜的清香相結合，搭配甜辣醬，增添風味。泰式炸蝦餅外酥內軟，蝦肉的彈性十足，口感極佳，蝦的鮮味濃郁，配上香料的香氣，令人愉悅。泰式豬肉串燒肉質外焦內嫩，口感豐富，搭配香料的香味，豬肉的油脂與調味料的鹹香相結合，帶有微微的甜味，讓整道菜更加美味。🌟青咖喱海鮮青咖喱口感醇厚、滑順，湯汁濃稠，與海鮮的鮮味相融合，清新辛辣的香氣來自青咖喱醬，帶有微微的甜味和香草香氣。青口肉質緊實，鮮嫩多汁，吸收了咖喱的味道，海味濃郁，與咖喱的香味交融，增添深度。魷魚柔軟而有彈性，易於咀嚼，魷魚的鮮味與咖喱的香氣相得益彰。蝦就鮮嫩多汁，煮至剛好熟透，不會過老，蝦的鮮甜與咖喱的辛辣形成對比，令口感豐富。青豆脆嫩，清新的豆香與海鮮的濃郁味道相互平衡，提供清爽感。紅椒甜中帶微辣，增添了菜品的層次感。🌟泰發炒飯米飯粒粒分明，柔軟而不黏，能吸收其他食材的味道。臘腸外層微脆，內部柔軟，咀嚼時釋放出肉汁，鹹香濃郁，帶有煙熏味，為炒飯增添獨特的風味。

泰發泰國餐廳元朗鳳群街2號年發大廈地下3-4號舖睇地圖以為好偏僻 原來yoho mall行落去就係主要都係做街坊 好多學生都有光顧冬蔭功明爐烏頭泰國經典冬蔭功湯底燒烏頭 魚肉質鮮嫩，搭配濃郁的冬蔭功 帶有酸辣的香氣 另外比兜冬陰功湯你 唔夠再加 明爐的烹調方式更能保留魚肉的鮮味，並增添了微微的煙燻香檸檬燒牛肉一道清新爽口的菜式，牛肉經過精心醃製燒烤後外焦內嫩檸檬的酸香使整道菜更加清新平衡了牛肉的油膩感 酸甜醬汁 撈埋一齊食

九龍城果間泰發泰國餐廳之前寫過話係個人最鐘意既泰國餐廳，原來除左係九龍城有得食之外，原來元朗同屯門都有得食。元朗泰發泰國餐廳雖則舖仔細細，但係都坐到20人，睇落餐牌同九龍城幾乎係一模一樣。菠蘿海鮮炒飯好似係去泰發都一定會點既菜，今次菠蘿海鮮炒飯既配料魷魚就非常之有驚喜，唔知點整可以整到完全唔韌，仲要好腍，同平時食既魷魚好唔同，$65碟菠蘿海鮮炒飯真係超值！得一碟菠蘿海鮮炒飯唔係好夠既，再嗌一個餸黎送飯就岩岩好，想有菜又有肉，燒豬頸肉生菜包就一次過可以滿足哂兩個願望！燒豬頸肉大大塊，酸酸辣辣好開胃好有泰式風味，送飯一流！

因為地點方便，泰發都係我家常到飯店之一。是晚又嚟食泰國菜，八點來到都仲有好多人等位，等咗半個鐘頭先有枱。冇辦法啦，泰發啲嘢又平又好食，仲要冇加一添😋⭐菠蘿海鮮炒飯先來個菠蘿海鮮炒飯，有魷魚、大蝦、雞肉、三色豆、菠蘿等同炒，上面仲有豬肉鬆同腰果粒，大大碟炒得又香口，正！⭐冬陰功湯再叫咗個細嘅冬陰功湯，細size係二至三人份量，我哋兩個人飲都每人有兩三碗，份量其實唔算少。入面有大量香茅、雜菌、大蝦等，酸酸辣辣，開胃又刺激😆⭐魚露雞半隻仲叫咗半隻雞，雞肉嫩滑唔錯呀，點埋個秘製醬汁更好味，個醬汁酸酸辣辣重蒜味🤤⭐招牌檸檬燒牛肉最後就係燒牛肉，意外地大份囉，牛肉五成熟左右，有牛香又軟嫩，檸檬醬汁酸酸地夠清新，上面仲有唔少蒜蓉同辣椒，加埋新鮮切嘅蒜片，嗰個辛辣味好正呀！其實小店只有20個座位左右，經常都全店滿座㗎，食到九點幾都仲有人等緊位，犀利👏

泰國菜係香港人好喜愛嘅一個菜式，今日響元朗工作，收工同事帶我嚟太發泰國菜館，一間好好食嘅泰國小店，坐低睇餐牌短短幾分鐘嘅時間，都不停聽到外賣落單，街坊生意都唔少同事二話不說，點咗酸辣鳳爪食先，酸辣汁嘅調教真係好好，汁呢樣嘢其實就係酸辣鳳爪嘅靈魂所在，如果個汁調得靚，就好似而家咁，真係越食越開胃，配料又多又大份，抵食夾大件我好鍾意飲冬陰功湯，所以都叫咗一個細嘅，以份量嚟計，細嘅都可以夠四個人，每人有一碗，個湯真係夠晒濃夠哂香，酸甜味非常足夠，我自己覺得可以多少少辣，但而家都已經好好味，大蝦非常彈牙又鮮味同事話要食多啲菜，所以分別點咗馬拉盞炒通菜，同埋生菜包。泰國菜館總係有靚嘅通菜，同埋炒菜嘅功力，呢度都唔例外，條條菜新鮮菜翠綠，用油又唔多，但係炒得好爽脆，蝦米粒又好好咬口，馬拉盞冇落太多鹹味啱啱好！最搞笑係生菜包，同事諗住食少啲肉，點知原來生菜包嘅肉碎好大碟，仲要炒出嚟非常惹味，所以大大羹咁樣包落去生菜入邊，真係非常滋味用得自己舖頭名命名嘅炒飯，應該係有啲特色，所以我叫咗泰發炒飯，上菜時已經聞到好香，原來有泰國臘腸，芋頭粒，肉碎，雞蛋絲，蔥粒，蝦米粒咁多樣材料，飯炒得好乾身粒粒飯好入味，

魚露雞 ($88)呢道菜用咗濃郁嘅魚露醬，雞肉質嫩滑，味道咸香入味，配上新鮮香草，令整體味道更加豐富，真係一試成主顧！冬陰功湯細 ($68)呢道冬陰功湯非常正！湯底酸辣適中，仲有蝦、香菇同埋新鮮嘅香草，令人一飲就停唔到口，絕對係泰式經典之作。明爐盲曹魚 ($159)呢個盲曹魚嘅味道好豐富，配上特製嘅泰式醬汁，味道酸甜可口，魚肉新鮮得一流，食落去真係好滿足！飛天炒芥蘭 ($63)呢道菜嘅芥蘭炒得剛好，保持咗脆口感，搭配泰式魚露，味道清新可口，非常開胃，真係一個好嘅配菜。整體嚟講，呢間餐廳嘅菜式真係充滿泰式風味，材料新鮮，無論係味道定係擺盤都讓人驚喜，值得推薦！

檸檬燒牛肉係我最愛嘅菜式，每逢去到泰發都會點今日去完元朗玩之後就去咗呢間泰國菜除咗食檸檬燒牛肉之外，另一個我最鍾意嘅就係生菜包，但係今次有少少失望因為嚟到嘅時候兩樣餸都唔係好夠熱我都係會鍾意去返九龍城嗰間食

👨🏻‍🍳泰發泰國餐廳 (元朗)📍元朗鳳群街2號年發大廈地下3-4號舖 「幾正宗既泰國菜🤤」 另一間分店就系對面🤣價錢中等，又好食，街坊食堂了。 👍🏻🍽️肉碎生菜包 （豬） $69超正宗超惹味！！半肥半瘦肉碎，每啖都有D脂香，生菜超Fresh超脆！！連底下生菜都食埋😆😋😋 🍽️飛天炒什菜 $63略嫌芥蘭有小小生🙈同埋菇吾系好夠味 👍🏻🍽️蝦醬炒飯 $65足料夠味，入面仲有臘腸😻幾特別，又吾會太咸。飯上蓋有肉鬆煎蛋，成個飯都好香口好惹味👍🏻 👍🏻🍹椰汁冰 $29重奶😋😋甜度都系我中意的🤤勁勁勁好飲！！如果天氣再熱D，可以轉椰汁沙冰。 員工服務都好好，就算幾忙，比客催單，佢地都好有耐心安撫客人❤️ #泰發泰國餐廳 #泰發 #元朗美食 #arigato_元朗 #肉碎生菜包 #蝦醬炒飯 #椰汁冰

嚟到雞地食飯原本諗住食第2間 但因為冇位就求其揀咗呢間可能冇乜期望 所以覺得都幾驚喜地好食🤤1. 雞、豬串燒唔醮汁都好好食～唔會燒到好乾，啲肉仲係好juicy🥹醮埋沙爹汁仲正😎2. 馬拉盞炒通菜好惹味，通菜唔老！3. 乾炒牛河普普通通 好食嘅但唔突出可以唔使特登試4. 黃咖喱豬頸肉個咖喱汁超正🥹好濃郁～同埋好多蛋🤤豬頸肉都好淋～送飯一流！未食完已經同男朋友諗定下次要叫咩🤣真係冇諗過呢間毫不起眼嘅小店原來咁好食！

今日喺晏晝時段過咗嚟元朗，心血來潮好想食泰國菜。去咗呢間泰發當時大概兩三點，舖頭冇乜人午餐餐牌嘅嘢唔係太啱食睇主餐牌最後叫咗個馬拉盞椰菜苗同埋豬肉肉碎生菜包兩個菜都有少少辣，但係真係微辣就算唔太食得辣嘅人士都可以一試豬肉肉碎生菜包份量好足，好大碟肉碎$69一碟絕對對得住個價錢但係馬拉盞椰菜苗略嫌份量有啲細碟$75呢個價錢我預期份量會多少少不過整體嚟講呢兩碟餸都好惹味係泰國人師傅煮，因為今日只係叫得兩個餸都仲會期望下次再嚟開附近，可以再嚟試吓其他餸菜嘅～

等位等得耐因為佢實在地方淺窄！但見咁多人食同排隊就即管一試！最後來來回回等咗約一個半鐘最終改叫外賣反屋企食舒舒服服啲好過是次叫咗四樣嘢辣椒膏炒大蝦冬陰功湯馬拉盞雜菜海鮮炒飯總共$360 首先個冬陰功湯味道係OK嘅，係偏辣，除咗個蝦啲肉好霉，但心諗個價錢都唔會比新鮮嘢您應該叫做正常操作之後試個辣椒大頭蝦$159 諗住唔會好似個湯啲蝦咁啦，點知原來係一樣其餘全部餸啲材料，都係好唔新鮮然後就沒有然後了就咁就中咗伏