泰然 (長發廣場)

營業中

休息中

第一次食泰菜,發現呢度既晚餐好抵食,兩個人可以係特別餐牌到選3款菜式,都只係268元。我叫左軟SHELL蟹黃咖哩麵包,蟹炸到金黃香脆,滿滿既黃咖哩醬沾上烘到香噴噴既麵包,真係一流。而個海鮮菠羅炒飯有多款海鮮,用新鮮菠羅炒,甜甜地,開胃呀!而泰式蒸魚好味道,原條既魚有好多唔同既香料同埋肉碎,正呀!魚肉結實!我叫左個鮮甜大粒既椰青,朋友就叫左可樂。我地埋單都唔洗330元,真係抵。如果多D人來可以叫多幾款菜式。

泰國菜🇹🇭好似近來都無食過，心思思不如揾下屋企附近有無😅上網見到青衣長發廣場有一間裝潢幾靚既泰國菜，喺葵芳新都會門口又有巴士直達🥳咁方便就去試一試。我搭九巴44M去到總站就係長發廣場，餐廳喺商場地下嗰層，面積都幾大，有好多好多卡位外空間仲好寬敞舒適😍環境真係令人放鬆放鬆。泰式海生蝦（6隻）$88 好有心思👏🏼👏🏼6隻蝦分別用6隻小杯掛住，分二款醬汁😻蝦肉大隻爽身，中間夾住一片蒜頭同辣椒，沾上醬汁後更有提鮮既感覺❤️小食大拼盤$148我習慣照小食拼盤，因為樣樣都可以試到☺️我最喜歡蝦餅，厚身又彈牙😋泰式魚餅滿滿香料味道，層次比較豐富，雞翼炸得酥脆肉質嫩滑，串燒分別係豬同雞，這個就正常發揮。春卷好似係素菜（唔肯定），都幾好食，香葉包雞就略為乾左少許。整體黎講都係不錯的。酸辣鳳爪沙律$68不得不點😍真係有點驚艷！先講份量一份差不多有成15隻鳳爪，拌有大量蘿蔔絲洋蔥芹菜蕃茄，驚艷在於佢既甜酸味道調較得相當好，甜味酸味好平均，大讚❤️香芒軟殼蟹米紙卷$78哇！好大件呀⋯⋯除左軟殼蟹大件連芒果都大大件，而且仲好甜😍米紙包裹住青瓜絲蘿蔔絲同檬粉，夾埋芒果同軟殼蟹，不用沾醬汁都已經好好食🥳冬蔭功海鮮湯$10

🌸青衣泰國菜🌸泰然🍽青衣從此也不再是美食沙漠！想吃泰國菜不一定要到九龍城！今天我便相約好友到了青衣一間主打高質滋味泰國菜的餐廳-「 泰然」品嚐是日晚餐❗餐廳鋪面寬敞，裝修精美，充滿泰國風情，座位寬敞舒適，有精美簡約彩繪特色牆及藤製吊燈點綴❗店員十分親切殷勤有禮，店員細心為客人下單及不時收拾碗碟。我們一行2人點了以下餐點：1️⃣🌟小食拼盤（大） $148小食拼盤有多款泰式風味小食，當中包括足料彈牙的炸蝦餅、外脆內軟的春卷、惹味沙爹的串燒、黃金香酥的炸雞翼、香嫩香葉包雞肉及滋味彈牙的魚餅。各款小食也非常滋味，口感香酥彈牙，非常足料！配搭滋味泰式辣醬及沙爹醬，配搭豐盛滋味❗2️⃣🌟冬蔭功海鮮湯 $108冬蔭公湯即叫即製熱炳炳，以小火爐座熱上菜，海鮮湯的海鮮配料非常之豐富，當中包括鮮香肥美的鮮甜大蝦、開胃蕃茄及香菇等，味道酸酸辣辣，辣而不燥！十分開胃滋味❗3️⃣🌟焗黃咖喱麵包軟殼蟹 $168這款菜式份量十足，上層為肉質肥美爆膏的香脆軟殼蟹，軟殼蟹外脆肉嫩，配搭香濃幼滑的惹味黃咖喱及外脆內軟的特厚麵包，賣相精美，味道帶點微辣，十分惹味❗️4️⃣🌟蕉葉烤焗烏頭 $108蕉葉烤焗烏頭即叫即焗，以清香蕉葉盛載烤焗，份量

今日喺青衣行完山攰攰地經過長發商場見到有間是是正正嘅泰國餐廳外賣自取仲有折扣我哋叫咗幾款嘢食外賣試吓冬陰功海鮮湯$108係酸味十足嘅冬陰功辣味尚可 適合唔太食得辣嘅人海鮮好足料 香芒軟殼蟹米紙卷$78外賣返到去軟殼蟹仍然維持脆卜卜芒果夠熟好甜配埋泰式醬汁 酸酸辣辣 食唔停口超級推介大家試試鮮蝦炒金邊粉$78味道正正常常 鍾意面頭落咗好多炸蒜粒食起嚟香口嘢味 唔會好油 調味啱啱好馬拉盞炒通菜$58估唔到份量都好足夠通菜炒得青綠爽脆 蒜蓉味好香濃 份量落得恰到好處整體來講今次外賣質素好滿意其實呢間餐廳嘅環境睇落都好舒服企理座位非常闊落有機會都會試試佢哋嘅堂食

今日山長水遠去青衣揾朋友，朋友緊係要介紹下區內嘅美食啦，佢呢個地膽就帶左我去食泰國菜啦。餐廳面積幾大，座位分隔有足夠距離，卡位闊落，坐得舒適又安心。裝修簡約，光線明亮。餐牌有好多食物選擇，花多眼亂，選擇困難嘅我諗左一段時間都未有決定，待應好細心，馬上過來介紹一啲受歡迎嘅菜式，態度好好。西瓜芝士沙冰，西瓜微甜清涼，炎炎夏日，呢杯沙冰簡直透心涼。生蝦，上枱好精緻，放係玻璃杯，上邊有蒜頭，辣椒，仲有橙色同綠色嘅辣椒汁。生蝦好乾淨，蝦腸被除掉，蝦肉爽口，好食。肉碎生菜包，熱辣辣肉碎，帶點微辣，加埋清爽生菜包住食，好夾。到另一個侍應話大受歡迎嘅菜式，就係焗黃咖哩麵包軟殼蟹，成隻軟殼蟹放喺麵包上邊，好大份，黃咖哩又香又唔辣，沾滿咖哩汁嘅麵包食落好軟熟。由於麵包太大份啦，如果有更多咖哩汁就更完美啦。地膽朋友果然好介紹，滿足到捧住個肚。

今天和朋友到青衣吃泰國菜，這間舖頭嘅裝修好友泰國風情，坐得好舒服，感覺好似去咗泰國咁，食物嘅價錢都好合理，亦都好抵食。佢有二人餐，四人餐，和六人餐選擇，價錢都好抵食，仲可以揀好多款唔同嘅泰國食物。 我同朋友就揀咗二人餐嚟食。二百幾蚊，就可以叫咗咁多嘅泰國特色食物，影真抵食，不但賣相靚，味道都唔錯，好有泰國風情味。仲要食到好飽。呢個去骨海南雞，味道好好食，雞好滑，有入口即溶嘅感覺，再配上佢秘製醬汁，好有迴響。仲有佢呢個菠蘿海鮮炒飯，用料非常豐富，份量都好多，又有好多嘅海鮮，味道又好似泰國風味，食到我哋唔停得口。豬頸肉，燒得好香脆，非常爽口，有好香肉汁味，真係好值得推介。仲有原隻椰青飲，非常之滿足。

咁岩今日去開搵青衣朋友，佢介紹左呢間泰國菜🇹🇭抱住一試無妨的心態就去啦😊4個人叫左個4人餐，再加$68叫左個冬蔭公湯😍每碟份量幾大份，冬蔭公湯好足料，酸辣度啱啱好👍鐵板蠔仔炒蛋呢個意外地好食😋炭燒豬頸肉同生菜包都正正常常，OK 好食嘅，不過冇乜驚喜。最驚喜係招牌黃咖喱麵包軟殼蟹 👍👍👍呢個大推！！！！首先份量好大份，睇見賣相都好吸引！軟殼蟹唔會炸到乾哂，仲有少少濕潤。麵包沾滿咖喱汁真係超級正！呢個真係冇介紹錯🤩而且飲品仲有半價，超抵～估唔到青衣竟然有咁好食嘅泰菜～

唔通青衣沙漠終於有啲特別少少嘅餐廳？！.去遠少少嘅長發商場，其實無青衣城咁一式一樣，有細舖有小店，今次睇到呢間環境都算唔錯，就入去試試！.1️⃣炭燒豬頸肉（$78）炭烤焦香味都有，大約十塊左右嘅分量，點埋酸辣汁好開胃🐷美中不足嘅係佢唔係用之前啲圖嘅炭爐仔上.2️⃣雞豬沙嗲半打（$88）雞同豬各有三串，肉係飽滿，燒烤味就豬頸肉出啲。沙嗲醬都幾香花生味，肉唔會燒到好乾.3️⃣冬蔭功海鮮湯（$108）一上枱時下面會有蠟燭坐住，keep到熱幾耐！有蝦肉同唔同配料，要讚一下蝦肉係唔霉（雖然基本唔係間間做到）同埋夠酸辣！🌶.4️⃣泰式波蘿海鮮炒飯（$98）本身想食蟹肉炒粉絲但賣晒🥲😤之後試咗呢個，肉鬆、提子乾、波蘿、腰果等配料份量都唔hea，啖啖都食到啲，飯粒炒得分明，份量大，好正常嘅一碟炒飯～.5️⃣泰式肉碎生菜包（$88）店員本身問使唔使加$20生菜，我哋心諗🤣what唔係包埋架咩？後尾原來係小烏龍～any肥個肉碎都炒得微辣，不過炒得乾咗少少，生菜係新鮮好少啡咗/霉咗，爽脆嘅，懶健康嘅我食得最多係呢樣🤪.6️⃣招牌焗黃咖喱麵包軟殼蟹（$168）最打卡able嘅一樣餸！軟殼蟹分成四份啱晒成班friends share唔

咁多人鍾意去泰國旅行，相信係因為泰國比生活節奏急促嘅香港人一個喘息嘅機會。泰然嘅裝修正正帶比人一種悠然自得嘅感覺。一到午飯時間就坐滿哂食客，有午市套餐提供，但今次就想試下主餐牌嘅特式餸菜，於是叫左泰式豬頸肉生菜包& 招牌焗黃咖喱麵包軟殼蟹，飲品揀左椰青&西瓜芝士沙冰椰青非常新鮮，椰肉香滑，椰汁清甜。平時多數係食泰式肉碎生菜包，比較少見泰式豬頸肉生菜包，決定一試。生菜好新鮮，亦有清洗乾淨，咬落脆口，係少有嘅餐廳重視生菜質素，豬頸肉放多少可按個人喜好，大大啖又得，淺嘗又得，但個人建議食生菜包唔好太斯文，一定要食到生菜包住肉先會感受到生菜包嘅魅力招牌焗黃咖喱麵包軟殼蟹一見到就知道好適合鍾意打卡嘅朋友，大大個份量十足，咖喱同蟹好夾，配上麵包中和，最岩幾個人一齊食

一向食開呢間，一個月都最少幾日過去食飯，嘢食不嬲都唔差，但今次食完就失望走⋯⋯ 想特別講個生菜包，真係冇乜檸檬葉同香茅味，好似炒咗碟肥豬肉碎上碟咁滯⋯⋯中間有要求過職員處理，但感覺就係求其敷衍你囉，可能呢日老細唔係度掛🤯

泰國菜裝修唔錯，座位舒適，而且仲好夠大。有散叫、有套餐。我哋揀咗二人餐 $268。有多款美食選擇，當中可揀三款。另外飲品加購半價。我哋揀咗生海蝦6隻、小食拼盤（小）、菠蘿海鮮炒飯、泰式奶茶，、咸檸檬梳打。生蝦刺身一杯杯裝起，賣相幾靚、而且有兩款辣汁。生蝦爽口新鮮。小食拼盤都好豐富，有炸雞翼、炸蝦餅、炸春卷、串燒。炸蝦餅彈牙，點埋泰式辣醬好食😋春卷都炸得香脆、串燒點沙嗲醬非常夠味。炸雞翼香脆得嚟肉質柔滑，真係唔錯！菠蘿炒飯超大碟，有六至八小碗，而且材料豐富。有魷魚🦑、蜆仔、菠蘿🍍、青豆、紅蘿蔔粒、肉鬆、腰果、蟹柳、青口等等。炒得幾香幾好食😋另外蝦醬炒通菜好夠鹹香，飲品叫咗泰式奶茶唔會太甜幾好飲。鹹檸梳打夠解渴！餐廳價錢真係好抵食，食物分量多，質素唔錯。性價比非常高！

今日放假朋友約咗去青衣行街，青衣都有好多大型商場，而且交通都好方便，行咗一陣開始有啲肚餓，即刻叫朋友帶我搵好嘢食，今次佢推介一個泰式餐廳，因為佢成日都去食。🤤泰然 ，地址係担桿山路6號長發商場地下 👍餐廳環境都幾舒適，而且全部都係卡位，裝修俾人感覺好整潔，掂👍冬陰功海鮮湯 108 元，每次去食泰國嘢，我都會飲個冬陰功湯，冬陰功湯味道酸酸辣辣，非常開胃，加上香料嘅配搭好好，食到地道嘅泰國味道，而且材料仲係好豐富，有大蝦，青口，味道香濃，真係好好味。😋明爐花甲鍋 108 元，花甲份量好多，而且每隻都好大粒好新鮮好肥美，每隻都係開口架 👍，肉質細膩仲有啲彈性，蔬菜吸晒花甲嘅味道，更加鮮甜，味道層次好豐富，好值得推介。😋😋😋明爐烏頭 138 元 ，熱辣辣成條魚上枱，又有湯，味道酸酸辣辣，特別惹味開胃，烏頭肉質結實，加上魚肉吸收左香料嘅味道，食每一啖都散發香味，而且味道好有層次，真係做得好出色。👍燒大頭蝦 3隻 78 元 ，蝦燒到好香，而且蝦肉非常新鮮爽口彈牙，入口濃濃嘅蝦膏味道，真係非常好食。😊食泰國嘢梗係要整杯冰沙，又開胃又解渴，而且生果嘅味道又清甜。朋友真係冇介紹錯，兩個人食到好飽，而且仲

街坊系列 – 泰然 💚年紀大機器壞真係避免唔到🥹小編半年前都算成日做運動🫣今次Gym Room Close一Close後😩小編成日月黎都係做一日痛三日😮‍💨老了～------------------------------環境: 位於青衣市中心既巴士交滙處附近🤭地點方便就腳,而且餐廳面積夠闊落🪑座位又多岩岩好放寬限聚🤭好多人都預訂左大枱聚餐------------------------------食物: 生蝦 ($88/6隻) 🦐用左雞尾酒杯上菜😍除左個視覺比較特別之外味道都有驚喜😋有2款唔同既醬汁配搭住生蝦紅色味道酸辣🌶️非常開胃,辣度亦會較為高啲綠色味道清香🫑辣度較輕,更多香草既味道炭燒豬頸肉 ($78) 🥓火喉唔錯🔥燒得外焦內嫰,味道正常無肉羶味鮮蝦金邊粉 ($78) 🍝味道正常,份量非常多🤗岩哂一朋友開心Share海鮮份量都俾得好足🫡絕對係對得住個價錢鐵板蠔仔炒蛋 ($88) 🍳味道唔錯,夠哂鮮味之餘😍隻隻蠔仔都夠哂肥美炒蛋火喉正常🔥成型得黎唔會太老,蛋香都好夠豬手煲 ($98) 🐷味道正常,豬手去哂骨🤗食落方便,啖啖都充滿膠質-------------------------

之前讀中學嘅時候都有去過長發廣場度食嘢😗不過嗰陣就係去掃街食小食 估唔到俾我搵到一間平價泰國餐廳😎.📌香芒軟殼蟹米紙卷 $78每次都必食✨外皮好煙韌 內餡夾住鮮甜厚切芒果肉🥭炸軟殼蟹🦀粉絲, 雜菜絲, 生菜🥬軟殼蟹好大隻好多肉 唔係得層粉 炸得好香脆🤩因為入面有好多配料 所以食落好清爽 仲要凍冰冰 做前菜一流🫶🏻.📌泰式菠蘿海鮮炒飯 $98媽咪好鍾意食呢個炒飯❤️飯粒炒得好乾爽 粒粒分明 唔會好油膩😆海鮮都好足料：青口, 蝦仁, 蜆肉,魷魚, 八爪魚🦐🦑🐙仲加咗啲三色豆, 菠蘿,提子乾一齊炒🥕🌽🍍🍇旁邊仲有啲腰果同埋肉鬆可以撈埋一齊食 口感同味道相當豐富 好大份好抵食🤑.📌去骨海南雞半隻配油飯 $98海南雞係入味嘅 不過個肉質就比較梅 唔係皮爽肉嫩嗰種😢個油飯就做得唔錯 飯粒好有咬口 好入味 唔會好油 好香口仲有少少黃薑味🥰.📌泰國金柚子蝦沙律 $88平時多數都係食泰國嘅木瓜沙律🥗有柚子沙律真係第一次食🫣柚子好juicy 酸酸甜甜都幾開胃😋不過佢撈左啲泰式醬汁落去 搞到味道有啲奇怪😳.📌炭燒豬頸肉 $78豬頸肉好爽口又夠滑 仲好入味 加埋旁邊個汁好惹味🐷但係肉質偏肥 燒完好多油迫左出嚟

今天我去了青衣探朋友，由於疫情關係已有一段時間沒有出來敘舊，見現在疫情放緩，終於可以出來一聚，他的家附近有一間泰國菜，就決定來這裏食，入到店舖地方相當闊落，店員招呼我們坐低，看一看餐牌有很多泰國菜我都很想食，點了一個明爐烏頭，明爐烏頭分量十足，魚的表面鋪滿香茅、南薑、蒜頭、香芹、香蔥及香葉等，烏頭魚熱辣辣出來，魚肉拿捏得很好，肉質很鮮嫩，滲出檸檬香味，口感很好，酸酸辣辣正合我的口味。這個冬陰功海鮮湯，是食泰國菜的靈魂，差不多每次都會點，這個湯望落去很濃郁，離遠已經聞到他的香味，湯底材料豐富，而且落了很多香料，完全正宗地道嘅做法，湯入面有大蝦，魷魚，花甲，湯底鮮甜濃郁酸酸辣辣十分好味明爐花甲窩，花甲十分新鮮入口鮮甜，而且粉絲吸收了花甲的精華，冇得彈這個芭堤雅燒雞，剛剛燒起，雞皮帶有一點微焦，食入口很香，雞肉並不能鞋口燒大頭蝦，精華是他的蝦頭，食一口蝦膏甘香，蝦肉爽口，食材新鮮。還有這個燒雞串和豬肉串，串燒笑得剛剛好，肉嫩，並不乾身這個菠蘿芝士沙冰，食一口濃濃的菠蘿味並帶有芝士香，入口透心涼，真是不得了！