泰灜

營業中

休息中

今日朋友生日，本身想去嗰間餐廳full晒，誤打誤撞之下就去咗呢間泰國菜館。我地兩個人叫咗個鳳爪，朋友好食得辣就覺得好惹味，我自己就覺得好辣，鍾意食辣嘅朋友一定要點呢個！啲鳳爪唔太硬，好容易食。跟住我哋再嗌左個金邊粉，鍾意食酸酸甜甜嘅你就啱晒啦。佢有兩隻蝦，再有啲蛋絲韭菜芽菜同埋花生粒，如果嫌唔夠酸或者唔夠甜的話，側邊仲有青檸汁同埋砂糖，不過我自己就試咗將啲金邊粉點落啲砂糖度，覺得好奇怪。而青檸汁加多少少都冇壞嘅。

Went to this restaurant with my friends at night. We have ordered few dishes. It was quite nice.😋 The chicken feet is yummy. But for those who can’t eat spicy food, this might be a challenge. It’s worth a try tho. The veggie is cooked in Thai style, very nice. This Pad Thai is sweeter than those I tried in Thailand and served with sugar next to the noodles too, quite fun. But the taste is good.Overall, it’s a nice Thai restaurant. Recommended.

佐敦有超多好西食，今日就黎到吳松街既一間泰國餐廳試下。呢間餐廳有兩層，所以都算多位坐既。因為我地好肚餓，所以好快就叫左幾樣野食。酸辣鳳爪沙律：鳳爪分量算多，而且好夠味，我就好鍾意食啦，不過唔食得辣既朋友應該會覺得好辣馬拉盞炒通菜：呢個菜應該都冇得難食到去邊，但呢間餐廳真係炒得好香，而且係勁爽口，唔係炒到淋哂，大推！炒金邊粉：個金邊粉有少少濕，如果可以再炒乾身dd應該會再好味d。味道係酸酸地，仲有兩隻大蝦，幾正。但佢個碟邊除左有花生碎之外仲有糖，唔係好明。撈花生碎就幾好食，不過撈埋糖就覺得有d怪怪地

經朋友介紹又剛巧在附近出沒，決定帶埋屋企人一行四人黎試試呢間泰國餐廳。首先不得不提餐廳個招牌好型，黑色既底色再加Thai in 突出字體，好摩登尤其入黑後開燈後更型格👍🏻 好玩味既感覺。食物方面，我開心share幾個我喜歡又記得相機食先（😂太餓關係，忍唔住）既菜式啦：生蝦刺身：呢個係我喺泰餐必點既菜式，呢度會炸埋個蝦頭上碟，侍應仲好細心溫馨提示我地趁熱食，個蝦頭仲熱辣辣用黎做佐酒小食唔錯🤘🏻（個人喜好：因為對芫茜敏感，呢度位泰肥老闆非常貼心幫我所有order 備註左仲有佢地有既酸辣醬汁都冇芫茜，好好味又開胃👍🏻👍🏻）泰式燒魚：呢間既燒魚都係我覺得值得推薦，佢地燒得好好，唔會太乾身同冇燶味，仲會幾滑身帶juicy ⋯配上佢地既醬汁，成條食清光剩番條魚骨泰式燒羊架： 好juicy 又唔痴牙，size 都正常唔會好細塊（某d餐廳會一塊羊架開二計算的🤭）馬拉盞炒椰菜苗：必點之一，呢度個馬拉盞醬好香但唔算好鹹再加左香口炸蒜，份量都幾足。泰式生蠔：自己係海鮮狂熱份子，生蠔係其中一個至愛。但生蠔就食得多，好少食熟蠔⋯今次係侍應誠意介紹聲稱當晚生蠔唔錯，的確d蠔好肥美配上酸辣醬汁⋯酸酸甜甜非常開胃👍🏻

今日特別想食生蝦，所以就來咗佐敦，其實佐敦都好多泰國菜館，今次等我又來試新野，就係位於吳松街的泰贏，雖然係平日，但都坐滿客人。我今日來既目標很明確，就是要食生蝦，所以第一樣點既就係生蝦。1）泰 · 生蝦(6隻) ($98)生蝦買相相當討好，因為除生蝦外，買有炸蝦頭，蝦肉新鮮肥美, 可以配以辣椒、蒜片一齊食，也可以點附上既醬汁來吃。2）劈開椰青見海鮮（紅哩）（$128)椰青裡，放滿了海鮮，有青口、大蝦、墨魚和、帶子和魚塊，配以紅咖喱，紅咖哩汁不算太辣，還帶有一點點甜味，紅咖哩汁的份量也相當多，為了唔浪費這美味既咖喱汁，於是決定叫一個蒜蓉包，要把咖喱汁食完。另外，跟著這劈開椰青見海鮮而來的，是一杯椰青水，原來這是劈開椰青見海鮮內的椰青水，清爽又鮮甜。3）惹味蒜蓉包($38)4 大條超厚的蒜蓉包，烘到外脆內軟，本以為會有濃濃的蒜香味，但發現只有勁牛油，而没有太多蒜香，這可能有代改善。4）泰式炸蝦餅（$78）手打的泰式炸蝦餅，爽口彈牙，上菜時熱辣辣，配甜酸醬一齊食，非常好味。食泰國菜，當然要配泰國啤酒

老公生日，諗左諗右揀咗佢最鍾意食嘅泰國菜。依家餐廳仲有佢最鍾意食嘅芒果糯米飯，將糯米飯變成生日蛋糕"二合為一"，甜到入心啦💕同場仲有泰式生蝦，而且將蝦頭炸到熱辣辣又香脆，正👍各位最好訂位時預定呀！鹽焗魚既肉，好滑而且仲keep住魚味串燒不是最出色的地方，配旁邊小藤籃𥚃既糯米飯先至最特別。不過非常飽肚😅各位諗清楚個肚有幾多位先至好點😂咖哩蟹同燒牛肉就普普通通啦。另外，推介大家試下飲龍眼冰，不是太甜，爽！服務員位位都態度極佳，總算是愉快既晚餐😚

前幾日約咗朋友去佐敦食晚飯 見好耐都冇食泰國嘢 所以就決定去試吓呢間小店 平日夜晚去都會見到爆場 而且都要等位 多人黎食嘅話就最好book定枱啦🌚除咗必飲嘢冬陰公湯之外 小妹平時食泰國菜都一定會叫炸蝦餅 呢度嘅炸蝦餅係幾好食 熱辣辣之餘又唔會好似得粉頭咁 夾埋甜酸醬一齊食就真係一流😆另外亦都試咗佢哋嘅海鮮炒粉絲😆炒粉絲裏面有好多料 鍾意食辣嘅朋友仔可以問店員加啲辣椒醬 食落去層次感都會多咗🤣 另外這裏嘅蒜蓉包都唔錯 值得一試

中午時分打算外賣自取，因為時間不多所以先問了店員需要等多久。店員告知大概10至15分鐘，所以我亦沒有問題下了單，便到附近行街。正常時間回到餐廳，一直在等，外賣也沒有準備好，結果足足等了30分鐘，而我的午飯時間只剩下了15分鐘.....回去打開食物，點了濕炒雞河和肉碎煎蛋飯，濕炒雞河是淡而無味的，肉碎煎蛋就被半兜油浸住豬肉碎，非常肥膩，在剩餘極短的午飯時間要吞下油膩的肉說實在不容易。經過今次經驗，這間餐廳應該不會再去了。

泰國菜既招牌菜非芒果糯米飯莫屬最近因爲有屋企人生日，佢話想食依個蛋糕我先知原來有芒果糯米飯蛋糕，非常適合唔鍾意食蛋糕嘅人👍🏾平時話要提早一至兩日訂，個衰女包當日先話想食，臨時臨急膽粗粗打去問有無一個現貨，又甘岩真係有😍咁就等餐廳落完場6點去拎，去到前面都有兩個人訂左。我哋10個人買左個細既，啱啱好，食得晒！芒果好甜，就算擺左兩個幾鐘先食啲糯米飯都無硬，好好味，又送埋生日牌同蠟燭，唯一啲汁得一盒芒果汁兩盒椰子汁，有啲唔係咁夠喉。

同朋友慶祝生日，揀左呢間泰國餐廳試。點了豬肉串燒，生蝦，馬拉盞椰菜苗，咖哩蟹同蒜蓉多士。而最特別就係個‘生日蛋糕，其實係芒果糯米飯。味道方面除左個芒果糯米飯比較好味外，其他食物味道都係一般般。應該試一次就夠

同事介紹我黎呢間泰灜食泰國菜，話抵食又好味，講完就即刻去左試！午市套餐，唔算多選擇，既然同事介紹我食炭燒豬頸肉個餐，就即管試試佢啦～48蚊個餐，包一碗湯，飯餐，同一杯熱飲。餐飲種類比較少，只有咖啡奶茶檸茶檸水，今次我係叫左熱奶茶嘅，唔算好出色。碗湯都係一般般啦有啲咸，正當我諗緊同事係咪有心fake我黎食嘅時候，個飯終於到喇。講到咁好食，就一黎就食塊肉先！唔係講笑，豬頸肉好厚身好有炭香，而且仲脆脆地，並唔係一早整定晒個隻。調味亦都唔會過咸，而豬頸肉本身嘅油份都唔會令你感覺好膩好漏，燒得剛剛好！雖然我平時少食泰國野，但小店黎講真係超晒班，列入左我心目中最佳燒豬頸肉嘅第一位❤️

家人早早就預佐時間齊齊去吃飯為2位家人慶祝生日🎂🎉🎊原本想去食火鍋放題，但其中一位寿星公我先生唔想打邊炉想去食泰國菜，那唯有我地再去搵，最後俾我地搵到呢間在佐敦吴松街的THAl-ln泰國餐廳😆😆😆我地7個人點佐8個菜，8個菜都好好味👍👍👍值得介紹给喜歡食泰國菜的朋友仔😉😉炭燒猪頸肉、火焰燒春雞、传统咖哩炒肉蟹、泰式鲜蝦金柚沙律、菠蘿炒飯、馬拉盏椰菜苗、泰式大拼盤、惹味蒜蓉包，配埋一杯冰爽的青檸梳打，正呀！😋😋下次再去試埋其他菜😉😉😉

星期六下午時份，在街上行了很久，尋找著食飯的地方，天氣酷熱的情況下，在佐敦街頭上，給我發現了這店。我們一行十多人，等了一下便有位，在餐廳樓上食飯。地方看起來小，但又不錯。然後我自己點了一個芒果糯米飯，一個珍多冰，其他朋友則吃得比較多，前菜，小食，沙津，一切也不放過呢。這家店還有泰式奶茶!我叫的食物等了一些時間才到！個人很喜歡那個珍多冰，其他地方的都是很水，很稀，絕不入流。這邊的珍多冰卻很足料，而且很強味道，絕不似水。這個很讓我驚訝！我很喜歡飲珍多冰呢。至於芒果糯米飯，因為是甜品，所以份量偏細，但也很足料，很大個芒果，飯也很夠甜。這家店的老板也十分幫忙，非常好客招呼，真的很好！

聽媽媽講佐敦都有唔少泰國餐廳，而且都幾唔錯，所以就黎呢度覓下食，發現有間餐廳門口有兩個泰國銅像擺設，出面望個menu又幾唔錯，就決定入去食下喇。/麵包咖哩軟殻蟹 💰188 8⃣點5⃣分麵包既賣相睇落好似軟殼蟹，望落十分足料。 軟殻蟹多肉而且酥脆，配埋個咖哩汁，口感更豐富。 小編覺得麵包先係重點，本身個麵包已經好鬆軟，點d咖喱汁食又係另一番風味。整體真係唔錯。😊😊/Thai-IN虎蝦炒金邊粉 💰108 8⃣分呢個金邊粉外型看似好少，但其實入面d料係實一實，仲有芽菜，蕃茄汁同炒蛋。兩隻虎蝦，都算新鮮，而且外殼好香脆。小編直程連殼食。😋😊另外，佢仲有辣椒粉，砂糖，同花生碎係旁邊，比你因應口味同個金邊粉攪勻黎食。 花生碎絕對係唔錯既‘伴侶’。/ 沙嗲雞肉串燒💰88 8⃣分六串雞肉，四件蒜香包，醃菜，同埋滿滿既沙爹醬。雞肉本身既燒香味已經很不錯，所以個人認為點唔點個沙爹醬都可以。蒜蓉包都好香口，呢個點醬汁反而會更惹味。😍😍/香茅炸魚餅💰88 8⃣點5⃣分四件大大舊好似雞槌咁。魚餅入面有長豆角，香芽，檸檬葉同芫荽呢d配料，可能唔係個個岩食，但係小編就覺得好唔錯喇😋而且又唔會太油膩，食落好有口感。/芒果糯米飯

- 呢間位於橫街地鋪既泰國菜，經常滿左，黎之前最好就預約左先，唔係就要係出面等等到寂寞到夜深架lah~|| -菜色都係由泰國廚師主理，正宗得黎，又會迎合翻香港人既口味去選用食材同烹調味道，真係好有heart😊😊. -地方雖小，但環境卻係唔錯。牆上有簡單的泰圖像同佈置，坐位都大多係卡位既設計，所以都坐得幾舒服，枱與枱之間有足夠既私人空間😊☺️-1️⃣麵包咖哩軟殻蟹 $188 好味指數：9/10十分足料既軟殻蟹😍 炸得好香酥，肥美多肉，索左d咖喱汁黎食真心好正👍🏻👍🏻😋😋😋。麵包入面載住咖哩椰香，洋蔥三色椒同蛋汁等，就咁食又正，點麵包食仲正，好惹味，。😍😍2️⃣Thai-IN虎蝦炒金邊粉 $108 好味指數:8/10 兩隻大隻虎蝦，好酥香而且蝦肉鮮甜，金邊粉炒得黎帶點濕潤，入面有芽菜，炒蛋，少辣，同蕃茄汁味。就咁食個味道都好唔錯。 但佢側面仲有三個調味料，辣椒粉，砂糖，同花生碎，等你因應口味去攪勻佢。（估唔到配砂糖都幾滋味😋😋）3️⃣沙嗲雞肉串燒 $88 好味指數:8/10雞肉串燒 配蒜蓉包 同醃菜，雞肉都幾嫩口，加埋沙嗲醬 ，味道都唔錯。蒜包味唔算重，但一口蒜包，一啖醃瓜，又一啖雞肉，都幾過