泰灜

營業中

休息中

以前喺附近做嘢都會過嚟食午餐，所以都幫襯過好幾次，食物質素唔錯，今次同同事敘舊四個人嚟食可以食多幾款野🤤Book位嗰陣已經order左招牌菜，因為店員話數量有限，所以就梗係叫定先啦。⭐️Thai-IN 火焰燒春雞$188 隻雞都幾大隻，店員上菜嘅時候先會點火，好貼心叫我哋準備拍片，雞肉好Juice，燒得好香，雞皮好薄，唔會好多脂肪。因為淋左少少酒上去用嚟點火所以會有少少酒味。真係睇得又食得👍🏻😋😋惹味青咖喱軟殼蟹$118 呢度起碼有兩隻軟殼蟹，青咖喱唔係好辣，我哋加咗一客蒜蓉包，用嚟點咖喱食，好正！佢個蒜蓉包都唔馬虎㗎，另外我哋嗌左沙嗲雞肉串燒，賣相好靚，原來都有跟幾粒蒜蓉包🤣沙嗲雞肉串燒，大大串，雞肉好滑，食落口啖啖肉，一啲都唔吝嗇！秘製沙嗲醬好鬼惹味🤤Thai-IN虎蝦炒金邊粉$108 隻蝦都好新鮮食落口好彈牙，好鍾意佢個金邊粉入面會加菜譜😋😋椰汁芒果糯米飯$68粒粒芒果好甜，一啲都唔酸，好多椰汁，糯米仲熱熱地，好食👍🏻👍🏻食咗咁多次午餐，終於喺夜晚食一次晚飯，食多咗好多小食，呢餐真係好飽好滿足！如果多人食飯真係建議過嚟佐敦食泰國嘢，咁就可以試多幾樣唔同嘅食物啦😍

五一黃金週梗係要懲罰下呢一間黃店👍🏻💛泰國餐廳入邊有好多唔同嘅泰國菜，但係因為我哋兩個人，所以淨係叫咗一個青咖喱蝦炒飯，同埋六條雞肉串燒🤤個青咖喱蝦炒飯其實幾濃味，不過如果可以有埋肉會更加好。

係佐敦行街，經過見到個餐牌ok, 就入去試下。叫咗個海南雞撈檬，等咗好耐都未有得食，因為餐廳全部人都只係處理緊一張外賣單🙄無人理過堂食既人咁，成間鋪都無人有野食。其實間舖唔大，有3個樓面，都好足夠應付啦......應付唔黎仲要係客面前發脾氣，咁樣係咩玩法。自己混亂，唔熟識枱號，係你既問題，做咩要向客人發脾氣..... 其實幾十蚊一個撈檬連飲品，個價錢係好合理既。個海南雞都幾好食，但係用泰式辣醬做撈檬個汁，有啲奇怪同真係唔夾。

本人對泰國菜係十分熱愛，可惜泰灜既泰國菜就令我略為失望。本來睇到餐廳既門面就俾佢吸引左，滿心期待的，點知幫襯完就後悔了。叫左炸蝦餅，炒牛肉河粉，蟹肉炒飯。蝦餅- 味道正常，都脆既，呢樣算係無咩問題炒牛肉河粉-味道好淡，牛肉好硬，冇味，我食左兩啖已經覺得好麻麻蟹肉炒飯-呢個係3樣入面最差，淡到係完全無味，好似完全冇落調味料咁，同埋都吾係幾覺得有蟹肉。本人都好少會食淨野食，但今次竟然有食淨，本身想大飽口腹，最後失望而回

星期五晚上和朋友小聚，來到佐敦的Thai-In食泰菜，感覺這間餐廳比其他一般泰菜餐廳新潮一點所以決定一試。首先點了一份馬拉盞通菜，泰式通菜的蒜香與馬拉盞的香味十分香濃，正常小菜一碟。之後點了沙爹雞肉串燒和炭燒豬頸肉，來泰菜餐廳必點的食物，都燒得十分香口，配上泰式醬汁吃一流。同時叫了一份其他的泰式小食Thai-In 香茅炸魚餅，造型漂亮，炸魚餅亦十分香脆，咬下去內有一些小菜粒。隨後叫了一些較飽肚的主食，包括泰式蟹肉炒飯和排檔海鮮炒粉絲，份量較大和飽肚但味道則較淡。由於同好友慶生關係，最後叫了一份前兩日已預訂了的芒果糯米飯蛋糕，造型非常漂亮，芒果數量勁多，叫了小的份量仍足夠最少三至四人吃，唯有一點不夠凍，但一定能帶給朋友驚喜。

同老婆難得二人世界，買完野老婆想食泰國菜，就搵搵下見到Thai-In，一於試試佢。睇好menu落單，店員都有親切推介菜式，最後叫左3樣野食：雞沙嗲，面包咖哩軟殼蟹同海鮮炒粉絲。雞沙嗲：咬落juicy，沙嗲汁出色，小驚喜係碟青瓜🙈面包咖喱軟殼蟹：正！重點推介！咖哩汁配埋個包真係不得了👍🏻海鮮炒粉絲：不過不失仲有兩杯飲品：青檸梳打 同 龍眼冰，由於自己平時唔太飲甜，對龍眼冰就一般般，青檸梳打就岩岩好，少少酸，好開胃結論係會返食，多d人可以試多幾款唔同添🤤🤤

推薦指數：🤩🤩🤩雖然限聚令緊都但要出街食下好野令自己開心Ｄ！蒜蓉包超多蒜，岩哂重口味的我！點解嗌蒜蓉包？咁就當然係為左之後的咖哩啦～用蒜蓉包點咖哩真係太正呢個小食拼盤(大) 份量十足! 有蝦餅、春卷、雞亦！蝦餅好好食，夠哂彈牙脆口，推介！呢個紅咖啡椰青焗海鮮，一上木台已經香噴噴～紅咖哩味道較濃較香，海鮮都有好多，有蝦、青口、墨魚、魚等等，頭先嗌的蒜蓉包點埋呢個紅咖哩超惹味香口！仲有嗌左雞肉串燒，不過呢個比較一般！雞肉烤得太乾，無哂肉汁～同埋無得雙拼／三拼串燒有Ｄ可惜～呢個青木瓜沙律超推介～份量夠大，味道調得岩岩好！辣得黎又帶酸，好泰國地道風味！

之前經過見到呢間泰菜都幾多人食，今日機會黎喇！要試一間泰國野掂唔掂不外乎試炒金邊粉、煎蛋肉碎飯個幾味，我個肚呢一日想食飯多d，所以揀左煎蛋肉碎飯！$53包杯野飲，泰國野黎講都算抵喇！碟飯黎到面前，賣相幾好！個蛋煎得幾像樣！肉碎都炒得好香，份量亦都夠！好味，成碟清晒！今日16/4帶埋朋友去食個午餐，我叫既金邊粉都好食！海南雞望落都幾OK，對食都幾有要求既朋友都食晒成碟，咁應該係幾好味😂另外一個朋友叫左豬頸肉冬蔭公湯河，賣相好靚咁，朋友話都幾正！順帶一提，呢度有得訂芒果糯米飯蛋糕！呢間野仲貼住話酒店同業有85折總結 : 平靚正, 一定會繼續支持!

喺ig見到有人介紹依間泰國菜，之後喺openrice訂位，之後有人打嚟confirm booking，依個比較少餐廳做到，而且服務態度仲好好添，真係要加分啊！首先講吓個生菜包，佢用個花盆兜裝住，我覺得好特別，睇落去好似好新鮮感，啱啱係個泥土摘出嚟咁，肉碎有一浸檸檬草味，味道比較酸啲，食落去味道都好清新。然後青咖喱軟殻蟹味道幾好，配菜都好足夠，不過蒜蓉包就比較硬身啲，都唔係好夠蒜蓉味，最後食咗個甜品，芒果糯米飯覺得佢太熱，但係芒果都好甜好好食。飲品方面就都好飲嘅，泰式奶茶比起泰國本地飲到嘅就冇咁甜，可能佢走咗當地人口味，呢方面都見到佢係有啲誠意嘅，而且龍眼冰個味道都啱啱好，第一啖飲落去就比較甜啲，但係本身佢啲冰比較多，所以飲到最尾個味道就變得啱啱好。但係價錢都係略嫌佢貴咗啲，但係喺尖沙嘴來講都算係咁。不過佢服務態度係好嘅，而且staff都好Nice，入嚟嘅時候仲主動俾啲酒精搓手液我哋添。

當日行經佐敦 , 無睇評價情況下求其入左呢個食泰國野入邊格局細 , 約坐到25-30人左右...晚餐時段都差不多坐滿人睇見入邊係泰仔廚師 , 姑且試試等位約5-10分鐘左右有位, 坐低後嗌左蟹肉炒飯 , 泰式炒河, 一個炸蝦餅 , 及少量串燒     等左15min左右有得食先黎炸蝦餅 - 不過不失都香脆 , 味道似返少少泰國食咁 , 但可惜太細舊太少蟹肉炒飯 - $70蚊左右 , 完全唔掂 , 淡而無味, 蟹肉極少,飯份量亦細 , 像甚無加配料炒既揚州炒飯 , 隔離枱情侶都左一碟,都聽到佢地對話講係完全無味,問有無叫錯左 , 此飯最為失望泰式炒河 - 略嫌偏咸 , 係死咸果隻 , 粉似未炒熟 , 配料肉一般忘記了要否加一 , 埋單大約接近300蚊

與閨蜜慶祝生日，主角話想食生蝦，就找到這間泰國菜，見到食評說原來有個芒果糯米飯生日蛋糕可以訂，可惜已經訂了蛋糕了😟早一日打了來訂位，職員說可以早點來放低蛋糕，如果在這吃要收切餅費，不吃都可以影完相拿走。當晚叫了四道菜，第一道：馬拉盞炒椰菜苗，味道挺好，不太辣（本人吃不到辣的），但椰菜苗較大條（不是苗了）。第二道：大排檔海鮮炒粉絲，也是中規中矩， 但大蔥似乎略多了（閨蜜和本人都不愛大蔥），有點浪費了的感覺。😵第三道：豬肉串配糯米飯，糯米很香，而且這個配搭很少見。最後，第四道：生蝦，壓軸的當然是最好的啦，一開始很奇怪生蝦一直都未到，原來是要炸蝦頭😋生蝦夠大隻，而且配了綠色的酸酸的香草味的汁，很特別。吃飽喝醉，到蛋糕上場了，因為買了個公仔型蛋糕，沒有多餘位置插蠟燭，職員很細心地將蠟燭插在一粒自家芒果上送上枱給我們，起初閨蜜還以為是其他客人生日，哈哈，很驚喜吧🤗最後因為吃太飽了，蛋糕決定拿回家吃，職員們還替我們放好蛋糕給我們帶走，真的太細心了💕

今日和友人在佐敦的Thai-In食中午飯。我們點了一湯麵一飯和兩杯熱飲料。店員十分熱情有禮，地方也很大，有小閣樓，但是我們選擇了在樓下就坐。食飯方面：豬頸肉雞湯金邊粉，湯味香濃，清而不油膩。豬頸肉大塊有口感，十分爽口。而且份量十分之多，有點食不完。另一款是馬拉盞通菜炒豬肉飯，份量十足，醬汁香辣開胃而且豬肉大大塊，不會過熟，一試難忘。飲料方面：選了港式熱奶茶和熱檸檬茶，都十分地道。奶茶又香奶味及濃郁茶味

Ordered the Chilli Paste Fried Rice with Shrimps and Stir Fried Rice Noodles before our grand dessert. Both dishes looked very appetizing when served.The Fried Rice was very rich without being too oily or spicy.The Fried Rice Noodles were served with roasted peanuts and sugar and you can mix it with the noodles depending on your choice whether you want it to be sweeter or not.Then come the Mango Sticky Rice, which must be preordered.It was totally a piece of art. The mangoes were all really swee

同好姐妹慶祝生日，無意中發現咗個芒果糯米飯生日蛋糕，就決定來呢間食。門口大量錶位泊車，又照顧到搭地鐵嘅朋友，6人食最後埋單$1140，人頭2百幾唔計壽星女，都幾抵👍🏻當時叫咗7-8道餸，最值得一試就係個火焰雞，蒲一上台，個個手機食先，職員淋咗啲酒係雞身後點火，ig 呃like 必備節目😆，跟住幾道餸都火候十足；到個個飲飽食醉時，蛋糕一上場，壽星女話仲開心過收花，好有驚喜，朋友大讚「好有心思喎」，不過如果幫我哋切埋就仲好😜總結性價比高嘅一間心思泰台👍🏻下次再來試其他野P.s. 老細係中泰混血兒哥哥，好nice 😂

今日難得出街，抖下氣，由太子行到佐敦食晚飯，今日想食泰國菜，所以book定位!今日點左生蝦刺身、柚子蝦沙律、青咖哩軟殼蟹同蒜蓉包!柚子沙律醬汁不辣，味道剛好，不會過酸過甜及過咸!生蝦刺身的蝦頭另外炸過，可以當小食食，難得蝦頭有肉，香脆美味而且不浪費!醬汁有點辣很惹味!青咖哩有香濃椰奶味，軟殼蟹香脆!蒜蓉包香脆，點咖哩汁也很好味!二人食4款已經很飽了，下次再試甜品吧!食物美味，職員態度友善，下次再試其他美食!