影片
更多
2019-09-10
211 瀏覽
經朋友介紹又剛巧在附近出沒，決定帶埋屋企人一行四人黎試試呢間泰國餐廳。首先不得不提餐廳個招牌好型，黑色既底色再加Thai in 突出字體，好摩登尤其入黑後開燈後更型格👍🏻 好玩味既感覺。食物方面，我開心share幾個我喜歡又記得相機食先（😂太餓關係，忍唔住）既菜式啦：生蝦刺身：呢個係我喺泰餐必點既菜式，呢度會炸埋個蝦頭上碟，侍應仲好細心溫馨提示我地趁熱食，個蝦頭仲熱辣辣用黎做佐酒小食唔錯🤘🏻（個人喜好：因為對芫茜敏感，呢度位泰肥老闆非常貼心幫我所有order 備註左仲有佢地有既酸辣醬汁都冇芫茜，好好味又開胃👍🏻👍🏻）泰式燒魚：呢間既燒魚都係我覺得值得推薦，佢地燒得好好，唔會太乾身同冇燶味，仲會幾滑身帶juicy ⋯配上佢地既醬汁，成條食清光剩番條魚骨泰式燒羊架： 好juicy 又唔痴牙，size 都正常唔會好細塊（某d餐廳會一塊羊架開二計算的🤭）馬拉盞炒椰菜苗：必點之一，呢度個馬拉盞醬好香但唔算好鹹再加左香口炸蒜，份量都幾足。泰式生蠔：自己係海鮮狂熱份子，生蠔係其中一個至愛。但生蠔就食得多，好少食熟蠔⋯今次係侍應誠意介紹聲稱當晚生蠔唔錯，的確d蠔好肥美配上酸辣醬汁⋯酸酸甜甜非常開胃👍🏻
首先不得不提餐廳個招牌好型，黑色既底色再加Thai in 突出字體，好摩登尤其入黑後開燈後更型格👍🏻 好玩味既感覺。
食物方面，我開心share幾個我喜歡又記得相機食先（😂太餓關係，忍唔住）既菜式啦：
生蝦刺身：呢個係我喺泰餐必點既菜式，呢度會炸埋個蝦頭上碟，侍應仲好細心溫馨提示我地趁熱食，個蝦頭仲熱辣辣用黎做佐酒小食唔錯🤘🏻
（個人喜好：因為對芫茜敏感，呢度位泰肥老闆非常貼心幫我所有order 備註左仲有佢地有既酸辣醬汁都冇芫茜，好好味又開胃👍🏻👍🏻）
泰式燒魚：呢間既燒魚都係我覺得值得推薦，佢地燒得好好，唔會太乾身同冇燶味，仲會幾滑身帶juicy ⋯配上佢地既醬汁，成條食清光剩番條魚骨
泰式燒羊架： 好juicy 又唔痴牙，size 都正常唔會好細塊（某d餐廳會一塊羊架開二計算的🤭）
馬拉盞炒椰菜苗：必點之一，呢度個馬拉盞醬好香但唔算好鹹再加左香口炸蒜，份量都幾足。
泰式生蠔：自己係海鮮狂熱份子，生蠔係其中一個至愛。但生蠔就食得多，好少食熟蠔⋯今次係侍應誠意介紹聲稱當晚生蠔唔錯，的確d蠔好肥美配上酸辣醬汁⋯酸酸甜甜非常開胃👍🏻唔會覺得太膩
香辣肉碎炒河：我鍾意食辣野，特別要求老闆幫我加辣🌶🌶，正呀～辣得黎唔會好鹹（好多餐廳只會多加辣醬所以會攪到好鹹）但呢度真係加新鮮辣椒炒～ 個河粉炒得乾身又唔會太油。
泰式燒春雞：一個吸睛同不停影相既招牌菜式，侍應會將成隻雞放上檯面，喺我地面前點火再淋上喺雞身，呢個時候個個都忍唔住拎手機影個不停，嘩聲四起～～餐廳好貼心俾我地選擇幫我地切左隻雞或者俾手套自行拆雞⋯我地懶得自己郁手所以搵餐廳幫手解剖⋯加上太飽既關係只係食左一塊就打包拎回家，肉質都幾鮮嫩既。
芒果糯米飯：網上見到好多人post 呢度可以預先order 呢個甜品可以整成玫瑰花款式，可惜我地walk in 入黎，order 唔到⋯不過都叫左一客大家share 試下⋯我本身不愛甜，所以好少食甜品。不過呢款又唔錯，芒果好香又好足料，糯米飯又唔算好糊口煙煙韌韌⋯加上秘製椰汁同粒粒好似綠豆既豆類⋯整體好味又唔算太甜
呢度侍應都好友善，洗手間又乾淨仲要用tempo 紙巾🧻😱😱好有heart 👍🏻👍🏻
絕對值得再光顧既餐廳👍🏻👍🏻
張貼