泰泰

營業中

休息中

本身好喜歡食泰菜，而生蝦同生菜包絕對係我至愛，聽人講有啲名氣，咁黎到當然要試下啦。首先講生蝦，我就覺唔夠新鮮，啲肉都無咩彈性。生菜包控黎講，呢度既生菜包都可以講係非常麻麻，沒有那種惹味既感覺。豬頸肉就好乾，食完係唔覺得有肉味同埋太硬。條魚就煮過龍，好奀，同埋炸完都已經淋晒，無脆口感覺。碟菜就普通，不過相信好難整碟菜會差得去邊。我覺得合格既應該只係鳳爪，送酒唔錯。環境就好逼下，預早兩星期左右訂枱時有講過想留卡位，不過由食飯到埋單都無人坐，但都係唔比我地坐或調位。可想而知呢間店都好唔識得理客人感受。食一次夠了！

喜歡食泰國菜，呢間見有人推介便去試吓，預早一個星期訂位，去到竟然坐門口位，問吓可唔可以換枱，話full唔肯換，其實有另一檯遲過我哋好多，根本可以換見到都多熟客，老闆老闆娘比較喜歡招呼熟客環境不錯，始終新開各樣都好企理，洗手間也乾淨！講返啲嘢食，有些自創特色菜，我們點了一些傳統一些自創菜式。總括來說，這間是新派泰國菜，但是泰國菜做得唔出色，沒有一味菜令我回味價錢亦偏貴，特色菜又唔好味，真是有點被搵笨的感覺！Sorry！唔會再有下次

想吃泰菜，見朋友之前吃過👌就去試下。有訂檯，預留卡位比我哋，坐得舒服。炸蝦餅，樣子有D似兔🐰，好味😋😋底部係脆脆米（唔知係咪咁叫🤣）炸魚餅，都不錯，濃味，大人吃👌，小朋友無吃。柚子蝦沙律，清新好味。蒜蓉炒椰菜，好好味，推薦。海南雞飯👍🏻雞好滑，油飯好好味😈下次去開佐敦再去吃😋😋🥳

朋友幾星期前book位，八個人，分兩枱。入到去老闆熱情過來介紹菜式，心想一定叫我們食貴，後來上菜後先知介紹了好幾個招牌菜，好特別，一般泰國餐廳食唔到的。佢地應該係用心設計過。令我回味有黃金入球，蝦多士，唔知咩炸烏頭魚，飛天菜苗，牛肉炒介蘭。黃金入球係炸蝦丸中間加了鹹蛋黃。蝦多士裏面好似有米餅咁，好脆好大件，唔覺得油膩。嗰個唔知咩炸魚，冇骨嘅魚，上面好多香料酸酸地好好味，飛天菜苗個好野味，辣嘅人就啱晒。牛肉炒芥蘭開頭老細問有冇人食牛，我哋話OK，就叫咗。仲以為好普通嘅餸菜，老細喺度等我哋問好唔好食，牛應該係靚手，入口好似和牛咁嘅感覺，正👍🏽👍🏽老細好好人仲送甜品。事先聲明唔係做妹，一定會帶朋友再嚟食😋😋

朋友介紹話呢間係前觀塘泰上皇開既泰菜，咁就試下啦。先講環境，非常逼夾，連想搵張椅放野都無。服務，非常差，因朋友都好早book位，但黎到係坐路口位，咁同佢講有冇其他位，眼見仲有兩張，佢話好full唔可以轉。食物，生蝦唔新鮮，啲肉係有啲霉。生菜包係完全無惹味感覺。條魚完全唔脆，同係唔新鮮。豬頸肉係好硬，𡁻到個口好攰，炸得太耐先會咁。整體黎講，真係平凡中既平凡，唔明點解會咁多人冒明而來。簡單講，無下次！

這家在佐敦新開的泰國餐廳, 環境寬敞, 除了裝修充滿東南亞風, 侍應大多是泰國人, 感覺更為地道. 最Eye Catching的當然是蔡瀾老先生為餐廳的提字. 菜式方面以地道泰國菜為主, 選擇多元化, 午市除了海南雞飯及豬手飯外, 也有粉麵及咖喱. 今次我點的是墨魚丸魚蛋生牛肉船粉, 湯底比一般船河/麵清, 帶天然甜味, 喝完不會令人口渴. 粉絲吸收了湯的精華, 口感煙韌而不糊化, 感覺同樣不俗.本以為白色是墨魚丸而黃色是魚蛋, 結果是相反. 黃色的墨魚丸炸起, 內裏除了有墨魚蓉也有墨魚粒, 帶鮮味而且口感有層次, 比魚蛋更可喜. 牛肉半生熟, 牛肉味不錯, 比起一般雪藏貨高質. 炸雞翼三隻要三十多元, 質素沒有問題, 外皮香脆肉質還算Juice, 只是和五六十元的粉麵比較, 就有點兒Overprice了.

朋友生日，試下新餐廳先！生蝦好好味，食落口就知新鮮！連個蝦頭都無浪費到，炸到卜卜脆另外叫左個木瓜沙律，我同朋友都覺得唔夠辣，老細超有禮貌，二話不說即刻換個碟比我地！換左之後辣得好過癮！比起九龍城仲好味👍🏾最值得一讚係個老細同員工，feel到老細好有熱誠，員工對每一檯客人都非常友善，知道我朋友生日，仲一齊唱泰文生日歌比我朋友，仲送甜品比我地食！好耐無食過咁好service嘅泰菜！無論食物同服務都非常有質素！加油！希望一路保持到呢個水準👍🏾👍🏾

預早一星期訂了人氣餐廳，佐敦吳松街「泰泰」，一家人開開心心食晚餐。由飲品，頭盤，主菜至甜品，都用心製作，價錢非常合理！最喜愛每道菜都擺設得很精緻，食物又熱又新鮮。老公最喜歡食咖喱蟹，佢話隻蟹炸得好香，好鮮甜。仔仔最愛食黃金入球和豬頸肉，囡囡就比較喜歡飲珍多冰和食甜品, 尤其係椰青糕。而我就比較喜歡食柚子沙律，冬陰功清湯，同埋條魚，連啲配菜都食晒!估唔到四個人（有兩個係小朋友)可以食咁多嘢! 下次會再試吓佢啲炒飯或者炒粉！見到隔離枱叫好香....但已經飽到食唔落。

位於佐敦開嘅泰國菜餐廳，疫情關係無得出街食唯有叫外賣支持下，未試過佢嘅泰式冬蔭公清湯，又幾好味喎，不過我都係偏愛辣，所以我會比較喜歡海鮮冬蔭公多啲🤪泰式青檸燒牛肉都好味，不過始終現場食會再好食好多，但要讚個咖哩炒蟹，我地特登order左膏蟹超多膏，咖哩汁掂薄餅，撈飯超正！老闆超好人仲送甜點俾我地tim!我地6人叫左以下菜式-皇牌咖哩炒蟹-泰式烤酥餅-泰式冬陰功清湯-泰式海鮮冬陰功湯-香葉肉碎炒飯-泰式有子蝦沙律-泰式蝦多士-明爐海賊王-泰式燒雞-椰汁西米糕-原隻芒果糯米飯-泰式粉絲蝦石鍋-泰式青檸燒牛肉

一向都好鍾意食泰國嘢，見到佐敦吳松街開咗新嘅泰國菜 - 泰泰 @thai.thai.restaurant 好快就去試左！(上年11月去食嘅，當時真係新新地㗎😹)不過食完印象唔算太深刻，所以都冇即時分享比大家(о´∀`о)喺佐敦嘅餐廳來講，呢度環境都算幾大，坐得幾舒服。好多店員都係泰國人，好正宗嘅感覺，服務亦都唔錯嘅！整體食物質素普通，唔難食嘅，但我唔會特登再去食(〃ω〃).💫整體體驗 𝐎𝐯𝐞𝐫𝐚𝐥𝐥 𝐄𝐱𝐩𝐞𝐫𝐢𝐞𝐧𝐜𝐞✨食物 𝐟𝐨𝐨𝐝 7.2/10環境 𝐞𝐧𝐯𝐢𝐫𝐨𝐧𝐦𝐞𝐧𝐭 7.8/10服務 𝐬𝐞𝐫𝐯𝐢𝐜𝐞 7.8/10性價比 𝐚𝐟𝐟𝐨𝐫𝐝𝐚𝐛𝐢𝐥𝐢𝐭𝐲 7.5/10回頭率 𝐫𝐞𝐯𝐢𝐬𝐢𝐭 7/10🌟.《泰式金邊粉》$69 🌟7.2/10🌟𝙋𝙝𝙖𝙙 𝙏𝙝𝙖𝙞每一日都有唔同嘅午餐選擇，價錢都算經濟實惠。當日其中一個𝙤𝙥𝙩𝙞𝙤𝙣就係食泰國菜必點嘅𝙋𝙝𝙖𝙙 𝙏𝙝𝙖𝙞！！不過整體就覺得係一個正正常常，嘅炒金邊粉，欠缺鑊氣。酸甜嘅味道亦都可以再重少少🤏.《無骨海南雞飯》$78 🌟7/10🌟𝙃𝙖𝙞𝙣𝙖𝙣𝙚𝙨𝙚 𝘾𝙝𝙞𝙘𝙠𝙚𝙣 𝙍𝙞𝙘𝙚 𝙬𝙞𝙩𝙝 𝙎𝙤𝙪𝙥雞肉唔錯，想口感再正啲的話可以加$15轉

喺佐敦見到一間裝修幾有特色嘅泰國嘢，午市都好熱鬧，喺香港食泰國嘢基本都好少中伏，所以毫不猶豫都入咗去。環境闊落，枱與枱之間唔會好迫，坐得舒服。值得一讚，量體溫個時，手要擺喺部機嘅下面，部機會自動出埋酒精搓手液， 十分方便又衛生睇返午市餐牌，佢嘅選擇比起一般泰國餐廳嘅午市多好多，熱門嘅海南雞飯，咖喱，泰式湯粉，以至比較冷門嘅都會有。我就決定叫一個比較少見嘅酥炸豬扒椰醬麵。其實我都唔係好知咩黎，都係本著一試新嘢嘅心。佢嘅貌相同我想像中都有少少出入，我以為會係撈麵咁，但佢杰到好似糊仔咁，個樣就麻麻，不過食落其實都唔錯，好濃好香嘅椰漿咖喱味，辣辣地，幾惹味不過佢嘅麵係類似米線，但麵質比較稔，加上咁杰身嘅椰醬，好快已經食到有啲漏同飽。另外酥炸豬扒無咩特別，炸得太乾身，好乾好硬午市套餐包飲品，泰式奶茶味道正常，但朋友話檸檬茶就唔OK，因為佢係用返泰式奶茶嘅茶底去整檸檬茶，成件事唔太夾。 除咗飲品都仲會包甜品，係一件泰式糕點，但員工有機會唔記得俾，想食就要問吓員工啦

Very good and nice thai restaurant with super friendly staff! Walked in at about 7-ish today hoping to get a table - the place is always full so please book first - but due to the recent restriction we were so lucky to get a table. Shoutout to the super friendly staff that recommended us the signature dish and yes food is so so good! Had the green curry (very authentic and aromatic) , stir fried morning glory (smells so good and taste even better) and my favourite - deep fried squid cake with sa

相約幾位好姊妹食晚飯，朋友一早訂了枱，這家佐敦新開的泰泰，顧名思義食泰國菜，當然先來泰式活蝦刺身，加上泰式青醬鮮甜醒胃。有別一般店子，廚師將蝦頭炸脆，不單擺盤靚，入口香脆，頗有心思。黃金入球，名字趣緻，原來是用新鮮墨魚滑包著鹹蛋黃蓉再炸至金黃色，切開後造型看似熟蛋，入口外脆內爽彈，加淡淡鹹蛋香，好味喔。目測隔離枱的原隻椰青海鮮冬蔭功很吸引，可惜早利亞吃辣的程度一般，店員提議泰式椰汁雞湯，果然微辣中椰香突出又有雞肉甜味，不錯。泰式青檸燒牛肉，青檸醬汁酸酸辣辣的，牛肉嫩滑，滿口充滿香濃牛肉味，就算早利亞幅相聚焦不當都要比大家睇下牛肉幾粉嫰。半隻泰式海南雞份量不少，雞肉亦相當嫩滑。早利亞覺得泰式粉絲蝦石鍋主角是粉絲，吸盡大蝦精華，口感爽滑，搶了大蝦的風頭。還有清邁酸辣飛天羅非魚及皇牌咖哩炒蟹，配即烤泰式烤酥餅蘸醬汁一流。6人點了8道菜，再加甜品蝶豆花糕、菠蘿糕、椰青糕及芒果糯米飯，好滿足。這晚食得很舒服，店員殷勤友善，食物味道恰到好處，性價比高，過了很開心的一晚。

限食令放寬後與朋友到 佐敦 #泰泰 食好野，店鋪雖不近地鐵站，仍然全店滿座人頭湧湧，逆市奇葩👍上次只係食左午餐，今次夜晚來就叫左唔少海鮮，由主菜到甜品，驚喜滿滿🥰🍊#木瓜沙津拼柚子蝦沙津清新、開胃、柚子鮮甜，一如概往的優質。一碟好既柚子蝦沙津係可以作為主菜，而不是求飽的頭盤🍋#星級泰式青檸燒牛肉鐘意食牛肉既朋友，一定要試下依個菜式，佢地塊肉又彈又嫩，口感一流，調味亦很到位👍🐟#清邁酸辣飛天羅非魚外觀有點似中式松子魚，外脆內嫩，醬汁既辣且甜，又是另一道停唔到口既作品。食到最後記住將骨附近D肉都挑出來食😋🦞#泰皇辣椒膏大虎蝦五隻虎蝦又辣又惹味，如果配白飯可能要無限添飯🤣今次就淨食，飲清甜椰青🥥平衡番🍲#泰式海鮮冬陰功湯冬陰功堅酸辣，亦有不少海鮮配料🥗#馬拉盞炒椰菜苗椰菜苗好嫩，馬拉盞既咸香令依度菜食唔停🥥#椰青椰青一如的清甜，食完一大輪酸辣咸之後，如同清泉🍢#泰式串燒沙爹可能其他菜式太吸引，串燒就顯得很一般，當然可作為下酒菜🥭#原隻芒果糯米飯芒果鮮甜，椰汁香；糯米軟硬恰到好處，微微暖🍮#甜品拼盤不得了，先以外貌謀殺相機鏡頭，再以一貫的清甜、香而不膩虜獲舌頭。有些口感類似大菜糕，當中亦有經典

環境一流，廁所都好乾淨每道菜式都見到老闆用心。由其是老闆創作嘅黃金入球，味道平衡得非常好。而且用料好靚，牛肉食過返尋味，生熟剛好，非常嫩燒雞都係一絕，勁香而且都係好嫩滑甜品味道平衡而且非常精緻