泰泰

營業中

休息中

囡跟朋友來過，十分推介。一個月前想walk in，但已高朋滿座，waiting 都要九時後，所以今次早些訂位，成功入座。因人少，所以要了一個併盤，有他們出名的黃金蛋和黑金蛋，即是蝦滑黑墨魚滑包著旦來炸，特色又美味，魚餅是泰國地道的味道，反而蝦尾多士的蝦有些太乾。冬陰公湯因有人熱氣怕太辣，只点了個少辣，creamy得來海鮮味十足，下次要点中大辣試試。蛋包炒金邊粉，蛋皮不是一次倒落鑊煎成一塊的，是應是將蛋漿慢慢劃在鑊上，所以有條紋出現，再包著酸酸甜甜的Pad thai，可惜pad thai內的豆乾有些硬。酸甜羅非魚是將魚起肉，爆油炸魚再加上甜酸汁，有点似上海的松子魚，但泰式的料同煮法，同樣的啱胃口。來一杯著名的芒椰沙沙，走的時候帶走他們新出品的三色芒果糯米飯旦榚，又靚又好味。印象深的還有熱情的服務，甫坐下便有靚女走來問使唔使介紹一下招牌菜（咁出名，唔使介紹啦！）待應不時主動過來加飲用水，買單時因線路問題未能用信用卡，只能收現金，其實與他們無關，對不起之聲講到我們出門口，禮貌周周，反令我們不好意思。總之，味道，新意，服務都值得推薦。

今晚叫咗青咖哩雞、烤餅、鍋巴、蒜蓉炒通菜，很新鮮，味道好香，青咖哩尤其出色，最後仲有大菜糕甜品送，好有藍精靈嘅感覺。尤喜愛老闆嘅親民，他滿場飛和食客們傾偈、影相，好有賓至如歸的感覺！

去食泰國嘢，又想揀間唔限時嘅去左泰泰平日晚飯都爆滿，好多人，店員服務好有禮貌，又會講解餐牌生蝦沙律正常水平，個汁幾好個魚係店員推介，估唔到泰式炸魚咁好食，炸完唔乾　肉依然好嫩滑，加埋個汁超好食，大家食到得返啲骨　咖喱海鮮焗南瓜呢個比較細個，但個咖哩汁好好食，估唔到咖喱唔一定配薯仔，配南瓜都幾好味最後不得不介紹呢一個芒椰奶冰，而家冇得飲許x山，呢個味道有啲似，但係啲芒果冰係由新鮮芒果打出嚟，加埋啲椰奶真係好好飲喎

順道經過，帶媽咪（泰國人）去食lunch。見餐牌竟然有彩虹粉，好少泰國餐廳有，就點嚟試下，有驚喜。係用大塊河粉，咁先正宗架麻，泰國回憶返哂嚟，而且好多料，高度還原泰國正宗。吹水間同老闆講我們家在泰國賣泰式魚餅，老闆竟然不畏挑戰，叫我試佢嘅自創菜式“魚乒乓”，此菜式本體正是泰式魚餅。Well,合格。保留到泰式魚餅嘅靈魂亦有新鮮感。

生菜包好好味 椰子雞湯都好出色同特別 員工非常之有禮貌 今次有啲意外倒瀉咗嘢 員工即刻幫手而且仲免費補返俾我哋 服務一流好驚喜 絕對會再幫襯員工亦都好熱情 第一次試 好難忘😇😇

今日來到位於佐敦嘅泰泰食個泰式午餐，叫咗一個豬頸肉飯。店內有泰國人招呼你，裝修都幾靚值得打一吓咭，位置闊落舒適幾有空間咁。嘢食方面用金屬盤上枱非常有泰式味道，豬頸肉份量唔錯夠飽肚，特別醬汁甜甜哋幾開胃。飲品我叫咗個檸茶，佢係泰式茶底係另一番風味。唯獨價錢係區內算係上級，尾中不足。

換左部新電話，好有雅興影食物相🖐🏻🥳 Iphone13 Pro 3鏡頭影相真係好靚，好影拍出靚相呀———！🎥🎥掛住家鄉泰國，要食泰菜頂下癮😍🥴呢間位於尖沙咀的泰國菜，午市套餐有配特飲🥂 另可加配小食，而且價位好合理+$28的飛天炒通菜，仲要大大碟❗️好好味😋真心可以encore🤫臨尾叫咗個一口芒果糯米飯🥭芒果好夠甜💛💛老闆仲好好人免費請我地食💖好感謝!當日叫餐（以下價格為午市套餐，晚市請以餐廳餐牌為準）💖泰式炒金邊粉（$69）💖香葉肉碎炒飯（$68）💖黃金入球（$78）💖飛天炒通菜（$59）🤪總結就係：價錢合理、味道又好，午餐的份量無因為價錢相宜而特意扣減😆餐桌夠闊落唔會逼，坐得好舒服，唔會趕客走真正的良心生意❤️下次一定會再去！「泰」好味！❤️

疫情下對外賣要求都期望不大, 朋友介紹吓呢間喜出望外, 最感動係啲嘢份量足, 夠新鮮, 生蝦刺身竟然呢個時候仲會用新鮮蝦做, 仲要自動幫你整埋炸蝦頭送埋俾你.牛肉沙律啲牛好有牛肉味❤️真心抵讚喜出望外的外賣經驗

新正頭出街食 lunch，間間都出特別 menu，價錢翻一翻，見泰泰居然仲有平日嘅午餐 menu，當然第一時間入去幫襯。餐牌上好多嘢都好吸引，多番思考下，最後叫咗炸豬扒椰漿麵，餐飲配熱視帝奶茶（即泰式奶茶）。呢度嘅衛生非常好，除咗提供紙袋裝口罩外，所有餐具又用裝咗熱水嘅杯盛載，值得一讚。椰漿麵雖然面頭有兩大隻辣椒，但其實唔係好辣，反而湯底幾稠，掛麵度高，椰汁味亦非常濃郁，湯入面仲有唔少肉碎同炸蒜粒，令到湯底味道更加豐富，好食👍。另一個驚喜係麵嘅質地非常堅韌，一啲都冇浸腍，勁有咬口。至於炸香茅豬扒質素都唔錯，炸得香脆之餘肉質亦夠 juicy。反而杯奶茶比想像中淡，下次可以試下其他飲品。

好期待老公帶我日食D乜佢話同啲酒肉朋友試過呢間嘢好好味不過佢話今日full booking訂唔到位要等佢call返轉頭睇吓有冇位🥲最後竟然真係有位😆同埋唔知係咪因為同老公食我覺得樣樣都好好味首先嚟個炸皮蛋，再嚟嘅柚子沙律鹹鹹甜甜酸酸咁好正仲有嗰個燒牛肉😋簡直係笑得剛剛好加埋啲蒜片簡直係冇得頂仲有個湯，簡直係飲到底同埋碟菜👍🏻👍🏻咁多味餸雖然佢比下去，但係都好味真係冇介紹錯我要再食多幾次呀

今日又嚟食午餐，叫咗個未試過嘅黃咖哩素食炒米粉加泰式奶茶，再加個椰菜苗同散叫咗個泰泰飛天素魚。可能因為戴口罩聽錯，嚟咗個青咖哩素食炒米🤣，疫情下退相信會直去垃圾桶，所以我哋決定照食，同上次一樣係咁好味😋。個泰泰飛天素魚賣相真係先聲奪人，我哋兩個又冇問下，原來咁大碟😅⋯個素魚真係幾似魚，細細條魚柳炸脆，個汁似係由好多唔同香葉、洋蔥、辣椒「中」過加檸檬汁而撈成咁，酸酸辣辣好似飛咗泰國咁😋。素食入門者或者想減少捕殺嘅朋友就可以試下呢個。份量之大兩個人食咗一半，拎走一半，如果得兩三個人一齊食，可以有半份呢個選擇就好了。

初四先打電話去問真啟市未，應該係老闆本人接電話話已啟市，仲細心問我不如留埋位，早咗10少少去到，老闆話卡位嘅客人應該要趕返office所以2點會走，預咗留俾我，佢話坐住另外一張枱，一陣再轉位，仲交帶另一名員工留意住張枱。後來客人走咗就幫我哋轉咗卡位😊。今日叫咗午市套餐素食青咖哩炒米粉，香葉肉碎炒公仔麵，追加清炒椰菜苗，餐飲要咗兩杯是視帝泰式奶茶，再散叫咗四個泰泰素魚球（專登係為佢而來！），同蒜茸牛油雞翼。實在我孤陋寡聞，我喺其他泰國菜館係冇見過用咖喱汁炒米粉，個米粉炒得好好味，質地唔係星洲米嗰款乾身但又唔係啲汁水淋淋㗎，啲咖喱汁係剛剛好索曬入啲米粉度，係水潤嘅米粉，蔬菜嘅份量亦好夠。香葉肉碎炒公仔麵就鑊氣好夠，啲公仔麵嘅軟硬度亦都控制得好好！清炒椰菜苗個椰菜苗就長大咗少少，雖然唔係咁BB（不過呢種唔係本土嘅蔬菜，從外國進口係難預計啲⋯），以味道同爽脆度係炒得好好。🌟🌟🌟🌟🌟我最期待嘅泰泰素魚球，真係好鬼好味！新豬肉用腐乳醃咗再讓入個反轉嘅豆腐卜，堅係手工菜，反轉咗嘅豆腐卜炸完更鬆脆！因為呢個餸太出色，所以蒜蓉牛油雞翼後來先出場就有啲被比下去😅。泰式奶茶方面，我就覺得唔夠甜，但同行嘅兩位

餐廳為於佐敦深處，都要行一段路。不過，各項菜色的味道都不錯。環境裝飾設計不錯。泰式生蝦刺身。前面的炸蝦頭是可以食的，很脆。泰式拼盤。橙色的那個是炸蝦球，另一個忘記了。值得一提，旁邊的伴菜，炸蛋，也很好吃！青檸燒牛肉。下面的是芥蘭，炒得很入味。牛肉很嫩很入味。炸軟殼蟹，中規中矩，不錯。龍蝦炒粉絲，粉絲很入味。原隻菠蘿海鮮炒飯，和外面的水準差不多，飽肚之選。芒果糯米飯。旁邊的糕點是沒有味道的，必須要點椰漿才好吃。至於糯米飯就很高水準。

星期日晚同男朋友係佐敦Random搵野食～好彩有揀到呢間餐廳黎食咋————————————————————————店內嘅格局😌啱先入去個時比較多人要坐門口位🙀後尾少人d個時老細主動幫我地轉枱😻好niceHehe都算幾多選擇🤣好難揀呀🙀馬拉盞通菜好大碟呀正好食！大蝦粉絲煲好出色男朋友第一次食係咁讚好好食haha雖然佢粉絲個色幾深但又唔鹹喎好好食沙爹串燒牛豬雞各兩串haha又係男朋友係咁話好食嘅菜式haha覺得雞比較好食🥰最後有個細嘅芒果糯米飯正喎又唔會太甜太漏同埋d芒果都好甜😻不過隔離有d食落爽口嘅泰式糕點唔係好知係咩黎🤣整體而言誤打誤撞得黎又好正嘅餐廳D野食好食又大碟😌d服務仲好好！老闆好nice同埋staff都係（睇落似係泰國人黎）最搞笑係黎呢晚有5枱唔知係咪真係有人生日點左蛋糕～佢地幾個仲會同唱泰文生日歌(?)比佢地同幫佢地影相timHaha有趣嘅食飯經驗

之前吃過泰泰的午餐相當不錯, 於是和老友吃其晚飯, 泰泰老闆是誰大家可Google一下, 同樣是由金融業中途轉跑道, 老闆不會強調擴充及系統化, 而是用心煮好其泰國菜, 再在維持其原汁原味加添些新主意, 像是頭盤的炸蛋, 用上墨汁墨魚滑及蝦滑, 內裡核心是流心蛋, 外脆中間彈牙而內裡軟融的多重口感, 是炸蝦餅的進化. 烏頭新鮮去腥充分, 魚油與冬陰功湯結合味道更鮮, 而湯頭的酸辣不會搶走烏頭的鮮味, 更有醒胃和提鮮的作用.基本菜式如咖哩軟殼蟹及海南雞, 也處理得比很多九龍城泰國餐廳出色. 前者軟殼蟹口感香脆而酥香十足, 沒有油膱味. 咖哩看起來柔和, 但吃起來辣勁十足, 以香料味而非椰香味主導, 是我喜歡的類型. 海南雞不算肥但依然肉嫩皮滑, 當中的辣醬辣勁同樣比一般的強, 而且帶有如魚露般的咸香, 味道層次分明, 比起雞本身更有驚喜.