泰斗 (中達大廈)

營業中

休息中

位於尖沙咀海防道呢條人來人往既街道上既一棟商業大廈（中達大廈4樓），位置非常方便就腳，裝潢唔差，特別既係仲有一個小露台，設有二三十個雅座，唔少食客都選擇坐出去，Chill住食泰國菜。泰式鳳爪 ($98 > 特價$68): 咁岩係近期特價菜式之一，更加抵食，份量比想像中多出不少。泰式鳳爪無骨，一口一隻，食落都幾方便。以泰式酸辣醬汁調味，酸酸甜甜之餘，更帶有小辣風味，極之開胃。鹽燒牛舌串 ($38/2串): 串燒當中，我獨愛牛舌，可謂必點之選，$38/2串係日式居酒屋一半價錢。牛舌熟度剛好，帶有豐富肉汁，質感亦爽口彈牙，肉味香濃。而搭配既秘製泰式醬料更係辛香惹味，獨特美味，我一人獨享了三串仍有點想追吃的感覺！泰式辣椒膏炒花甲 ($168): 以泰式辣椒膏、金不換及各種香料調既醬汁都幾香口惹味，與花甲蠻搭配，花甲肉漲卜卜，都幾鮮味。鹹豬肉炒飯: 泰斗既炒飯都唔錯，飯粒夠乾爽，粒粒分明，調味適中，咁既情況應該炒乜都唔錯，視乎自己鍾意食咩口味。而所謂鹹豬肉其實係經鹽醃製既豬腩肉片，炒落都幾有肉香。

首先就係個view超chill特別係戶外個part! 冬天涼涼地幾舒服泰式生蝦每次食泰國菜必嗌！一碟有8隻既生蝦配料有辣椒粒，蒜粒點埋生蝦醬食真係一流！海南雞半隻既海南雞份量已經好多最重要係個口感係勁嫩滑而且係冇骨既！超爽菠蘿海鮮炒飯炒飯堆滿左係菠蘿上面，有海鮮包括蜆，蝦，臘肉等等的再配有肉鬆等等既可以自己加上去，超豐富的！泰式蝦肉金邊粉金邊粉是我的最愛，炒得很彈q手，而且是用蝦肉炒的，海鮮味道帶出了整個鮮味份量都算多的！酸辣青檸明爐魚呢個明爐魚很入味，而且骨不算特別多，很快就ko了一條雖然說是酸辣，但我吃著一點也不辣，反而肉質很鮮嫩不錯

尖沙咀食泰菜嘅選擇唔多估唔到位於尖沙咀中央嘅海防道會有一間隱世嘅泰菜因為佢係樓上鋪平時行過都唔覺眼首先講吓個環境呢度有半露天茶座望出去啱啱就係種滿海防道既大樹🌳唔使望住人來人往嘅街道又唔洗比街上面嘅人望住你食嘢呢個寧靜舒適嘅環境同繁囂嘅尖沙咀形成咗一個強烈嘅對比可惜露天茶座已經坐滿左下次再嚟嘅話一定要book定位椰香紅咖喱配牛肉 $108咖喱嘅份量非常足料無論係牛肉定係野菜都好多香濃嘅咖喱滲出淡淡嘅椰香蒜蓉包 $32為咗食盡啲咖喱汁梗係要嗌返個絕配嘅蒜蓉包即製嘅蒜蓉包食落好脆牛油同蒜蓉嘅香味再加咖喱汁呢個配搭簡直無懈可擊泰式椰青海鮮焗飯 $148呢個焗飯平時食泰菜好少見到鍾意椰子味嘅朋友絕對不能錯過首先呢個飯用咗椰汁🥥炒飯每一粒飯都吸收左椰汁嘅精華所以食咗嘅每一啖都有濃郁嘅椰子味而且飯入面除咗海鮮之外仲有原條啲椰子肉呢個飯可以話盡顯左椰子嘅特色冬陰功明爐魚 $188又想飲冬陰功又想食多啲唔同野嘅話呢個選擇一次過滿足兩個願望因為一個四人份量嘅冬陰功要$148而家只要補多少少錢仲多條魚同事又滿足到我飲冬陰功嘅慾望原條嘅烏頭放咗落冬陰功湯底每一啖魚肉都有冬陰功嘅味而且魚嘅質感非常嫩滑冬陰功亦

✿╮❤╭✿ ✿雜感女生   好味日記✿ ˚*•✰。泰斗．太不同。✰•*˚ ✿✿小資女的Dolce Vita✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤❤2020年第一EAT：泰斗 升官發財@泰斗朋友說最近有間餐廳好多人食 聽說金邊粉不錯，於是今晚就去試試泰斗 位置極近地鐵站，就在尖沙咀海防道 餐廳有半開放式露台座位， 超級大，且可以看到月光幾乎伸手就摸到樹影，非常有氣氛！小食拼盤 蝦餅極有香氣，超彈牙，有鮮蝦肉 春卷脆口，魚肉餅超有泰式風情 而單骨雞亦更是極其香脆泰國餐廳必點！海南雞 (半隻) 份量大大，基本全部去骨 肉質香滑，口感不錯 點些泰式醬汁加薑蓉汁，非常開胃泰式蝦肉炒金邊粉 果然水準高！ 粒粒花生加大蝦 怕辣的朋友大可放心！ 以香甜的茄汁炒香味道一流！草莓、豆腐雪糕 朋友意猶未盡，點了雙色雪糕 草莓夠甜，最令人回味是豆腐味 豆香十足，讚十個！

2019年尾食過泰菜，覺得好回味，所以2020年的第一個星期日也要再食一次泰國菜，所以來到這家樓上的泰國餐館享受下。一踏出升降機門，整廳佔了全層，而且有室內和半開放式空間，十分寫意。我們在用餐之前，先喝下涼浸浸的飲品，他有一貫喜愛的可樂，而我好耐無飲椰青，突然想起便點了啦~蒜蓉包外脆內軟，蒜蓉搽得均勻，十分開胃。手打炸蝦餅非常厚肉，外面鬆脆，裡面暖笠笠，而且肉質彈牙。蒜香軟殻蟹咬落熱呼呼的，味道是非常香的蒜味，而且食落唔會感覺好多油，食完一件又一件。豬頸肉炒飯以為沒有肉，原來是用飯包住豬頸肉，保持到豬頸肉的温度直至放入口，真係好聰明。

去外國旅行好鍾意坐喺啲露天茶座，感覺特別relax，但香港礙於地方所限同空氣污染問題，除左燒烤場都好少有食店有露天位，泰斗雖然喺尖沙咀鬧市，但因為餐廳所處的樓層單位設有平台，所以有一半空間都係露天，趁而家天氣凍凍地就最最啱坐喺露天地方食泰菜，特別有風味。餐廳座位有分室內同室外。Menu菜式選擇都幾豐富，泰式小食、沙律、冬陰功、明爐魚、咖哩、粉麵、甜品都有好多選擇，而且大部份都圖文並茂，夠晒清楚。香茅辣伴蝦沙律 ($148)蝦沙律入面有五六隻蝦，中間仲加左洋蔥、蒜片、芫荽，所以食落幾重香料味，雖然menu入面註明有兩隻辣椒圖案，但唔算太辣，只屬小辣水平，辣辣地幾惹味。冬陰功明爐魚 ($188)坐室外位凍凍地最啱食返個明爐魚，哩度嘅明爐魚除左常見嘅酸辣青檸底之外，仲有冬陰功底，一次過可以又食魚又飲冬陰功湯。泰斗嘅明爐魚同出面差唔多錢，同條烏頭魚就比較大條厚身，下面仲墊左好多粉絲，所以食完都幾飽肚。冬陰功湯酸酸辣辣超惹味！魚肉幾滑，唔會太多骨。粉絲索晒冬陰功啲酸辣味都好正！泰式蝦肉炒金邊粉 ($108)金邊粉份量都幾多，夠兩三個人share食。金邊爐炒得夠鬆，唔會黏埋一舊，味道亦唔會太甜，都

今晚相約好姊妹飯聚、特意選了尖沙咀海防道這間泰斗 - 皆因它有個特大露台、訂了露台的座位、暗暗地頗有情調、而且晚上坐在外面也很清涼。點了個細的小食拼盤$128、 份量一點也不少啊、有香茅雞中翼、魚餅、蝦餅和素春卷各四件。 個人最喜歡魚餅、煎香魚肉爽彈、蘸點甜酸好開胃！蝦餅和雞翼都煎得香脆、幾好食。咖喱南瓜盅$138 以原隻南瓜上、咖喱雞肉唔辣但好香、用來送飯一流、連南瓜蓉也可以刮來吃：）飛天通菜$88 好惹味不過辣了少許。泰式蝦肉炒金邊粉、有不少蝦肉和其他配料、不過略嫌金邊粉有些黏在一起、整體味道還是不錯的。

今晚同老細一行五人去食，之前都已經試過一次，覺得好好味。所以當今晚唔知食咩既時候，就諗起呢間餐廳。今次又再去試，仍然保持高水準，五個人叫左10個菜，不過忘記拍照了。。。。食物方面，食材非常新鮮，上菜速度都好快，每隔一段時間有職員換碟，加水。不過今晚有啲可惜係個蒜茸包太淋。。。。無左博博趣個口感。但整體食物質素都非常好下次都會再去試其他，尤其係燒豬頸肉一定要再食多次，真係好嫩口同好Juice 已經期待下次再去

多謝朋友仔帶我去食泰國菜❤️呢到環境好舒服，一坐低侍應就推介左好冰涼嘅椰青😇食物我地叫左必食既生蝦🦐又大隻又爽甜😋仲有香葉單骨雞翼好香脆喔✨另外都好推介黃咖哩飯飯，佢地雞肉好嫰滑🥰最後仲食埋芒果糯米飯超滿足❤️❤️❤️

同事介紹左呢間食泰國餐廳於是放工後就帶左我地去食呢啲季節去食好好 坐出面涼涼地傾下計好舒服食左軟殼蟹 熱辣辣好正！生蝦 都幾新鮮食泰國野一定要食既！最後甜品收尾好食有下次

露天風味泰菜@尖沙咀落雨天坐喺露台享受泰菜，別有一番風味。依道有個對住九龍公園嘅大露台，景色一片綠油油，真係身處泰國咁！泰式生蝦刺身擺放得好有心機，而且份量可觀，一行四人都夠哂分。每隻蝦都一樣咁大隻，肉質好爽滑，加埋酸汁同蒜片辣椒真係無得彈！泰式小食款式多多，都係點拼盤每樣有啲最好。依道嘅拼盤有四樣嘢：香葉雞中翼、魚餅、蝦餅同素春卷，有分大盤同細盤。蝦餅同素春卷依啲炸嘢好香脆，蝦餅仲真材實料十分彈牙。即叫即燒嘅香燒雞皮香肉嫩，值得等耐少少。依個整法比較少見，好有特色，配咗個泰式辣醬更加惹味呢。炒飯同炒粉麵嘅選擇好多，真係睇到我花多眼亂。最後我點咗個名有趣嘅醉貓炒河，原來係因為加咗啲酒去炒，不過食落無乜酒味。除咗牛肉之外，落咗好多黃椒、紅椒、四季豆同洋蔥一齊炒，好豐富！青咖喱椰汁味道濃啲，相對其他咖喱嚟講無咁辣，大部分人都食到。青咖哩個碗好深，其實入面都幾多豬肉，點蒜蓉包好好食。依個菜炒得幾好，唔會好油咁，鹹魚稍微吊味。芥蘭一啲都唔苦，反而食落新鮮清甜。

同朋友黎左尖沙咀海防道嘅呢間「泰斗」食晚飯，餐廳有半開放式座位，感覺好Chill，適合同朋友暢聚或者家庭聚餐餐牌上嘅選擇都幾多元化，前菜、沙律、串燒、主食、甜品樣樣齊，更有時令生蠔泰式燒豬頸肉原塊豬頸肉燒香後切片，半肥瘦肉的油脂好豐盈，入口微微香脆，好軟腍，感覺唔油膩，豬肉味好濃郁呢！配上秘製醬汁一齊食就更加滋味，適合作為餐前小食鹹肉炒雜菜一片片鹹肉炸香後鹹香惹味，充滿肉香～再加入營養豐富嘅新鮮雜菜炒香，鹹肉吸收左雜菜嘅鮮甜味，雜菜則吸收左鹹肉嘅鹹香味，有提鮮作用，兩者味道好夾香芋雞肉飯雞肉飯被熱騰騰的石鍋盛載著，keep住溫度，冬天食就最啱！個飯好足料，有唔少芋頭同雞肉，雞肉都幾肥美，入口嫩滑，雞味香濃！芋頭就粉粉軟軟的，好當造呢！成個飯嘅口感層次同味道都好豐富，值得推薦熱檸茶最後點左杯清新解膩嘅熱檸檬茶，酸酸甜甜，去除飯後的油膩感

見到環境唔錯又多好評諗住帶女友去食個下午茶可惜有點失望我地點左個紅咖哩牛腩、法包同串燒串燒有牛舌、雞同牛肉感覺好似搽左好多牛油去燒咁好重油味好膩又燒到過左火 有少少乾我同女朋友都未食晏但我哋食左一半就放棄了咖哩牛腩 牛腩味道幾好不過啲肉又係硬倔倔食左幾舊又放棄了但個咖哩汁唔錯 所以叫份法包唔好晒野點知其中有個包烏卒卒嘅我就問個店員點知佢答我 “燒出嚟係咁嫁喎”...我都無咁好氣 ... 心諗咁多件包都正常 係得一件燒到烏卒卒都拎出嚟比客人算啦 食埋正常個啲包埋單無下次🤦🏻‍♂️

在尖沙咀海防道的樓上鋪，位置非常方便。雖然經常經過，但如果不是朋友推薦，我都不知道這𥚃有家泰國餐廳😂環境不錯，挺熱鬧的❣️所點的菜也都很不錯，高質👍🏻牛舌串燒: 挺厚身的牛舌，燒烤味很香，非常好吃小食拼盤: 有4款小吃，都得香口泰式生蝦: 泰國餐廳必點，蝦很厚身也新鮮，配埋醬汁好好味😋椰香青咖喱牛肉: 椰味重，汁也香濃，配上蒜蓉包一流，還特地叫多份薄餅來沾汁非常值得一贊的是服務態度，店員非常有善，我們同行有小朋友，需要用熱水坐熱bb食物，店家很好立即安排了一大碗水給我們，過了會還過來關心夠不夠熱，非常貼心👍🏻

上次去西貢吃泰菜時，得知尖沙咀都有分店，只是名稱不同，今晚便趁空閒來到了。店內分室內和室外，坐在窒外可以感受一下自然的風，感覺舒服。柚子沙律$98，柚子甜甜酸酸，除了柚子肉之外，還有椰絲乾、辣椒、櫻花蝦和腰果，配上泰式酸辣汁，非常開胃。泰嫩海南雞半隻$158，肉質果然嫩滑，個人建議先吃一件不點任何醬汁的雞件，方可以吃到雞味，再跟據個人喜好，點羗蓉或酸辣汁。大頭蝦粉絲煲$268，以鐵煲上，增加了熱騰騰的感覺，廚師以肉碎、香茅、胡椒及芹菜炒香粉絲，再以大頭蝦帶出鮮味，所以粉絲除了胡椒味，還有肉和蝦的鮮味，煙煙靭靭，味道鮮美，個人覺得粉絲才是主角。