泰出色泰國餐廳

營業中

休息中

天后一帶有好多小店，平日夜晚黎到，見到成條街都好多野食，最後都係決定黎泰出色試一試。2個人左半隻燒雞，半打串燒，紅咖哩豬，同埋2杯野飲。燒雞半隻: 味道OK，但唔夠特別，份量比想像中既少。串燒半打: 串燒好似係呢度既招牌菜，可以揀要一打或者半打，呢度好處係可以要雙拼，即係一半雞肉一半豬肉咁。雞同豬都整得好惹味。紅咖哩豬:豬肉口感唔錯，咖哩都算幾惹味，白飯要另叫，可惜食完先知原來佢地有蒜蓉包，早知叫蒜蓉包啦，可以用黎點咖哩汁呀嗎。青檸梳打+ 荔枝梳打: 青檸梳打好好味，好解暑。至於荔枝梳打，有得揀紅色或者白色，我地揀左紅色，有點兒失望，因為藥水味稍為濃左少少。總括黎講呢到既食物都幾OK，特別係咖哩同串燒，真係整得好正宗。至於服務方面都相當唔錯，未試過既朋友真係值得一試。

從來未食過一間咁難食嘅泰國餐廳，炒雜菜D菜係爛嘅又冇味，懷疑D菜擺咗好多日,泰式炒河嘅河粉極少反而菜多過河粉，但菜又係爛容容嘅，海南雞D肉係霉嘅，叫杯凍檸茶少甜佢直頭走甜有冇攪錯呀！強烈不推薦咁嘅餐廳，真係未試過咁嬲！

天后泰國菜選擇唔算好多，而當中試過比較有水準就係呢1間~~雖然餐廳唔算好舒服，但都吸引到我第2度返尋味 XD2個人食， 簡單叫咗個必點嘅青木瓜沙律 同 原隻菠蘿海鮮炒飯個沙律酸酸甜甜辣辣，好開胃，最特別係酸同甜balance 到，加上分量足，2個食真係愈食愈開胃！！開胃菜令我同朋友愈食愈餓，呢個時候個炒飯就真係 fit 爆！同樣係量足，炒飯夠乾身，粒粒飯都分明，very good~~~~yummy

天后一帶食肆臨立，但多以小店為主，想坐得寬敞一點，還是要多行兩間餐廳碰一碰。今次到訪的泰出色，坐處相對上都算上寬敞，店中掛有數件富泰國特色的擺設，來呼應餐廳主題。下午用膳，沒有套餐供應，大家可隨心在主餐牌點菜。一客泰式豬頸肉，肉質腍中富彈性，肉香方面則只屬中規中矩。一碟泰式蒜蓉炒椰菜苗，椰菜苗口感較實身不夠嫩，蒜蓉醬汁口味偏甜。主食泰式蛋包炒飯，主要以醬油調味調色，餸料有海蝦、臘腸、菜粒等等，至愛臘腸比較甜身，菜粒爽實富口感。來一杯芒果沙冰，芒果香濃甜美，沙冰亦見滑身，唔錯！

之前間唔中都會黎試下, 1個月都有1-2次, 今次同事話想食泰式野, 就帶左佢黎事先聲明, 我自己完全唔覺得係泰式餐廳, 因為佢好似東南亞國既野咩都有D咁....我都好耐冇黎, 所以都叫返個以前鍾意食既印尼炒飯, 真係差左, 以前食好惹味, 而家唔香亦冇味, 佢炒唔返以前個飯出黎, 飯比較乾身, "痴" 身D會好D. 旁邊既串燒都係一樣, 食落去冇味另外叫左個泰式金邊粉, 個汁酸酸地都算開胃, 不過炒得唔夠平均, 變左一邊重味, 一邊唔夠味服務態度同之前一樣都唔錯, 不過真係要做返好個廚房先.....

沒錯，呢篇係3月第3篇的泰菜。今個月不停地提議食泰菜，大概我愛上了泰菜，嘻嘻！今次要講講連泰國人都幫襯的泰出色。其實天后都比較多野食揀，我都會來食第二次，因為對呢間所象幾好。其實呢度的員工不是太友善。我地共有五人食，本來諗住先到先攞位，但佢要齊人先可以入坐。如果週末我可以理解，但係我係星期一食，都不會滿坐，這點令我有少少無奈…因為太肚餓了，我地先點了一個小食拼盤，有蝦餅、魚餅、春卷同雞塊。我覺得除左標準的甜酸醬外，點另一個甜醬都好好味呀！柚子沙律酸酸的，好開胃，不過有啲柚子好碎，有啲又冇分開一大舊…整得好hea…蝦不夠新鮮冇乜味。軟殼蟹幾香口，粉漿不多，很酥軟。一開始我地以為係會同咖哩一齊炒，但原來係分開上的。泰式咖哩味道很不錯，微辣的，不過裡面的餸有啲似餸頭餸尾咁，乜餸都有啲囉。在有比較下青咖哩有點失色，因為咖哩冇乜味，汁好稀。牛肉好明顥色得出係唔新鮮。炒通菜好香，通菜夠幼，好嚼口。中和番其他重口味的食物。串燒好似係呢度必點的不過我覺得今次點一打竟然太多了…(最後食唔哂好似好浪費)呢度好在可以雙拼一半雞肉串燒一半豬肉串燒。我不吃雞所以不能評價。豬肉串燒好惹味，我食左兩串，如果唔係太飽

今天吃很久沒吃的泰菜了..呢間久唔久都去食, 水準維持不變. 不過不失啦..冬蔭公湯都係一如以往, 料足, 有幾隻大蝦, 不酸不SPICY, 下次都係要加得.牛肋骨, 好香呢, 好有咬口, my favour!!生蝦新鮮呢, 大隻, 但鮮甜味差小許呢, 不過, 醬汁OK AH炒菜OK啦, 小D油好D..炒貴Diu, 都OK, D粉都算入味, 有好多都只係普通加色..

豬女話好耐無食過泰國餐, 無mud點食過天后既野食, 所以就選左呢間餐廳.不過, 入到去睇到個餐牌, 就發現有好多菜式都有蝦, 所以最後就選左湿炒牛肉河, 雜菜粉絲煲, 酥皮焗咖哩雞先講湿炒牛肉河, 論味道其實好夠味, 但系個牛肉煮得比較老, 相比起個一日狼仔系大牌檔食既河粉, 真心兩個層次, 呢個泰式河欠缺既系锅氣, 同煮既時間, 質素一般.然後黎左雜菜粉絲煲, 原本以為煲應該會熱同滾, 但系黎到既時候, 有一D失望, 不但無熱辣辣既感覺, 真心只系有清炒雜菜之感!到最後黎埋豬女話好想食既酥皮焗咖哩雞, 其實個咖哩汁好豐富, 但小左D個以同埋個咖哩汁一齊食既野, 單單酥皮其實唔系好有飽感…個雞尚算滑同新鮮, 不過要小心D食, 皆因個咖哩汁好難睇到D碎骨食完後埋單感覺以呢個食物質數, $150 per head 既價錢有D over-priced, 想食泰國野都系去番西貢出名食面包咖哩蟹好過啦!

朋友興祝生日食飯，今次選了天后泰出色泰菜，第一次光顧。共7人19:30到達因已訂座所以不須輪候便可入座，門口全是玻璃間格於街上已可看到內裡環境，內裡主要以卡位為主，亦有一張大圓檯，7人坐了6人卡位再加一張細檯併合。店內環境尚算優雅，服務員大部份也是泰國人(外觀)，入坐後店內仍有空檯，到約8時半後入流才出現。開始點菜，每人點一至兩款，1. 泰出色併盤 - 有炸蝦餅/魚餅/香葉包雞/春卷，春卷剛炸起一入口滾燙，差點燙傷，外皮酥脆但內裡味道一般，其他幾樣亦是一般水準。2. 碳燒原隻魷魚筒 - 穩陣菜式，醮上帶酸味醬汁，魷魚燒得剛熟仍有肉汁，好吃。3. 泰式醃生蝦刺身 - 生蝦應該亦是向批發取貨，與其他店差不多，但特別是加上苦瓜配搭較為新鮮。4. 沙爹串燒 - 該店無牛肉串燒只有雞及豬肉，點了半打雞肉，吃入口有點驚喜，燒得剛熟雞肉嫩滑，配上香濃沙爹醬，好吃。5. 沙爹蝦串 - 蝦不算大隻但共有8隻，假肉仍有肉汁不太乾，配以沙爹醬，味道可以。6. 冬蔭功蝦湯 - 其中最期待的一款菜式，內裡多種香料材料豐富蝦亦多，但喝下去覺得椰奶太重，酸味及辣味不足，頗失望。7. 焗酥皮黃咖喱牛腩 - 大大個酥皮

11月之星既生日會係"藍馬"搞，離不開飲酒、擲標、骰盅、唱k等。晚黑成10點先開始，橫店要食飯，就約心地善良既朋友"小狗"食個生日飯喇！靚女密友話"小狗"平日最常食放題、邊邊等。依……似乎泰國菜比較少食喎 ！我提議揀泰菜喇！上OpenRice望下，見到天后有間"泰出色"泰國餐廳，笑臉好多啊 評價內容似乎不俗，"小狗"也讚成，靚女密友二話不說即刻做野！大家準時到達餐廳門口，"泰出色"既裝潢跟出面普遍既泰式餐廳差不多！餐廳內既座位空間感窄小，人多時就明顯地感覺唔多自在 ，唯有大家親密d將就下……聽"小狗"話，男女厠所分隔比較遠，唔知頭知路時，米揾餐飽囉！翻開menu, 勁多款式 ，唔怕 我地七個人咁多，樣樣點d，一定咩都試勻哂……1.生蝦刺身 : 蝦質彈牙爽口，夠鮮甜， 到痺呀！2. 大冬蔭公湯 : 熱鍋興住，熱辣辣。比較多奶，味淡唔夠辣，海鮮蝦夠彈身，又話大鍋既，乜得來4隻蝦 咁少架！3.泰式併盤 : 有春卷，炸得夠脆口。炸蝦餅、炸魚肉餅，d蝦膠魚肉爽口味美。香葉包雞，雞肉香口。4.雞肉串燒 : 點左沙嗲醬既雞肉，肉質超級嫩滑又香口，個個讚 不絕口！5.蝦串燒

打算去甘牌燒鵝，來到的時候以為沒有人龍不用等，殊不知坐在門口的收銀阿姐說今晚所有燒味已經售罄。懷着少許心有不甘，再來到天后的甘飯館，結果店員說訂座已經全滿，今晚不做散客。在附近閒晃，看看有沒有好吃的，最後男友提議吃泰國菜，就順着他。想也沒想，先來一客招牌海南雞飯，轉雞脾需要加$6，這個飯還附送一碗餐湯。雞件一碟有8-10件，師傅給的是胸翼位，雞胸啖啖肉加上滑溜溜的雞皮，都是我的至愛。隨餐附送的湯其實是雞湯，除了撈到有雞件，女7有紅蘿蔔和白蘿蔔，入口很清但帶點胡椒的辣味。另外分開上的白飯其實不是普通白飯，而是淋了椰青水和雞油的飯，所以入口有陣陣椰香，個人喜歡吃飯時拌上一點紅色的專用醬汁，感覺更加香口開胃。吃完有點辣的海南雞醬，呷一口椰青水簡直一流。我們點了一個小窩的蟹肉粟米湯，份量挺多，兩個人每人可以分到2至3碗。湯身跟中式粟米羹很像，但採用的粟米粒的衣很厚，口感不太好。另外，湯的味道甜甜的，看得出有很多蟹肉，但肉質似乎有點鹹鹹霉霉的，感覺不太好。最後一道的燒菠蘿讓我想起心燒食堂，清甜的味道可以清洗味蕾，貫穿菠蘿的竹籤被燒至黑色，拿上手更像炭一樣碎裂，可以想像火力有多猛烈。菠蘿被切成大大

中秋前夕提早一日做節, 家人建議今年食泰菜, 搜尋一番後決定一試位於天后的泰出色, 提早四日打電話去訂座, 千叮萬囑我們周日比較多人, 用餐時間個半鐘, 8點前一定要交台. 也沒問題, 一般食飯1個小時也足夠一行六人準時到達, 門口整潔, 很容易便找到這家店, 店外可以望到店內的Open Kitchen, 大約等待2分鐘便安排入座, 坐下後便放下MENU 及清水首先大蝦柚子沙律，清新開胃, 偏酸, 一客4隻大蝦, 新鮮肉爽, 份量比較少, 每人分一點, 很快便清碟之後來的是馬拉盞炒通菜-微辣夠惹味, 不過不失沙爹串燒(一打) 雞+豬 - 即叫即燒, 肉質不錯, 味道也很好, 但底部燒焦的情況也不少, 整體中上泰式蝦醬炒飯, 原個菠羅海鮮炒飯 - 菠羅海鮮炒飯忘記了拍照, 但2個少飯也是出色之作, 其中泰式蝦醬炒飯比較佳, 兩個也很足料, 菠羅海鮮有尤魚, 蝦, 墨魚等等, 泰式蝦醬炒飯有蝦, 蛋絲, 臘腸, 肉鬆, 濃蝦醬味, 2個份量也很大碳燒豬頸肉 - 肉質淋, 即叫即燒, 不會過火過乾, 提供的醬帶酸辣, 跟豬頸肉也算配合紅咖哩菠蘿炒大蜆 - 　份量很大, 大約有10隻大蜆左右,

朋友生日話要食泰菜，三個人都是在港島區工作，就揀一個中間點啦！上網睇左一輪，就揀左LEE間，BOOK定位就唔洗等喇準時到達，安排左坐卡位睇下有咩食先，我地得三個人又唔係大食怪，所以都唔可以叫得太多，怕浪費麻生蝦刺身~~~有蝦味，蝦肉爽口，個醃醬好味泰式蝦春卷~~~春卷皮厚左D，味道都OK的冬蔭公~~~好味喎！配料都算多，但成鍋只係得兩個蝦蝦紅咖喱蜆蜆~~~味道唔辣的，但咖喱都好番，用蒜蓉包包點D汁又GOOD WOR泰式炒椰菜苗~~~菜菜都好嫰，味道好好喎整體食物都唔錯，座位都幾舒服，但好似人手不太足夠，每次想搵侍應都要等好

如果話香港係一個飲食天堂，我信，因為openrice寫極都未寫得完我過去食過嘅餐廳，crazy,今次我要說說環境乾淨，加上食物有水準的這店串燒黃薑飯串燒工夫不俗，肉味濃，肉質軟，調味醃料不會過鹹，吃完想encore 但眼闊肚窄算把。飯粒分明，但每粒充滿水份。黃薑就是turmeric植物，食多一點都不怕，因為有助消化又抗癌！海鮮喇沙無獅甘是常識吧，無他，來貨貴。 湯底味淡，椰汁味不夠濃，似是用清水溝淡。 不過總的來說，還好。海鮮炒金邊粉顏色吸引，可惜炒功尚欠力度，金邊粉可以再乾身兩度。 海鮮大路青口鮮蝦，新鮮無雪味，加上有青檸鮮香，一絕粉絲雜菜煲香味超勁，菜略為油膩，但粉絲數量驚人。 粉絲炒得很好， 絲絲分明。 味道略單調，可以再多點層次椰青一個字 凍已經可以拿一級榮譽對吧？報告鉛筆！係咁

一個平凡的工作天不平凡的是今天有朋友遠道而來而來結伴食lunch朋友話想泰國菜, 所以係附近隨意挑選左間泰國餐廳鐘情泰菜既我, 諗左好耐決定食蝦醬炒飯好濃蝦醬味, 而唔係咸味!仲有好多配料, 例如蝦, 蛋絲, 臘腸, 肉鬆!好豐富!不過個飯就濕左小小, 如果可以乾身d就更好啦!朋友叫左個海南雞飯朋友話好難食! d海南雞完全冇味!D飯仲同白飯冇分別! 朋友食左兩啖就冇食嚕!每個飯都跟一杯野飲, 冇乜特別因為餐廳係大, 所以唔洗等位,環境同衛生都唔錯, 坐得幾舒服!服務都唔錯!每人55蚊, Lunch唔洗加一! 爽!總括, 蝦醬炒飯可以試下!