泰出色泰國餐廳

營業中

休息中

天氣反常...回暖兩日後溫度又急降...市區都只係得8度...OMG! 臨收工先知道屋企無飯食, 天氣凍...好想打邊爐~就開始試約在附近返工的友人...有人得閒! 不過好學的友人要去炮台山考試, 反正我未收得工, 夜少少無所謂啦! 本小姐其實對炮台山不太熟悉...睇睇O.R.先! 就TARGET了天后的<上品>...友人行過來亦都近~um......知就知一定多人...但我完全低估了上品受歡迎的程度!!! 全店爆滿!!! 要等到9點半先有位...但太凍喇, 就行去附近的泰出色, 食辣野都可以暖暖身吧!! 主要是見到有位不用等~~~友人知道我近排寫食評...好雀躍, 齊齊comment....實行友人口述, 寡人代筆...=o="...好入正題! 雖則凍都叫了泰式醃生蝦刺身 HK$88, 約8隻, 不算很大隻, 肉質不夠爽, 生蝦除了肉質本身, 汁都很重要, 這汁酸而不辣, 亦未算可以帶出蝦的味道, 只屬普通之作! 友人喜歡食菜, 叫了馬拉盞炒椰菜苗 HK$67 (椰菜苗要加$5), 份量算多, 但馬拉盞味道好似不夠, 食落味道不夠濃, 要多次點汁就比較好!之後就是飲完

約好在天后午飯, 近地鐵站的都差唔多食勻晒! 就試一試這一間。店子頗大, 一般泰菜風格。點了海南雞飯, 份量一般, 他說男孩子來說, 可能不夠。海南雞飯的雞味道一般, 飯的雞油不夠。紅咖哩牛飯 - 口感感覺那一點都不像牛, 像豬肉。咖哩尚算惹味。兩杯柑桔密 - 我覺得味道超級濃, 受不了。他還好, 因為他吃慣濃味的。吃時感覺店員趕著收我們的碟, 原來出面有人龍, 最後他們還開口叫我們埋單。吃都吃得不自在, 再回來的機會很微。 

繼續放工搵食系列... 今日好有雅興, 坐幾個站地鐵去天后搵食... 鎖定咗一間泰國菜同一間甜品店...先食泰國菜, 門外搭了棚, 門前有個傳統報紙檔...店外可以望到店內的Open Kitchen...一貫泰式餐廳風格, 擺放了鮮花供奉神明...時間尚早, 店內未有其他客人... 我地有卡位坐之餘仲可以揀位, 緊係坐係隻大帆船側邊啦...好, 睇下餐牌有咩好食先...泰式大蝦金邊粉 $72-- 飯麵唔係應該最遲上嘅咩?!! 居然最早來?!! 金邊粉炒得均勻, 軟硬適中, 少少酸少少甜, 加埋櫻花蝦的鮮, 花生碎的香, 肉質爽脆的大蝦, 整體味道配合得好平衡, 好味, 食幾注就無晒...沙嗲串燒 (豬/雞) 半打 $68-- 豬肉及雞肉各半, 賣相不俗... 先試雞肉, 唔蘸沙嗲醬住, 嗯, 好香喎, 應該用金不換醃過, 面頭有少少青綠色, 肉質柔軟, 少少焦香, 好味呀!!! 再試下蘸埋沙嗲醬, 沙嗲醬好杰身, 花生的香味好強勁, 好味!!! 到豬肉, 都係用金不換醃過, 好香, 肉質柔軟, 少少焦香, 好味!!! 一樣係蘸唔蘸沙嗲醬都咁正!!!焗酥皮青咖喱 (雞/牛腩) $138-

除夕是一家人或情侶慶祝的日子，各餐廳都座無虛席，我因工作的關係晚上9時多才抵達天后，因而有機會與男朋友在這裡共進晚膳。因為食量不多及減緊肥的關係，我們二人只叫了一個炒金邊粉，炸蝦餅，烤雞串及燒牛脷，已經夠飽。餐廳上菜速度快，等了一陣子就能填飽 餓扁的肚子了，而且食物都食熱噴噴的。不過小妹進食速度慢，所以男朋友食完都要坐定定等我！哈哈！食物質數不俗，小妹最喜歡的是烤雞串，不過蝦餅並沒想像中的出色，沒有再重叫的吸引力:-)食完的時候佢地都開始收緊野準備收鋪，可能場內還有8成的客人，所以侍應沒有作出催趕送客的行為，只是收集已經食完的碟，這令我們沒有壓逼感，可以繼續愉快滿祝地去倒數，慶祝除夕！

門口很企理，諗住可以一試。我哋兩個人食，叫咗香茅豬排金邊粉同肉骨茶。失望至極香茅豬排一嚟到，個樣好似浸咗成個世紀咁，外面層皮甩掉，肉質出奇地淋。肉骨茶無葯材味，只有甜味，奇怪至極！唔明點解仲有食評話住間嘢好食。。唔通我哋叫咗佢哋出名難食的食物？？欠些唔記得講，服務都好差。態度唔想做，啲嘢認咗人又唔拎嚟。唔好食，服務差！

話說平時都係lunch會黎呢間食因為尋晚收夜,好肚餓, 呢間又係工司附近, 所以晚餐都係呢間由於食左好幾次,所以想寫少少今次本人叫左2碟泰式大蝦金邊粉泰式鳳爪 先講泰式鳳爪如圖,半碟伴碟, 半碟鳳爪其實我覺得鳳爪份量有點偏少不過鳳爪的大小我就好鍾意,個人喜歡細隻少少的味道有點過辣,但入口都清新,爽口 (所以之後我都撥走哂D辣椒碎先食) 泰式大蝦金邊粉夠大碟。味道不過不失。不過D蝦就真係夠大隻同夠新鮮。可以一試。

天后寶貴的地方，就是它仍然保持了老街坊地方小店的特色，而且水準一點也不差。泰出色是一間熱鬧的餐廳，鋪位不細，但午餐及晚餐都擠滿客人。好：海南雞飯甚好，雞肉不但香，而且就算是雞胸部分亦十分淋，分量亦大。雞油飯香噴噴的，但出奇地少油。冬瓜清湯夠味但沒有味精，飲完不會口渴。泰式醬小辣及少少酸，與雞是很好的配搭。伴碟的酸菜認真地有紅白蘿蔔、青瓜等，濕潤新鮮，十分開胃。午餐是$55連飲品，實惠又份量豐富，比起要$40一個午餐的茶餐廳，泰出色是一個很好的upgrade選擇。晚餐的價錢不同，但依然物有所值。鮮蝦金邊粉乾身不肥膩，酸甜味不過火。中蝦肥肥胖胖的，雖不是游水鮮蝦，但也可以。如喜歡帶甜的咖喱，就可以試馬沙文咖喱牛腩飯。牛腩十分淋及入味，不會像一些餐廳一味靠鹹。可以好些：招呼就很普通了，餐廳環境但茶餐廳侍應水平，櫃面那疑似揸fit人從沒什麼笑容。蝦醬通菜味道濃及鹹，以這餐廳的水準，應該可以做到香的效果。青咖喱雞就認真麻麻，有雪雞味。總的而言，好好味，價錢合理，去完可以再去又再去。

天后一帶午餐選擇不少，不過大部分都不經濟實惠。這𥚃午餐由＄50起，是曰選了泰式札肉拼雞翼金邊粉。金邊粉不夠滑：札肉完全無味道，不知自己在吃什麼：雞翼很大隻，不過浸泡在湯中，皮都糊掉：湯不油膩及夠熱成為唯一可取之處。天后亦有數間泰式餐廳，不過水準都不高。太普通的一個午餐，太普通的一個下午。

中午時間路經此餐廳，門面不錯，又不用等位，便打算放心一試。結果中伏!!!  我們點了蒜蓉炒什菜，泰式炒河，沙嗲半打，飲品兩杯。蒜蓉炒什菜味道普通，比一般細碟。沙嗲半打及飲品正常。泰式炒河的味道沒有試清楚，因食物有問題，必需更換。通知了餐廳職員，他們沒有道歉也沒有賠償，只是建議我們點過另一樣食物。我們另點了泰式炒飯。上菜時已看到炒飯上的蛋包做得很差，而內裡的炒飯很濕，完全不合格。味道, 衛生及服務同樣不濟！！！這是我賞過最差的泰式餐廳經驗....！！！ 

Lunch hour 去食，見到冇咩人咁入去試下啦。同friend 食，叫左金邊粉同海南雞飯。金邊粉個湯冇味，札肉都可以冇味，勁 !!海南雞飯…唉，仲衰過食街邊既切雞飯。一句講晒，永不錄用。

Three of us went there today lunch time. There were lot of tables but the thai cashier man "ordered" us to wait wait and wait. We left after being unattended for a while. Other customers were treated the same and annoyed! Was it discrimination? Funny! We wont go there anymore. I suggest to go to 越南仔 restaurant on the same st. Food better and waiters nicer.For food, we only recommend "hainan chicken rice". The rest not special. 

吃厭了銅鑼灣、旺角、尖沙咀等地區重覆又重覆的餐廳？可以嘗試天后A2出口旁的電氣道食街。“食街” 這個稱號，它絕對當之無愧，短短一條橫越數個路口的街道，已經有數十間小店(非連鎖店)！最近連馳名的“小倆口” 亦搬址到天后這裡來。香港好吃的泰國菜並不多，所以一看到這間佈滿泰國裝飾、又滿座的 “泰出色泰國菜” 立刻決定要試一試。沙爹串燒(半打) 雞+豬各三串 $68 (8/10)燒得一串好的串燒是很有學問的，小妹認為最重要的是生熟要適中，因為這會直接影響到竹籤和肉的分離度，燒的愈好，肉就愈容易從竹籤上咬出來。這裡的串燒是我在香港吃過數一數二好吃的串燒！肉質新鮮彈牙，不但份量十足，而且十分惹味。另外，這裡不會像其他泰國餐廳燒得太焦，又不會燒得不夠，生熟恰到好處。最後，調味方面做的挺好，配上美味的沙嗲醬令人齒頰留香，食到停唔倒口。龍眼梳打(紅) $30(2/10)男友喊著口渴想喝點有氣的飲料，又貪心的想試點新東西，結果是兩隻字－中伏。想喝超甜藥水味紅色液體的朋友，誠意推介這個給你。泰出色海南雞飯 $70 (加$5轉了雞脾) (6.5/10)吃正宗的海南雞飯，先要有滑嫩的雞肉和薄如紙的雞皮，其次，要

食物一點就到，而且大家要訂位，因為間店比較爆，無訂位他不理的……坐位就不錯，店都闊大我們叫了青咖哩，炸蝦餅（超彈牙好食）木瓜沙律，帶辣但唔食辣朋友都吃，就很惹味感覺海南雞半隻《------正常抄貴刃很好味今次我有好好拍照，因為覺得不錯，會再去食

同事生日，lunch 黎左泰出色慶生，這已是一個月內第二次惠顧了。午餐價錢吸引好多，平均$50包野飲。同事要海南雞飯，分量夠曬，有碗雞湯送同事話啲雞好滑，無雪藏味，而我就叫左青咖喱雞飯，好足料，食到尾都仲有雞，$50連一杯野飲，抵，而且食物質素不會差過晚餐。

大約7點到,不是太多人, 因為事前已經做足功課,已經有心水要叫咩'送'', 同朋友商議後決定叫以下的送:::> 蝦醬炒通菜, 好好味,煮得很出色,微辣,而且唔係好油> 豬肉青咖哩 ,有D似我在THAILAND BUY的INSTANTURRY,但都超正,可惜用的不是泰國茄子,而是中式茄子,微辣,豬肉是用新鮮肉>辣肉碎炒飯好正,好入味,色香味都有, >烤餅, 熱辣辣,好好好好食,是脆的,用來點青咖哩真係無得頂>店內員家很主動refill 水,讚>若果價格降低10%會更好