泰出色泰國餐廳

營業中

休息中

今晚見到泰出色有座位，所以就和老婆決定這間店。以前泰出色很多人排隊，現在星期六都沒有爆滿。而且卡座位舒適，所以就決定食泰菜。雖然見到食評差了，不過我想眼見未為真，就親身體驗。門口男店員，態度很好，服務親切餐牌食物普遍貴價，我想點2杯冰凍飲品，一個炒粉絲，一個小食。菠蘿沙冰＄36 非常失望而且不值＄36 賣相已經太普通味道很淡，菠蘿現在很貴嗎?我覺得菠蘿味完全太少，好明顯不夠菠蘿，而且加糖水感覺涼粉椰汁，比較正常＄26 有椰子味，比菠蘿好泰式炒蟹炒粉絲，同餐牌相片有點不同。多了很多椰菜，青椒，蕃茄仔，荷蘭豆? 就是不同感覺。粉絲炒得乾物，沒有一舊舊，條條分開廚師有功夫。見到蛋和蟹肉碎佈滿粉絲，蟹柳絲，味道很好，多菜感覺不差，全碟食清燒雞翼18一隻外脆甜甜地，用蜜糖燒，雞肉很嫩滑，而且雞翼尖都脆。不過要等很久，因為即叫即燒。因為雞翼有BBQ醬醃過，所以夠味，不用點醬可食食物水準都正常，飲品就比較差。價錢偏貴有不值感覺。希望它可以改進一下。

曾經我係天后區工作十多年 ，附近嘅食肆我都食勻曬， 其中泰出色餐廳係我會不停咁 食完又食， 食完又食 因為佢價錢相宜 不太貴 ， 通常收費唔貴嘅情況下我唔會要求服務很好 ， 亦唔會要求食物水準很高今日舊地重遊，當然要再食一次泰出色 ，我叫咗一個肉碎飯(甘多年我都好專一)，咁我老公就食海南雞飯 ，今日個海南雞全部都係雞胸有啲嚡，佢食咗一半佢就唔食，叫咗個海鮮炒可食 ，咁我就叫咗個鳳爪小食( 今日呢個鳳爪小食呢完全冇味，冇酸味冇辣味很失望)，一個炒通菜，至於杯凍檸茶不會太大上落，都是甘上下雖然我而家係失業人士，但都會通街搵嘢食， 希望我下次再嚟，食物水中會改善，留下一個好印象。 因為我都希望佢可以長做長有，雖然佢曾經有一段時間關門大吉，依家係重新再開嘅

一年一度花展，當然要去走一趟，跳出煩囂的生活去欣賞靜與美的一面從维多利亞公園出口向天后方向步行，大概十多分鐘來到這間"泰出色"，門口放着餐牌供食客参考，就這樣，我被它的食物圖片吸引住了。我選擇究竟是錯還是對呢？首先，侍應生帶領我們入座，但帶到半路中途，卻沒有指示那一個座位，侍應生無言地向另一枱食客下單，弄得我們不知所措。當我們得悉座位安排後，卻沒有侍應生給我們遞上餐牌及清水，4個侍應生好像很忙很忙，操着泰國語言的他或她急步地走來走去，厨房煮食爐和洗碗碟互相碰撞的聲音，令整個食店充滿着緊張和噪音，非常討厭從餐牌中點了海南雞飯，配上梳打青檸，希望給我慰藉，點知: 雞冇味兼嚡口，完全似食湯渣D飯亳冇雞油味，每一啖飯都好像硬巴巴的。至於青檸梳打，價值$8，還說是特飲，但又不是大杯D老公點選的鹵汁豬手飯，配檸檬茶$3豬手皮滑，膠質感重，鹵汁不太甜，配上半個鹵蛋，兩小棵菜心，質素尚可接受，檸檬茶容量與那個青檸梳打是一樣的，味道同樣是一般。不知是否這店舖生意只有在花展時才忙碌？看見大部份食客都是捧着盆栽進來，侍應生一時未能適應，所以服務欠奉。若不介意這點，就讓大家看看它的餐牌內容，試一試它究竟賣點是

今日中午來了泰出色午餐，我叫了碟海南雞飯，個油飯好好吃，但雞翼下全是又鞋又實的雞胸，成碟飯只食到雞翼，全都食不下了。我以後也不會再來食。在天后食海南雞飯，我覺得不錯的是去曼谷食，雞肉好滑，連雞胸都食到，即是個廚房煮食有水準啦！北角城市花園酒店入面間沙嗲軒的海南雞飯也不錯👍🏻，可以一試。我老公叫了碟咖喱牛腩飯，他說啲牛腩好實，薯仔多個牛腩，也不見得好食。

大伙兒食泰菜，叫左六樣野，因為餓狼太兇狠，未能全部留下倩影，請各位用點想像力！青咖喱雞最好食既一味餸，只係五分鐘已經淨返碗咖喱汁。。當個白飯黎埋，連汁都無淨。。泰式豬手皮同肉都好稔，皮更係食口即融，膠質豐富。空口食都唔會過鹹。同炭燒豬頸肉相比，豬頸肉係爽同更香口，但比較似小吃，主食都係屬豬手。炒飯配料主要係蔬菜。炒飯本身已經夠鍋氣，非常惹味，飯粒乾身分明不油膩，食完一啖又一啖。飛天通菜有少少蝦膏鹹香，菜青脆而汁香濃，只配白飯都簡單美味。泰色海南雞肉質嫩滑，黃油香而不膩，連雞胸肉都十分粉嫩！即使其他菜式味道濃郁都不失其味！以呢個價位有咁嘅質素實在是無可挑剔了。

晚上行完工展會, 2人提着戰利品入內, 接待的侍應頗體諒我們, 讓我們把大包小包放旁邊未有客的椅上。 我們行了幾個鐘外面一直下毛毛雨；坐位有点窄, 但桌上也放了兩杯暖水,已令人也感覺不錯。可是不錯的服務也不能彌補食物質素差勁的致命傷! 點了海南雞飯和泰式大蝦炒金邊粉, 前者黃薑飯頗香,但有些飯是生骨的, 有些飯卻是爛的, 混在一起；雞肉沒有味道, 不蘸辣汁, 真的毫無味道, 飯和雞都不合格, 盛惠$68 泰式大蝦炒金邊粉只有三隻＂大＂蝦, 感覺又乾又膠； 金邊粉未發透, 幾塊豆腐乾加一些微型蛋絲, 蝦皮,葱, 芽菜和大量油, 糖, 茄汁和醋, .....這樣子未計加一$82! 其實$12也不值 吃剩大半碟, 我也想過帶回家再自己加些其他配料再食, 但麵真的太油了, 欲救無從也太費工夫了！這間餐廳以前我也幫襯過, 印像不錯, 怎知道 現在水準這麼低落, 太失色了

今日嚟到天后，原本唔諗住食泰國嘢，但咁啱有位唔駛排隊就試下啦！冬蔭公味道可以濃少少，但配料好足，魚亦鮮甜咖哩唔係好辣，味道唔錯, 好多料，雞肉都幾嫰滑。roti 就比較油，但好新鮮味道好好，唔怕太咸，又唔怕太油總括食物質素唔錯，可以推介

食物差不在話下，服務態度更差！ 一定唔會再去！ 我們中午時分去叫了一份海南雞飯、印尼炒飯和滷汁豬手飯。 印尼炒飯還可以，但係海南雞飯啲雞完全 好嚡 好靭， 唔好食。鹵水豬手飯的滷水汁唔合格！ 每次叫服務員就做嘢，佢一定會畀返啲說話你聽，真係食到一肚氣

同屋企人去天后找朋友，之後一家人去吃晚飯。本來打算到「甘飯館」或 「食得好」，可惜2店都爆滿，而屋企人又肚餓，所以就到了「泰出色」晚飯。由於已搬出去住多年，特別珍惜同屋企人聚會，平的貴的我來請客都不緊要，最緊要屋企人開開心心。可惜，來到這間餐廳食飯令到全家人一肚氣，嬲爆! 真的超後悔帶住屋企人來到這裡用膳。事源，入座後我去洗手間，一出洗手間，有位身穿工業圍裙，全圍裙濕晒的嬸嬸撞向我，我退後叫她，她好像聽不到，踩了我2腳後，她才反應過來，帶我的衣服已被她沾濕，白色的鞋也被踩污糟。就當是自己倒霉吧! 人家工作那麼辛苦。回到座位，我們叫了5款菜式，加1杯3色冰及HK$22泰象生啤(細)。因為這裡的泰象啤酒有樽裝和生啤裝，我地肯肯定說明要HK$22泰象生啤的那款，侍應手寫啤也寫了"22"。食物都來到了，3色冰也到~ 吃了一會，生啤還未到。就向侍應詢問。侍應沒有回答就走開，幾分鐘後那著樽裝啤酒和玻璃杯回來。當然跟她再說1次我們要的是生啤的那款。她目露凶光的望住我，再望我的家人，最少十多秒! 我們已經覺得很過份了!最過份是她走回落單機，再拿著同一樽啤酒走到我們對面的一張台，然後拎轉身眼厲向我們大聲

有史以來最難吃的laksa! 沒有laksa的味道，只喝到淸水的味道！想廚房可能忘了加laksa paste, 所以叫服務員拿回去給廚房加工，回來變成辣椒味的水！那就完事了！！有叫其他食物，豬腳還可以，雞肉豬扎肉還OK，咖哩牛腩味道還OK但牛肉太乾太老了！還點了一個炒金邊粉外帶，回家老婆一吃又出事了！基本上是番茄醬加檸檬汁炒出來的怪東西！最意想不到的就是連椰青也不新鮮！至於服務方面，感覺上茶餐廳服務還比較好！環境是唯一拿到好分數，店裡空間寬敞，座位合理，衛生程度完全合理。唉！就這樣丟了$315元了！不會有下次了

今晚約左姑姐一家食飯，唸左好耐都唔知食咩好，最終都係決定食泰國菜。於是就搜索下酒店附近有邊間泰國餐廳選擇，最後就決定尼間「泰出色泰國餐廳」。點左几款平時去餐廳都會叫既菜式豬頸肉我腍，醃得好入味，撈埋酸辣汁同沙律菜一齊食，好開胃，但略嫌魚露加太多，偏咸。蝦餅大大件，脆卜卜，爽口彈牙，岩曬鍾意食蝦既我，啖啖肉。鳥頭魚冇泥味，加埋啲酸甜汁、肉碎、椰菜、粉絲，好醒胃。椰菜苗爽囗，加埋咸肉一齊炒，好惹味，但略嫌椰菜有少許苦澀味。雜菜煲，咸淡適中。豬手炆得好入味好腍，食落口有陣陣滷水香味。但因為炆得太耐太腍，賣相唔係太好。味道適中，咸淡得宜，但麵條炒得太濕，麵身大軟，唔夠乾身。落左好多海鮮一齊炒，食落口甜甜地總括而言，食物份量多，味道偏濃，個人認為食物煮得有點過火，導致食落口，質感不太好。

今日同我既男人諗左好耐唔知食咩好，終於揀左泰國菜食 ！食泰國菜通常都會叫炸蝦餅食，今日不如試下食第二款，炸蝦春卷，熱辣辣，正！男人食到尾吐左一半出黎，話有陣(壓)味，到我食到尾都覺得好(壓),於是同侍應姐姐反應，佢即刻話取消張單，叫我地揀過第二款菜！最終都係揀返蝦餅，蝦餅無咩蝦味，粉多，不過不失！飛天通菜，通菜爽口，辣辣地好開胃！鹽燒爐魚，魚肚放左香茅 南薑 九層塔 ，魚肉嫩滑，淡淡香料味，配上辣醬，食唔停口！

食物: 味道可以，但唔係特別好食亦唔算差。份量:份量可以既，叫咗個二人餐，食完都幾飽，不過唔鍾意佢本身包果個甜品所以另外加咗個芒果糯米飯，食埋好飽。環境:幾好坐既，好多卡位，不過近門口個啲卡位超級熱，因為對大門成日有人入嚟，熱風不斷入，好在去個陣唔多人可以轉位坐入啲，風口位涼好多，不過後期愈嚟愈多人就覺得中等唔熱唔凍。服務:無乜特別，唔差亦唔係特別好。價錢:普通，依家泰國野貴咗好多，呢間野通脹都唔算多，但亦唔係特別抵食。

香辣碎炒飯~好多餐廳都有~味道都唔錯值得一讚係好似改良左無禁辣~更易入口🕵️肉骨茶泰國餐廳竟然有呢樣野~一於試下🤗但係中伏之選😑我朋友形容得好岩~好鹹既豬肉湯無藥材味~差!!生蝦~無咩特別，中中地啦係環境真係幾好~坐得適服

今天試食下天后食街既泰國菜。点了媽媽最喜愛的咖喱蟹。老公喜愛的泰式拼盤及炒金邊粉。我喜愛既冬陰公。全家人都很滿意各樣美食。不過薄餅好似少咗啲。只有4小塊。唔夠食晒啲咖喱汁。要再叫多一客薄餅